Bloated Stomach (ရင်ပြည့်ရင်ကယ်ဖြစ်ခြင်း )

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

အဓိပ္ပါယ်ဖွင့်ဆိုချက်

Bloated Stomach (ရင်ပြည့်ရင်ကယ်ဖြစ်ခြင်း ) ကဘာလဲ။

အစာအိမ်နှင့် အူလမ်းကြောင်းအတွင်းရှိသော လေများသည်ပုံမှန်ထက် ပိုမိုများပြားလာသောအခါ ပြည့်အင့်ခြင်းကိုစတင်ခံစားသည်။ တစ်ခါတရံတွင် သိသာမြင်သာသည်အထိ ဗိုက်ဖောင်းခြင်း မျိုးလည်းရှိတတ်ပါသည်။ မြိုချလိုက်သောလေများ။ အစာချေရာမှ ထွက်ပေါ်လာသောလေများ အလွန်များပြားလာသောအခါ မအီမသာဖြစ်ခြင်းစတင်ခံစားရတယ်။ တစ်နေ့တည်းတွင်ပင် အကြိမ်မြောက်များစွာ ခံစားရခြင်းမျိုးလည်းရှိတတ်ပါတယ်။

Bloated Stomach (ရင်ပြည့်ရင်ကယ်ဖြစ်ခြင်း ) က ဘယ်လောက်အဖြစ်များသလဲ

အဖြစ်များသောရောဂါဖြစ်ပြီးကလေးငယ်များတွင်လည်း ဖြစ်ပွားလေ့ရှိသည်။ အမျိုးသားများ ထက် အမျိုးသမီးများတွင် ပိုအဖြစ်များပါတယ်။ အခြားသော အစာအိမ်အူလမ်းကြောင်း ရောဂါများ(ဥပမာ-အူလမ်းကြောင်း မငြိမ်သက်ရောင်ရမ်းသောရောဂါ Inflammatory bowel syndrome)နဲ့တွဲ၍ဖြစ်တတ်တယ်။ ပြင်းထန်ဆိုးရွားသောရောဂါမဟုတ်သည့် အတွက် အလွယ်တကူပျောက်ကင်းနိုင်ပါတယ်။

လက္ခဏာများ

Bloated Stomach (ရင်ပြည့်ရင်ကယ်ဖြစ်ခြင်း ) ရဲ့လက္ခဏာတွေကဘာတွေလဲ

အဖြစ်အများဆုံးရောဂါလက္ခဏာမှာ အစာစားပြီးပြည့်အင့်ခြင်း၊မအီမသာဖြစ်ခြင်း၊လေချဉ်တက်ခြင်း၊ဗိုက်ကယ်ခြင်းတို့ဖြစ်တတ်ပါသည်။

အထက်တွင် ဖော်ပြထားသောလက္ခဏာများ အပြင် အခြားလက္ခဏာတွေ လည်းရှိနိုင်ပါ သေးတယ်။ သင့်ဆီမှာမေးခွန်းတစ်ခုခု ရှိနေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါသည်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

ယေဘူယျအားဖြင့် အစားအသောက် အနေအထိုင်ပြောင်းလဲခြင်းဖြင့်လွယ်ကူစွာ သက်သာပျောက်ကင်းတတ်သော်လည်းအောက်ဖော်ပြပါအချက်အလက်များမှတစ်ခုခုရှိခဲ့လျှင် သင့်ဆရာဝန်နှင့် ပြသဆွေးနွေး

ဆက်သွယ်သင့်ပါသည်။

-ရင်ဘတ်အောင့်ခြင်း

-အကြောင်းမဲ့ ကိုယ်အလေးချိန်လျော့ကျလာခြင်း

-ဝမ်းလျှောခြင်း

-အဆက်မပြတ်ဝမ်းဗိုက်နာကျင်ခြင်း

-ဝမ်းသွားသောအကြိမ်ရေနှင့် ဝမ်းအရောင်ပြောင်းလဲလာခြင်း

-အဖျားကြီးခြင်း

-ဗိုက်ရစ်နာခြင်း

သင့်ဆီမှာ အထက်ဖော်ပြပါ ရောဂါလက္ခဏာများမှ တစ်ခုခုရှိနေလျှင် သို့မဟုတ်မေးခွန်း တစ်ခုခုရှိနေလျှင် ဆရာဝန်နှင့် တိုင်ပင်ဆွေးနွေးပါ။ လူတစ်ဦးချင်း၏ခန္ဓါကိုယ်တုံ့ပြန်မှုသည် မတူညီနိုင်သည့်အတွက်သင့်အခြေအနေအတွက် ဘာအကောင်းဆုံးလဲဆိုသည်ကို သင့်ဆရာဝန်နှင့် တိုင်ပင်ခြင်းသည်အကောင်းဆုံးဖြစ်သည်။

အကြောင်းရင်းများ

Bloated Stomach (ရင်ပြည့်ရင်ကယ်ဖြစ်ခြင်း ) ကိုဘာတွေကဖြစ်စေသလဲ

ရင်ပြည့်ရင်ကယ်ခြင်းသည် အခြားသောရောဂါများ( ဥပမာ အူလမ်းကြောင်း မငြိမ်သက်ရောင်ရမ်းသည့်ရောဂါ Inflammatory bowel syndrome) ကြောင့်ဖြစ်တတ်သကဲ့သို့ အောက်ပါအခြေအနေများကြောင့်လည်း ဖြစ်နိုင်ပါတယ်။

-အစားများခြင်း

-အဆီအဆိမ့်များနှင့် ဂတ်စ် (gas)ပါသောအချိုရည်များ သောက်သုံးခြင်း

-အစားအစာကို တစ်ခါတည်းနှင့်အများကြီး စားခြင်း

-ပီကေဝါးခြင်း

-စိတ်ဖိစီးမှုနှင့် စိုးရိမ်စိတ်များခြင်း

-ဆေးလိပ်သောက်ခြင်း

-အစားစားစဉ်စကားပြောခြင်း။

Risk factors

ငါ့ဆီမှာ Bloated Stomach (ရင်ပြည့်ရင်ကယ်ဖြစ်ခြင်း ) ဖြစ်နိုင်ခြေကိုဘာ်တွေက မြင့်တက်စေသလဲ

ရင်ပြည့်ရင်ကယ်ခြင်းဖြစ်ပွားနိုင်ချေကိုမြင့်စေသောအကြောင်းရင်းများစွာရှိပါသည်။

ဥပမာအားဖြင့်

-မိမိစားသောအစားအစာတွင် အမျှင်ဓါတ်ကြွယ်ဝလွန်းသော အသီးအနှံ ၊အသီးအရွက၊် အစေ့အဆံ၊ပဲ စသည်တ့ိုပါလျှင်

-သင်သည် လက်တို့စ်(Lactose)၊ဂလူတမ်(Gluten) စသည်တို့နှင့်မတည့်လျှင်

(လက်တို့စ်သည် နို့၊ဒိန်ခဲနှင့် နို့ထွက်ပစ္စညိးတို့တွင်ပါဝင်ပြီး ဂလူတမ်သည် ပေါင်မုန့်၊ ပါစတာ စသည့် ဂျူံနှင့်ပြုလုပ်သောအစားအစာတို့တွင်ပါဝင်သည်။)

-သင်သည် ကိုယ်လက်လှုပ်ရှားမှု နည်းသူဆိုလျှင်

– ဂတ်စ် (gas) ပါသော အချိုရည်များကို သောက်သုံးတတ်လျှင်

-အစာအိမ်နှင့် အူလမ်းကြောင်းမငြိမ်သက်ရောင်ရမ်းသောရောဂါ (Inflammatory bowel syndrome) ကဲ့သို့နာတာရှည် ရောဂါအခံရှိလျှင် ပိုမိုဖြစ်ပွားတတ်ပါသည်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Bloated Stomach (ရင်ပြည့်ရင်ကယ်ဖြစ်ခြင်း ) ကို ဘယ်လိုအတည်ပြုပါသလဲ

အဓိကအားဖြင့် ကျွမ်းကျင်သော ဆရာဝန်မှ ရောဂါရာဇဝင်မေးမြန်းခြင်းနှင့် သေချာစွာ

စမ်းသပ်ခြင်းဖြင့် ရောဂါကိုသိရှိနိုင်သည်။ သင့်အနေဖြင့် ခံစားနေရသောလက္ခဏာများ၊ အစား အသောက်ပုံစံ၊အခြားသုံးစွဲနေသောဆေးဝါးများ ကိုလည်း ဆရာဝန်ကို ပြောပြရန်လိုပါတယ်။

Bloated Stomach (ရင်ပြည့်ရင်ကယ်ဖြစ်ခြင်း ) ကို ဘယ်လိုကုသပါသလဲ

မည့်သည့်အစားအစာစားရင် ဝေဒနာခံစားရသည်ကို မှတ်သားထားခြင်းဖြင့် ထိုအစား အစာကိုသိရှိရှောင်ကြဉ်နိုင်မည်။

-အဆီဓါတ်များသော အစားအစာများသည် အစာကြေရန်ခက်ခဲသဖြင့် အလွန်အမင်း

စားသုံးခြင်းကိုရှောင်ကြဉ်ရမည်။

-အမျှင်ဓါတ်များသော အစားအစာများသည် ကျန်းမာရေးအတွက်ကောင်းမွန်သော်လည်း ဗိုက်ကယ်ခြင်းကို ဖြစ်စေတတ်သည့်အတွက် အမျှင်ဓါတ်ပါသောအစားအစာများနှင့် အသားမကျသေးခင်တွင် အနည်းငယ်မျှသာစားသုံးသင့်သည်။

-နို့နှင့် နို့ထွက် ပစ္စည်းများကို တစ်ကြိမ်တွင် အနည်းငယ်သာစားသုံးသင့်သည်။

အထက်ပါနည်းလမ်းများဖြင့်မသက်သာပါက အောက်ပါဆေးအချို့ကိုသောက်သုံးနိုင်သည်။

-Simeticone-မလိုအပ်သော အစာအိမ်တွင်းမှလေများကို ကြေပျက်သက်သာစေပြီး

ဆေးဆိုင်များတွင် အလွယ်တကူရရှိနိုင်သည်။

-Activated charcoal-လေကြေစေနိုင်သော အာနိသင်ရှိသည်။

-Lactase ပါဝင်ဆေးများ-နို့တွင်ပါဝင်သောသကြား လက်တို့စ်နှင့် မတည့်သောသူများတွင် လက်တို့စ် lactose ကိုချေဖျက်ရန် ကူညီပေးသည်။

လူနေမှုပုံစံပြောင်းလဲခြင်းနှင့် အိမ်သုံးကုထုံးများ

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက ရင်ပြည့်ရင်ကယ်ရောဂါကို ကုသရာမှာ ဘယ်လိုအထောက်အကူပြုနိုင်မလဲ။

အောက်ဖော်ပြပါ လူနေမှုပုံစံများနှင့်ဲ့ အိမ်သုံးကုထုံးများက သင့်အနေဖြင့် ရင်ပြည့်ရင်ကယ်ရောဂါကိုကုသရာတွင်အကူအညီပေးနိုင်ပါသည်။

-နည်းနည်းနှင့် ခဏခဏစားပါ။

-အစာကိုဖြည်းဖြည်းစားပါ။

-ဆီကြော်နှင့် အဆီများသောအစားအစာများကို ရှောင်ပါ။

-ဂတ်စ် (gas) ပါသော အချိုရည်များကိုရှောင်ပါ။

-ကိုယ်လက်လှုပ်ရှားမှုပြုလုပ်ပါ။

-ဆေးလိပ်ဖြတ်ပါ။

-ပီကေဝါးခြင်းသည်လည်း အစာအိမ်လေပွခြင်းကိုဖြစ်စေသည့်အတွက် ရှောင်ကြဉ်ပါ။

အကယ်၍သိချင်သည်များရှိသေးပါကသင့်အတွက်သင့်တော်သောအဖြေရှာဖွေနိုင်ရန် ဆရာဝန်နှင့်ဆွးနွေးတိုင်ပင်သင့်ပါသည်။

Hello Health Group သည် ဆေးပညာ အကြံပြုချက်များ၊ ရောဂါရှာဖွေ အတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင့်အတွက် ရွေးချယ်ထားသည်

ကိုယ့်နာမည်တောင်မေ့ချင်သလိုဖြစ်နေတဲ့ မေ့တတ်သူလေးတွေအတွက် နည်းလမ်းကောင်း(၅)ခု

ကိုယ့်နာမည်တောင်မေ့ချင်သလိုဖြစ်နေတဲ့ မေ့တတ်သူလေးတွေအတွက် နည်းလမ်းကောင်း(၅)ခု

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဩဂုတ် 14, 2019 . 2 mins read
မေ့ပြန်ပြီ....မှတ်ဉာဏ်တွေမကောင်းတော့ဘူးဆိုသူတွေအတွက် နည်းလမ်း (၆) ချက်

မေ့ပြန်ပြီ….မှတ်ဉာဏ်တွေမကောင်းတော့ဘူးဆိုသူတွေအတွက် နည်းလမ်း (၆) ချက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် မေ 3, 2019 . 1 min read
သူငယ်ပြန်နေတဲ့ ဖိုးဖိုးဖွားဖွားတို့ကို ဘယ်လိုစောင့်ရှောက်ကြမလဲ?

သူငယ်ပြန်နေတဲ့ ဖိုးဖိုးဖွားဖွားတို့ကို ဘယ်လိုစောင့်ရှောက်ကြမလဲ?

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် ဧပြီ 5, 2018 . 3 mins read
Galanthamine

Galanthamine

ဆေးပညာပိုင်းဆိုင်ရာတည်းဖြတ်သူ Dr. K Zin Thwe
ရေးသားသူ Dr . Phyu Mon Latt
ရေးသား ထုတ်ဝေခဲ့သည် ဇူလိုင် 3, 2017 . 6 mins read