မြန်မာနိုင်ငံမှာ ဖြစ်တတ်တဲ့ ဆီးမထိန်းနိုင်ခြင်း အကြောင်းရင်းခံများ

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

ကလေးမဟုတ်တော့တဲ့သူတွေအတွက် ဆီးမထိန်းနိုင်တဲ့ပြဿနာဟာ အတော်အခက်တွေ့ရတဲ့ကိစ္စပါ။ အပြင်သွားလာတဲ့အချိန် ဒါမှမဟုတ် အရေးကြီးကိစ္စရှိနေတဲ့အချိန် ရုတ်တရက်ဆီးသွားချင်တာ၊ အမြန်မဖြေရှင်းရင် ချက်ချင်းထွက်ကုန်တာမျိုး၊ ချောင်းဆိုးလိုက်လို့၊ နှာချေလိုက်လို့ ဆီးထွက်ကုန်တာ အတော်ဆိုးပါတယ်။ အဆိုးဆုံးက အားရပါးရမရယ်ရဲတာပါပဲ။

လူကြီးမိဘတွေမှာ ဖြစ်တတ်တယ်လို့ ပြောလေ့ရှိကြပေမယ့် အသက်ကြီးလာတိုင်း ဖြစ်ကိုဖြစ်ရမယ့်၊ ရှောင်လွှဲလို့မရတဲ့ကိစ္စတော့မဟုတ်ပါဘူး။ လူတိုင်းမဖြစ်ပေမယ့် အသက်ကြီးသူတွေမှာတင်မကဘဲ ဆီးအိမ်ပြဿနာရှိတဲ့ လူငယ်တွေမှာပါ ဖြစ်ကြတာရှိနေပါတယ်။ ဆီးမထိန်းနိုင်တာက သီးခြားရောဂါတစ်ခုမဟုတ်ပေမယ့်  ခံစားရခက်တဲ့ လက္ခဏာတစ်ခုဖြစ်နေတော့ နေ့စဉ်ဘဝမှာ အနှောင့်အယှက်ဖြစ်စေနိုင်ပါတယ်။ တချို့ဆို လမ်းမှာတင် ကားရပ်ပြီးအိမ်သာရှာရတာ၊ ယောကျာ်းလေးတွေဆို အိမ်သာရှာချိန်မရဘဲ လမ်းဘေးပြေးဆင်းရတာ မကြာခဏ။ မိန်းကလေးတွေကျ ပိုဆိုးပြီပေါ့၊ ယောကျာ်းလေးတွေလိုလည်း အမြန်ဖြေရှင်းလို့မရ၊ ဆီးနည်းနည်းလေးထွက်ရုံနဲ့တင် အဝတ်အစားမှာကွက်တာပေတာဖြစ်ခဲ့ရင် ပိုအခက်တွေ့ရတာပါ။

ဒါတွေဘာကြောင့်ဖြစ်ရတာလဲ

အဖြစ်များတဲ့ အကြောင်းရင်းတွေက အများကြီးရှိပါတယ်။ နေ့စဉ်လုပ်နေကျအမူအကျင့်တွေကြောင့် ဖြစ်နိုင်သလို  တခြားအကြောင်းရင်းတွေလည်းရှိပါတယ်။ ဥပမာ -အစားအသောက်နဲ့ ဆေးဝါးတွေကြောင့် ဆီးမထိန်းနိုင်တဲ့ လက္ခဏာ ယာယီဖြစ်တတ်ပါတယ်။ ဆီးဆေးသောက်ရင် ဆီးအရမ်းသွားမယ်၊ မကြာခဏသွားမယ်၊ အောင့်ထားရင် မထိန်းနိုင်ဘဲထွက်မယ်။ အရက်ဘီယာ၊ ကဖင်း၊ ဂက်စ်ပါတဲ့အချိုရည်၊ သကြားအတု ချောကလက်၊  အချဉ်အစပ်တွေ၊ နှလုံးသွေးတိုးနဲ့ဆိုင်တဲ့ဆေးဝါးတွေ၊ ကြွက်သားပြေလျော့စေတဲ့ဆေးဝါးတွေကြောင့် ဆီးမထိန်းနိုင်ခြင်းကို ဖြစ်စေနိုင်ပါတယ်။

နောက်တစ်ချက်က ဆီးလမ်းကြောင်းပိုးဝင်ခြင်း နဲ့ ဝမ်းချုပ်ခြင်းတို့လို ကုသရလွယ်တဲ့ရောဂါတစ်မျိုးမျိုးကြောင့်လည်းဖြစ်စေနိုင်ပါတယ်။

တာရှည်ခံစားရတဲ့ ဆီးမထိန်းနိုင်ခြင်း

ဒီလူတွေမှာ ဆီးမထိန်းနိုင်ခြင်းကို ကာလတာရှည် ခံစားရနိုင်ပါတယ် –

  • ကိုယ်ဝန်ဆောင်အမျိုးသမီးတွေ – ဟော်မုန်းအပြောင်းအလဲနဲ့ သန္ဓေသားကြောင့်ကိုယ်အလေးချိန်တိုးလာတဲ့အတွက် ဆီးအိမ်ကိုဖိစီးမှုဖြစ်စေတယ်၊ ဆီးမထိန်းနိုင်ဖြစ်စေတယ်။
  • မီးဖွားပြီးစအမျိုးသမီးတွေ – သဘာဝအတိုင်းကလေးမွေးထားသူတွေမှာ ဆီးအိမ်ထိန်းချုပ်ဖို့လိုအပ်တဲ့ကြွက်သားတွေကိုအားနည်းစေပါတယ်။ ဆီးအိမ်ရဲ့အာရုံကြောတွေကိုလည်းထိခိုက်နိုင်တော့ တင်ပါးဆုံအောက်ပိုင်းကြွက်သားတွေကျွံကျစေနိုင်တယ်။ ဆီးအိမ်၊သားအိမ်၊ အူသိမ်ပိုင်း တို့လို ဆီးခုံတဝိုက်က အတွင်းအစိတ်အပိုင်းတွေ  မူလအနေအထားမှာမရှိတော့ဘဲ မိန်းမကိုယ်ဆီကို ကျွံကျလာတဲ့အခါ ဆီးမထိန်းနိုင်တာတွေဖြစ်လာနိုင်ပါတယ်။
  • အသက်ကြီးရင့်သူတွေ – ဆီးအိမ်ကြွက်သားတွေအိုမင်းလာတဲ့အခါ ဆီးကိုထိန်းထားနိုင်စွမ်းလျော့နည်းလာပါတယ်။ အသက်ကြီးလာတာနဲ့အမျှ ဆီးအိမ်က အလိုအလျောက်ကျုံ့တာ မကြာခဏဖြစ်လာတယ်။
  • သွေးဆုံးပြီးတဲ့ အမျိုးသမီးတွေ – သွေးဆုံးပြီးတဲ့အမျိုးသမီးတွေမှာ ဆီးအိမ်နဲ့ ဆီးလမ်းကြောင်းနံရံသားကျန်းမာအောင် ထိန်းပေးတဲ့ အက်စထရိုဂျင်ဟော်မုန်းထုတ်လုပ်မှုနည်းလာပါတယ်။ ဒီတစ်ရှူးတွေယိုယွင်းလာတဲ့အခါ ဆီးမထိန်းနိုင်တော့ပါဘူး။
  • သားအိမ်ထုတ်ခွဲစိတ်ထားတဲ့သူတွေ– သားအိမ်ထုတ်တဲ့ခွဲစိတ်မှုကြောင့် ဆီးအိမ်ကိုထောက်ပံ့ပေးတဲ့ တင်ပါးဆုံအောက်ပိုင်းကြွက်သားတွေကိုထိခိုက်စေပြီး ဆီးမထိန်းနိုင်ခြင်းကိုဖြစ်စေနိုင်ပါတယ်။
  • ဆီးကျိတ်ကြီးနေတဲ့သူတွေ – အထူးသဖြင့် အသက်ကြီးတဲ့အမျိုးသားတွေမှာ ဆီးကျိတ်ဂလင်းကြီးခြင်းကြောင့်  ဆီးမထိန်းနိုင်တာဖြစ်လာနိုင်ပါတယ်။
  • ဆီးကျိတ်ကင်ဆာရှိသူတွေ အမျိုးသားတွေမှာ ဖြစ်တတ်တဲ့ ဆီးကျိတ်ကင်ဆာကြောင့် ဆီးမထိန်းနိုင်ဖြစ်စေတတ်ပေမယ့် ပိုအဖြစ်များတာက ကင်ဆာကုသမှုရဲ့ဘေးထွက်ဆိုးကျိုးတစ်ခုဖြစ်နေတာပါပဲ။
  • ဆီးလမ်းကြောင်းပိတ်ဆို့ခြင်းခံစားနေရသူတွေ ဆီးလမ်းကြောင်းတလျှောက် ဘယ်နေရာမှာမဆို အကျိတ်ရှိနေရင် ဆီးပုံမှန်စွန့်ထုတ်မှုကို ပိတ်ဆို့နေရင် ဆီးကနည်းနည်းချင်းထွက်နေမှာဖြစ်ပါတယ်။ ဆီးကျောက်တည်ခြင်းကြောင့်လည်း ဆီးတစက်စက်ထွက်နေစေနိုင်ပါတယ်။
  • အာရုံကြောရောဂါရှိသူတွေ–  ဦးနှောက်အာရုံကြောရောဂါ(Multiple sclerosis) ၊ ပါကင်ဆန်ရောဂါ၊ လေဖြတ်ခြင်း၊ ဦးနှောက်အကျိတ်နဲ့ ကျောရိုးမကြီးထိခိုက်ခြင်းတို့ကြောင့် ဆီးအိမ်ထိန်းချုပ်မှုနဲ့ပတ်သက်တဲ့အာရုံကြောသတင်းပို့ချက်တွေကို အနှောင့်အယှက်ဖြစ်စေနိုင်ပါတယ်။
  • ကိုယ်အလေးချိန်များတဲ့သူတွေ – ဝတဲ့သူဟာ ဆီးအိမ်နဲ့ပတ်ပတ်လည်ကြွက်သားတွေကို ဖိအားပိုများစေပြီး အားနည်းစေတဲ့အတွက် ချောင်းဆိုး၊နှာချေ၊ ရယ်မောတာလောက်နဲ့ ဆီးထွက်စေတတ်ပါတယ်။
  • ဆေးလိပ်သောက်တဲ့သူတွေ – ဆေးလိပ်သောက်ခြင်းက ဆိးမထိန်းနိုင်ခြင်းကို ဖြစ်နိုင်ခြေပိုများစေနိုင်ပါတယ်။
  • တခြားနာတာရှည်ရောဂါတွေ – သွေးကြောဆိုင်ရာရောဂါတွေ၊ ကျောက်ကပ်ရောဂါ၊ ဆီးချိုရောဂါ၊ အယ်လ်ဇိုင်းမားတို့လို ရောဂါတွေကြောင့်လည်း ဆီးမထိန်းနိုင်ခြင်းကိုဖြစ်စေနိုင်ပါတယ်။

အဝတ်အစားထဲ ဆီးထွက်တတ်တဲ့သူတွေမှာ ကုသမှုခံယူနေလည်းအချိန်တစ်ခုတော့စောင့်ရပါတယ်။ ဒီအတောအတွင်း သွားလာရ၊အလုပ်လုပ်ရအဆင်မပြေဖြစ်နိုင်တယ်၊ လူကြီးပိုင်းတွေဆိုလည်း ဆီးပြဿနာနဲ့အိမ်မှာနေရအဆင်မပြေဖြစ်နေရမှာပါ။ ဒီလိုဆီးမထိန်းနိုင်တဲ့ပြဿနာကို သက်တောင့်သက်သာနဲ့ကျော်လွှားနိုင်မယ့် အကောင်းဆုံးနည်းလမ်းက လူကြီးသုံးသေးခံ (Adult Diaper) သုံးဖို့ပါပဲ။

ခရီးသွားတာပဲဖြစ်ဖြစ်၊ အပေါ့အပါးသွားဖို့မလွယ်ကူတဲ့အချိန်အခါမျိုးမှာပဲဖြစ်ဖြစ် လူကြီးသုံးသေးခံကို အတွင်းခံလိုဝတ်ထားလိုက်ရုံပါ။  လူကြီးသုံးသေးခံတွေထဲမှာမှ ပါးလွှာပြီးခန္ဓာကိုယ်နဲ့တသားတည်းဖြစ်စေမယ့်ဘောင်းဘီပုံစံထုတ်လုပ်ထားတဲ့သေးခံတွေရှိပါတယ်။ ဒီသေးခံတွေက ဝတ်ထားမှန်းတောင်မသိသာဘဲ ပေါ့ပါးနေစေတဲ့အတွက် ဆီးမထိန်းနိုင်တဲ့သူတွေအတွက် ဝတ်ရချွတ်ရလည်းလွယ် သက်တောင့်သက်သာနဲ့ စိတ်ဖိစီးမှုတွေကင်းဝေးစေနိုင်ပါလိမ့်မယ်။ Antibateria အလွှာပါ ပါဝင်မယ်ဆိုရင်တော့ ဝတ်ဆင်ထားချိန် ဘက်တီးရီးယားပေါက်ဖွားမှာကိုလည်းကာကွယ်နိုင်မှာပါ။ အနံ့ဆိုးလည်းကင်းနေစေမှာပါ။  စိုစွတ်တာမျိုးမရှိဘဲ ခြောက်သွေ့နေမှာ အသေအချာပါ။ ဒီတော့အသက်အရွယ်ကြောင့်ဖြစ်တဲ့ ဆီးမထိန်းနိုင်ခြင်း ပြဿနာတွေကို လူကြီးသေးခံသုံးပြီူ အကောင်းဆုံးကျေ်လွှားဖိုပ ဖေဖေမေမေတို့ကို ကူညီပေးလိုက်ပါ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။

Read also:

မျှဝေမည်

တည်းဖြတ်သည့်နေ့ မတျ 25, 2019 | နောက်ဆုံးတည်းဖြတ်ခြင်း ဇူလိုငျ 3, 2019

ဘ၀ကို အကောင်းဆုံး နေထိုင်လိုပါသလား
ကျန်းမာခြင်းနည်းလမ်းများ နဲ့ နောက်ဆုံးပေါ် အချက်အလက်များသိရှိဖို့ အတွက် Hello Sayarwon နေ့ စဉ် သတင်းစာကို ရယူလိုက်ပါ
သင်ဒါလည်း နှစ်သက်နိုင်ပါတယ်။