Ultram® (tramadol) ဟာနာကျင်ကိုက်ခဲမှုတွေကိုသက်သာစေတဲ့ ဆေးတမျိုးဖြစ်ပြီးစွဲလမ်းစေတတ်တဲ့ ဆေးဝါးအုပ်စုဝင် ဖြစ်ပါတယ်။ သာမန်နာကျင်မှုတွေကနေ ပြင်းထန်တဲ့နာကျင်မှုတွေအထိ Ultram® (tramadol) ကိုအသုံးပြုနိုင်ပါတယ်။ နာကျင်မှုဝေဒနာတွေကို၂၄နာရီ လျော့ပါးသက်သာစေဖို့လိုအပ်တယ်ဆိုရင်တော့ Ultram® ER – ကြာရှည်စွာအာနိသင်ပြတဲ့ ဆေးပုံစံကိုအသုံးပြုနိုင်ပါတယ်။Ultram® ER ကိုနာမှထသောက်တာမျိုးလုပ်လို့မရပါဘူး။
Ultram® (tramadol) ကိုဆရာဝန်ညွှန်ကြားထားတဲ့အတိုင်းသုံးစွဲရပါမယ်။ ဆေးညွှန်းအတိုင်းအတိအကျလိုက်နာပါ။ ဒီဆေးဟာအသက်ရှူခြင်းကို နှေးစေဒါမှမဟုတ်ရပ်သွားစေနိုင်ပါတယ် (အထူးသဖြင့်ပထမဆုံးအကြိမ်စတင်သုံးစွဲချိန်ဒါမှမဟုတ် ဆေးပမာဏ ပြောင်းလဲလိုက်ချိန်တွေမှာပေါ့)။ ဆရာဝန်ညွှန်ကြားထားတဲ့ပမာဏဒါမှမဟုတ်ကာလအတိုင်းအတာထက်ပိုမသုံးစွဲပါနဲ့။ သင့်နာကျင်မှုကိုသက်သာပျောက်ကင်းစေဖို့အတွက်ဒီဆေးကိုအသုံးပြုရာမှာအာနိသင်ဆက်မပြတော့ဘူးဆိုရင်ဆရာဝန်ကိုအသိပေးရပါမယ်။ ပုံမှန် ဆေးပမာဏသုံးစွဲတယ်ဆိုရင်တောင် Tramadol ကိုစွဲသွားတတ်ပါတယ်။ ဒီဆေးကိုတခြားလူတွေနဲ့မျှဝေသုံးစွဲခြင်းမပြုရပါဘူး (အထူးသဖြင့် ဆေးစွဲဖူးသူတွေ၊ဆေးတလွဲသုံးဖူးသူတွေနဲ့မျှဝေသုံးစွဲခြင်းမပြုရပါဘူး)။ အကိုက်အခဲပျောက်ဆေးတွေကိုတလွဲသုံးရင်ဆေးစွဲခြင်း၊ဆေးလွန်ခြင်း၊အသက်ဆုံးရှုံးခြင်းတွေအထိ ဖြစ်လာနိုင်ပါတယ် (အထူးသဖြင့်ကလေးငယ်တွေဒါမှမဟုတ်ဆရာဝန်ညွှန်ကြားချက်မရှိဘဲသုံးစွဲသူတွေမှာ ဖြစ်ပါတယ်)။Ultram® (tramadol) ကို ရောင်းခြင်းဒါမှမဟုတ်အခြားသူတွေကို ပေးပစ်ခြင်းဟာဥပဒေနဲ့ဆန့်ကျင်ပါတယ်။Ultram® (tramadol) ကိုစတင်သုံးစွဲပြီဆိုရင်အခြားသောအကိုက်အခဲပျောက်ဆေးအားလုံးကိုရပ်လိုက်ရပါမယ်။
Ultram® ကိုအစာရှိသည်ဖြစ်စေ၊အစာမရှိသည်ဖြစ်စေသုံးစွဲနိုင်ပါတယ်။ ဒါပေမယ့်ပထမဆုံးတခါသောက်တဲ့ ပုံစံအတိုင်း နောက်အကြိမ်တွေမှာလည်းပုံသေ သောက်သုံးဖို့တော့လိုပါတယ်။ ကြာရှည်စွာ အာနိသင်ပြတဲ့ ဆေးပြားကိုချိုးချေခြင်း၊ဖွင့်လိုက်ခြင်းများမပြုရပါဘူး။ အထဲက ဆေးမှုန့်တွေကိုရှူဖို့ဒါမှမဟုတ် အရည်တမျိုးမျိုးနဲ့ ရောပြီး သွေးကြောထဲထိုးထည့်ဖို့အတွက် Ultram® ဆေးပြားကိုချိုးချေခြင်းမပြုရပါဘူး။ ဒီလိုလုပ်ရင် သေတတ်ပါတယ်။ ကြာရှည်စွာအာနိသင်ပြတဲ့ ဆေးပြားတွေကိုသုံးစွဲတဲ့အခါသင့်ဝမ်းထဲမှာ ဆေးပြား အပြင်ခွံပါလာတတ်ပါတယ်။ ဒါဟာပုံမှန်ပဲဖြစ်ပြီးသင်လက်ရှိသုံးစွဲနေတဲ့ ဆေးပမာဏဟာ လုံလောက်မှုမရှိဘူးလို့ဆိုလိုတာမဟုတ်ပါဘူး။Ultram® ကိုကာလကြာရှည်သုံးစွဲလာပြီးရုတ်တရက် ဖြတ်လိုက်တာမျိုးမလုပ်ရပါဘူး။ ဆေးဖြတ်လက္ခဏာတွေ ပေါ်ပေါက်လာနိုင်လို့ပဲ ဖြစ်ပါတယ်။ ဆေးကိုအန္တရာယ်ကင်းကင်းနဲ့ ဖြတ်နိုင်ဖို့အတွက်ဆရာဝန်ထံ မေးမြန်းရပါမယ်။
ဆေးအများစုမှာအခန်းအပူချိန်တွင်သိုလှောင်ထားနိုင်ပါတယ်။
Ultram® (tramadol) ကိုတိုက်ရိုက်နေရောင်ခြည်မထိုးအောင်နဲ့စိုစွတ်မှုမရှိအောင်ထားတာကအကောင်းဆုံးသိုလှောင်သိမ်းဆည်းတဲ့နည်းပဲဖြစ်ပါတယ်။ ဆေးအာနိသင်ပျက်ပြယ်တာနဲ့ ဆေးအနေအထားပျက်ယွင်းမှုတွေမဖြစ်အောင်လို့ Ultram® (tramadol) ကို ရေချိုးခန်းထဲမှာသိမ်းဆည်းတာနဲ့ ရေခဲအောင်သိမ်းဆည်းတာတွေမပြုလုပ်ပါနဲ့။Ultram® (tramadol) ဆေးအမျိုးအစားနဲ့၊ ဆေးထုတ်လုပ်တဲ့ကုမ္ပဏီကွဲပြားမှုပေါ်မူတည်ပြီးသိမ်းဆည်းတဲ့ပုံစံကွဲပြားခြားနားမှုရှိနိုင်ပါတယ်။ ဒီအတွက် ဆေးဘူးအခွံမှာပါတဲ့သိုလှောင်သိမ်းဆည်းမှုညွှန်ကြားချက်ကိုကြည့်ရှုစစ်ဆေးတာမျိုးဒါမှမဟုတ် ဆေးဝါးကျွမ်းကျင်သူကို မေးမြန်းတာမျိုးကိုအမြဲလုပ်ပါ။ လုံခြုံစိတ်ချရဖို့အတွက် ဆေးဝါးတွေအကုန်လုံးကိုကလေးတွေ၊အိမ်မွေးတိရိစ္ဆာန်တွေနဲ့ ဝေးရာမှာထားပါ။
Ultram® (tramadol) ကိုအိမ်သာထဲကိုပစ်ချတာနဲ့ ရေထွက်ပေါက်တွေထဲကနေ ဆေးချတာမျိုးကိုမလုပ်သင့်ပါဘူး။ ဆေးဝါးတွေကိုမလိုအပ်တော့တဲ့အခါဒါမှမဟုတ်သက်တမ်းကုန်ဆုံးသွားတဲ့အခါတွေမှာစနစ်တကျစွန့်ပစ်ဖို့အရေးကြီးပါတယ်။ ဆေးဝါးများကိုစနစ်တကျဘယ်လိုစွန့်ပစ်ရမယ်ဆိုတာနဲ့ပတ်သက်လို့သင့်ရဲ့ဆေးဝါးကျွမ်းကျင်ပညာရှင်နဲ့တိုင်ပင်ပါ။
ဆေးဝါးအများစုကို ရေခဲသေတ္တာထဲတွင်သိမ်းဆည်းနိုင်ပါတယ်။ ရေခဲအောင်သိမ်းဆည်းခြင်းတော့မပြုလုပ်ရပါ။
Ultram® (tramadol) ကိုရေခဲသေတ္တာထဲတွင်သိမ်းဆည်းခြင်းကအကောင်းဆုံးဖြစ်ပါတယ်။ ဆေးအာနိသင်ပျက်ပြယ်နိုင်တဲ့အတွက် ရေခဲအောင်မလုပ်ရပါ။
အောက်ဖော်ပြပါအချက်တွေရှိနေရင် ဆေးမသုံးစွဲခင်ဆရာဝန်ကိုကြိုပြောပါ။
အောက်ဖော်ပြပါအချက်တွေရှိနေရင် Ultram® ကိုမသုံးစွဲသင့်ပါဘူး။
အသက်၁၂နှစ်အောက်ကလေးတွေမှာ Ultram® ကိုမသုံးစွဲသင့်ပါဘူး။Ultram® ER ကိုအသက်၁၈နှစ်ကျော်မှသုံးစွဲရပါမယ်။ ပသိသို့မဟုတ်အဒီနွိုက်ဂလင်းတွေကိုမကြာသေးခင်ကမှ ဖြတ်တောက်ခွဲစိတ်ကုသမှုခံယူထားရတဲ့အသက်၁၈နှစ်အောက်ကလေး/လူငယ်တွေမှာ tramadol အသုံးမပြုရပါဘူး။
Ultram® သောက်သုံးသူအချို့မှာ လေသင်တုန်းဖြတ်ခြင်း ဖြစ်ပေါ်တတ်ပါတယ်။ လေသင်တုန်းဖြတ်နိုင်ချေနဲ့ပတ်သက်လို့သင့်ဆရာဝန်ထံ မေးမြန်းဆွေးနွေးနိုင်ပါတယ်။ အောက်ဖော်ပြပါအချက်တွေရှိနေရင် လေသင်တုန်းဖြတ်နိုင်ချေပိုများပါတယ်။
အချို့သောပဋိဇီဝပိုးသတ်ဆေးများသုံးစွဲနေရခြင်း၊မှိုစွဲရောဂါကု ဆေးဝါးများသုံးစွဲနေရခြင်း၊နှလုံးရောဂါကုဆေးများ၊သွေးကျဆေးများသုံးစွဲနေရခြင်း၊ခုခံအားကျဆင်းမှုကူးစက်ရောဂါကိုကုသနိုင်မယ့် ဆေးတွေကိုသုံးစွဲနေရခြင်း။
ယခုဆေးဝါးကိုကိုယ်ဝန်ဆောင်နေချိန်နှင့်ကလေးနို့တိုက်နေချိန်တွင်အသုံးပြုလျှင်ဆိုးကျိုးများရှိမရှိကိုဆုံးဖြတ်နိုင်ရန်အတွက်လုံလောက်သော လေ့လာစမ်းသပ်ချက်များမရှိပါ။ ဆေးမသောက်သုံးမီတွင် ဖြစ်နိုင်ချေကောင်းကျိုးများနှင့်ဆိုးကျိုးများအားလုံးကိုချိန်ဆနိုင်ရန်အတွက်သင့်ရဲ့ဆရာဝန်နဲ့တိုင်ပင်ဆွေးနွေးမှုပြုလုပ်ပါ။ ယခုဆေးဝါးသည်အမေရိကန်ပြည်ထောင်စုအစားအသောက်နဲ့ ဆေးဝါးကွပ်ကဲရေးအဖွဲ့၏သတ်မှတ်ချက်အရကိုယ်ဝန်ဆောင်များတွင်ထိခိုက်နိုင်ချေအဆင့် C ရှိသည်ဟုသတ်မှတ်ထားသည်။
အမေရိကန်ပြည်ထောင်စုအစားအသောက်နဲ့ ဆေးဝါးကွပ်ကဲရေးအဖွဲ့၏ကိုယ်ဝန်ဆောင်များတွင်ထိခိုက်နိုင်ချေအဆင့်သတ်မှတ်ချက်များမှာ အောက်ပါအတိုင်းဖြစ်သည်။
ကိုယ်ဝန်ဆောင်နေချိန်နှင့်ကလေးနို့တိုက်နေချိန်များတွင်စိတ်ချရမှုရှိမရှိကိုမသိရသေးသည့် ဆေးဝါးများနှင့်ပတ်သက်၍ ကောင်းကျိုးနှင့်ဆိုးကျိုးများကိုချိန်ဆနိုင်ရန်အတွက်သင်၏ဆရာဝန်နှင့်တိုင်ပင်ဆွေးနွေးမှုများအမြဲလုပ်ပါ။
အင်ပြင်ထခြင်း၊အသက်ရှူရခက်ခြင်း၊မျက်နှာ၊နှုတ်ခမ်း၊လျှာ၊လည်ချောင်းစသည် ဖောင်းကားဖောရောင်လာခြင်းစတဲ့ဓါတ်မတည့်လက္ခဏာတွေ ပေါ်ပေါက်လာရင်အရေးပေါ် ဆေးဝါးကုသမှုကိုအမြန်ဆုံးခံယူရပါမယ်။ အခြားသောစွဲလမ်းစေတတ်တဲ့ ဆေးများနည်းတူ Ultram® (tramadol) ဟာလည်းသင့်ရဲ့အသက်ရှူနှုန်းကို နှေးစေနိုင်ပါတယ်။ အသက်ရှူတာသိပ်အားနည်းလာရင်တော့အသက်အန္တရာယ်ထိရှိနိုင်ပါတယ်။ ဒါကြောင့်အသက်ရှူနှေးလွန်းပြီးအချိန်အတန်ကြာရပ်ရပ်သွားတတ်ခြင်း၊နှုတ်ခမ်းပြာလာခြင်း၊အလွယ်တကူနှိုးမရတော့ခြင်းစတဲ့အခြေအနေတွေနဲ့ တွေ့ကြုံလာရပြီဆိုရင်တော့အရေးပေါ်ဆေးဝါးကုသမှုကိုခံယူရပါမယ်။
အောက်ဖော်ပြပါလက္ခဏာတွေရှိနေရင်ဆရာဝန်ကိုအမြန်ဆုံးခေါ်ပါ။
ပြင်းထန်သောအရေပြားတုံ့ပြန်မှုများ – ဖျားနာခြင်း၊လည်ချောင်းနာခြင်း၊မျက်နှာသို့မဟုတ်လျှာ ဖောရောင်ဖောင်းကားလာခြင်း၊မျက်စိပူခြင်း၊အရေပြားနာကျင်ခြင်း၊အနီစက်/ခရမ်းရောင်အစက်များထွက်လာခြင်း (မျက်နှာဒါမှမဟုတ်ခန္ဓါကိုယ်အပေါ်ပိုင်းမှာအဓိကပျံ့နှံ့သွားပါလိမ့်မယ်)။ နောက်ဆက်တွဲအနေနဲ့အရည်ကြည်ဖုများဖြစ်ခြင်း၊အရည်ပြားကွာကျခြင်းတွေပါ ဖြစ်ပေါ်လာနိုင်ပါတယ်။
Serotonin syndrome လို့ခေါ်တဲ့ ရောဂါလက္ခဏာပေါင်းစုရဲ့လက္ခဏာတွေ ပေါ်ပေါက်လာရင် ဆေးဝါးကုသမှုအမြန်ဆုံးခံယူရပါမယ်။ အဆိုပါလက္ခဏာတွေကတော့စိတ်တိုစိတ်ဆတ်ခြင်း၊ကယောင်ကတမ်းများဖြစ်ခြင်း၊အဖျားတက်ခြင်း၊ချွေးစေးများပျံခြင်း၊ချမ်းတုန်ခြင်း၊နှလုံးခုန်မြန်ခြင်း၊ကြွက်သားတောင့်တင်းခြင်း၊အကြောလိုက်ခြင်း၊ခန္ဓါကိုယ်လှုပ်ရှားမှုများကိုဦးနှောက်နှင့်အာရုံကြောမှ ကောင်းစွာမထိန်းချုပ်နိုင်ခြင်း၊ပျို့အန်မအီမသာဖြစ်ခြင်း၊ဝမ်းလျှောခြင်းစတာတွေပဲ ဖြစ်ကြပါတယ်။ သက်ကြီးရွယ်အိုတွေ၊အဝလွန်သူတွေ၊အာဟာရချို့တဲ့သူတွေနဲ့မလှုပ်မရှားနိုင်သူတွေမှာ ဘေးထွက်ဆိုးကျိုးတွေပိုမိုဖြစ်ပေါ်တတ်ပါတယ်။ ဒီဆေးတွေကိုကာလကြာရှည်စွဲသုံးမယ်ဆိုရင်အမျိုးသားရော၊အမျိုးသမီးမှာပါ မြုံခြင်း၊မျိုးမအောင်ခြင်း ဖြစ်လာနိုင်ပါတယ်။ ဒီလိုဖြစ်ခြင်းဟာယာယီလား၊အမြဲတမ်းအတွက်လားဆိုတာကိုတော့မသိရှိရသေးပါဘူး။ အခြားဖြစ်လေ့ရှိတဲ့ ဘေးထွက်ဆိုးကျိုးတွေကတော့
ယခုဖော်ပြပါ ဘေးထွက်ဆိုးကျိုးများကိုခံစားရမှုမှာတစ်ဦးနှင့်တစ်ဦးကွဲပြားခြားနားမှုရှိနိုင်ပါတယ်။ အထက်ဖော်ပြပါဘေးထွက်ဆိုးကျိုးများတွင်မပါဝင်သည့် ဘေးထွက်ဆိုးကျိုးများလည်းရှိနိုင်ပါတယ်။ ဘေးထွက်ဆိုးကျိုးနှင့်ပတ်သက်၍စိုးရိမ်ပူပန်မှုများရှိပါကသင်၏ဆရာဝန်သို့မဟုတ် ဆေးဝါးကျွမ်းကျင်ပညာရှင်နှင့်တိုင်ပင်ဆွေးနွေးမှုများပြုလုပ်ပါ။
Ultram® (tramadol) ဟာသင်အခုလောလောဆယ်သောက်သုံးနေတဲ့တခြားသော ဆေးဝါးတွေနဲ့ဓါတ်ပြုမှုတွေဖြစ်နိုင်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ ဆေးဝါးဓါတ်ပြုမှုတွေမဖြစ်လာအောင်လို့သင်လက်ရှိသောက်သုံးနေတဲ့ ဆေးဝါးတွေအားလုံးရဲ့စာရင်းကိုလုပ်ထားပြီး (စာရင်းလုပ်တဲ့အခါမှာဆရာဝန်ညွှန်ကြားထားတာတွေ၊မညွှန်ကြားဘဲ သောက်သုံးနေတာတွေ၊သဘာဝဆေးဘက်ဝင်ပစ္စည်းတွေအားလုံးပါဝင်ပါတယ်) ဆရာဝန်ဒါမှမဟုတ ဆေးဝါးကျွမ်းကျင်သူကိုအမြဲပြောပြပါ။ ဆေးဝါးတွေကိုဆရာဝန်ခွင့်ပြုချက်မပါဘဲ သောက်သုံးခြင်း၊ရပ်ဆိုင်းခြင်း၊ပမာဏကိုပြောင်းလဲခြင်းတွေမပြုလုပ်ပါနဲ့။
Ultram® (tramadol) နဲ့ဓါတ်ပြုနိုင်တဲ့ ဆေးတွေကတော့ အောက်ပါအတိုင်း ဖြစ်ကြပါတယ်။
Ultram® (tramadol) ကအစားအသောက်ဒါမှမဟုတ်အရက်သေစာနဲ့ဓါတ်ပြုမှုတွေဖြစ်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ဓါတ်ပြုမှုတွေမဖြစ်လာအောင်လို့အစားအသောက်၊အရက်သေစာတွေနဲ့ဓါတ်ပြုနိုင်ချေရှိမရှိကို မေးမြန်းတိုင်ပင်ပါ။
Ultram® (tramadol) ဟာသင့်ရဲ့နဂိုကျန်းမာရေးအခြေအနေများနဲ့သက်ရောက်ဓါတ်ပြုမှုတွေရှိနိုင်ပါတယ်။ သင့်ရဲ့ကျန်းမာရေးအခြေအနေကိုပိုဆိုးသွားစေတာဒါမှမဟုတ် ဆေးသက်ရောက်မှုပုံစံပြောင်းလဲသွားတာတွေဖြစ်နိုင်ပါတယ်။ ဒါ့ကြောင့်သင့်ရဲ့ကျန်းမာရေးအခြေအနေအကုန်လုံးကိုသင့်ရဲ့ဆရာဝန်ဒါမှမဟုတ် ဆေးဝါးကျွမ်းကျင်ပညာရှင်ကိုအသိပေးဖို့အရေးကြီးပါတယ်။ အောက်ဖော်ပြပါကျန်းမာရေးအခြေအနေတွေကဒီဆေးနဲ့ဓါတ်ပြုနိုင်ပါတယ်။
ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်
နာကျင်ကိုက်ခဲခြင်းအတွက် :
အလျင်အမြန်အာနိသင်ပြသောပုံစံ : ၅၀ – ၁၀၀မီလီဂရမ်ကို၄ – ၆နာရီခြားတခါ သောက်ရပါမယ်။
အများဆုံးသုံးစွဲနိုင်တဲ့ပမာဏကတော့တနေ့ကို၄၀၀မီလီဂရမ် ဖြစ်ပါတယ်။
ကာလတာရှည်နာကျင်ခြင်းအတွက် :
အကိုက်အခဲပျောက်အာနိသင်ကိုချက်ချင်းရရှိဖို့မလိုအပ်တဲ့လူနာတွေ (သာမန်နာကျင်ခြင်းသို့မဟုတ်အနည်းငယ် ပြင်းထန်တဲ့ကာလတာရှည်နာကျင်ခြင်း ဝေဒနာကိုခံစားနေရတဲ့လူနာတွေ)မှာဆိုရင်တော့ ဆေးဒါဏ်ခံနိုင်စေဖို့အတွက် ဆေးပမာဏကို ဖြည်းဖြည်းချင်းတိုးသွားနိုင်ပါတယ်။
အလျင်အမြန်အာနိသင်ပြသောပုံစံ :
ကြာရှည်စွာအာနိသင်ပြသော ဆေးပုံစံ :
လျင်မြန်စွာအာနိသင်ပြသော ဆေးပုံစံကိုလက်ရှိသုံးစွဲနေတဲ့လူနာတွေအတွက်ကနဦးဆေးပမာဏ : ၂၄နာရီအတွင်းလိုအပ်တဲ့လျင်မြန်စွာအာနိသင်ပြသော ဆေးပမာဏကိုတွက်ထုတ်ပါ။ ဒီပမာဏကို နောက်ထပ်အနည်းဆုံး၁၀၀မီလီဂရမ်တိုးရမယ့်ပမာဏနဲ့စတင်သုံးစွဲပါ။ တနေ့ကိုတကြိမ်သောက်ရပါမယ်။
အခြားသော Opioid အုပ်စုဝင် ဆေးများကိုလက်ရှိသုံးစွဲနေတဲ့လူနာတွေအတွက်ကနဦးဆေးပမာဏ : အခြားသော Opioid အုပ်စုဝင် ဆေးများကိုဆက်မသောက်ပါနဲ့တော့။ ကာလကြာရှည်စွာအာနိသင်ပြတဲ့ ဆေးပုံစံကိုတနေ့လျှင်၁၀၀မီလီဂရမ်တကြိမ်ပမာဏနဲ့စတင်သုံးစွဲပါ။ အာနိသင်ထက်မြက်ပြီး ဘေးထွက်ဆိုးကျိုးတွေကိုလည်းတတ်နိုင်သမျှအနည်းဆုံး ဖြစ်စေဖို့အတွက်၅ရက်တခါ၁၀၀မီလီဂရမ်စီတိုးပေးသွားရပါမယ်။
အများဆုံးသုံးစွဲနိုင်တဲ့ ဆေးပမာဏကတော့တနေ့ကို၃၀၀မီလီဂရမ် ဖြစ်ပါတယ်။
သက်ကြီးရွယ်အိုများအတွက် :
နာကျင်မှုကိုသက်သာစေရန် : အသက်၇၅နှစ်နှင့်အထက်လူနာတွေမှာအများဆုံးသုံးစွဲရမယ့်ပမာဏကတော့တနေ့ကို၃၀၀မီလီဂရမ် ဖြစ်ပါတယ်။
ကာလတာရှည်နာကျင်မှုကိုသက်သာစေရန် : အသက်၇၅နှစ်နှင့်အထက်လူနာတွေမှာအများဆုံးသုံးစွဲရမယ့်ပမာဏကတော့တနေ့ကို၃၀၀မီလီဂရမ် ဖြစ်ပါတယ်။
အသက်၁၇နှစ်နှင့်အထက်လူနာတွေမှာနာကျင်ကိုက်ခဲခြင်းအတွက် :
အလျင်အမြန်အာနိသင်ပြသောပုံစံ : ၅၀ – ၁၀၀မီလီဂရမ်ကို၄ – ၆နာရီခြားတခါ သောက်ရပါမယ်။
အများဆုံးသုံးစွဲနိုင်တဲ့ပမာဏကတော့တနေ့ကို၄၀၀မီလီဂရမ် ဖြစ်ပါတယ်။
အကိုက်အခဲပျောက်အာနိသင်ကိုချက်ချင်းရရှိဖို့မလိုအပ်တဲ့လူနာတွေ (သာမန်နာကျင်ခြင်းသို့မဟုတ်အနည်းငယ် ပြင်းထန်တဲ့ကာလတာရှည်နာကျင်ခြင်း ဝေဒနာကိုခံစားနေရတဲ့လူနာတွေ)မှာဆိုရင်တော့ ဆေးဒါဏ်ခံနိုင်စေဖို့အတွက် ဆေးပမာဏကို ဖြည်းဖြည်းချင်းတိုးသွားနိုင်ပါတယ်။
အလျင်အမြန်အာနိသင်ပြသောပုံစံ :
Ultram® (tramadol) ကို အောက်ဖော်ပြပါ ဆေးဝါးပုံစံများနှင့်အချိုးအစားများဖြင့်ရရှိနိုင်ပါတယ်။
အရေးပေါ်အခြေအနေသို့မဟုတ် ဆေးပမာဏလွန်သွားတဲ့အခြေအနေတွေမှာအရေးပေါ်ဆေးရုံဆေးခန်းများသို့သွားရောက်ကုသမှုခံယူပါ)
Ultram® (tramadol) ကို သောက်သုံးဖို့လွတ်သွားခဲ့ပါက (မေ့ခဲ့ပါက) သတိရတဲ့အချိန်မှာအမြန်ဆုံးသောက်သုံးပါ။ သို့သော်လည်း နောက်တစ်ကြိမ်သောက်သုံးရမယ့်အချိန်နဲ့နီးကပ်နေပြီဆိုရင်တော့လွတ်သွားတဲ့အကြိမ်ကို ကျော်ပြီးပုံမှန်အချိန်မှာပဲ သောက်လိုက်ပါ။ ဆေးပမာဏကိုနှစ်ဆတိုးသောက်တာမျိုးမလုပ်ပါနဲ့။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။