အသည်းအားဖြည့်ဆေးများက အသည်းရောင်အသားဝါရောဂါဘီအတွက် အကျိုးရှိနိုင်သလား။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

အသည်းရောင်ရောဂါများ

အသည်းကိုရောင်ရမ်းစေတဲ့အခြေအနေကို အသည်းရောင်ရောဂါလို့ခေါ်ပါတယ်။ အဖြစ်အများဆုံးအကြောင်းရင်းကတော့ ဗိုင်းရပ်စ်တွေကြောင့်ဖြစ်ပါတယ်။ ဒီဗိုင်းရပ်စ်ပိုးတွေထဲမှာမှ အဖြစ်အများဆုံး ဗိုင်းရပ်စ်ပိုးတွေကတော့ အသည်းရောင်ရောဂါပိုး အေ၊ ဘီ၊ စီ၊ ဒီ နဲ့ အီး ရောဂါပိုးတွေ (Hepatitis A, B, C, D and E) ဖြစ်ကြပါတယ်။ ဒီရောဂါပိုးတွေအနက် အသည်းရောင်ရောဂါ အေနဲ့ အီးတို့က အသည်းရောင်တာ ခဏတာပဲဖြစ်နိုင်ပြီး ဘီ၊ စီနဲ့ ဒီတို့ကတော့ နာတာရှည်အသည်းရောင်တာတွေဖြစ်ပေါ်နိုင်ပါတယ်။

အသည်းရောင်အသားဝါရောဂါဘီ (Hepatitis B)

အသည်းရောင်အသားဝါရောဂါဘီဆိုတာက သင့်ရဲ့အသည်းကို ရောဂါပိုးကူးစက်ခံရခြင်းဖြစ်ပါတယ်။ ဒီရောဂါပိုးက အသည်းကိုအမာရွတ်တွေဖြစ်စေပြီး အသည်းပျက်စီးတာနဲ့ ကင်ဆာတွေထိဖြစ်နိုင်ပြီး ကုသမှုမခံယူဘူးဆိုရင် သေဆုံးသည်အထိဖြစ်စေနိုင်ပါတယ်။ အသည်းရောင်အသားဝါရောဂါဘီပိုးရှိတဲ့သူဆီကနေ သွေး ဒါမှမဟုတ် ခန္ဓာကိုယ်ကထွက်တဲ့အရည်တွေကနေတဆင့် ကူးစက်ခံရပါတယ်။ ကူးစက်ခံရပြီးနောက် ပျောက်သွားတာမျိုးရှိသလို ၆လကြာတဲ့အထိမှ မပျောက်ကင်းဘူးဆိုရင်တော့ ပိုးသယ်ဆောင်သူအဖြစ်သတ်မှတ်ပါတယ်။ ရောဂါလက္ခဏာတွေမပြရင်တောင်မှ ဘီပိုးသယ်ဆောင်သူတွေဟာ သူများတွေကို ကူးစက်နိုင်ခြေရှိပါတယ်။ အသည်းရောင်အသားဝါဘီရောဂါပိုးက ကာကွယ်ဆေးထိုးနှံမယ်ဆိုရင် ကာကွယ်နိုင်တာကြောင့်ဖြစ်ပွားမှုနှုန်းလျော့ကျလာနေပေမယ့် တစ်နိုင်ငံလုံးအတိုင်းအတာနဲ့ ဘီပိုးသယ်ဆောင်သူသန်းနဲ့ချီပြီးရှိလိမ့်မယ်လို့ ယူဆရပါတယ်။

သူ့ရဲ့ရောဂါလက္ခဏာတွေကတော့

  • အသားဝါတာ၊ မျက်လုံးဝါတာ
  • ဝမ်းအရောင်ဖျော့တာ
  • အဖျားရှိတာ
  • လနဲ့ချီပြီး ပင်ပန်းနွမ်းနယ်နေတာ
  • မစားချင်မသောက်ချင်ဖြစ်တာ၊ မူးဝေ ပျို့အန်တာ
  • ဗိုက်အောင့်တာတွေဖြစ်တတ်ပါတယ်။

အသည်းရောင်အသားဝါဘီရောဂါပိုးရှိသူတွေအတွက် အသည်းအားဆေး

အသည်းရောင်အသားဝါဘီရောဂါကြောင့် အသည်းရောင်ရမ်းတာနဲ့ ဆက်စပ်ရောဂါဝေဒနာတွေဖြစ်ပေါ်နေသူတွေ ဒါမှမဟုတ် ဘာလက္ခဏာမှ မပြဘဲ အသည်းရောင်အသားဝါရောဂါဘီရှိနေသူတွေအတွက် အကျိုးရှိတယ်လို့ သက်သေပြချက်တွေရှိတဲ့အရာတွေရှိပါတယ်။

အသည်းရောင်ရောဂါပိုးရှိသူတွေမှာ Essential Phospholipids (EPL) တွေရဲ့ အခန်းကဏ္ဍ

Phospholipids တွေကခန္ဓာကိုယ်ထဲက ဆဲလ်တွေရဲ့ ဇီဝရုပ်ဖြစ်ပျက်မှုအတွက်အလွန်အရေးပါပါတယ်။ သူတို့က ဆဲလ်တွေရဲ့ အရေပြားလိုမျိုး နံရံတွေဖြစ်ကြတယ်။ ပြင်ပကအရာဝတ္ထုတွေကြောင့်ဆဲလ်တွေမပျက်စီးရအောင် အန္တရာယ်ပေးနိုင်တဲ့ရောဂါပိုးတွေမဝင်ရောက်လာနိုင်အောင် ကာကွယ်ပေးထားပါတယ်။ ခန္ဓာကိုယ်က ဇီဝရုပ်ဖြစ်ပျက်မှုတွေနဲ့ ရောဂါပိုးတွေ၊ အန္တရာယ်ရှိတဲ့အရာတွေနဲ့ ထိတွေ့မှုကြောင့် ပျက်စီးရတဲ့ ဆဲလ်တွေကိုပြန်လည်ပြုပြင်ဖို့အတွက် Phospholipids တွေက နေ့စဉ်လိုအပ်ပါတယ်။ ဒီထဲက တချို့ကိုတော့ ခန္ဓာကိုယ်က သူ့ဘာသာ ထုတ်လုပ်ပြီး ထုတ်လုပ်လို့မရတဲ့ Phospholipids အမျိုးအစားတွေကတော့ အစားအသောက်ကနေတဆင့် ရရှိပါတယ်။ အဲဒါတွေကို Essential Phospholipids တွေလို့ခေါ်ပါတယ်။

EPL တွေဟာ အသည်းရောဂါတွေကို ကုသတဲ့နေရာမှာ ကောင်းကျိုးများပြီး ဆိုးကျိုးမရှိသလောက်ဖြစ်တယ်ဆိုတဲ့ လေ့လာတွေ့ရှိချက်တွေအများအပြားရှိပါတယ်။ EPL ကိုဖြည့်စွက်အနေနဲ့ အသုံးပြုတဲ့အခါမှာ ရောင်ရမ်းခြင်းကိုလျော့ကျစေမှု၊ ဓာတ်တိုးဆန့်ကျင်မှု၊ အမာရွတ်ဖြစ်ပေါ်မှုကိုဟန့်တားစေမှုကောင်းကျိုးတွေကို တွေ့ရှိရပြီး အသည်းဆဲလ်တွေကို မပျက်စီးအောင်ကာကွယ်ပေးနိုင်တယ်ဆိုတာကို တွေ့ရှိရပါတယ်။ ဒီအစွမ်းသတ္တိတွေက အသည်းရောင်အသားဝါရောဂါပိုးဘီကြောင့်ဖြစ်ပေါ်တဲ့ အသည်းပျက်စီးမှုတွေကို တန်ပြန်နိုင်စွမ်းရှိတယ်လို့ တွေ့ရှိရပါတယ်။

ဗီတာမင်ဘီတွေရဲ့ အခန်းကဏ္ဍ (Vitamin Bs)

နာတာရှည် အသည်းရောင်အသားဝါရောဂါဘီပိုးရှိသူတွေမှာ ဓာတ်တိုးပစ္စည်းတွေနဲ့ ရောင်ရမ်းခြင်းကိုဖြစ်စေတဲ့ဓာတ်ပစ္စည်းတွေမြင့်တက်မှုဖြစ်ပေါ်လာနိုင်ပါတယ်။ ဓာတ်တိုးပစ္စည်းတွေ ခန္ဓာကိုယ်ထဲမှာ များနေခြင်းက ကင်ဆာဖြစ်စေနိုင်ခြေကိုမြင့်တက်စေပါတယ်။ ဗီတာမင်ဘီဝမ်း (Vitamin B1) က ဒီဓာတ်တိုးပစ္စည်းတွေကိုဆန့်ကျင်တဲ့ဂုဏ်သတ္တိရှိပါတယ်။ ဒါ့အပြင် နာတာရှည်အသည်းရောင်အသားဝါရောဂါဘီက သွေးနီဥတွေထုတ်လုပ်ဖို့အတွက်လိုအပ်တဲ့ ဗီတာမင်ဘီတူး (Vitamin B2) နဲ့ ဘီဆစ် (B6) ဓာတ်တွေကိုလျော့နည်းစေတဲ့အတွက်ကြောင့် သွေးအားနည်းတာကို ခံစားရနိုင်ခြေရှိပါတယ်။ ဒီအတွက် လျော့နည်းသွားတဲ့ Vitamin B2 နဲ့ B6 ဓာတ်တွေကိုဖြည့်တင်းခြင်းကလည်း အသည်းအတွက် ကောင်းကျိုးတွေရှိပါတယ်။ ယေဘူယျအားဖြင့် ခြုံပြောမယ်ဆိုရင် အသည်းရောင်ပိုးကြောင့် နာတာရှည်အသည်းရောဂါရှိသူတွေနဲ့ အသည်းခြောက်သူတွေမှာ ဗီတာမင်ဘီဓာတ်များချို့တဲ့ပြီး ရောဂါဝေဒနာတွေဖြစ်ပေါ်တတ်တဲ့အတွက်ကြောင့် ဗီတာမင်ဘီဓာတ်များပြန်လည်ဖြည့်တင်းခြင်းက ကောင်းကျိုးများပါတယ်။

ဗီတာမင်အီးနဲ့ အသည်းရောင်အသားဝါဘီ (Vitamin E)

အသည်းရောင်အသားဝါရောဂါဘီပိုးကြောင့် အသည်းရောဂါခံစားရတဲ့သူတွေမှာ ဓာတ်တိုးပစ္စည်းတွေဖြစ်ပေါ်နေပြီး ဒါတွေက အသည်းခြောက်တာနဲ့ ကင်ဆာဖြစ်နိုင်ခြေတွေကိုတိုးပွားစေပါတယ်။ ဒါ့အပြင် နာတာရှည်အသည်းရောဂါတွေနဲ့လည်း ဆက်စပ်နေပါတယ်။ ဗီတာမင်အီးက ဓာတ်တိုးဆန့်ကျင်ပစ္စည်း ဂုဏ်သတ္တိကြွယ်ဝတဲ့ ဗီတာမင်အဖြစ်ထင်ရှားပြီး အသည်းရောင်အသားဝါဘီရောဂါရှိသူများကို ဗီတာမင်အီး ပေးမယ်ဆိုရင် တိုးပွားနေတဲ့ဓာတ်တိုးပစ္စည်းတွေကို ဖယ်ရှားပေးတဲ့အတွက်ကြောင့် နာတာရှည်အသည်းရောဂါနဲ့ အသည်းပျက်စီးတာတွေကို ကာကွယ်ပေးနိုင်ပါတယ်။

အသည်းအားဖြည့်ဆေး Livolin forte ရဲ့ သုံးမျိုးစပ်ကာကွယ်မှု

ဖော်ပြထားတဲ့ ခိုင်မာတဲ့သုတေသနရလဒ်များအရ အသည်းရောင်အသားဝါရောဂါဘီရှိသူတွေအနေနဲ့ Essential Phospholipids ၊ ဗီတာမင်ဘီအုပ်စု၊ ဗီတာမင်အီးတို့ပါဝင်တဲ့ အားဖြည့်ဆေးတွေကို သောက်သုံးခြင်းက အသည်းရောင်တာ၊ အသည်းခြောက်တာနဲ့ အသည်းကင်ဆာလိုမျိုး အသည်းပျက်စီးမှုတွေကို ကာကွယ်နိုင်တဲ့အပြင် ခန္ဓာကိုယ်ရဲ့လှုပ်ရှားမှုလုပ်ငန်းစဉ်များကိုလည်း အားဖြည့်နိုင်စွမ်းရှိပါတယ်။

ဈေးကွက်ထဲမှာရှိတဲ့ အသည်းအားဖြည့်ဆေးများတွေအနက် Livolin forte မှာ အသည်းကိုအကာအကွယ်ပေးပြီး EPL တစ်မျိုးဖြစ်တဲ့ Phosphatidylcholine ၊ ဗီတာမင်ဘီအုပ်စုနဲ့ ဗီတာမင်အီးတို့ သုံးမျိုးစပ်ပါဝင်ပါတယ်။ ဒီသုံးမျိုးစပ်ပါဝင်မှုက အသည်းရောင်ရောဂါဘီပိုးရှိနေသူတွေအနေနဲ့ နာတာရှည်မဖြစ်လာအောင်ကာကွယ်တာ၊ ဒါမှမဟုတ် နာတာရှည်ရှိနေတဲ့ရောဂါပိုးကြောင့် နောက်ဆက်တွဲ အသည်းရောင်တာ၊ အသည်းခြောက်တာနဲ့ အသည်းကင်ဆာလိုမျိုး ဆိုးရွားတဲ့အသည်းပျက်စီးမှုတွေမဖြစ်ပေါ်အောင် ကာကွယ်ဖို့အတွက် ထိရောက်ပါတယ်။ ဒါ့အပြင် အသည်းရောင်ရောဂါကြောင့်ဖြစ်ပေါ်လာနိုင်တဲ့ သွေးအားနည်းတာ၊ ပင်ပန်းနွမ်းနယ်တာလိုမျိုး ဝေဒနာတွေကိုပါ ကာကွယ်ပေးနိုင်တာကြောင့် Livolin forte ကို အသည်းအတွက် စိတ်ချရပြီး ထိရောက်မှုရှိတဲ့ အားဖြည့်ဆေးအနေနဲ့ ညွှန်းဆိုရခြင်းဖြစ်ပါတယ်။

Hello Health Group  သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Read also:

မျှဝေမည်

တည်းဖြတ်သည့်နေ့ ဩဂုတျ 10, 2018 | နောက်ဆုံးတည်းဖြတ်ခြင်း ဩဂုတျ 10, 2018

ဘ၀ကို အကောင်းဆုံး နေထိုင်လိုပါသလား
ကျန်းမာခြင်းနည်းလမ်းများ နဲ့ နောက်ဆုံးပေါ် အချက်အလက်များသိရှိဖို့ အတွက် Hello Sayarwon နေ့ စဉ် သတင်းစာကို ရယူလိုက်ပါ
သင်ဒါလည်း နှစ်သက်နိုင်ပါတယ်။