ခြေသည်းလက်သည်းကျိုးပြီဆို ဖြစ်ဖြစ်ချင်း ဘာတွေ လုပ်သင့်လဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

မတော်တဆထိခိုက်မိပြီး  ခြေသည်း လက်သည်းကျိုးတာလက်သည်းခြေသည်း ကျွတ်ထွက်သွားတာတွေက ပတ်ဝန်းကျင်မှာ လူတွေပြောနေကျ ဖြစ်နေကျဖြစ်တဲ့ အရာတစ်ခုပါ။ ခြေသည်းကျိုးသွားတာက တော်ပါသေးတယ်။ ကျွတ်ထွက်သွားပြီဆိုရင်တော့ ပေါ့ပေါ့ဆဆနေလို့ မရတော့ပါဘူး။ သွေးတွေလည်း အများကြီးထွက်၊ နာလည်းနာ၊ ကြည့်ရတာလည်း ရုပ်ဆိုးသွားပါတယ် ။ ဘယ်သူမှတော့ မဖြစ်ချင်ကြပေမယ့် ဖြစ်လာပြီဆိုရင် ပိုပြီးဆိုးမသွားအောင် ကုသဖို့၊ဂရုစိုက်ဖို့တော့ လိုတယ်လေ။ ဒါကြောင့် ခြေသည်း လက်သည်း ကျိုးပြီ ပြုတ်ထွက်သွားပြီဆို ဖြစ်ဖြစ်ချင်း လုပ်ဆောင်ရမယ့် နည်းများကို ပြောပြချင်ပါတယ်။

အနာကို သန့်စင်အောင်ရေနှင့်ဆေးပါ။  ။

ခြေသည်းလက်သည်းဆိုတာ ဒီအတိုင်းတော့ မပြုတ်ထွက်ဘူးလေ။ အရင်ကောင်းနေတာကနေ ထိမိခိုက်မိတဲ့ ဒဏ်ရာတစ်ခုခုကြောင့်ပဲ ပြုတ်ထွက်သွားတတ်လို့ သွေးကတော့ စတင် ထွက်လာပါလိမ့်မယ်။ ထိခိုက်မိလို့ သွေးစတင်ထွက်လာပြီဆို အနာဖြစ်သွားပြီလို့ပြောလို့ရပါပြီ။ ဒါကြောင့် ထိခိုက်မိတာဖြစ်ပြီးပြီးချင်း အနာကို ရေဆေးပါ။ ဒါမှသာ ကပ်နေတဲ့ ဖုန်တွေ၊ သဲတွေ၊ သွေးတွေ ရောဂါပိုးတွေ အားလုံး သန့်စင်သွားမှာဖြစ်ပါတယ်။

ပိုးသတ်ဆေး တစ်ခုခုထည့်ပါ။  ။

ရေဆေးပြီးပြီဆို ပိုးသတ်ရပါတော့မယ်။ ထိခိုက် ဒဏ်ရာ အနာတစ်ခုခုဖြစ်တယ်ဆို အနာမရင်းအောင်၊ ပိုးသေအောင် အရက်ပြန်ထည့်ရပါတယ်။ တော်တော်များများကတော့ အရက်ပြန်ဆို စပ်လွန်းလို့ကြောက်ကြပြီး မထည့်တာကများပါတယ်။ အရက်ပြန်မသုံးချင်ရင် အရက်ပြန်အစား သုံးလို့ရတဲ့  တင်ချာဆေး အနီတွေ လည်းရှိပါတယ်။ စပ်မှာ ကြောက်လို့ ဘာမှ မထည့်ဘဲ နေလိုက်ရင် အနာပိုးဝင်သွားပြီး ပိုဆိုးသွားတတ်လို့ပါ။

ပတ်တီး ဖြစ်ဖြစ်၊ အနာကပ်ပလာစတာ ဖြစ်ဖြစ် တစ်ခုခု ကပ်ထားပေးပါ။

ပတ်ဝန်းကျင်မှာ မမြင်ရတဲ့ ပိုးမွှားတွေ၊ ဖုန်တွေ ရှိနေနိုင်ပါတယ်။ အမြဲတမ်းသွားလာလှုပ်ရှားနေရတဲ့ လူတစ်ယောက်အနေနဲ့ ထိခိုက်တာ တစ်ခုခုဖြစ်ပြီဆို ထိုပိုးမွှားတွေကနေ ကာကွယ်ဖို့အတွက် အနာနဲ့ ပတ်ဝန်းကျင်ကြားမှာ အတားအဆီး တစ်ခုထားဖို့ လိုပါလိမ့်မယ်။။ ဒါကြောင့် အနာပိုးဝင်ခြင်းကို ကာကွယ်ဖို့ အတွက် အနာကိုပတ်တီးစည်းပေးတာမျိုး၊ အနာကပ်ပလာစတာ ကပ်ပေးတာမျိုး လုပ်သင့်ပါတယ်။

အနာကပ်ပလာစတာ၊ ပတ်တီးများကို တစ်နေ့တစ်ခါ လဲပါ။

ပလာစတာကပ်တိုင်းကောင်းတယ်ဆိုပြီး အနာကပ်ပလာစတာများ၊ ပတ်တီးများကို ၂၄ နာရီ လုံးလုံး အနာပေါ်တွင် ကပ်ထားခြင်းမျိုးကို မလုပ်သင့်ပါ။ တစ်ချိန်လုံးကပ်ထားမယ်ဆို အနာနဲ့ အောက်စီဂျင် မထိတွေ့နိုင်တော့ဘဲ အောက်စီဂျင် မရှိရင် အသက်ရှင်နိုင်တဲ့ ပိုးမွှားတွေ ထကြွသောင်းကျန်းလာနိုင်လို့ဖြစ်ပါတယ်။ ဒါကြောင့် အပြင်သွားရင် အနာကို ကာကွယ်ဖို့ ပလာစတာတွေ ကပ်သင့်ပြီး အိမ်မှာနေတဲ့အချိန်၊ အိပ်တဲ့ အချိန်တွေမှာ အနာနဲ့အောက်ဆီဂျင် ထိအောင်လို့ ပလာစတာတွေကို ခွာထားသင့်ပါတယ်။ အနည်းဆုံး တစ်နေ့ တစ်ခါလောက်တော့  ပလာစတာ အသစ်လဲသင့်ပါတယ်။

မေးခိုင်ကာကွယ်ဆေးထိုးပါ။

ထိခိုက်ဒဏ်ရာ တစ်ခုခုဖြစ်ပြီဆို မေးခိုင်ပိုးဝင်ခြင်းကနေ ကာကွယ်နိုင်ဖို့အတွက် အကောင်းဆုံးက မေးခိုင်ရောဂါပိုး ကာကွယ်ဆေး ထိုးခြင်းဖြစ်ပါတယ်။ မဖြစ်ခင် ကြိုတင်ကာကွယ်ခြင်းကသာ အကောင်းဆုံးဖြစ်လို့ မပေါ့ဆသင့်ပါ။ ဒဏ်ရာရပြီးပြီးချင်း မေးခိုင်ရောဂါပိုးကာကွယ်ဆေးထိုးသင့်ပါတယ်။

ဆေးများ လိုအပ်လျှင်သောက်ပါ။

အနာကြောင့် ကိုယ်ပူလာတာ၊ အနာရောင်လာတာနဲ့   နာကျင်ကိုက်ခဲတာတွေဖြစ်ပါက ဆရာဝန် နှင့် တိုင်ပင်ပြီးတော့ လိုအပ်ရင် ဆေးတွေသောက်သင့်ပါတယ်။

ဒါတွေကတော့ လက်သည်းခြေသည်း ကျိုးပြီ၊ ကျွတ်ထွက်သွားပြီဆို ဖြစ်ဖြစ်ချင်း လုပ်သင့်တဲ့ အရာတွေပဲဖြစ်ပါတယ်။ လက်သည်းခြေသည်း ဖြစ်တာသေးသေးလေးပဲဆိုပြီး ပေါ့ဆမနေဘဲ  အနာကိုသန့်ရှင်းအောင်ထားမယ် သေချာဂရုစိုက်ပေးမယ်ဆို နောက်ဆက်တွဲ ဖြစ်လာမယ့် ပိုးဝင်တာတွေ၊ အနာရင်းတာတွေကိုပါ ကာကွယ်ပြီးသားဖြစ်မှာပါ။ ခြေသည်းလက်သည်း အသစ်တွေ မြန်မြန်ထွက်လာအောင်၊ ထွက်လာတဲ့ ခြေသည်းအသစ်လေးတွေကို သန်မာအောင်လို့ သင့်တော်တဲ့ အစားအစာတွေကိုလည်း ရွေးချယ်စားသောက်ဖို့ လိုလိမ့်မယ်နော်။   ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Read also:

မျှဝေမည်

တည်းဖြတ်သည့်နေ့ စကျတငျဘာ 13, 2018 | နောက်ဆုံးတည်းဖြတ်ခြင်း စကျတငျဘာ 13, 2018

ဘ၀ကို အကောင်းဆုံး နေထိုင်လိုပါသလား
ကျန်းမာခြင်းနည်းလမ်းများ နဲ့ နောက်ဆုံးပေါ် အချက်အလက်များသိရှိဖို့ အတွက် Hello Sayarwon နေ့ စဉ် သတင်းစာကို ရယူလိုက်ပါ
ပုံစံတူသောဆောင်းပါးများ
ထိခိုက်ဒဏ်ရာစောင့်ရှောက်မှုနဲ့ပတ်သက်လို့ လုပ်မိနေကြတဲ့ အလွဲလေးများ
လေ့လာမည်, သူများကိုကူညီမည်
ထိခိုက်ဒဏ်ရာစောင့်ရှောက်မှုနဲ့ပတ်သက်လို့ လုပ်မိနေကြတဲ့ အလွဲလေးများ
ထိခိုက်ဒဏ်ရာနဲ့ မေးခိုင်အန္တရာယ်
လေ့လာမည်, သူများကိုကူညီမည်
ထိခိုက်ဒဏ်ရာနဲ့ မေးခိုင်အန္တရာယ်
ဦးခေါင်းမှာ ထိခိုက်ဒဏ်ရာရခဲ့ရင် ဂရုစိုက်ရမယ့်အချက်များ
လေ့လာမည်, သူများကိုကူညီမည်
ဦးခေါင်းမှာ ထိခိုက်ဒဏ်ရာရခဲ့ရင် ဂရုစိုက်ရမယ့်အချက်များ
နှုတ်ခမ်းတဝိုက် မတော်တဆထိခိုက်မိခဲ့ရင်
လေ့လာမည်, သူများကိုကူညီမည်
နှုတ်ခမ်းတဝိုက် မတော်တဆထိခိုက်မိခဲ့ရင်
သင်ဒါလည်း နှစ်သက်နိုင်ပါတယ်။