မိန်းမကိုယ်ရောင်ရမ်းခြင်းဆိုသည်မှာ မိန်းမကိုယ်သည်ရောင်ရမ်းနာကျင်၍ ယားယံကာ အရည်များဆင်းခြင်းကို ဆိုလိုသည်။ ဖြစ်ရသော အကြောင်းအရင်းမှာ မိန်းကိုယ်အတွင်းရှိ ဘက်တီးရီးယား(သို့) အခြားသောပိုးများ မမျှတ၍ဖြစ်သည်။ သွေးဆုံးပြီးသောအခါအီစထရိုဂျင်ဟော်မုန်းပမာဏများသွေးထဲတွင် လျော့ကျလာခြင်းနှင့် အခြားသော အရေပြားရောဂါများသည် မိန်းမကိုယ်ရောင်ရမ်းခြင်းကို ဖြစ်စေတတ်သည်။
အဖြစ်အများဆုံးသော မိန်းမကိုယ်အားရောင်ရမ်းစေသည့် ပုံစံကွဲများမှာ ဘက်တီးရီးရဲ ဗဂျိုင်နိုးစစ်၊ရီးစ်ဟူသော မှိုရောဂါတစ်မျိုး နှင့် ထရိုင်ခိုမိုနီရေးစစ်တို့ဖြစ်သည်။ ဘက်တီးရီးရဲ ဗဂျိုင်နိုးစစ်မှာ မိန်းမကိုယ်အတွင်းရှိ ပုံမှန်တွေ့ရှိရသော ဘက်တီးရီးယားများနှင့် ရီးစ်ဟူသောမှိုရောဂါမှာ ကန်ဒီဒါ အယ်လ်ဘီကန်ကဲ့သို့သော
မှိုများ လွန်စွာပေါက်ပွားနေ၍ဖြစ်ပြီး ထရိုင်ခိုမိုနီးရေးစစ်မှာ လိင်ဆက်ဆံရာမှ ကူးစက်သည့် ကပ်ပါးကောင်များကြောင့်ဖြစ်သည်။ ကုသမှုမှာ ဖြစ်ပွားသော မိန်းမကိုယ်ရောင်ရမ်းခြင်း၏ ပုံစံအမျိုးအစားပေါ်တွင်မူတည်သည်။
အလွန်အဖြစ်များသော ရောဂါဖြစ်သည်။ အမျိုးသမီးအများစုသည် အမျိုးမျိုးသော မိန်းမကိုယ်ရောင်ရမ်းစေသည့် ရောဂါပုံစံကွဲများကို အနည်းဆုံး တစ်ကြိမ်ခန့်ဘဝတစ်လျှောက်တွင် ကြုံဖူးကြသည်။ သို့သော် ထိုရောဂါများအား ဖြစ်နိုင်ချေများကိုလျှော့ချကာ ကာကွယ်နိုင်သည်။ ထပ်မံသိရှိလိုပါက ဆရာဝန်အား ဆက်သွယ်မေးမြန်းပါ။
အချို့သော အဖြစ်များသည့် လက္ခဏာရပ်များမှာ
အကယ်၍ သင့်တွင် အခြားမိန်းမများတွင်ပုံမှန်အတိုင်း ဖြစ်လေ့မရှိသော မိန်းမကိုယ်မှ အရည်များဆင်းလာပါက ထိုအရည်များ၏လက္ခဏာရပ်များက သင့်တွင်ဖြစ်ပွားနေသည့် မိန်းမကိုယ်ရောင်ရမ်းခြင်းရောဂါပုံစံကွဲများအား ဆုံးဖြတ်ပေးနိုင်သည်။ဥပမာ-
ဘက်တီးရီးရားဗဂျိုင်နိုးစစ်
အညိုရောင်(သို့) မီးခိုးနှင့်အဖြူစပ်ထားသည့် အရောင်ရှိသော အနံဆိုးသည့် အရည်များမိန်းမကိုယ်မှ ထွက်တတ်သည်။ အများအားဖြင့် ထိုအနံ့ဆိုးသည် ငါးညှီနံ့နှင့်တူသည်ဟု ဆိုကြပြီး လိင်ဆက်ဆံနေစဉ်အတွင်းပိုမိုသိသာတတ်သည်။
ရီးစ်ဟူသော မှိုတက်ခြင်းရောဂါ
အဓိကလက္ခဏာမှာ မိန်းမကိုယ်ယားယံခြင်းဖြစ်ပြီး မိန်းမကိုယ်မှ ထွက်သောအရည်များသည် ချိစ်ပြားများကဲ့သို့အဖြူရောင်ရှိပြီး ကပ်စည်းထူထဲနေတတ်သည်။
ထရိုင်ခိုမိုနီရေးစစ်ရောဂါ
စိမ်းဝါရောင်ရှိသော အမြှုပ်ထသည့် အရည်များ မိန်းမကိုယ်မှ ဆင်းလာတတ်သည်။
စောစီးစွာစမ်းသပ်တွေ့ရှိ၍ ကုသနိုင်ခြင်းသည် ရောဂါပိုဆိုးလာခြင်းနှင့် အရေးပေါ်အခြေအနေများဖြစ်ပွားခြင်းတို့ကိုကာကွယ်နိုင်ပါသည်။ ထို့ကြောင့် ဆရာဝန်အားအမြန်ဆုံးပြသဆွေးနွေးခြင်းဖြင့် ကာကွယ်ပါ။
အချို့သော ဖြစ်ပွားစေနိုင်သည့်အကြောင်းအရင်းများမှာ
ဘက်တီးရီးယားဗဂျိုင်နိုးစစ်
မိန်းမကိုယ်အတွင်းရှိ ပုံမှန်တွေ ့ရှိရသော ဘက်တီးရီးယားများ၏ပြောင်းလဲလာမှုနှင့်အခြားသောပိုးများ၏ အလွန်အမင်းပေါက်ပွားလာမှုတို့ကြောင့်ဖြစ်ပွားသည်။ မိန်းမကိုယ်ရောင်ရမ်းခြင်းကို အများဆုံးဖြစ်ပွားစေသောအကြောင်းအရင်းဖြစ်သည်။ လိင်ဆက်ဆံမှုနှင့် ပတ်သတ်ဆက်နွှယ်နေသည်ဟု ယူဆရပြီး အထူးသဖြင့် လိင်ဆက်ဆံဖော်များခြင်း (သို့) လိင်ဆက်ဆံဖော်အသစ်နှင့်လိင်ဆက်ဆံမိခြင်းတို့မှ ဖြစ်ပေါ်လာတတ်သည်။
သို့သော်လည်း လိင်ဆက်ဆံလေ့မရှိသော အမျိုးသမီးများတွင်လည်း ဖြစ်ပွားကြောင်းတွေ့ရှိရသည်။
ရီးစ်ဟူသော မှိုရောဂါ
မှိုများသည် မိန်းမကိုယ်ထဲတွင် လွန်စွာပေါက်ပွားသောအခါ ဖြစ်ပွားသည်။ ကန်ဒီဒါအယ်လ်ဘီကန်ဟူသော မှိုတစ်မျိုးသည် ခန္ဓါကိုယ်၏ စိုစွတ်သောနေရာများ (ဥပမာ မိန်းမကိုယ်၊ပေါင်ခြံနှင့် ချိုင်းကဲ့သို့သော အရေပြားနှစ်ခုထိကပ်နေသောကြားများ၊ပါးစပ်နှင့် လက်သည်းခွံအောက်နေရာများတွင်ဖြစ်ပွားတတ်သည်။)
ထရိုင်ခိုမိုနီရေးစစ်
ရောဂါပိုးရှိသောသူနှင့် လိင်ဆက်ဆံရာမှကူးစက်သောရောဂါတစ်မျိုးဖြစ်ပြီး ထရိုင်ခိုမိုးနပ်စ်ဗချိုင်နယ်လစ် ဟုခေါ်သည့် ကပ်ပါးပိုးတစ်မျိုးမှ ဖြစ်ပွားစေသည်။
အဏုဇီဝပိုးငယ်များကြောင့်မဟုတ်သော မိန်းမကိုယ်ရောင်ရမ်းခြင်း
မိန်းမကိုယ်အားဖြန်းပက်ရသောအရည်များ၊ထည့်သောပစ္စည်းများ၊လိမ်းသော အမွှေးဆပ်ပြာများနှင့်သုက်အားသေစေသည့် ဓါတုပစ ္စည်းများသည် မိန်းမကိုယ်အပေါက်ဝနှင့် နှုတ်ခမ်းသားများကို ဓါတ်မတည့်ခြင်း နှင့် ထိခိုက်ပျက်စီးရောင်ရမ်းစေခြင်းများဖြစ်ပွားစေတတ်သည်။ ချွတ်ကာစွန့်ပစ်ရန်မေ့နေသောအမျိုးသမီးလစဉ်သုံးပစ္စည်းများနှင့်အိမ်သာသုံးတစ်ရှူးများကဲ့သို့သော ပြင်ပမှ ပစ္စည်းများသည်လည်း မိန်းမကိုယ်အား တခါတရံတွင် ရောင်ရမ်းမှုရှိစေတတ်သည်။
အောက်ပါ အကြောင်းအရာများနှင့်တွေ့ကြုံနေရပါကမိန်းမကိုယ်ရောင်ရမ်းခြင်း၏ ဖြစ်ပွားနိုင်ချေကိုမြင့်တက်စေပါသည်။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
အကယ်၍ဆရာဝန်မှ မိန်းမကိုယ်ရောင်ရမ်းနေသည်ဟုသံသယရှိပါကမိန်းမကိုယ်အားစစ်ဆေးကြည့်ရှူထိတွေ စမ်းသပ်တတ်ပါသည်။ ထို့နောက် အောက်ပါစစ်ဆေးမှုတခုခုကို ပြုလုပ်ရန် ညွှန်ကြားတတ်ပါသည်။
မိန်းမကိုယ်ရှိအရည်တို့ကို နမူနာယူ၍ စမ်းသပ်ခြင်း
မည်သည့် မိန်းမကိုယ်ရောင်ရမ်းမှုရောဂါကွဲဖြစ်ပွားနေသည်ကို သေချာစွာသိရှိနိုင်ရန်ဆရာဝန်မှ မိန်းမကိုယ်(သို့) သားအိမ်ခေါင်းရှိအချွဲရည်တို့ကို နမူနာ ယူကာစစ်ဆေးရန်ညွှန်ကြားတတ်ပါသည်။
အက်စစ်ဓါတ်နှင့်အယ်ကာလီဓါတ်မျှတမှုရှိမရှိစစ်ဆေးခြင်း၊ပီအိတ်ရှ် စစ်ဆေးခြင်း
ပီအိတ်ရှ်စစ်နိုင်သော တုတ်ချောင်းငယ်(သို့) စာရွက်လေးအားမိန်းမကိုယ်နံရံတွင် ထိတွေ့စေခြင်းအားဖြင့် မိန်းမကိုယ်၏ပီအိတ်ရှ် (သို့) အက်စစ်နှင့် အယ်ကာလီမျှတမှုရှိမရှိကိုစစ်ဆေးနိုင်သည်။ ပီအိတ်ရှ်တက်နေပါက ဘက်တီးရီးရဲဗဂျိုင်နိုးစစ် (သို့) ထရိုင်ခိုမိုနီရေးစစ် တို့ရှိနေကြောင်းကို ဖော်ပြသည်။ သို့သော် ပီအိတ်ရှ်စစ်ဆေးခြင်းတခုတည်းသည် အတည်ပြုနိုင်သောစစ်ဆေးမှုမဟုတ်ပေ။
မိန်းမကိုယ်ရောင်ရမ်းခြင်းအား စစ်ဆေးတွေ့ရှိပြီးပါက ဆရာဝန်သည် ဖြစ်ပွားသော အကြောင်းအရင်းပေါ်မူတည်၍ မတူညီသော ကုသမှုများကို ပြုလုပ်ပေးတတ်ပါသည်။
အောက်ဖော်ပြပါ လူနေမှုပုံစံများနဲ့ အိမ်သုံးကုထုံးများက သင့်အနေဖြင့် မိန်းမကိုယ်ရောင်ရမ်းခြင်းကိုကုသတဲ့နေရာမှာနဲ့ လိုက်လျောညီထွေဖြစ်အောင်နေတဲ့နေရာတွေမှာ အကူအညီပေးနိုင်ပါတယ်။
အကယ်၍သင့်မှာ မေးခွန်းတွေရှိမယ်ဆိုရင် သင့်အတွက်သင့်တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။
Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။