သွေးထဲမှာ M ပရိုတင်း သို့မဟုတ် monoclonal ပရိုတင်းလို့ခေါ်တဲ့ မူမမှန်အသားဓါတ်တစ်မျိုး ရှိနေခြင်းကို နောက်ဆက်တွဲအခြေအနေ မခန့်မှန်းနိုင်တဲ့ monoclonal gammopathy (MGUS) ရောဂါလို့ ခေါ်ပါတယ်။ ၎င်း M ပရိုတင်းကို ရိုးတွင်းခြင်ဆီထဲက သွေးဖြူဥဆဲလ် (သွေးရည်ကြည်ဆဲလ်) တွေကနေ ထုတ်လုပ်တာဖြစ်ပါတယ်။
များသောအားဖြင့် MGUS က ဘာပြဿနာမှ ပေးလေ့မရှိပေမယ့် တခါတရံမှာတော့ နှစ်နဲ့ချီကြာလာရင် သွေးကင်ဆာအပါအဝင် အခြားနောက်ဆက်တွဲပြဿနာတွေ ဖြစ်လာတတ်ပါတယ်။
ဒါကြောင့် MGUS ရှိသူတွေအနေနဲ့ နောက်ဆက်တွဲပြဿနာဖြစ်လာရင် စောစောကုသမှု ခံယူနိုင်အောင် ကျန်းမာရေးစစ်ဆေးမှု ပုံမှန်ပြုလုပ်ပေးဖို့ အရေးကြီးပါတယ်။ ရောဂါအခြေအနေ ပိုဆိုးမလာရင်တော့ ကုသမှုခံယူစရာ မလိုပါဘူး။
ယေဘုယျအားဖြင့် အသက် ၇၀အထက် လူကြီးပိုင်းတွေရဲ့ ၅ရာခိုင်နှုန်းကျော်မှာ MGUS ရှိနေတတ်ပြီး myeloma ခေါ် သွေးရည်ကြည်ဆဲလ်ကင်ဆာ နဲ့ ပြင်းထန်တဲ့ B ဆဲလ်ရောဂါအဖြစ် မပြောင်းသွားသရွေ့ သိသာထင်ရှားတဲ့ပြဿနာ ပေးလေ့မရှိပါဘူး။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။
MGUS ရှိသူအများစုဟာ ဘာရောဂါလက္ခဏာမှ ခံစားရလေ့မရှိဘဲ အချို့လူနာတွေမှာသာ အဖုအပိမ့်အနီကွက်များထွက်ခြင်းနဲ့ ထုံကျင်ခြင်းကဲ့သို့ အာရုံကြောပြဿနာတွေ တွေ့ရတတ်ပါတယ်။ အခြားကျန်းမာရေးပြဿနာတစ်ခုခုအတွက် သွေးစစ်ဆေးရင်း MGUS ရှိနေမှန်း တွေ့ရှိသွားကြတာများပါတယ်။
အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်း ရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာတစ်ခုခုများ ရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။
သင့်ဆီမှာ အထက်ဖော်ပြပါ ရောဂါလက္ခဏာတွေထဲက တစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။
လူတိုင်းရဲ့ခန္ဓါကိုယ်တုံ့ပြန်မှုဟာ မတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နဲ့ တိုင်ပင်တာက အကောင်းဆုံးပါပဲ။
မူမှန်တဲ့ သွေးရည်ကြည်ဆဲလ်တွေကနေ M ပရိုတင်းထုတ်လုပ်မှုကြောင့် MGUS ဖြစ်ပွားရတာဖြစ်ပါတယ်။ လူအများစုအတွက်တော့ M ပရိုတင်းကြောင့် ဘေးဥပါဒ်ဖြစ်လေ့မရှိပေမယ့် M ပရိုတင်းပမာဏ အဆမတန်များပြားလာရင်တော့ ရိုးတွင်းခြင်ဆီထဲက ကျန်းမာတဲ့သွေးဆဲလ်တွေ နေရာမရတော့ဘဲ ခန္ဓါကိုယ်မှာရှိတဲ့ အခြားတစ်ရှူးတွေပါ ထိခိုက်ပျက်စီးနိုင်ပါတယ်။
M ပရိုတင်းများပြားစုပုံရတဲ့ အဓိကအကြောင်းအရင်းကို တိတိကျကျ မသိရသေးပေမယ့် မျိုးဗီဇပြောင်းလဲမှု၊ ပတ်ဝန်းကျင်အခြေအနေတွေနဲ့ ဆက်နွယ်ပတ်သက်မှု ရှိနေနိုင်ပါတယ်။
နောက်ဆက်တွဲအခြေအနေ မခန့်မှန်းနိုင်တဲ့ monoclonal gammopathy (MGUS) ဖြစ်ပွားနိုင်ချေကိုမြင့်စေတဲ့အကြောင်းရင်းတွေ
အများကြီးရှိပါတယ်။
ယခုဖော်ပြထားသည့် အချက်အလက်များမှာ ဆေးပညာဆိုင်ရာကျွမ်းကျင်သူ၏ အကြံပေးချက်များနေရာတွင် အစားထိုးရန် မသင့်တော်ပါ။ ဆက်လက်သိရှိလိုသော အချက်အလက်များအတွက် သင့်ရဲ့ဆရာဝန်နဲံ အမြဲတိုင်ပင်ဆွေးနွေးပါ။
အာရုံကြောရောဂါလိုမျိုး အခြားရောဂါတစ်ခုခုကြောင့် သွေးစစ်ဆေးရာကနေ MGUS ရှိနေကြောင်း တွေ့ရှိကြတာများပါတယ်။ သွေးစစ်ဆေးမှုအဖြေမှာ မူမမှန်ပရိုတင်းတွေ တွေ့ရနိုင်သလို ပုံမှန်ပရိုတင်းတွေရဲ့ အရေအတွက်ပြောင်းလဲနေတာကိုလည်း တွေ့နိုင်ပါတယ်။
အကယ်၍ သင့်မှာ monoclonal gammopathy ရှိနေကြောင်း သင့်ဆရာဝန်က စစ်ဆေးတွေ့ရှိခဲ့ရင် သင့်ခန္ဓါကိုယ်က ထုတ်လုပ်နေတဲ့ M ပရိုတင်းအမျိုးအစားနဲ့ ပမာဏကိုသိရှိဖို့ နောက်ထပ်စစ်ဆေးမှုတွေပြုလုပ်ဖို့ လိုအပ်နိုင်ပါတယ်။
ပရိုတင်းပမာဏမြင့်တက်စေနိုင်တဲ့ အခြားအကြောင်းအရင်းတွေကို ဖြစ်နိုင်ချေထဲက ဖယ်ထုတ်နိုင်ဖို့ အောက်ဖော်ပြပါ ရောဂါရှာဖွေစစ်ဆေးမှုတွေ ပြုလုပ်ရမယ့် အလားအလာရှိပါတယ်။
ပုံမှန်အားဖြင့် MGUS ကို အထူးတလည် ကုသစရာမလိုပါဘူး။ ဒါပေမယ့် ရောဂါရှိကြောင်း အဖြေရှာအတည်ပြုပြီး နောက်၆လအကြာကနေစလို့ အချိန်အပိုင်းအခြားအလိုက် ကျန်းမာရေးစစ်ဆေးမှု ပုံမှန်ပြုလုပ်ဖို့ သင့်ဆရာဝန်က အကြံပြုနိုင်ပါတယ်။
သတိပြုစောင့်ကြည့်ခြင်း
အကယ်၍ သင့်မှာ ပြင်းထန်တဲ့ နောက်ဆက်တွဲကျန်းမာရေးပြဿနာဖြစ်ဖို့ အလားအလာများတယ်ဆိုရင် ရောဂါဖြစ်ဖြစ်ခြင်း စောစောသိ၊ စောစောကုသမှု ခံယူနိုင်အောင် ကျန်းမာရေးစစ်ဆေးမှုတွေ မကြာမကြာပြုလုပ်ဖို့ သင့်ဆရာဝန်က အကြံပြုမှာဖြစ်ပြီး အောက်ဖော်ပြပါလက္ခဏာတွေကိုလည်း သတိပြု လေ့လာစောင့်ကြည့်သွားမှာ ဖြစ်ပါတယ်။
သင့်မှာ အရိုးပွရောဂါရှိလာရင် အရိုးသိပ်သည်းဆမြင့်တက်စေဖို့ alendronate (Binosto, Fosamax), risedronate (Actonel, Atelvia), ibandronate (Bovia), zoledronic acid (Reclast, Zometa) စတဲ့ bisphosphonate အုပ်စုဝင်ဆေးဝါးတစ်မျိုးမျိုး အသုံးပြုဖို့ သင့်ဆရာဝန်က ညွှန်းပေးပါလိမ့်မယ်။
အောက်ဖော်ပြပါ လူနေမှုပုံစံများနဲ့ အိမ်သုံးကုထုံးများက သင့်အနေဖြင့် MGUS ကိုကုသတဲ့နေရာမှာနဲ့ လိုက်လျောညီထွေဖြစ်အောင်နေတဲ့နေရာတွေမှာ
အကူအညီပေးနိုင်ပါတယ်။
အကယ်၍သင့်မှာ မေးခွန်းတွေရှိမယ်ဆိုရင် သင့်အတွက်သင့်တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။
Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနျှင့် ကုသမှုများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။