ပန်းသီးရှာလကာရည်သောက်ရင် သတိထားသင့်တဲ့အချက် (၆) ချက်

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

အကျိုးကျေးဇူးများတယ်ဆိုပြီး ပန်းသီးရှာလကာရည်က အတော်လေးခေတ်စားသွားသေးတယ်နော်။ အဆီလည်းကျတယ်၊ နှလုံးအတွက်ကောင်းတယ်၊ အသားလှတယ်၊ အဆိပ်အတောက်သန့်စင်ပေးတယ် စတဲ့အစွမ်းအာနိသင်တွေရှိတယ်။ ဒါ့ကြောင့် ရတဲ့နေရာက အပြေးအလွှားသွားဝယ်ပြီး နေ့တိုင်းသောက်ကြလေရဲ့။

ပန်းသီးရှာလကာရည်မှာ ကျန်းမာရေးအကျိုးကျေးဇူးတွေများတာ မှန်ပါတယ်။ ဒါပေမယ့် “ ဆရာ မပြ နည်းမကျ” ဆိုသလို အသုံးပြုတဲ့နည်းလမ်းမှန်ကန်မှ ဒီအစွမ်းတွေကိုရရှိနိုင်မှာပါ။ နည်းလမ်းမှားခဲ့ရင်တော့ ကျန်းမာရေးအကျိုးကျေးဇူးတွေမရမယ့်အပြင် အန္တရာယ်ပါဖြစ်စေနိုင်တာ သတိထားသင့်တဲ့အချက်ပါ။

သူက အဆီကျစေနိုင်တယ်၊ နှလုံးကျန်းမာရေးကိုအထောက်အကူပြုတယ်ဆိုတဲ့အချက်နဲ့ မြန်မြန်ပိန်ချင်သူတွေက ရေတောင်မရောဘဲ နေ့တိုင်းသောက်ချနေကြတာ ကြောက်စရာပါ။ ဒီလိုသောက်မယ်ဆို ပန်းသီးရှာလကာရည်မှာပါတဲ့အက်စစ်ကြောင့် အစာရေမျိုနဲ့ အစာအိမ်ကို ဆိုးဆိုးဝါးဝါးထိခိုက်စေနိုင်ပါတယ်။ ဒါ့ကြောင့် သူနဲ့ပတ်သက်ပြီးသိထားသင့်တာက ပမာဏမလွန်ကဲစေဘဲ ရေရောသောက်ရမှာဖြစ်တယ်၊ ချက်ချင်းအဆီကျပြီးပိန်မှာမဟုတ်ဘူး၊ အကျိုးကျေးဇူးတွေကို ဖြည်းဖြည်းချင်းပဲရနိုင်မယ်ဆိုတာပါပဲ။ ပန်းသီးရှာလကာရည်ရဲ့ ကျန်းမာရေးအာနိသင်တွေကို ရချင်တယ်ဆို သတိထားသင့်တဲ့အချက်လေးတွေကို ဆက်ပြီးဖတ်ကြည့်ပါဦး။

(၁) အစာစားပြီးတာနဲ့ သောက်လိုက်တယ်

ဒါမှန်တယ်လို့ ထင်ပါသလား။ အစာကြေတယ်၊ အဆီတွေချေဖျက်တယ်လို့ ထင်ကောင်းထင်ပါလိမ့်မယ်။ ဒါပေမယ့် ပန်းသီးရှာလကာရည်ကို အစာမရှိချိန်မှာသောက်တာ သူ့ရဲ့အစွမ်းအာနိသင်တွေကိုပိုရနိုင်တဲ့နည်းအမှန်ပါ။ ရေတော့ရောရမှာပေါ့နော့။ အစာစားပြီးမှသောက်မယ်ဆို ကိုယ့်စားလိုက်တဲ့ထဲမှာ သူ့အာနိသင်ကိုအားလျော့စေတဲ့အစားအစာတွေပါတယ်ဆိုရင် မထူးတော့ဘူးလေ။ ကျွမ်းကျင်သူတွေကတော့ သူ့ကိုသောက်ပြီး မိနစ် ၂၀ လောက်နေမှ အစားစားသင့်တယ်လို့ အကြံပြုထားပါတယ်။

(၂) အငွေ့ရှူတယ်

နှာစေးနှာပိတ်သက်သာတယ်၊ ခေါင်းကိုက်သက်သာတယ်ဆိုပြီး ပန်းသီးရှာလကာရည်ပါတဲ့ရေနွေးငွေ့နဲ့ရှူသွင်းတာက ကောင်းတဲ့နည်းလမ်းမဟုတ်ပါဘူး။ ပန်းသီးရှာလကာရည်က အစာခြေစနစ်နဲ့နှလုံးကျန်းမာရေးအတွက်ကောင်းတယ်ဆိုလည်း အဆုတ်အတွက်တော့ လုံးဝမကောင်းပါဘူး။ ရိုးရိုးရေငွေ့နဲ့တောင်အဆင်မပြေတာ အက်စစ်ပါတဲ့ဒီရေငွေ့ဆို ပိုထိခိုက်နိုင်ပါတယ်။

(၃) တစ်ကျိုက်တည်းသောက်ချပါ

ရေတွေရောထားတယ်ပဲဆိုဆို သူ့မှာ အက်စစ်ဓာတ်ကအများကြီးပါနေတုန်းပဲလေ။ ဒါ့ကြောင့် သွားကြွေလွှာကိုမပျက်စီးစေဖို့ ပိုက်နဲ့စုပ်တာ၊ နည်းနည်းချင်းသောက်တာတွေမဟုတ်ဘဲ ဖျော်စပ်ပြီးသားအရည်ကို တစ်ကျိုက်တည်းသောက်ချတာကောင်းပါတယ်။ သူ့ကိုသောက်တဲ့အချိန်နဲ့သွားတိုက်တဲ့အချိန်ကိုလည်း အနည်းဆုံး မိနစ် ၃၀ လောက်ခွာဖို့ အကြံပြုထားပါတယ်။

(၄) စသောက်ကာစမှာ အများကြီးထည့်သောက်တယ်

စပြီးသောက်တဲ့ကာလမှာ နည်းနည်းပဲသောက်ပြီး ကျင့်ယူပါ။ နောက်မှ တိုးတိုးပြီးသောက်ပါ။ ဥပမာ စသောက်ချိန် ဘာမှမဖြစ်ဘူးဆိုရင်တောင် တစ်ခါသောက်ရင် ရေတစ်ဖန်ခွက်မှာ ထည့်ဖျော်တာလက်ဖက်ရည်ဇွန်းလေး၂ ဇွန်းထက်မကျော်ပါနဲ့။ အကျင့်ရပြီး ဗိုက်ထဲပူတာ၊လောင်တာမဖြစ်ဘူးဆိုမှ တိုးပြီးသောက်ပါ။ စစချင်းမှာ များများထည့်မိရင် အစာလမ်းကြောင်းမှာ ပူလောင်ပြီး ဗိုက်အောင့်တတ်ပါတယ်။

(၅) အိပ်ရာမဝင်ခင် သောက်တယ်

မစားခင်သောက်တာတော့ ဟုတ်နေပေမယ့် မအိပ်ခင်သောက်တာ မလုပ်သင့်ပါဘူး။ သောက်ပြီးချက်ချင်းတန်းအိပ်တာက အစာရေမျိုအတွက် မကောင်းတဲ့အကျိုးဆက်တွေဖြစ်လာစေနိုင်တယ်။ ရေရောထားတယ်ဆိုတာတောင် လှဲအိပ်လိုက်တဲ့အခါ အက်စစ်နဲ့ထိတွေ့မိတဲ့ အစာရေမျိုမှာ ထိခိုက်စေနိုင်ပါတယ်။ ဘယ်အချိန်မှာပဲသောက်သောက် သူ့ကိုသောက်ပြီး မိနစ် ၃၀ အတွင်း လှဲမအိပ်ရပါဘူး။

(၆) အစာအိမ်ရောဂါပိုးရှိနေရင် သောက်တယ်

Helicobacter pylori  ဘက်တီးရီးယားရှိနေတဲ့အချိန်မှာ ပန်းသီးရှာလကာရည်ကိုသောက်ရင် မသက်သာဘဲ ပိုဆိုးစေနိုင်ပါတယ်။ ဘက်တီးရီးယားကြောင့် အစာအိမ်အနာဖြစ်စေရတဲ့အထဲ ပန်းသီးရှာလကာရည်ရဲ့အက်စစ်ကြောင့် ပိုဆိုးစေတာပါ။ အစာအိမ်ပြဿနာရှိနေရင် မသောက်ပါနဲ့။

ပြောကြတဲ့အတိုင်း တကယ်လည်းအကျိုးကျေးဇူးများတဲ့ ပန်းသီးရှာလကာက အသားအရေနဲ့ ဆံသားကျန်းမာရေးအတွက်ပါ ကောင်းကျိုးတွေရှိနေတာပါ။ ဒါပေမယ့် သူ့ကိုသောက်သုံးတာပဲဖြစ်ဖြစ်၊ ဆံသားအတွက်ဦးရေပြားမှာသုံးတာပဲဖြစ်ဖြစ် အချိုးအဆမှန်ကန်စွာနဲ့ ရေရောဖြစ်အောင် ရောပါ။ တန်သလောက်ထက် ပိုများရင် ထိခိုက်မှုရှိစေနိုင်တဲ့ ဆေးဖက်ဝင်ပစ္စည်းဖြစ်နေလို့ ဒီအချက်လေးတွေနဲ့ သတိချပ်နိုင်ကြပါစေလို့ အကြံပြုလိုက်ပါတယ်။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Read also:

မျှဝေမည်

တည်းဖြတ်သည့်နေ့ ဇှနျ 5, 2019 | နောက်ဆုံးတည်းဖြတ်ခြင်း ဇှနျ 5, 2019

ဘ၀ကို အကောင်းဆုံး နေထိုင်လိုပါသလား
ကျန်းမာခြင်းနည်းလမ်းများ နဲ့ နောက်ဆုံးပေါ် အချက်အလက်များသိရှိဖို့ အတွက် Hello Sayarwon နေ့ စဉ် သတင်းစာကို ရယူလိုက်ပါ
သင်ဒါလည်း နှစ်သက်နိုင်ပါတယ်။