တကယ်တော့ ဘားဟိုးဆိုတာ အဆင့်မြင့်ရှုပ်ထွေးလှတဲ့ ဦးနှောက်ခွဲစိတ်မှုအဆင့်တွေရဲ့ ပထမအဆင့်ပဲ ဖြစ်ပါတယ်။ ဦးခေါင်းခွံအောက် ဦးနှောက်ပိုင်းကို ကုသမုပြုနိုင်ဖို့အတွက် ဦးခေါင်းခွံကို တစိတ်တဒေသ ဖယ်ရှားဖို့ လိုပါတယ်။ ဘားဟိုးဖောက်လိုက်တဲ့အခါ ဦးနှောက်ခွဲစိတ်ဆရာဝန်ဟာ ဦးနှောက်ထဲကို ကုသမယ့် ပစ္စည်းကိရိယာတွေ ထည့်သွင်းဖို့ လမ်းပွင့်သွားပါတယ်။ တခါတရံမှာ ကုသမှုပြုရမယ့် ဦးနှောက်နေရာ ပိုမိုကျယ်ပြန့်ရင် ဘားဟိုးကို နှစ်ပေါက်သုံးပေါက် ဒါမှမဟုတ် ဒီထက်ပိုပြီး ဖောက်ရင်ဖောက်ရတတ်ပါတယ်။
ဘားဟိုးဖောက်သည့်အဆင့်များ
ခွဲစိတ်မယ့်ဆရာဝန်ဟာ လူနာရဲ့ကုသမှုမှတ်တမ်းနဲ့ ပုံရိပ်ဖော်စစ်ဆေးခြင်းတွေဖြစ်တဲ့ Xray၊ CT၊ MRI စတာတွေကို ကြည့်ရှုစစ်ဆေးပါလိမ့်မယ်။ တွေ့ရှိချက်တွေပေါ်မူတည်ပြီး ဘားဟိုးဖောက်ဖို့ လိုအပ်တယ်ဆိုရင် ဘယ်နေရာမှာဖောက်မလဲဆိုတာ သတ်မှတ်ပါတယ်။ ယေဘုယျအားဖြင့် အောက်ပါအဆင့်တွေ ပါဝင်ပါတယ်။
၁။ ပထမဦးစွာ သင့်တော်တဲ့ မေ့ဆေးအမျိုးအစားကို ပေးပါတယ်။
၂။ ဘားဟိုးဖောက်ဖို့လိုအပ်မယ့်နေရာကို ဆံပင်ရိတ်ပါတယ်။ တခါတရံမှာ တခေါင်းလုံးရိတ်ထားတတ်ပါတယ်။ ပြီးရင် သင့်တော်တဲ့ ပိုးသတ်ဆေးရည်တမျိုးမျိုးနဲ့ သန့်ရှင်းပေးပါလိမ့်မယ်။ ရောဂါပိုးများ မဝင်နိုင်အောင် သန့်ရှင်းခြင်း ဖြစ်ပါတယ်။
၃။ လိုအပ်ရင် ဦးရေပြားပေါ်ကိုလည်း ထုံဆေးထပ်ထိုးပါလိမ့်မယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။