သားအိမ်ခေါင်းကင်ဆာ၏ အဖြစ်များဆုံးလက္ခဏာများ

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

အမျိုးသမီးတွေရဲ့၈၀ရာခိုင်နှုန်းလောက်ကသူတို့ရဲ့ဘဝမှာHPV ( ကာလသားရောဂါ ) ဖြစ်ဖူးကြပါတယ်။ ဒီ HPV အမျိုးအစားတွေကလူတွေကို ကြောက်ရွံ့ထိတ်လန့်စေတဲ့ကင်ဆာတွေဖြစ်နိုင်ပါတယ်။ သင့်ကျန်းမာရေးမှာတစ်ခုခုမူမမှန်တာတွေ့တာနဲ့ဆရာဝန်ဆီသွားပါ။

အသက်ရှူမဝခြင်း။

ချက်ချင်းဆိုသလိုအသက်ရှူမဝနေတာကပုံမှန်မဟုတ်ပါဘူး။ ဒါပမယ့်ဒါကသားအိမ်ခေါင်းကင်ဆာတစ်ခုတည်းရဲ့ရောဂါလက္ခဏာလို့တော့ ပြောလို့မရပါဘူး။ ဒါကသင့်ကျန်းမာရေးအခြေအနေဆိုးလာကြောင်းအချက်ပြနေတာပါ။ တကယ်လို့သင်ဟာမကြာခဏဆိုသလိုအသက်ရှူမဝဖြစ်နေရင်သင့်ဆရာဝန်ကိုပြောပါ။

ရင်ပူခြင်း၊အစာမကြေခြင်း

အဆီပါတဲ့အစာတွေစပ်တဲအစာတွေအများကြီးစားမိတဲ့အခါသက်တောင့်သက်သာမဖြစ်ဘဲနာကျင်တာကပုံမှန်ဆိုပေမယ့်တကယ်လို့မကြာခဏဒီလိုခံစားနေရတယ်ဆိုရင်တော့ဆရာဝန်ဆီသွားပြသင့်ပါတယ်။

မိန်းမကိုယ်အကြောင်းမဲ့သွေးယိုခြင်း

ရာသီလာချိန်ကြားမှာ သွေးဆင်းတာကကိုယ်ဝန်တားဆေးတွေကြောင့်ပုံမှန်ဖြစ်ပေမယ့်လိင်ဆက်ဆံပြီးပြီးချင်းသွေးယိုတာ၊ သွေးဆုံးပြီးမှသွေးယိုတာတွေကဆရာဝန်နဲ့သေချာပြသင့်ပါတယ်။

အသံဝင်ခြင်း၊အသံပြောင်းခြင်း

အသံဝင်တာတွေအသံပြောင်းတာတွေကအအေးမိရင်အဖြစ်များပါတယ်။ တကယ်လို့ဒါတွေကအပတ်ပေါင်းများစွာမပျောက်ဘဲဆက်ဖြစ်နေရင်တော့ဆရာဝန်ဆီသွားသင့်ပါပြီ။

အစာမြိုရခက်ခြင်း

ကျန်းမာရေးအခြေအနေတွေအမျိုးမျိုးကအစားအစာမြိုရခက်စေပေမယ့်သင့်မှာဒီလိုမြိုရခက်တာကရက်သတ္တပတ်ကြာတဲ့ထိမပျောက်ဘူးဆိုရင်တော့ဆရာဝန်ဆီသွားသင့်ပါပြီ။

မကြာခဏလေပွခြင်း

အမျိုးသမီးတွေမှာလေပွတာကဖြစ်ပြီးရင်ပျောက်သွားတာပုံမှန်ပါဘဲ။ တကယ်လို့ဒါကဖြစ်နေတာရက်သတ္တပတ်ကြာနေပြီဆိုရင်တော့ဆရာဝန်ဆီသွားပါ။

အနာမကျက်ခြင်း

အရေပြားဟာထိခိုက်မှုတွေဖြစ်ရင်တစ်ပတ်လောက်နဲ့ပြန်ကျက်ပါတယ်။ တကယ်လို့အနာကအပတ်များစွာထိမကျက်ဘူးဆိုရင်တော့ဆရာဝန်ဆီသွားသင့်ပါပြီ။

ညဘက်ချွေးထွက်လွန်ခြင်း

ညဘက်ချွေးထွက်လွန်တာက ရောဂါပိုးဝင်ခြင်းကြောင့်ဖြစ်နိုင်သလိုတချို့ဆေးတွေရဲ့ဓါတ်ပြုမှုကြောင့်လည်းဖြစ်နိုင်ပါတယ်။ အမျိုးသမီးတွေကသွေးဆုံးချိန်တဝိုက်မှာလည်းညဘက်ချွေးထွက်များကြပါတယ်။ ဒါပေမယ့်ညဘက်ချွေးအလွန်အကျွံထွက်ခြင်းကကင်ဆာရဲ့လက္ခဏာလည်းဖြစ်နိုင်တဲ့အတွက်ဆရာဝန်ဆီသွားသင့်ပါတယ်။

ပါးစပ်နဲ့ခံတွင်းပြည်တည်နာတွေအပူတွေမကျက်ခြင်း

သင့်ပါးစပ်မှာအပူတွေပြည်တည်နာတွေဖြစ်တာကပုံမှန်ပါ။ ပါးစပ်ရဲ့မျက်နှာပြင်သားက၂ပတ်တစ်ခါလောက်သူ့အလိုလိုအသစ်ဖြစ်ပါတယ်။ ဒါကြောင့်အပူတွေပြည်တည်နာတွေကဒီအချိန်လောက်ဆိုကျက်သင့်ပါပြီ။ တကယ်လို့၃ပတ်မြောက်တဲ့ထိအနာမကျက်ဘူးဆိုရင်တော့သင့်ဆရာဝန်သို့မဟုတ်သွားနဲ့ခံတွင်းဆရာဝန်ဆီသွားပါ။

ရင်သားများပြောင်းလဲခြင်း

အဆီခဲတွေကိုရင်သားတွေကပြောင်းလဲတာမဟုတ်ပါဘူး။ ဒါ့အပြင်ရင်သားရဲ့အရွယ်အစား၊ပုံပန်းသွင်ပြင်၊ခံစားမှု၊အရေပြားအရောင်ပြောင်းမှု၊နီရမ်းမှု၊ရင်သားထဲနာကျင်မှု၊နို့သီးခေါင်းပြောင်းလဲမှု၊နို့တိုက်နေချိန်/ကိုယ်ဝန်ဆောင်နေချိန်မဟုတ်ဘဲနို့သီးခေါင်းမှမရည်ထွက်ခြင်းစတာတွေကိုလည်းဂရုစိုက်သင့်ပါတယ်။

မကြာခဏဝမ်းသွားခြင်း

တကယ်လို့သင်ကဝမ်းသွားတာများနေတယ်ဆိုရင်သင့်အူမကြီးကအစာအိမ်ပိုးမွှားတွေ၊အစာအဆိပ်သင့်တာတွေကြောင့ဖြစ်နိုင်ပါတယ်။ တကယ်လို့ဒါက၄ပတ်ကနေ၆ပတ်ထိကြာသွားပြီဆိုရင်တော့ဆရာဝန်နဲ့စကားပြောကြည့်တာအကောင်းဆုံးပါ။

ဆီးထဲသွေးပါခြင်း

ဆီးထဲမှာသွေးပါတိုင်းသင့်ဆရာဝန်ကိုပြောသင့်ပါတယ်။ ပုံမှန်အားဖြင့်ဒါကကင်ဆာကြောင့်ဖြစ်တာမဟုတ်ပေမယ့်အလွယ်တကူပေါက်နိုင်ပါတယ်။ ဒါပေမယ့်ဒါကကင်ဆာရဲ့လက္ခဏာလည်းဖြစ်နိုင်ပါတယ်။ သင့်ဆရာဝန်နဲ့ပြကြည့်တာအကောင်းဆုံးပါ။

ဝမ်းထဲသွေးပါခြင်း။

ဝမ်းထဲမှာသွေးပါရတဲ့အဓိကအကြောင်းကတော့လိပ်ခေါင်းကြောင့်ပဲဖြစ်ပါတယ်။ ဒါပေမယ့်ဒါကကင်ဆာလက္ခဏာလည်းဖြစ်နိုင်တဲ့အတွက်ဆရာဝန်ကိုပြပါ။

ချောင်းဆိုးသွေးပါခြင်း

သင်ချောင်းဆိုးရင်သွေးပါနေရင်တော့ချက်ချင်းဆရာဝန်ကိုသွားပြသင့်ပါတယ်။ ဒါကရိုးရှင်းနိုင်ပေမယ့်စစ်ဆေးကြည့်တာမရှုံးပါဘူး။

ထူးဆန်းတဲ့နာကျင်မှု / ကိုက်ခဲမှု

နာကျင်ခြင်းကတစ်ခုခုမှားနေကြောင်းမိတ်ဆက်တဲ့သဘောပါ။ ကျွန်တော်တို့အသက်ကြီးလာတာနဲ့အမျှနာကျင်ခြင်းကိုက်ခဲခြင်းတွေကိုပိုခံစားတတ်ရပါတယ်။ တကယ်လို့ရှင်းမပြနိုင်တဲ့နာကျင်မှုတွေ၊နာကျင်မှုပိုဆိုးလာခြင်းတွေ၊၄ပတ်ထက်ကြာအောင်နာကျင်ခြင်းဖြစ်နေတာတွေရှိရင်တော့ဆရာဝန်ဆီမကြာခင်သွားပါ။

ဆီးသွားရခက်ခဲခြင်း

ဒီထဲမှာကဆီးပုံမှန်သွားဖို့ခက်ခဲခြင်း၊ဆီးသွားချင်တဲ့အချိန်သွားမရခြင်း၊နာကျင်ခြင်းတို့ပါဝင်ပါတယ်။ ဒါတွေကိုဖြစ်စေနိုင်တဲ့ကျန်းမာရေးအခြေအနေတွေများစွာရှိပေမယ့်ဆရာဝန်ဆီသွားပြဖို့တော့လိုပါလိမ့်မယ်။

မူမမှန်တဲ့အဆီဖုဖြစ်ခြင်း၊ ရောင်ရမ်းခြင်း

သင့်ရဲ့ကိုယ်ရဲ့ဘယ်နေရာမှမဆိုဆက်တိုက်ဖြစ်လာတဲ့အဆီဖုတွေ ရောင်ရမ်းခြင်းတွေဖြစ်လာရင်တော့သင်လုံးဝသတိထားရပါတော့မယ်။ အထူးသဖြင့်လည်ပင်း၊ဂျိုင်း၊အစာအိမ်၊ပေါင်ခြံ၊ရင်ဘတ်၊ရင်သားနဲ့ ဝှေးစေ့တို့မှာဖြစ်ပါတယ်။ ဖြစ်လာတဲ့အခါဆရာဝန်ကိုချက်ချင်းသွားပြပါ။

အပေါ်ကပြောသွားတဲ့လကဏာတွေကသားအိမ်ခေါင်းကင်ဆာတစ်ခုတည်းအတွက်မဟုတ်ပါဘူး။ တခြားဖြစ်နိုင်တဲ့ကျန်းမာရေးအခြေအနေတွေကြောင့်လည်းဖြစ်နိုင်ပါတယ်။ ဖြစ်လာတဲ့အခါဆရာဝန်ဆီသွားဖို့ဘဲအရေးကြီးတာပါ။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

Read also:

Share now :

တည်းဖြတ်သည့်နေ့ ဇူလိုင် 29, 2017 | နောက်ဆုံးတည်းဖြတ်ခြင်း နိုဝင်ဘာ 14, 2019

သင်ဒါလည်း နှစ်သက်နိုင်ပါတယ်။