Catecholamines စစ်ဆေးခြင်းဆိုတာ epinephrine ၊ norepinephrine ၊ metanephrine ၊ dopamine စသည့်ဟော်မုန်းများ ဆီးထဲတွင်ပါသော ပမာဏကိုစစ်ဆေးခြင်းဖြစ်တယ်။ Catecholamines များကို အာရုံကြောတစ်သျှူးများ၊ ဦးနှောက်နှင့် အက်ဒရီနယ်ဂလန်း(ကျောက်ကပ်အပေါ်တွင်ရှိသော ဂလန်း) တွေမှထုတ်လုပ်ပါတယ်။ Catecholamines ဟာ ဖိအား၊ ထိတ်လန့်မှုတွေကို ခန္ဓါကိုယ်မှတုံ့ပြန်ရန်ကူညီပေးပြီး “Fight or Flight” reaction (တိုက်မလား၊ ပြေးမလား) တုံ့ပြန်မှုအတွက် ပြင်ဆင်ပေးတယ်။
အက်ဒရီနယ်ဂလမ်းတွေက ဖိအားသက်ရောက်မှုတစ်ခုကို တုံ့ပြန်တဲ့အနေနဲ့ Catecholamines ပမာဏအများအပြားထုတ်လေ့ရှိတယ်။ အဓိက Catecholamines များမှာ epinephrine (အက်ဒရီနယ်လင်း) norepinephrine (နော်အက်ဒရီနယ်လင်း)၊ dopamine (ဒိုပါမင်း) တို့ဖြစ်ပြီး ထိုဟော်မုန်းများဟာ vanillylmandelic acid (VMA)၊ metanephrine ၊ normetanephrine တို့အဖြစ်ကွဲသွားကာ နောက်ဆုံးမှာ ဆီးထဲသို့စွန့်ထုတ်ခြင်းခံရပါတယ်။ ထို vanillylmandelic acid (VMA)၊ metanephrine ၊ normetanephrine တို့ကိုလည်း Catecholamines စစ်ဆေးမှု မှာတိုင်းလေ့ရှိတယ်။
Catecholamines ဟာ သွေးခုန်နှုန်း၊ သွေးဖိအား၊ အသက်ရှူနှုန်း၊ ကြွက်သားသန်မာမှု၊ စိတ်တက်ကြွမှုတို့ကို တက်စေတယ်။ အရေပြား၊ အူတို့ဆီသွားသော သွေးပမာဏကိုလျှော့စေပြီး အဓိကအင်္ဂါများဖြစ်သည့် ဦးနှောက်၊ နှလုံး၊ ကျောက်ကပ်တို့ဆီ သွေးလျှောက်မှုများစေပါတယ်။
Pheochromocytoma လို့ခေါ်သော ရှားပါးသည့်အကျိတ် (အက်ဒရီနယ်ဂလမ်းတွင်အကျိတ်ပေါ်ခြင်း)ကြောင့် သွေးနှင့် ဆီးထဲရှိ Catecholamines ပမာဏတက်ပြီး သွေးပေါင်၊ သွေးခုန်နှုန်းများတက်ကာ ချွေးထွက်များခြင်း၊ ခေါင်းကိုက်ခြင်း များဖြစ်စေပါတယ်။
Catecholamines များတက်စေသော Pheochromocytoma လက္ခဏာများသိစေရန် ဆီးထဲရှိ Catecholamines ပမာဏစစ်ဆေးခိုင်းလေ့ရှိပါတယ်။ Pheochromocytoma အများစုဟာ ကင်ဆာတော့မဟုတ်ပါဘူး။ ဒါပေမယ့် အက်ဒရီနယ်ဂလန်းရဲ့ ပုံမှန်အလုပ်လုပ်ခြင်းကို နှောင့်ယှက်နိုင်တာကြောင့် ဖယ်ပစ်ဖို့တော့လိုပါတယ်။
ကလေးများမှာတော့ အာရုံကြောအကျိတ် (neuroblastoma) ခေါ် အာရုံကြောအဖွဲ့အစည်းတွင် အကျိတ်ရှိသည်ဟု သံသယရှိပါက catecholamines စစ်ခိုင်းနိုင်ပါတယ်။ အက်ဒရီနယ်ဂလန်းအကျိတ်လိုပဲ ဒီအကျိတ်ကလည်း ပမာဏတက်စေတာကြောင့်ဖြစ်တယ်။
Neuroblastoma ရှိသောကလေးဟာ စောစီးစွာရောဂါရှာတွေ့လေလေ၊ အသက်ရှင်နိုင်ချေများလေလေဖြစ်တယ်။ တစ်နှစ်အောက်ကတည်းက ရောဂါရှာတွေ့သော ကလေးများမှာဆိုရင် ၉၀ ရာခိုင်နှုန်းလောက်ထိ အသက်ရှင်နိုင်ချေရှိတယ်လို့ ဆိုပါတယ်။
စစ်ဆေးမှုအဖြေတိကျစေရန် လှုပ်ရှားမှုတွေအပြင် ရှောင်ရမယ့် အစားအစာ၊ ဆေး အများအပြားရှိပါတယ်။
တစ်ခါတရံ ကလေးများမှာ ဆီးပိုက်နှင့် ဆီးယူလေ့ရှိတတ်တယ်။ ဒါဟာသက်တောင့်သက်သာမရှိနိုင်သော်လည်း တိကျတဲ့အဖြေရရန်အတွက်လိုအပ်ပါတယ်။
စစ်ဆေးမှုမတိုင်ခင် ရက်အနည်းငယ်လောက် ကြိုရှောင်ရမယ့်အစားအစာတွေကတော့-
• ကော်ဖီ၊ လက်ဖက်ရည်
• ငှက်ပျောသီး
• ချောကလက်
• ကိုကိုး
• အချဉ်ပါသောအသီးများ
• ဗနီလာ
ဆေးအများစုကလည်း စစ်ဆေးမှုအဖြေကို ထိခိုက်စေနိုင်တာကြောင့် သောက်နေသောဆေးများရှိပါက ဆရာဝန်ကိုပြောပြပြီး စစ်ဆေးမှုမတိုင်ခင် ရပ်ရမည့်ဆေးများရှိနိုင်ပါတယ်။ ဒါပေမယ့် ဆရာဝန်ကိုမပြောဘဲနဲ့တော့ ကိုယ့်သဘောနဲ့ ကိုယ်မရပ်ပါနဲ့။
မနက်ကစပြီး ဆီးယူမှာဖြစ်ပေမယ့် အိပ်ရာမှထကာစ ပထမဆုံးသွားသောဆီးကို ယူထားစရာမလိုပါဘူး။ အချိန်ကိုသာစမှတ်ထားပြီး ထိုအချိန်မှ နောက် ၂၄ နာရီအတွင်းသွားသော ဆီးအားလုံးကိုယူထားမှာဖြစ်တယ်။ ၁ ဂါလံ(၄လီတာ) ဝင် ပုံးတစ်ခုပေးပါလိမ့်မယ်။ ပထမသန့်ရှင်းသော ခွက်ငယ်တစ်ခုအတွင်းဆီးသွားပြီး ထိုမှတဆင့် ခွက်ကြီးထဲထည့်ရမှာဖြစ်တယ်။ ထိုဆီးစုထားမည့် ပုံးအတွင်းဘက်ကို လက်နဲ့မထိပါစေနဲ့။ စက္ကူ တစ်ရှူး ၊ ဆီးခုံမွှေး၊ ဝမ်း၊ ရာသီသွေး မည်သည့်အရာမှ ဆီးနမူနာထဲမဝင်စေ၊ မရောစေရပါ။ ၂၄ နာရီအချိန်တိုင်းတာမှုပြည့်ခါနီးမှာ နောက်ဆုံးတစ်ခေါက်အနေနဲ့ ယူရမှာဖြစ်ပြီး ထိုပုံးကို ထို ၂၄ နာရီအချိန်အတွင်းမှာ အအေးခံထားမှာဖြစ်တယ်။
ရလဒ်အဖြေသိရရန် ရက်အနည်းငယ်ကြာနိုင်ပါတယ်။
မေးခွန်းများရှိပါက ဆရာဝန်ကိုတိုင်ပင်မေးမြန်းနိုင်ပါတယ်။
Catecholamines စစ်ဆေးမှုဟာ ဆီးထဲမှာ epinephrine, norepinephrine, metanephrine, dopamine ပမာဏကိုတိုင်းတာခြင်းဖြစ်ပြီး vanillylmandelic acid (VMA), metanephrine, normetanephrine တို့ကိုလည်းတိုင်းတာလေ့ရှိပါတယ်။
ဆေးရုံ၊ ဓါတ်ခွဲခန်းပေါ်မူတည်ပြီး ပုံမှန်ပမာဏအနည်းငယ်ကွာခြားမှုရှိနိုင်ပါတယ်။ အဖြေထုတ်ပေးသောဓါတ်ခွဲခန်းမှ သုံးသည့်ပုံမှန်ပမာဏကို အဖြေစာရွက်မှာရေးထားမှာဖြစ်ပြီး ရလဒ်ဖတ်သည့်ဆရာဝန်က သင့်ရောဂါအခြေအနေနဲ့ အခြားသောအချက်အလက်များပေါ်မူတည်ပြီး အဖြေပြောပါလိမ့်မယ်။ ယခုဖော်ပြထားသော ပုံမှန်ထက်နည်းနေသည့်ပမာဏက သင့်ဓါတ်ခွဲခန်းအတွက်တော့ ပုံမှန်ပမာဏထဲဝင်ချင်ဝင်နေပါလိမ့်မယ်။
၂၄ နာရီဆီးနမူနာရှိ Catecholamine ပုံမှန်ပမာဏ
Free catecholamines ၁၀၀ မိုက်ခရိုဂရမ် အောက်(သို့မဟုတ်) ၅၉၁ နာနိုမိုး အောက်
Epinephrine ၂၀ မိုက်ခရိုဂရမ် အောက် (သို့မဟုတ်) ၁၀၉ နာနိုမိုး အောက်
Norepinephrine ၁၅-၈၀ မိုက်ခရိုဂရမ် (သို့မဟုတ်) ၈၉-၄၇၃ နာနိုမိုး
Dopamine ၆၅-၄၀၀ မိုက်ခရိုဂရမ် (သို့မဟုတ်) ၄၂၀-၂၆၁၂ နာနိုမိုး
Normetanephrine ၁၀၅-၃၅၄ မိုက်ခရိုဂရမ် (သို့မဟုတ်) ၅၇၃-၁၉၃၃ နာနိုမိုး
Metanephrine ၇၄-၂၉၇ မိုက်ခရိုဂရမ် (သို့မဟုတ်) ၃၇၅-၁၅၀၆ နာနိုမိုး
Vanillylmandelic acid (VMA) ၉ မီလီဂရမ် အောက် (သို့မဟုတ်) ၄၅ မိုက်ခရိုမိုး အောက်
ကလေးတွေမှာ အသက်အလိုက် ပုံမှန်ပမာဏကွဲပြားမှုများရှိနိုင်ပါတယ်။
Catecholamines တက်နေခြင်းဟာ အက်ဒရီနယ်ဂလန်းမှာ အကျိတ်ဖြစ်နေခြင်း သို့မဟုတ် Catecholamines ထုတ်ပေးသော အခြားအကျိတ်တစ်ခုဖြစ်နေခြင်းကြောင့် ဖြစ်နိုင်ပါတယ်။
အရေပြားလောင်ခြင်း၊ သွေးဆိပ်တက်ခြင်း၊ ခွဲစိတ်မှု သို့မဟုတ် ကြီးမားသောထိခိုက်မှုများကဲ့သို့ ကြီးမားသည့် ဖိအားသက်ရောက်မှုမျိုး ကလည်း တက်စေပါတယ်။ သွေးပေါင်ကျဆေးများကလည်း Catecholamine ပမာဏတက်စေပါတယ်။
ဆီးချိုသွေးချို သို့မဟုတ် အာရုံကြောစနစ်ပြဿနာများကြောင့် ဖြစ်နိုင်ပါတယ်။
ဓါတ်ခွဲခန်းနှင့်ဆေးရုံပေါ်မူတည်ပြီး ပုံမှန်ပမာဏ အနည်းငယ်ကွာခြားနိုင်ပါတယ်။ ဆီးအဖြေအခြေအနေကိုသိရန် ဆရာဝန်နဲ့သေချာတိုင်ပင်ဆွေးနွေးနိုင်ပါတယ်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
PasteTextHere
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
PasteTextHere
PasteTextHere
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
PasteTextHere
PasteTextHere
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
PasteTextHere
PasteTextHere
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
PasteTextHere
PasteTextHere
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
PasteTextHere
PasteTextHere
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
PasteTextHere
PasteTextHere
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။