Congenital Heart Disease (မွေးရာပါနှလုံးရောဂါ) ဘာကြောင့် ဖြစ်ရသလဲ။
မွေးရာပါနှလုံးရောဂါသည် သန္ဓေသား နှလုံးဖွဲ့စည်းမှု စတင်ခါစတွင် ပုံမှန်မဟုတ်တဲ့ ချို့ယွင်းချက်တစ်ခုခု ဖြစ်လာခြင်းကြောင့် ဖြစ်ပါတယ်။ ဒါကြောင့်ပဲ နှလုံးနဲ့ အဆုတ်ကြားမှာ ပုံမှန်မဟုတ်တဲ့ သွေးစီးဆင်းမှုတွေ ဖြစ်လာပြီး အသက်ရှူခြင်းကို ထိခိုက်စေခြင်းဖြစ်ပါတယ်။
ပညာရှင်တွေက နှလုံး ဘာကြောင့် ကောင်းကောင်းဖြစ်တည်မလာရသလဲဆိုသည်ကို သေချာမသိကြသေးပါဘူး။ ဒါပေမယ့် တတ်နိုင်သလောက် ကာကွယ်နိုင်ဖို့ လိုက်နာရမယ့် ဆောင်ရန်၊ ရှောင်ရန် အချက်လေးတွေတော့ ရှိပါတယ်။
Congenital Heart Disease (မွေးရာပါနှလုံးရောဂါ) ဖြစ်နိုင်ခြေကို ဘာတွေက မြင့်တက်စေသလဲ။
မွေးရာပါနှလုံးရောဂါ ဖြစ်ပွားနိုင်ချေကိုမြင့်စေသော အကြောင်းရင်းများစွာရှိပါသည်။ ဥပမာအားဖြင့်
- မိသားစုမှာ မွေးရာပါနှလုံးချို့ယွင်းမှု မျိုးရိုးရှိနေခြင်း
- ကလေးငယ်တွင် ဗီဇနဲ့ ခရိုမိုဇုမ်းများ ပြဿနာဖြစ်ခြင်း (ဥပမာ ဒေါင်းရောဂါ)
- ကိုယ်ဝန်ဆောင်နေစဉ် တချို့သော ဆေးများသောက်ခြင်းကလည်း ကလေးငယ်များ နှလုံးချို့ယွင်းမှုအန္တရာယ်ကို မြင့်သွားစေနိုင်ပါတယ်။
- ကိုယ်ဝန်ဆောင်စဉ် အရက်နဲ့ မူးယစ်ဆေးများ သုံးခြင်းကလည်း ကလေးနှလုံးချို့ယွင်းမှုကို ဖြစ်စေနိုင်ပါတယ်။
- ကိုယ်ဝန်နုစဉ်မှာ မိခင်က ဗိုင်းရပ်စ်ပိုး ကူးစက်ခံရမယ်ဆိုရင်လည်း နှလုံးချို့ယွင်းသောကလေး မွေးဖွားနိုင်ချေ မြင့်မားပါသည်။
- သွေးတွင်းသကြားဓာတ်များခြင်း (ဥပမာ ကိုယ်ဝန်ဆောင်ဆီးချို)သည်လည်း ကလေးဖွံ့ဖြိုးမှုကို ထိခိုက်စေပါတယ်။
Congenital Heart Disease (မွေးရာပါနှလုံးရောဂါ) ကို ဘယ်လိုအတည်ပြုပါသလဲ
တချို့ပြဿနာတွေက ကလေးမမွေးခင်တည်းက စစ်ဆေးသိရှိနိုင်ပေမယ့် တချို့တွေကတော့ မွေးကင်း ကလေးအရွယ် ဒါမှမဟုတ် အရွယ်ရောက်မှပဲ လက္ခဏာပြပြီး သိရတာမျိုး ရှိနိုင်ပါတယ်။ ကိုယ်ဝန်ဆောင်စဉ်မှာ ဘယ်လောက်ပဲ စစ်စစ် မွေးရာပါနှလုံးရောဂါတွေ မသိလိုက်ဘဲ လွတ်သွားနိုင်တာမျိုး ရှိနိုင်တယ်ဆိုတာကို သိတ်ပြုပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။