နွေရာသီမှာ အဖြစ်များတဲ့ရောဂါ (၅) မျိုး

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

ကဗျာတွေစာတွေထဲမှာပါလေ့ရှိတဲ့ နွေဦးအငွေ့အသက်က သာယာလှပကြပါတယ်။ တကယ်လည်းလှပေမယ့် လက်တွေ့မှာ အပူဒဏ်နဲ့ ပြေးမလွတ်နိုင်တာတော့ အမှန်ပဲလေ။ ရှုခင်းအလှအပထက် လူ့ကျန်းမာရေးအတွက်က ပိုအရေးကြီးတဲ့အတွက် နွေရာသီအတွင်း ရောဂါကင်းဖို့ အရင်စဉ်းစားရမှာပါ။ ဒါ့ကြောင့် နွေရာသီမှာ အဖြစ်များတဲ့ရောဂါတွေကို သတိထားပြီး ကြိုတင်ကာကွယ်သင့်၊ ဆင်ခြင်နေထိုင်သင့်ပါတယ်။

နွေရာသီမှာ အဖြစ်များတဲ့ ရောဂါ (၅) မျိုး

(၁) အပူလျှပ်ခြင်း – ပြင်းထန်တဲ့အပူဒဏ်အောက်မှာ နေရတာကြာလာတဲ့အခါ ခန္ဓာကိုယ်အပူချိန်က မြင့်တက်လာရာက အပူလျှပ်တတ်ပါတယ်။ ပုံမှန်မဟုတ်ဘဲခန္ဓာကိုယ်အပူချိန်လွန်ကဲတဲ့အခါ ဖြစ်တတ်တဲ့ ခေါင်းကိုက်ခြင်း၊ခေါင်းမူးခြင်း၊နှလုံးခုန်မြန်ခြင်း၊ကြွက်သားနာကျင်ကိုက်ခဲခြင်းနဲ့ အဖျားတက်ခြင်းလက္ခဏာတွေက သိသာပါတယ်။

အပူလျှပ်တဲ့အခါ အရေးပေါ်ပြုစုကုသမှုလိုအပ်ပါတယ်။ သေချာဂရုမစိုက်ရင် ဦးနှောက်၊နှလုံး၊ကျောက်ကပ်နဲ့ကြွက်သားတွေကို ထိခိုက်စေနိုင်ပြီး ကုသမှုခံယူဖို့နှောင့်နှေးခဲ့ရင် ဆိုးရွားတဲ့ နောက်ဆက်တွဲပြဿနာတွေနဲ့အသက်ဆုံးရှုံးရတဲ့အထိ ဖြစ်နိုင်ပါတယ်။

(၂) အစာအဆိပ်သင့်ခြင်း – အစာအဆိပ်သင့်ရတဲ့ အကြောင်းရင်းက အစားအစာ သို့မဟုတ် ရေမှာ ပါတဲ့ဘက်တီးရီးယားကြောင့် ဖြစ်ပါတယ်။ ပူအိုက်စွတ်စိုတဲ့ရာသီကြောင့်လည်း ဘက်တီးရီးယားပေါက်ဖွားလွယ်တဲ့ပတ်ဝန်းကျင်ဖြစ်စေနိုင်ပါတယ်။  အစာအဆိပ်သင့်တဲ့အခါ ဗိုက်အောင့်ခြင်း၊မအီမသာဖြစ်ခြင်း၊ဝမ်းပျက်ခြင်း၊ ပျို့အန်ခြင်းတို့နဲ့လက္ခဏာပြလာတတ်ပါတယ်။ အသားစိမ်းတွေ၊ ဖုံးအုပ်မထားတဲ့ လမ်းဘေးစာတွေ၊ မသန့်ရှင်းတဲ့ရေ စတာတွေက ရောဂါဖြစ်စေနိုင်တဲ့ပိုးတွေ သယ်ဆောင်ထားတဲ့အစားအသောက်တွေဖြစ်နေနိုင်ပါတယ်။

(၃) မျက်စိနာခြင်း – မျက်စိနာခြင်းဟာ မျက်မြှေးကိုရောင်ရမ်းစေတဲ့ ဘက်တီးရီးယားပိုးဝင်ခြင်း သို့မဟုတ် ဓာတ်မတည့်ခြင်းကြောင့်ဖြစ်ပြီး ၄ ရက်ကနေ ၇ ရက်အတွင်း ကြာမြင့်တတ်ပါတယ်။မျက်စိနာပြီဆိုရင်တော့ ကူးစက်လွယ်လို့ တစ်မိသားစုကိုလုံးပြန့်တာများပါတယ်။

(၄) ရေဓာတ်နည်းခြင်း – ချွေးထွက်များတဲ့ နွေရာသီမှာ ဆုံးရှုံးသွားတဲ့ ရေကို ပြန်ဖြည့်တင်းဖို့ လုံလောက်အောင်မသောက်သုံးတဲ့အခါ ရေဓာတ်ဆုံးရှုံးခြင်းကို အဖြစ်များကြပါတယ်။ နွေပူပူမှာ ခန္ဓာကိုယ်ရဲ့လုပ်ဆောင်ချက်တွေ ပုံမှန်ပြန်ဖြစ်ဖို့ ပြန်လည်ထိန်းသိမ်းပေးဖို့လိုပါတယ်။

(၅) ဝမ်းနဲ့ပတ်သက်တဲ့ရောဂါများ –  အူနဲ့အစာအိမ်ထဲမှာ ကပ်ပါးပိုးမွှားများဝင်ရောက်လာတဲ့အခါ နွေရာသီဆို ဝမ်းပျက်ဝမ်းလျှောခြင်း၊ ဝမ်းကိုက်ခြင်း၊ကာလဝမ်းရောဂါတွေဖြစ်တတ်ပါတယ်။ မသန့်ရှင်းတဲ့ရေနဲ့အစားအစာတွေက ဒီရောဂါတွေကူးစက်ပြန့်ပွားစေတဲ့ အဓိက လက်သည်ဖြစ်ပါတယ်။

ဒါတွေမဖြစ်အောင် ဘယ်လိုဆင်ခြင်နေထိုင်မလဲ

နွေရာသီရောဂါတွေရဲ့ နောက်ကွယ်က အဓိကအကြောင်းရင်းက ဘက်တီးရီးယား၊ဗိုင်းရပ်စ်နဲ့တခြားပိုးမွှားတွေပေါက်ဖွားလွယ်တဲ့ ရာသိဥတုပတ်ဝန်းကျင်ဖြစ်နေတဲ့အတွက်ပါ။ဒါ့ကြောင့် နွေရာသီမှာ ဖြစ်လွယ်တဲ့ရောဂါတွေရန်ကနေ ခုခံကာကွယ်နိုင်ဖို့ ဒီအချက်လေးတွေကို သတိထားပေးသင့်ပါတယ်။ နွေရောက်ပြီဆိုရင် –

  • မွန်းတည့်ကနေ မွန်းလွဲပိုင်း ၃ နာရီအတွင်းအချိန်က အပူရှိန်အပြင်းဆုံးဖြစ်လို့ အိမ်ပြင်ထွက်ရင် နေအပြင်းဆုံးအချိန်တွေကိုရှောင်ပါ။
  • နေရောင်ခြည်နဲ့တိုက်ရိုက်ထိတွေ့မှုကို ကာကွယ်ပါ။ အပြင်ထွက်ရင် ထီး သို့မဟုတ် ဦးထုပ်ဆောင်းပါ။
  • အရေပြားထိခိုက်မှုမရှိအောင် ကာကွယ်ဖို့  SPF မြင့်တဲ့ နေလောင်ကာခရင်မ်လိမ်းပါ။
  • ရေ လုံလောက်အောင်သောက်ပါ။ရေဓာတ်ခန်းခြောက်မခံပါနဲ့။
  • လမ်းဘေးအစားအစာ သို့မဟုတ် မသန့်ရှင်းတဲ့ရေ ကိုရှောင်ပါ။
  • ရင်အေးစေဖို့ ဖရဲသီး၊ ကြံ တို့လို လတ်ဆတ်သန့်ရှင်းတဲ့ ရာသီပေါ်အသီးအနှံတွေ စားပါ။
  •  အရောင်ဖျော့ဖျော့၊ မတင်းမကျပ်လွန်းတဲ့ အဝတ်အစားကိုရွေးချယ်ပါ။ အပူစုပ်နိုင်တဲ့ အနက်ရောင်ကိုမရွေးသင့်ပါ။
  • သေချာမကျက်တဲ့အစားအစာ၊ အပြင်စာတွေနဲ့ သန့်ရှင်းမှုစိတ်မချရတဲ့အစားအစာတွေကို ရှောင်ပါ။
  • အစားအစာကို ကိုင်တွယ်တဲ့အခါ သန့်ရှင်းဖို့အရေးကြီးပါတယ်။ ဘယ်အစားအစာကိုမဆို မချက်ပြုတ်မီတိုင်းမှာ၊ မထိတွေ့ခင်တိုင်းမှာ လက်ဆေးပါ။ အိမ်သာဝင်ပြီးတိုင်း လက်ကိုဆပ်ပြာနဲ့ဆေးပါ။
  • လက်ဆေးခြင်းက မျက်စိနာခြင်း ကူးစက်ပြန့်ပွားမှုကိုလည်း ကာကွယ်ရာရောက်ပါတယ်။
  • အိမ်ထဲပတ်ဝန်းကျင်မှာ သန့်ရှင်းနေအောင်ထားပါ။

ပွင့်လင်းရာသီဟာ ခရီးလေးတွေထွက်၊ မိသားစု၊မိတ်ဆွေတွေနဲ့ အချိန်ကုန်ဆုံးပြီး ကျန်းမာပျော်ရွှင်စွာနေဖို့ အချိန်ကောင်းတစ်ခုဖြစ်ပါတယ်။ ဒါ့ကြောင့် အားလပ်ရက်တွေမှာ အချိန်ကို တန်ဖိုးရှိရှိကုန်ဆုံးနိုင်ဖို့ ကျန်းမာအောင်ဂရုစိုက်ပါ။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Read also:

မျှဝေမည်

တည်းဖြတ်သည့်နေ့ မတျ 26, 2018 | နောက်ဆုံးတည်းဖြတ်ခြင်း မတျ 26, 2018

ဘ၀ကို အကောင်းဆုံး နေထိုင်လိုပါသလား
ကျန်းမာခြင်းနည်းလမ်းများ နဲ့ နောက်ဆုံးပေါ် အချက်အလက်များသိရှိဖို့ အတွက် Hello Sayarwon နေ့ စဉ် သတင်းစာကို ရယူလိုက်ပါ
သင်ဒါလည်း နှစ်သက်နိုင်ပါတယ်။