Sinusitis (ထိပ်ကပ်နာရောဂါ)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

အဓိပ္ပါယ်ဖွင့်ဆိုချက်

Sinusitis (ထိပ်ကပ်နာရောဂါ) ကဘာလဲ။

ထိပ်ကပ်နာရောဂါဆိုသည်မှာ လူဦးခေါင်းခွံတွင် နှာခေါင်းပေါက်နဲ့ ဆက်သွယ်ထားတဲ့ လေလမ်းကြောင်း/နှာခေါင်းလှိုဏ် (Sinus) ပိတ်ဆို့ရာကနေ တစ်ခု(သို့မဟုတ်) တစ်ခုထက်ပိုတဲ့ နှာခေါင်းလှိုဏ် တွေ ပိုးဝင်ရောင်ရမ်းခြင်းဖြစ်ပါတယ်။ ထိပ်ကပ်နာရောဂါသည် ရုတ်တရက်ဖြစ်နိုင်ပြီး အချိန်တို ၄ ပတ် လောက်ပဲဖြစ်ရင် ရုတ်တရက်လတ်တလော ထိပ်ကပ်နာလို့ခေါ်တယ်။ ၃ လ လောက်ကြာပြီး ထပ်ခါထပ်ခါ ဖြစ်နေရင်တော့ နာတာရှည်ထိပ်ကပ်နာလို့ခေါ်တယ်။

Sinusitis (ထိပ်ကပ်နာရောဂါ) က ဘယ်လောက်အဖြစ်များသလဲ

ဒီရောဂါဟာ အဖြစ်များပါတယ်။ အသက်အရွယ်မရွေး ဖြစ်နိုင်ပါတယ်။ ရောဂါဖြစ်ပွားနိုင်တဲ့ အချက်အလက်တွေကို လျှော့ချခြင်းအားဖြင့် စီမံနိုင်ပါတယ်။ အချက်အလက်များထပ်မံ သိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။

လက္ခဏာများ

Sinusitis (ထိပ်ကပ်နာရောဂါ) ရဲ့လက္ခဏာတွေကဘာတွေလဲ

ထိပ်ကပ်နာရဲ့ အဖြစ်အများဆုံး ရောဂါလက္ခဏာတွေကတော့ –

  • ခေါင်းကိုက်ခြင်း
  • ချောင်းဆိုးခြင်း အထူးသဖြင့် ညဖက်တွင်ပိုဆိုးတယ်
  • ဖျားနာခြင်း
  • နဖူး (သို့မဟုတ်) မျက်နှာတစ်ဝိုက်လေးလံ နာကျင်ခြင်း
  • နှာပိတ်ခြင်း၊ နှာစေးခြင်း၊ အဝါ/အစိမ်း/အပြာရောင် အရည်များထွက်ခြင်း
  • လည်ချောင်းနာခြင်း

အထက်ပါလက္ခဏာများဟာ (၇)ရက်မှ (၂၁)ရက်အတွင်း သက်သာပါတယ်။ အထက်မှာ ဖော်ပြထားတဲ့အထဲမှာ မပါဝင်တဲ့ အခြားသောလက္ခဏာများတွေလည်း ရှိနိုင်ပါသေးတယ်။ တကယ်လို ကိုယ့်ဆီမှာ ရောဂါလက္ခဏာ တစ်ခုခုများရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေး တိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

သင့်မှာ အောက်ဖော်ပြပါအချက်အလက်တွေထဲက တစ်ခုခုရှိခဲ့ရင် သင့်ဆရာဝန်နဲ့ ဆက်သွယ်သင့်ပါတယ်။

  • မျက်ကွင်းညို၍ ရောင်ရမ်းနာကျင်ခြင်း
  • နဖူးရောင်နေခြင်း
  • အပြင်းအထန်ခေါင်းကိုက်ခြင်း
  • ကယောင်ကတမ်းဖြစ်ခြင်း
  • လည်ပင်းတောင့်တင်းခြင်း
  • အသက်ရှူပုံမမှန်ဖြစ်ဖြင်း ပြတ်တောင်းပြတ်တောင်း အသက်ရှူရပ်ခြင်း

သင့်ဆီမှာ အထက်ဖော်ပြပါ ရောဂါလက္ခဏာတွေထဲက တစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခု ရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ ခန္ဓါကိုယ်တုံ့ပြန်မှုဟာ မတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နဲ့ တိုင်ပင်တာက အကောင်းဆုံးပါပဲ။

အကြောင်းရင်းများ

Sinusitis (ထိပ်ကပ်နာရောဂါ) ကိုဘာတွေကဖြစ်စေသလဲ

ဘတ်တီးရီးယားပိုး၊ ဓါတ်မတည့်ပစ္စည်းများ၊ လေထုညစ်ညမ်းခြင်းနဲ့ နှာခေါင်းအသားပို Nasal Polyp (နှာခေါင်းတွင် အသားပိုကြောင့် နှာပိတ်ခြင်းကိုဖြစ်စေတယ်) များသည် ထိပ်ကပ်နာရောဂါကို ဖြစ်စေပါတယ်။ ထို့ပြင် ထိပ်ကပ်နာသည် တုပ်တွေးမိပြီးနောက်၊ ဓါတ်မတည့်ပစ္စည်းများနဲ့ ထိတွေ့ပြီး နောက်တွင် ဖြစ်လေ့ရှိတယ်။ မွေးရာပါ နှာခေါင်းလှိုဏ်ကျဉ်းခြင်း၊ နှာခေါင်းခြောက်သွေ့လွန်းခြင်း တို့ကလည်း နာတာရှည်ထိပ်ကပ်နာ ဖြစ်စေတယ်။

ဖြစ်ပွားနိုင်ခြေမြင့်မာစေသော အကြောင်းအရာများ

Sinusitis (ထိပ်ကပ်နာရောဂါ) ဖြစ်နိုင်ခြေကို ဘာတွေက မြင့်တက်စေသလဲ

ထိပ်ကပ်နာဖြစ်ပွားနိုင်ချေကို မြင့်စေတဲ့အကြောင်းရင်းတွေ အများကြီးရှိပါတယ်။ ဥပမာအားဖြင့်

  • ဓါတ်မတည့်ပစ္စည်းများနဲ့ အမြဲထိတွေ့ နေရခြင်း၊ ပတ်ဝန်းကျင်ညစ်ညမ်းခြင်း
  • HIV ၊ AIDS ၊Cystic fibrosis ကဲ့သို့သော ကိုယ်ခံအားစနစ် ချို့ယွင်းမှုရောဂါ
  • ပန်းနာရင်ကျပ်ရောဂါ
  • ဆေးလိပ်သောက်ခြင်း

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Sinusitis (ထိပ်ကပ်နာရောဂါ) ကို ဘယ်လိုအတည်ပြုပါသလဲ

ဆရာဝန်က ရောဂါအတည်ပြုဖို့ နား၊ နှာခေါင်း၊ လည်ချောင်းနဲ့ ရင်ဘတ်တို့ကို နားကြပ်သုံးပြီး စမ်းသပ်စစ်ဆေးပါတယ်။ သင့်မှာ မှိုပိုးကြောင့်ဖြစ်သော ထိပ်ကပ်နာရောဂါ (Fungal sinusitis) သို့မဟုတ် အကျိတ်များရှိနေတယ်ဟု သံသယရှိလျှင် နှာခေါင်းမှန်ပြောင်းကြည့်ခြင်း၊ ကွန်ပျူတာ ဓါတ်မှန်(CT Scan)ရိုက်ခြင်း၊ သံလိုက်ဓါတ်မှန်(MRI)ရိုက်ခြင်း တို့ကို ပြုလုပ်ပါလိမ့်မယ်။

ရောဂါဖြစ်ရခြင်းအကြောင်းရင်းကို ဆန်းစစ်ဖို့ သင့်ဆရာဝန်က သင်တစ်နှစ်တွင် ထိပ်ကပ်နာ ဖြစ်သော အကြိမ်အရေအတွက်၊ ရောဂါလက္ခဏာ မပေါ်ခင်ပြုလုပ်ခဲ့သော လုပ်ဆောင်မှုများကို မေးပါလိမ့်မယ်။ ထို့နောက်လိုအပ်ရင် X-Ray ဓါတ်မှန်ရိုက်ခြင်း (သို့မဟုတ်) အခြားသော စစ်ဆေးမှု များကို ပြုလုပ်ရန် ညွှန်ကြားပါလိမ့်မယ်။

Sinusitis (ထိပ်ကပ်နာရောဂါ) ကို ဘယ်လိုကုသပါသလဲ

ရောဂါဝေဒနာသက်သာရန် နှာခေါင်းဖြန်းဆေးများ၊ နှာခေါင်းအစက်ချဆေးရည်များ အသုံးပြု နိုင်ပါတယ်။ သာမန်ခေါင်းကိုက်ခြင်းအတွက် Panadol (သို့မဟုတ်) Efferagan ကဲ့သို့သော ပါရာစီတ မောပါဝင်သော အကိုက်အခဲပျောက်ဆေးများ သောက်နိုင်တယ်။

ဆရာဝန်က အရောင်ကျစေဖို့ Antihistamine (သို့မဟုတ်) Corticosteroid ပါသော နှာခေါင်းဖြန်းဆေးများကို ညွှန်ပါတယ်။ ဒီနည်းလမ်းဟာ အထူးသဖြင့် နှာခေါင်းအသားပို (Nasal Polyp) ကြောင့် ဝေဒနာခံစားနေရသောအခါ ထိရောက်ပါတယ်။ ပိုးဝင်၍ ရောင်ရမ်းနေသော ရောဂါ အတွက်မှု ဆရာဝန်က ပဋိဇီဝဆေးများ ညွှန်ကြားပါလိမ့်မယ်။

ထို့ပြင် မှိုပိုးကြောင့်ဖြစ်သော ထိပ်ကပ်နာ၊ နှာခေါင်းအသားပိုနဲ့ နှာခေါင်းနှစ်ပေါက်ကြားအလွှာ (Nasal Septum) တစ်ဖက်ဖက်ကိုယိုင်နေခြင်း ကြောင့်ဖြစ်သော ထိပ်ကပ်နာရောဂါများတွင် ဆရာဝန် က ခွဲစိတ်ကုသမှု ပြုလုပ်ပေးပါတယ်။

လူနေမှုပုံစုံပြောင်းလဲခြင်းနဲ့ အိမ်သုံးကုထုံးများ

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေ အသုံးပြုခြင်းက ထိပ်ကပ်နာရောဂါကို ကုသရာမှာ ဘယ်လိုအထောက်အကူပြုနိုင်သလဲ။

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေ အသုံးပြုခြင်းက ထိပ်ကပ်နာရောဂါကို ကုသရာမှာ ဘယ်လို အထောက်အကူပြုနိုင်သလဲ။
အောက်ဖော်ပြပါ လူနေမှုပုံစံများနဲ့ အိမ်သုံးကုထုံးများက သင့်အနေဖြင့် ထိပ်ကပ်နာကို ကုသတဲ့ နေရာမှာနဲ့ လိုက်လျောညီထွေဖြစ်အောင်နေတဲ့နေရာမှာ အကူအညီပေးနိုင်ပါတယ်။
• ရေများများသောက်ခြင်းဖြင့် နှာခေါင်းတွင်းအချွဲများကို အရည်ကျဲစေပါတယ်။
• အရက်ရှောင်ပါ။
• ဆေးလိပ်မသောက်ရ။
• အဝတ်နွေးနွေးနဲ့ တစ်နေ့(၄)ကြိမ်အုပ်ပေးပါ။
• ဓါတ်မတည့်သော ပစ္စည်းများနဲ့ မထိတွေ့အောင်ရှောင်ပါ။
• မသေချာသော နှာခေါင်းဖြန်းဆေးများမသုံးပါနဲ့။ ထိုဆေးများတွင် သင်နဲ့မသင့်တော်သော ရောဂါပိုးဆိုးစေသော ပစ္စည်းများပါနိုင်ပါတယ်။
• အိပ်လျှင် ဦးခေါင်းကို အနည်းငယ်မြှင့်ပြီးအိပ်ပါ။
အကယ်၍ သင့်မှာ မေးခွန်းတွေရှိမယ်ဆိုရင် သင့်အတွက် သင့်တော်တဲ့အဖြေရှာဖွေနိုင်ဖို့ ဆရာဝန် နဲ့ဆွေးနွေးတိုင်ပင်သင့်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အာရုံကြော အားကောင်းစေမယ့် အဓိကသော့ချက် (၅) ရပ်

အာရုံကြောစနစ် အားနည်းတဲ့အခါ ဘယ်လိုလက္ခဏာတွေ ခံစားရဖူးပါသလဲ၊ အာရုံကြောတွေ ကျန်းမာအောင် ဘယ်လိုနေထိုင်ဂရုစိုက်သင့်သလဲဆိုတာကို ဖော်ပြထားပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon

ကိုယ်ဝန်ဆောင်မေမေနဲ့ အသင့်တော်ဆုံး သောက်စရာ

ကိုယ်ဝန်ဆောင်မေမေ တစ်ယောက် ဘေဘီလေးကို လွယ်ထားချိန်မှာ အချိုရည်​တွေ မသောက်နဲ့ ကလေး ထိခိုက်မယ်။ကော်ဖီ၊ လက်ဖက်ရည်တွေ မသောက်နဲ့ သံဓာတ် အားနည်းမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဘေဘီလေးကို ဘယ်အချိန်မှာ ချိစ် စကျွေးမလဲ။

ချိစ်က နို့ထွက်ပစ္စည်းတစ်မျိုးပါ။ ကယ်လ်ဆီယမ်၊ ပရိုတင်းနဲ့ အာဟာရဓာတ်များစွာ ပါဝင်ပါတယ်။ ကြီးထွားဖွံ့ဖြိုးဖို့ အရှိန်ယူနေတဲ့ ဘေဘီလေးတွေကို ချိစ်ကျွေးလို့ရလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ငယ်ရွယ်စဉ်မှာ အဝလွန်တဲ့ကလေးတွေ အရွယ်မတိုင်ခင် မသန်မစွမ်းဖြစ်နိုင်

အဝလွန်တဲ့ကလေး၊ အာရုံကြောချို့ယွင်းတဲ့ရောဂါ၊ Multiple Sclerosis၊ ကိုယ်အလေးချိန်၊ အစာအာဟာရ၊ ဆေးလိပ်ငွေ့၊ တဆင့်ခံရှူရှိူက်၊ ကိုယ်လက်လှုပ်ရှားမှု၊ အာရုံကြော၊ BMI၊ Growth Chart

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

အာရုံကြောမှာ အဖြစ်များတဲ့ ရောဂါများ

အာရုံကြောမှာ အဖြစ်များတဲ့ ရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဒီဇင်ဘာ 21, 2020 . 2 mins read
ရိုးရိုးခါးနာတာလား.......... စိုးရိမ်ရမယ့် အနေအထားလား......................

ရိုးရိုးခါးနာတာလား………. စိုးရိမ်ရမယ့် အနေအထားလား………………….

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 2, 2020 . 2 mins read

ကိုဗစ်ကာလမှာ ကလေးတွေဂိမ်းပိုဆော့လာတာကို အပြစ်မမြင်သင့်တော့ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 29, 2020 . 2 mins read

မျက်မှန်တပ်သူတိုင်း သိထားဖို့ လိုတဲ့ ဆောင်ရန်၊ ရှောင်ရန်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 17, 2020 . 2 mins read