သင့်အသားအရေမှာ ရေဓာတ်ခမ်းခြောက်တဲ့အခါ ဘာတွေဖြစ်လာမှာလဲ

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

သင့်အရေပြားအကြောင်း ဘာတွေသိထားသလဲ။သင့်အရေပြားမှာ ရေဓာတ်လုံလုံလောက်လောက် ရှိနေရဲ့လား။ရေဓာတ်ခမ်းခြောက်ရင် ဘာလုပ်ရမလဲ။

ဒီဆောင်းပါးလေးဟာ အဆိုပါ မေးခွန်းတွေကို အတိုင်းအတာတခုထိ ဖြေပေးနိုင်ပါလိမ့်မယ်။

ရေဓာတ်ခမ်းခြောက်နေတဲ့ အသားအရေဆိုတာဘာလဲ။

အသားအရေမှာ ရေဓာတ်ခမ်းခြောက်ခြင်းဟာ ထူးခြားပြီး ဖြစ်လေ့ဖြစ်ထမရှိတဲ့ အရေပြားဆိုင်ရာ အခြေအနေတခုဖြစ်ပြီး ပတ်ဝန်းကျင်ကြောင့် အဓိက ဖြစ်ပေါ်လာနိုင်ပါတယ်။

ဒီအခြေအနေမှာဆိုရင် သင့်အရေပြားဟာ ရေဓာတ်မရှိတော့ဘဲ အဆီတွေကိုတော့ ထုတ်လုပ်နိုင်ပါသေးတယ်။ဒါကြောင့် သင့်အသားအရေဟာ အဆီပြန်တဲ့နေရာကပြန်၊ခြောက်တဲ့ နေရာက ခြောက်နဲ့ ဖြစ်နေပါလိမ့်မယ် (နဖူး၊နှာခေါင်း၊မေးစေ့ စတဲ့ နေရာတွေမှာ အဆီတွေများပြားပြီး ပါးနေရာတွေမှာတော့ ခြောက်သွေ့နေပါလိမ့်မယ်)။ဒီလို အသားအရေမျိုးဟာ ဆောင်းတွင်းမှာ ဖြစ်ပေါ်လာလေ့ရှိပါတယ်။

ရေဓာတ်ခမ်းခြောက်တဲ့ အသားအရေဟာ ပျက်စီးလွယ်တာကြောင့် အရေးအကြောင်းတွေလည်း အလွယ်တကူ ပေါ်ပေါက်လာနိုင်ပါတယ်။သင့်အနေနဲ့ မှန်ဘီလူးကို သုံးပြီး အနီးကပ်ကြည့်မယ်ဆိုရင် ရေဓာတ်ခမ်းခြောက်နေတဲ့ အရေပြားနေရာမှာ တြိဂံပုံစံအရေးကြောင်းအသေးလေးတွေကို တွေ့မြင်ရလေ့ရှိပါတယ်။

အရေပြား ရေဓာတ်ခမ်းခြောက်တာဟာ အဆီပြန်တတ်တဲ့ အသားအရေပိုင်ရှင်တွေနဲ့ ဝက်ခြံပေါက်လေ့ရှိသူတွေမှာ အင်မတန် အဖြစ်များပါတယ်။

အသားအရေမှာ ရေဓာတ်ခမ်းခြောက်ခြင်းကို ဘယ်လိုကုသမလဲ။

မှန်ကန်သင့်တော်တဲ့ ကုသမှုနည်းလမ်းကို ရွေးချယ်နိုင်ဖို့အတွက် အရေးကြီးဆုံးအချက်ကတော့ ခြောက်သွေ့တဲ့ အသားအရေနဲ့ ရေဓာတ်ခမ်းခြောက်တဲ့ အသားအရေကို တိတိကျကျ ခွဲခြားသိဖို့ပဲ ဖြစ်ပါတယ်။ရေဓာတ်ခမ်းခြောက်တဲ့ အသားအရေကို ပြန်လည်ပြုပြင်ဖို့အတွက် အဆီဓာတ်ပါဝင်တဲ့ အလှကုန်ပစ္စည်းတွေကို သုံးစွဲဖို့မလိုဘဲ ရေဓာတ်ကိုသာ ပြန်လည်ဖြည့်တင်းပေးဖို့ လိုအပ်ပါတယ်။

ဒါမှသာ အရေပြားမှာရှိတဲ့ အဆီဓာတ် နဲ့ ရေဓာတ်မျှတသွားမှာ ဖြစ်ပါတယ်။ရေဓာတ်ခမ်းခြောက်တဲ့ အသားအရေပိုင်ရှင်အများအပြားဟာ တန်ဖိုးကြီး လိုးရှင်းတွေ၊ခရင်မ်တွေ လိမ်းသည့်တိုင် အသားအရေဟာ မူလအတိုင်းပြန်ကောင်းမလာဘဲ ပိုခြောက်၊ပိုပါးလာတာကိုသာ တွေ့ကြရပါတယ်။

ဒါကြောင့် ရေဓာတ်ခမ်းခြောက်နေတဲ့ အသားအရေကို ပြန်လည်ကောင်းမွန်အောင် ပြုလုပ်ပေးနိုင်တဲ့ အချက်လေးတွေကို အောက်မှာ ဖော်ပြပေးထားပါတယ်။

၁။ ရေဓာတ်ခမ်းခြောက်တဲ့ အသားအရေအတွက် Hyaluronic Glycerin Acid, Sodium PCA, Sorbitol, Allantoin, နဲ့ Propylene Glycol တို့ပါဝင်တဲ့ အစိုဓာတ်ထိန်းပစ္စည်းတွေ (moisturizer)ကို အသုံးပြုဖို့ လိုအပ်မှာ ဖြစ်ပါတယ်။အဆိုပါ ပါဝင်ပစ္စည်းတွေဟာ ပတ်ဝန်းကျင်က ရေဓာတ်တွေကို အရေပြားထဲ စုပ်ယူစိမ့်ဝင်စေတဲ့အတွက် အသားအရေကို နူးညံ့စေပါတယ်။

၂။  T area လို့ခေါ်တဲ့ နဖူး၊နှာခေါင်းနဲ့ မေးစေ့နေရာတွေအတွက် သင့်တော်မယ့် မျက်နှာလိမ်းရည် serum ကို ရွေးချယ်သုံးစွဲပါ။အသားအရေ အေးမြလန်းဆန်းနေတဲ့ နွေရာသီမှာ serum ကို မသုံးစွဲလည်း ရပေမယ့် ဆောင်းတွင်းမှာတော့ အဆိုပါ နေရာတွေမှာ ရေဓာတ်ခမ်းခြောက်မှု ဆိုးဆိုးရွားရွား ဖြစ်ပေါ်လာနိုင်တာမို့ ရေဓာတ်ကိုအခြေခံထားပြီး အဆီလုံးဝမပါရှိတဲ့ serum ကို (moisturizer မလိမ်းခင်မှာ) လိမ်းပေးရပါမယ်။

၃။ရေဓာတ်ခမ်းခြောက်နေပြီး အဆီဓာတ်တော့ ရှိနေသေးတဲ့ အသားအရေအတွက် moisturizer နှစ်မျိုး အသုံးပြုသင့်ပါတယ်။တမျိုးက အဆီမပါသလောက်ဖြစ်တဲ့ ညလိမ်းmoisturizer ဖြစ်ပြီး T zone(နဖူး၊နှာခေါင်း၊မေးစေ့)ကို လိမ်းပေးရမှာဖြစ်ကာ နောက်တမျိုးကတော့ မျက်နှာပေါ်က ခြောက်ကပ်နေတဲ့ အရေပြားနေရာတွေ (ပါးပြင်ပေါ်)ကို လိမ်းပေးရမှာ ဖြစ်ပါတယ်။

၎။T zone(နဖူး၊နှာခေါင်း၊မေးစေ့) ကို အဆီဓာတ်ဖယ်ရှားစုပ်ယူပေးတဲ့ တစ်ရှူးစလေးတွေနဲ့ အသာအယာ ပွတ်ပေး၊တို့ပေးနိုင်ပါတယ်။

ရေဓာတ်ခမ်းခြောက်နေတဲ့ သင့်ရဲ့အသားအရေကို နေ့စဉ်ဘယ်လိုထိန်းသိမ်းမလဲ။

  • မျက်နှာဆေးကြောသန့်စင်ပြီးတဲ့အခါ စက္ကန့်၆၀ထက်ပိုပြီး မျက်နှာပြောင်နဲ့ ဘယ်တော့မှမနေဘဲ toner၊အယ်လ်ကိုဟော ဒါမှမဟုတ် serum အရည် စတာတွေကို အမြန်လိမ်းထားရပါမယ်။မျက်နှာပြောင်နဲ့ တမိနစ်ထက်ပိုပြီးနေမိရင် သင့်မျက်နှာအသားအရေဟာ စတင်ပြီး ရေဓာတ်ခမ်းခြောက်လာမှာဖြစ်ကာ သင့်အရေပြားပေါ်က အစိုဓာတ်ကို လေထုက စုပ်ယူဖယ်ရှားသွားမှာပဲ ဖြစ်ပါတယ်။
  • လူအများအပြားဟာ scrubs ကြမ်းကြမ်းတွေကို သုံးပြီး ဂျီးချွတ်သန့်စင်တာမျိုးကို ပြုလုပ်လေ့ရှိကြပါတယ်။ဘာလို့လဲဆိုတော့ ဒီလိုလုပ်တာဟာ မျက်နှာလေးတင်းရင်းသွားတဲ့ ခံစားချက်ကိုရရှိပြီး တကယ်ကို သန့်စင်ပြောင်လက်သွားတယ်လို့ ယူဆကြလို့ပဲ ဖြစ်ပါတယ်။ဒါဟာ မှားယွင်းတဲ့ အယူအဆဖြစ်ပါတယ်။ပြင်းထန်စွာ ပွတ်တိုက်ဂျီးချွတ်ခြင်းဟာ ရေဓာတ်ခမ်းခြောက်တာနဲ့ အရေပြားနီရဲရောင်ရမ်းတာတွေကို ဖြစ်စေနိုင်တဲ့အတွက် scrubs အကြမ်းစားတွေကို သုံးမယ့်အစား detergent အပျော့စားကိုပဲ သုံးစွဲပါ။တကယ်လို့ သင်ဟာ clarisonic cleanser လို့ခေါ်တဲ့ မျက်နှာသန့်စင်စက်လေးကို ဂျီးချွတ်ခြင်းနဲ့ ပေါင်းစပ်သုံးစွဲမယ်ဆိုရင် စက်ကို နှစ်ရက်တခါလောက် အသုံးပြုရမှာဖြစ်ပြီး ဂျီးချွတ်တာကိုတော့ နှစ်ပတ်မှ တခါ ပြုလုပ်ရမှာ ဖြစ်ပါတယ်။
  •  Laureth Sulfate Sodium ဒါမှမဟုတ် Ammonium Sulfate Laureth တို့ပါဝင်တဲ့ အသားအရေထိန်းသိမ်းမှုပစ္စည်းတွေကို လုံးဝရှောင်ကျဉ်ပါ။အဆိုပါ ပါဝင်ပစ္စည်းတွေဟာ တနေ့တာအတွက် အရေပြားဆဲလ်အသစ်ဖြစ်ပေါ်မှုကို တားဆီးနိုင်တာကြောင့် ရေဓာတ်ခမ်းခြောက်နေတဲ့ သင့်အသားအရေအတွက် သတင်းဆိုးပဲ ဖြစ်ပါတယ်။

အသားအရေမှာ ရေဓာတ်ခမ်းခြောက်ခြင်းဟာ ပျောက်ကင်းသက်သာသွားအောင် ပြုပြင်ပေးနိုင်တဲ့ အခြေအနေတမျိုး ဖြစ်ပြီး ဒီဆောင်းပါးလေးကနေ သင့်အရေပြားနဲ့ ပတ်သက်ပြီး သိသင့်တဲ့ အချက်အလက်တချို့ကို သိရှိသွားမယ်လို့ မျှော်လင့်ပါတယ်။

ဒါမှသာ သင့်အနေနဲ့ အဆိုပါ ရေဓာတ်ခမ်းခြောက်တဲ့ အခြေအနေကို ကုသနိုင်၊ကာကွယ်နိုင်မှာပဲ ဖြစ်ပါတော့တယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Read also:

မျှဝေမည်

တည်းဖြတ်သည့်နေ့ မတျ 28, 2019 | နောက်ဆုံးတည်းဖြတ်ခြင်း မတျ 28, 2019

ရင်းမြစ်များ
ဘ၀ကို အကောင်းဆုံး နေထိုင်လိုပါသလား
ကျန်းမာခြင်းနည်းလမ်းများ နဲ့ နောက်ဆုံးပေါ် အချက်အလက်များသိရှိဖို့ အတွက် Hello Sayarwon နေ့ စဉ် သတင်းစာကို ရယူလိုက်ပါ
သင်ဒါလည်း နှစ်သက်နိုင်ပါတယ်။