Pseudoephedrine (ဆူဒို အက်ဖီဒရင်း) ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. K Zin Thwe

Generic Name: Pseudoephedrine (ဆူဒို အက်ဖီဒရင်း) Brand Name(s): Generics only. No brands available.

အသုံးပြုပုံများ

Pseudoephedrine (ဆူဒို အက်ဖီဒရင်း) ကို ဘာအတွက်အသုံးပြုကြသလဲ

Pseudoephedrineကိုနှာခေါင်းပိတ်ခြင်း၊အအေးမိ၊တုပ်ကွေးမိခြင်းတို့ကြောင့်ဖြစ်သောနှာခေါင်းတဝိုက်တင်းကြပ်နာကျင်ခြင်းသို့မဟုတ်အသက်ရှုခြင်းနှင့်ဆိုင်သည့် ပြဿနာများ ( ဥပမာ။။ ဓါတ်မတည့်ခြင်း၊ဓါတ်မတည့်ခြင်းကြောင့်ဖျားနာသည့်

ရောဂါတစ်မျိုးဖြစ်သော hay fever၊ လေပြွန်ရောင်ခြင်းစသည်) တို့အားယာယီသက်သာမှုရရှိစေရန်အသုံးပြုသည်။ Pseudoephedrine သည် sympathetic nervous system ကနှိုးဆွပေးသော ဆေးတမျိုးဖြစ်ပြီးနှာခေါင်းပိတ်ခြင်းကိုသက်သာစေသည်။၎င်းသည် သွေးကြောများကိုကျဉ်းစေခြင်းဖြင့် ရောင်ရမ်းခြင်း၊ပိတ်ဆို့ခြင်းတို့အားသက်သာစေသည်။

အကယ်၍သင်သည် Pseudoephedrine ကိုဆရာဝန်ညွှန်ကြားချက်ဖြင့်မဟုတ်ဘဲမိမိသဘောဖြင့်သုံးစွဲခြင်းဖြစ်ပါက (မည်သည့်အခြေအနေမျိုးတွင်ဆရာဝန်နှင့်ပြသင့်သည်ကိုသိနိုင်စေရန်) ဆေးဗူးတွင်ပါသောအညွှန်းကို သေချာစွာဖတ်ရှုရန်လိုပါသည်။

အအေးမိနှာစေးပျောက်ဆေးများသည်အသက်၆နှစ်အောက်ကလေးများအတွက်စိတ်ချရသည်သို့မဟုတ်အကျိုးရှိစေသည်ဟုသက်သေပြထားနိုင်ခြင်းမရှိသေးပါ။ ထို့ကြောင့်ဆရာဝန်ညွှန်ကြားသည့်အခြေအနေမှအပ Pseudoephedrine ကိုအသက်၆နှစ်အောက်ကလေးများတွင်အသုံးမပြုသင့်ပါ။ ကြာရှည်စွာအာနိသင်သက်ရောက်သော ဆေးပြား၊ဆေးတောင့်များကိုအသက်၁၂နှစ်အောက်ကလေးများတွင်အသုံးမပြုသင့်ပါ။Pseudoephedrine ကိုစိတ်ချလုံခြုံအကျိုးရှိစွာသုံးစွဲနိုင်စေရန်အတွက်သင့်ဆရာဝန်သို့မဟုတ် ဆေးဝါးကျွမ်းကျင်သူနှင့် ဆွေးနွေးတိုင်ပင်ပါ။

Pseudoephedrine သည်ရိုးရိုးအအေးမိခြင်းကိုကုသပေးနိုင်ခြင်းမရှိသည့်အပြင်ဆိုးရွားသော ဘေးထွက်ဆိုးကျိုးများကိုလည်း ဖြစ်စေနိုင်ပါသည်။ အဆိုပါ ဘေးထွက်ဆိုးကျိုးများကိုနည်းနိုင်သမျှနည်းစေနိုင်ရန် ဆေးပမာဏလမ်းညွှန်ချက်ကိုအတိအကျလိုက်နာပါ။ ကလေးငယ်အိပ်သွားစေရန်ရည်ရွယ်ချက်ဖြင့် Pseudoephedrine ကိုအသုံးမပြုပါနှင့်။Pseudoephedrine နှင့်အလားတူ ဆေးဝါးများပါရှိသောအအေးမိချောင်းဆိုးပျောက်ဆေးများကိုတွဲဖက်၍အသုံးမပြုပါနှင့်။ ချောင်းဆိုးခြင်းနှင့်အခြားသောအအေးမိလက္ခဏာများသက်သာပျောက်ကင်းစေရန်ဆရာဝန်သို့မဟုတ် ဆေးဝါးကျွမ်းကျင်သူကို မေးမြန်းအကြံဉာဏ်တောင်းပါ(အရည်များများသောက်ပေးခြင်း၊နှာခေါင်းထဲသို့ saline အစက်ချဆေးများချပေးခြင်းစသည်)။

အခြားအသုံးပြုမှုများ။။ဤနေရာတွင် ဖော်ပြမည့်အသုံးပြုပုံများသည်တရားဝင်သတ်မှတ်ထားသော ဆေးအညွှန်းတွင်မပါဝင်သော်လည်းသင့်ဆရာဝန်ကညွန်းဆိုသောအသုံးပြုမှုအခြေအနေများဖြစ်သည်။ ထို့ကြောင့်ဤနေရာတွင် ဖော်ပြမည့် ရောဂါအနေအထားအတွက် Pseudoephedrine ကိုအသုံးပြုမည်ဆိုလျင်ဆရာဝန်ညွှန်ကြားချက်ရှိမှသာအသုံးပြုသင့်သည်။

Pseudoephedrine ကိုနားနာခြင်း၊နား ရောင်ရမ်းခြင်းသို့မဟုတ် လေဖိအားအပြောင်းအလဲဖြစ်သည့်အချိန်(လေယာဉ်စီးခြင်း၊ရေငုပ်ခြင်းစသည်)မျိုးတွင်နားလမ်းကြောင်းတလျှောက်ပုံမှန်အတိုင်းရှိနေစေရန်အတွက်လည်းအသုံးပြုသည်။ ဆရာဝန်၏ညွှန်ကြားချက်အတိုင်းအတိအကျလိုက်နာပါ။

Pseudoephedrine (ဆူဒို အက်ဖီဒရင်း) ဘယ်လိုသောက်သုံးသင့်သလဲ

အကယ်၍သင်သည်ဆရာဝန်ညွှန်ကြားချက်မလိုသော ဆေးဝါးများကိုမိမိဖာသာဝယ်ယူအသုံးပြုပါက ဆေးကိုအသုံးမပြုမီ ဆေးဗူးတွင်ပါရှိသော ဆေးညွှန်းများကို သေချာစွာဖတ်ရှုရန်လိုအပ်ပါသည်။ မရှင်းလင်းသည်များရှိပါကဆရာဝန်သို့မဟုတ် ဆေးဝါးကျွမ်းကျင်ပုဂ္ဂိုလ်တို့ကို မေးမြန်းပါ။ အကယ်၍ဆရာဝန်ညွှန်ကြားချက်ဖြင့်အသုံးပြုပါကညွန်ကြားချက်ကိုအတိအကျလိုက်နာပါ။

Pseudoephedrine ကိုအစာရှိသည်ဖြစ်စေ၊မရှိသည်ဖြစ်စေ လေးနာရီခြားသို့မဟုတ် ခြောက်နာရီခြားတစ်ခါသို့မဟုတ်သင့်ဆရာဝန်ညွှန်ကြားထားသည့်အတိုင်း သောက်နိုင်သည်။ တစ်နေ့လျှင် လေးခါထက်ပိုမသောက်ရပါ။ ဆေးပမာဏအနည်အများသည်သင်၏အသက်၊ ရောဂါအခြေအနေနှင့် ဆေးကိုတုန့်ပြန်မှုအပေါ်မူတည်သည်။ ဆေးပမာဏကိုတိုးခြင်းသို့မဟုတ်ညွှန်ကြားထားသည်ထက်ပိုသောက်ခြင်းများမပြုရ။ သင့်အသက်အရွယ်အတွက်လမ်းညွှန်ထားသောပမာဏထက်လည်းပိုပြီးမသောက်ရပါ။

အကယ်၍သင်သည်ဝါးစားနိုင်သော ဆေးပြားကိုသုံးစွဲပါက ဆေးကို ကောင်းစွာဝါးပြီးမှ မြိုချပါ။Pseudoephedrine အရည်ကိုအသုံးပြုပါက ဆေးနှင့်အတူပါရှိသောတိုင်းတာသည့်ကိရိယာလေးကိုအသုံးပြုပြီး ဆေးရည်ပမာဏအားတိကျစွာ သောက်သုံးရမည်ဖြစ်ပါသည်။ ဆေးပမာဏမှားယွင်းနိုင်သဖြင့်ပုံမှန်အိမ်တွင်အသုံးပြုသောဇွန်းစသည်တို့ကိုအရည်ပမာဏတိုင်းတာရန်မသုံးရပါ။

Pseudoephedrine ကိုတံဆိပ်မျိုးစုံ၊ပုံစံမျိုးစုံတိုဖြင့်ရရှိနိုင်ပြီး ရေများများဖြင့် မြိုချသင့်သည့် ဆေးပြားပုံစံမျိုးလည်းရှိသည့်အပြင်တံဆိပ်တမျိုးနှင့်တမျိုးပါဝင်သည့် ဆေးပမာဏလည်းမတူညီကြသည့်အတွက် ဆေးအညွှန်းကို သေချာစွာဖတ်ရှုလိုက်နာရန်လိုအပ်ပါသည်။ သတ်မှတ်ပေးထားသောပမာဏထက်ပို၍မသုံးစွဲပါနှင့်။

ကဖင်းဓါတ်သည် Pseudoephedrine ၏ ဘေးထွက်ဆိုးကျိုးများကိုပိုများစေသဖြင့်ကဖင်းဓါတ်အများအပြားပါဝင်သော သောက်စရာများ (ကော်ဖီ၊လက်ဖက်ရည်၊ကိုလာစသည်)၊ ချောကလက်၊ဆရာဝန်ညွှန်ကြားချက်မလိုသောကဖင်းပါသည့် ဆေးများစသည်တို့ကို ရှောင်ကြဉ်ရပါမည်။

အကယ်၍ ရောဂါလက္ခဏာများသည်၇ရက်အတွင်းမသက်သာလျှင်၊ပိုဆိုးလာလျှင်၊ပျောက်သွားပြီး ပြန်ဖြစ်လျှင်သို့မဟုတ်ဖျားခြင်း၊အနီစက်များထွက်လာလျှင်၊ဆက်တိုက်ခေါင်းကိုက်နေလျှင်သို့မဟုတ်သင့်အနေဖြင့်ဆိုးရွားသောကျန်းမာရေးပြဿနာများနှင့်ရင်ဆိုင်နေရသည်ဟုယူဆလျှင်အရေးပေါ်ကုသမှုကိုခံယူပါ။

Pseudoephedrine (ဆူဒို အက်ဖီဒရင်း) ဘယ်လိုသိမ်းဆည်းရမလဲ

(ယေဘူယျအသိပေးချက် – ဆေးအများစုမှာအခန်းအပူချိန်တွင်သိုလှောင်ထားနိုင်ပါတယ်)

Pseudoephedrineကိုတိုက်ရိုက်နေရောင်ခြည်မထိုးအောင်နဲ့စိုစွတ်မှုမရှိအောင်ထားတာကအကောင်းဆုံးသိုလှောင်သိမ်းဆည်းတဲ့နည်းပဲဖြစ်ပါတယ်။ ဆေးအာနိသင်ပျက်ပြယ်တာနဲ့ ဆေးအနေအထားပျက်ယွင်းမှုတွေမဖြစ်အောင်လို့Pseudoephedrineကို ရေချိုးခန်းထဲမှာသိမ်းဆည်းတာနဲ့ ရေခဲအောင်သိမ်းဆည်းတာတွေမပြုလုပ်ပါနဲ့။Pseudoephedrine ဆေးအမျိုးအစားနဲ့၊ ဆေးထုတ်လုပ်တဲ့ကုမ္ပဏီကွဲပြားမှုပေါ်မူတည်ပြီးသိမ်းဆည်းတဲ့ပုံစံကွဲပြားခြားနားမှုရှိနိုင်ပါတယ်။ ဒီအတွက် ဆေးဘူးအခွံမှာပါတဲ့သိုလှောင်သိမ်းဆည်းမှုညွှန်ကြားချက်ကိုကြည့်ရှုစစ်ဆေးတာမျိုးဒါမှမဟုတ် ဆေးဝါးကျွမ်းကျင်သူကို မေးမြန်းတာမျိုးကိုအမြဲလုပ်ပါ။ လုံခြုံစိတ်ချရဖို့အတွက် ဆေးဝါးတွေအကုန်လုံးကိုကလေးတွေ၊အိမ်မွေးတိရိစ္ဆာန်တွေနဲ့ ဝေးရာမှာထားပါ။)

Pseudoephedrineကိုအိမ်သာထဲကိုပစ်ချတာနဲ့ ရေထွက်ပေါက်တွေထဲကနေ ဆေးချတာမျိုးကိုမလုပ်သင့်ပါဘူး။ ဆေးဝါးတွေကိုမလိုအပ်တော့တဲ့အခါဒါမှမဟုတ်သက်တမ်းကုန်ဆုံးသွားတဲ့အခါတွေမှာစနစ်တကျစွန့်ပစ်ဖို့အရေးကြီးပါတယ်။ ဆေးဝါးများကိုစနစ်တကျဘယ်လိုစွန့်ပစ်ရမယ်ဆိုတာနဲ့ပတ်သက်လို့သင့်ရဲ့ဆေးဝါးကျွမ်းကျင်ပညာရှင်နဲ့တိုင်ပင်ပါ။

(ယေဘူယျအသိပေးချက် – ဆေးဝါးအများစုကို ရေခဲသေတ္တာထဲတွင်သိမ်းဆည်းနိုင်ပါတယ်။ ရေခဲအောင်သိမ်းဆည်းခြင်းတော့မပြုလုပ်ရပါ)

Pseudoephedrineကိုရေခဲသေတ္တာထဲတွင်သိမ်းဆည်းခြင်းကအကောင်းဆုံးဖြစ်ပါတယ်။ ဆေးအာနိသင်ပျက်ပြယ်နိုင်တဲ့အတွက် ရေခဲအောင်မလုပ်ရပါ။

ကြိုတင်သတိပြုရန်များနှင့် အသိပေးချက်များ

Pseudoephedrine (ဆူဒို အက်ဖီဒရင်း) အသုံးမပြုခင် ဘာတွေသိသင့်သလဲ

ဆေးမသောက်သုံးမီတွင် ဖြစ်နိုင်ချေကောင်းကျိုးများနှင့်ဆိုးကျိုးများအားလုံးကိုချိန်ဆနိုင်ရန်အတွက်သင်၏ဆရာဝန်နှင့်တိုင်ပင်ဆွေးနွေးမှုပြုလုပ်ပါ။ Pseudoephedrine ဆေးသောက်သုံးမည်ဆိုလျင် အောက်ပါအခြေအနေများကိုသတိထားသင့်သည်။

—>ဓါတ်မတည့်ခြင်း

Pseudoephedrine ဆေးနှင့်သို့မဟုတ်အခြားသောဆေးများနှင့်ဓါတ်မတည့်သည့်လက္ခဏာများခံစားရဖူးပါကဆရာဝန်ကို သေချာစွာအသိပေးပါ(ဆေးသာမကအစားအသောက်၊ဆိုးဆေး၊အစားအစာများကိုတာရှည်ခံအောင်အသုံးပြုသည့်ပစ္စည်းများသို့မဟုတ်တိရစ္ဆာန်များနှင့်ဓါတ်မတည့်ခြင်းများပါအကျုံးဝင်သည်)။ ဆရာဝန်ညွှန်ကြားသည့်ဆေးမဟုတ်ပါက ဆေးညွှန်းကို သေချာစွာဖတ်ပါ။

—>ကလေးသူငယ်များ

ငယ်ရွယ်သောကလေးများအထူးသဖြင့် မွေးကင်းစကလေးများနှင့်လမစေ့ဘဲမွေးသောကလေးများတွင် ဘေးထွက်ဆိုးကျိုးများ ဖြစ်ပေါ်နိုင်ချေပိုများပါသည်။

ဆရာဝန်ညွှန်ကြားချက်မလိုသောအအေးမိနှာစေးပျောက် ဆေးများသည်ငယ်ရွယ်သောကလေးများတွင်ဆိုးရွားသော ဘေးထွက်လက္ခဏာများဖြစ်ပေါ်စေနိုင်သည့်အပြင်အသက်အန္တရာယ်ပါထိခိုက်စေနိုင်သဖြင့်အဆိုပါဆေးများကိုအသက်၄နှစ်အောက်ကလေးများအားမပေးသင့်ပါ။

—–>သက်ကြီးရွယ်အိုများ

ဆေးအများစုကိုအသက်အရွယ်ကြီးသူများတွင်အထူးတလည်စမ်းသပ်လေ့မရှိပါ။ ထို့ကြောင့်လူငယ်များတွင်ရရှိသည့်အာနိသင်များအတိုင်းအသက်ကြီးသူများတွင်ရရှိခြင်းရှိမရှိ သေချာစွာမသိရပါ။ ထိုသို့အသက်ကြီးသူများတွင် Pseudoephedrine ၏အာနိသင်ကိုတိကျစွာစမ်းသပ်ထားခြင်းမရှိသော်လည်းလူငယ်များနှင့်မတူညီသောအာနိသင်နှင့် ဘေးထွက်ဆိုးကျိုးများအသက်ကြီးသူများတွင်ရရှိဖြစ်ပေါ်လိမ့်မည်ဟုမယူဆနိုင်ပါ။

ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ Pseudoephedrine (ဆူဒို အက်ဖီဒရင်း) ကိုသုံးစွဲဖို့ စိတ်ချရပါသလား

(ယေဘူယျအသိပေးချက်ယခုဆေးဝါးကိုကိုယ်ဝန်ဆောင်နေချိန်နှင့်ကလေးနို့တိုက်နေချိန်တွင်အသုံးပြုလျှင်ဆိုးကျိုးများရှိမရှိကိုဆုံးဖြတ်နိုင်ရန်အတွက်လုံလောက်သော လေ့လာစမ်းသပ်ချက်များမရှိပါ။ ဆေးမသောက်သုံးမီတွင် ဖြစ်နိုင်ချေကောင်းကျိုးများနှင့်ဆိုးကျိုးများအားလုံးကိုချိန်ဆနိုင်ရန်အတွက်သင့်ရဲ့ဆရာဝန်နဲ့တိုင်ပင်ဆွေးနွေးမှုပြုလုပ်ပါ။ ယခုဆေးဝါးသည်အမေရိကန်ပြည်ထောင်စုအစားအသောက်နဲ့ ဆေးဝါးကွပ်ကဲရေးအဖွဲ့၏သတ်မှတ်ချက်အရကိုယ်ဝန်ဆောင်များတွင်ထိခိုက်နိုင်ချေအဆင့် ××× ရှိသည်ဟုသတ်မှတ်ထားသည်။)

အမေရိကန်ပြည်ထောင်စုအစားအသောက်နဲ့ ဆေးဝါးကွပ်ကဲရေးအဖွဲ့၏ကိုယ်ဝန်ဆောင်များတွင်ထိခိုက်နိုင်ချေအဆင့်သတ်မှတ်ချက်များမှာ အောက်ပါအတိုင်းဖြစ်သည်။

  • A=ဆိုးကျိုးမရှိပါ။
  • B=လေ့လာမှုအချို့အရဆိုးကျိုးမရှိပါ။
  • C=ဆိုးကျိုးအချို့ရှိနိုင်ပါသည်။
  • D= ဆိုးကျိုးများရှိသည့်အထောက်အထားများရှိပါသည်။
  • X=သောက်သုံး၍မရပါ (လုံးဝမတည့်ပါ)။
  • N=အခြေအနေကိုမသိရသေးပါ။

ကိုယ်ဝန်ဆောင်နေချိန်နှင့်ကလေးနို့တိုက်နေချိန်များတွင်စိတ်ချရမှုရှိမရှိကိုမသိရသေးသည့် ဆေးဝါးများနှင့်ပတ်သက်၍ ကောင်းကျိုးနှင့်ဆိုးကျိုးများကိုချိန်ဆနိုင်ရန်အတွက်သင်၏ဆရာဝန်နှင့်တိုင်ပင်ဆွေးနွေးမှုများအမြဲလုပ်ပါ။)

ဘေးထွက်ဆိုးကျိုးများ

Pseudoephedrine (ဆူဒို အက်ဖီဒရင်း) ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

အင်ပြင်များထွက်ခြင်း၊အသက်ရှုရခက်ခဲလာခြင်း၊မျက်နှာ၊နှုတ်ခမ်း၊လျှာသို့မဟုတ်လည်ချောင်းတို့ ရောင်ရမ်းခြင်းအစရှိသောဓါတ်မတည့်သည့်လက္ခဏာများခံစားလာရပါကအရေးပေါ်ကုသမှုကိုခံယူရပါမည်။

အောက်ပါလက္ခဏာများခံစားရပါက Pseudoephedrine သောက်သုံးခြင်းကိုချက်ချင်းရပ်ပြီးဆရာဝန်နှင့်အမြန်ပြသပါ။

  • နှလုံးခုန် မြန်ခြင်း၊မမှန်ခြင်း။
  • ပြင်းထန်စွာမူးဝေထိုင်းမှိုင်းခြင်း၊စိုးရိမ်ပူပန်စိတ်များခြင်း။
  • သွေးခြေဥလွယ်ခြင်း၊သွေးထွက်လွယ်ခြင်း၊ပုံမှန်မဟုတ်သောပင်ပန်းနွမ်းနယ်မှုခံစားရခြင်း၊ဖျားခြင်း၊ချမ်းတုန်ခြင်း၊တုပ်ကွေးလက္ခဏာများ၊တကိုယ်လုံးနာကျင်ကိုက်ခဲခြင်း။
  • သွေးပေါင်အလွန်တက်ခြင်း (ပြင်းထန်စွာခေါင်းကိုက်ခြင်း၊အမြင်ဝါးခြင်း၊နားထဲတွင်အသံများဆူညံစွာကြားနေရခြင်း၊စိတ်ပူပန်ခြင်း၊စိတ်ရှုပ်ထွေးခြင်း၊ရင်ဘတ်အောင့်ခြင်း၊အသက်ရှုရခက်ခြင်း၊နှလုံးခုန်စည်းချက်မမှန်ခြင်း၊တက်ခြင်း)။

သာမန်ဘေးထွက်လက္ခဏာများမှာ

  • အစားအသောက်ပျက်ခြင်း။
  • အရေပြားပူနွေးနီရဲခြင်း။
  • ဂဏှာမငြိမ်ခြင်း (အထူးသဖြင့်ကလေးများတွင်)
  • အိပ်မပျော်ခြင်း။
  • အနီစက်များထွက်ခြင်း၊ယားယံခြင်း။

ယခုဖော်ပြပါ ဘေးထွက်ဆိုးကျိုးများကိုခံစားရမှုမှာတစ်ဦးနှင့်တစ်ဦးကွဲပြားခြားနားမှုရှိနိုင်ပါတယ်။ အထက်ဖော်ပြပါဘေးထွက်ဆိုးကျိုးများတွင်မပါဝင်သည့် ဘေးထွက်ဆိုးကျိုးများလည်းရှိနိုင်ပါတယ်။ ဘေးထွက်ဆိုးကျိုးနှင့်ပတ်သက်၍စိုးရိမ်ပူပန်မှုများရှိပါကသင်၏ဆရာဝန်သို့မဟုတ် ဆေးဝါးကျွမ်းကျင်ပညာရှင်နှင့်တိုင်ပင်ဆွေးနွေးမှုများပြုလုပ်ပါ။)

ဆေးဓါတ်ပြုမှုများ

ဘယ်ဆေးတွေက Pseudoephedrine (ဆူဒို အက်ဖီဒရင်း) နဲ့ ဓါတ်ပြုနိုင်သလဲ

Pseudoephedrineဟာသင်အခုလောလောဆယ်သောက်သုံးနေတဲ့တခြားသော ဆေးဝါးတွေနဲ့ဓါတ်ပြုမှုတွေဖြစ်နိုင်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ ဆေးဝါးဓါတ်ပြုမှုတွေမဖြစ်လာအောင်လို့သင်လက်ရှိသောက်သုံးနေတဲ့ ဆေးဝါးတွေအားလုံးရဲ့စာရင်းကိုလုပ်ထားပြီး (စာရင်းလုပ်တဲ့အခါမှာဆရာဝန်ညွှန်ကြားထားတာတွေ၊မညွှန်ကြားဘဲ သောက်သုံးနေတာတွေ၊သဘာဝဆေးဘက်ဝင်ပစ္စည်းတွေအားလုံးပါဝင်ပါတယ်) ဆရာဝန်ဒါမှမဟုတ ဆေးဝါးကျွမ်းကျင်သူကိုအမြဲပြောပြပါ။ ဆေးဝါးတွေကိုဆရာဝန်ခွင့်ပြုချက်မပါဘဲ သောက်သုံးခြင်း၊ရပ်ဆိုင်းခြင်း၊ပမာဏကိုပြောင်းလဲခြင်းတွေမပြုလုပ်ပါနဲ့။)

အောက်ဖော်ပြပါဆေးတွေကိုသုံးစွဲနေတယ်ဆိုရင် Pseudoephedrine ကိုအသုံးမပြုသင့်ပါဘူး။ သင့်ဆရာဝန်အနေနဲ့ Pseudoephedrine ကိုအသုံးမပြုတော့တာဘဲဖြစ်ဖြစ်သင်သုံးစွဲနေတဲ့အခြားဆေးတွေကို ပြောင်းလိုက်တာပဲဖြစ်ဖြစ် ပြုလုပ်နိုင်ပါတယ်။

  • Clorgyline
  • Dihydroergotamine
  • Furazolidone
  • Iproniazid
  • Isocarboxazid
  • Linezolid
  • Moclobemide
  • Nialamide
  • Pargyline
  • Phenelzine
  • Procarbazine
  • Rasagiline
  • Selegiline
  • Toloxatone
  • Tranylcypromine

အောက်ဖော်ပြပါဆေးများကို ယေဘုယျအားဖြင့် Pseudoephedrine နဲ့တွဲဖက်အသုံးပြုလေ့မရှိပါဘူး။ သို့သော်အချို့သောအခြေအနေများတွင်မူသုံးစွဲကောင်းသုံးစွဲပါလိမ့်မည်။ အကယ်၍ ဆေးနှစ်မျိုးလုံးကို သောက်သုံးရန်လိုအပ်ပါကသင့်ဆရာဝန်အနေဖြင့် ဆေးတမျိုးသို့မဟုတ်နှစ်မျိုးလုံး၏ပမာဏကို ပြန်လည်ချိန်ဆခြင်းသို့မဟုတ် ဆေးသောက်ရမည့်အကြိမ်ရေကို ပြောင်းလဲခြင်းစသည်တို့ကို ပြုလုပ်နိုင်သည်။

  • Guanethidine
  • Iobenguane I 123
  • Methyldopa
  • Midodrine

အစားအသောက်တွေနဲ့ အရက်က Pseudoephedrine (ဆူဒို အက်ဖီဒရင်း) နဲ့ ဓါတ်ပြုနိုင်သလား

Pseudoephedrineကအစားအသောက်ဒါမှမဟုတ်အရက်သေစာနဲ့ဓါတ်ပြုမှုတွေဖြစ်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ဓါတ်ပြုမှုတွေမဖြစ်လာအောင်လို့အစားအသောက်၊အရက်သေစာတွေနဲ့ဓါတ်ပြုနိုင်ချေရှိမရှိကို မေးမြန်းတိုင်ပင်ပါ။

ဘယ်ရောဂါအခြေအနေတွေက Pseudoephedrine (ဆူဒို အက်ဖီဒရင်း) နဲ့ ဓါတ်ပြုနိုင်သလဲ

Pseudoephedrineဟာသင့်ရဲ့နဂိုကျန်းမာရေးအခြေအနေများနဲ့သက်ရောက်ဓါတ်ပြုမှုတွေရှိနိုင်ပါတယ်။ သင့်ရဲ့ကျန်းမာရေးအခြေအနေကိုပိုဆိုးသွားစေတာဒါမှမဟုတ် ဆေးသက်ရောက်မှုပုံစံပြောင်းလဲသွားတာတွေဖြစ်နိုင်ပါတယ်။ ဒါ့ကြောင့်သင့်ရဲ့ကျန်းမာရေးအခြေအနေအကုန်လုံးကိုသင့်ရဲ့ဆရာဝန်ဒါမှမဟုတ် ဆေးဝါးကျွမ်းကျင်ပညာရှင်ကိုအသိပေးဖို့အရေးကြီပါတယ်။ အထူးသဖြင့်

  • အသက်ကြီးသူများတွင်ဖြစ်သောအမှတ်နှစ်အမျိုးအစားဆီးချို ———–>Pseudoephedrine သည် သွးတွင်းသကြားဓါတ်ကိုများစေသည်။
  • ဆီးကျိတ်ရောင် ရောဂါရှိသူ။
  • ရေတိမ်ရှိလျင်သို့မဟုတ် ရေတိမ်ဖြစ်နိုင်ချေရှိလျှင်
  • နှလုံးရောဂါသို့မဟုတ်နှလုံးသွေးကြောဆိုင်ရာ ရောဂါများရှိလျှင်
  • သွေးတိုးရှိလျှင် ———-> Pseudoephedrine ကအဆိုပါအခြေအနေကိုပိုဆိုးစေမည်။
  • သိုင်းရွိုက်ဂလင်းအလွန်အကျွံအလုပ်လုပ်လျှင် ———> Pseudoephedrine ကအဆိုပါအခြေအနေကိုပိုဆိုးစေမည်။

သောက်သုံးရန်အညွှန်း

ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

အရွယ်ရောက်ပြီးသူတွေအတွက် Pseudoephedrine (ဆူဒို အက်ဖီဒရင်း) ရဲ့ အသုံးပြုရမယ့်ပမာဏကဘယ်လောက်လဲ

နှာခေါင်းပိတ်ခြင်းအတွက်

ချက်ချင်းအကျိုးသက်ရောက်သောဆေးပုံစံ ——>၃၀-၆၀မီလီဂရမ်ကို၄နာရီခြားသို့မဟုတ်၆နာရီခြားတခါ (လိုအပ်လျှင်လိုအပ်သလို) သောက်နိုင်သည်။

အာနိသင်ကြာရှည်ခံသောပုံစံ ——->၁၂၀မီလီဂရမ်ကို၁၂နာရီခြားတခါ (လိုအပ်လျှင်လိုအပ်သလို) သောက်နိုင်သည်။

အာနိသင်ကြာရှည်ခံသော သောက်ဆေးအရည်ပုံစံ ——->၄၅ – ၁၀၀မီလီဂရမ်ကို၁၂နာရီခြားတခါ (လိုအပ်လျှင်လိုအပ်သလို) သောက်နိုင်သည်။

တစ်နေ့တာအတွက်အများဆုံးသောက်နိုင်သောပမာဏ ——->၂၄၀မီလီဂရမ်

ကလေးတွေအတွက် Pseudoephedrine (ဆူဒို အက်ဖီဒရင်း) ရဲ့ အသုံးပြုရမယ့်ပမာဏကဘယ်လောက်လဲ

နှာခေါင်းပိတ်ခြင်းအတွက်

အသက်၂နှစ်မှ၅နှစ်အတွင်းရှိကလေးများ

ချက်ချင်းအကျိုးသက်ရောက်သောဆေးပုံစံ ——>၁၅မီလီဂရမ်ကို၆နာရီခြားတခါ (လိုအပ်လျှင်လိုအပ်သလို) သောက်နိုင်သည်။

အာနိသင်ကြာရှည်ခံသော သောက်ဆေးအရည်ပုံစံ ——->၁၂.၅ – ၂၅မီလီဂရမ်ကို၁၂နာရီခြားတခါ (လိုအပ်လျှင်လိုအပ်သလို) သောက်နိုင်သည်။

တစ်နေ့တာအတွက်အများဆုံးသောက်နိုင်သောပမာဏ ——->၆၀မီလီဂရမ်

(သို့မဟုတ်)

1mg/kg/dose နှုန်းဖြင့်၆နာရီခြားတစ်ခါ —–>အများဆုံးပမာဏမှာ၁၅မီလီဂရမ်ဖြစ်သည်။

အသက်၆နှစ်မှ၁၂နှစ်အတွင်းရှိကလေးများ

ချက်ချင်းအကျိုးသက်ရောက်သောဆေးပုံစံ ——>၃၀မီလီဂရမ်ကို၆နာရီခြားတခါ (လိုအပ်လျှင်လိုအပ်သလို) သောက်နိုင်သည်။

အာနိသင်ကြာရှည်ခံသော သောက်ဆေးအရည်ပုံစံ ——->၂၅ – ၅၀မီလီဂရမ်ကို၁၂နာရီခြားတစ်ခါ (လိုအပ်လျှင်လိုအပ်သလို) သောက်နိုင်သည်။

တစ်နေ့တာအတွက်အများဆုံးသောက်နိုင်သောပမာဏ ——->၁၂၀မီလီဂရမ်

အသက်၁၂နှစ်အထက်ကလေးများ

ချက်ချင်းအကျိုးသက်ရောက်သောဆေးပုံစံ ——>၃၀-၆၀မီလီဂရမ်ကို၄နာရီခြားသို့မဟုတ်၆နာရီခြားတခါ (လိုအပ်လျှင်လိုအပ်သလို) သောက်နိုင်သည်။

အာနိသင်ကြာရှည်ခံသောပုံစံ ——->၁၂၀မီလီဂရမ်ကို၁၂နာရီခြားတခါ (လိုအပ်လျှင်လိုအပ်သလို) သောက်နိုင်သည်။

အာနိသင်ကြာရှည်ခံသော သောက်ဆေးအရည်ပုံစံ ——->၅၀ – ၁၀၀မီလီဂရမ်ကို၁၂နာရီခြားတခါ (လိုအပ်လျှင်လိုအပ်သလို) သောက်နိုင်သည်။

တစ်နေ့တာအတွက်အများဆုံးသောက်နိုင်သောပမာဏ ——->၂၄၀မီလီဂရမ်

{ယေဘူယျအသိပေးချက် – ကလေးလူနာများမှာဘယ်လောက်အချိုးအစားပေးရမလဲဆိုတာအတည်မပြုရသေးပါ။ သင့်ကလေးငယ်အတွက် သောက်သုံးရန်စိတ်ချရမှုရှိချင်မှရှိနိုင်ပါလိမ့်မယ်။ ဘယ်ဆေးဝါးမဆိုအသုံးမပြုရသေးခင်မှာစိတ်ချရမှုအနေအထားကိုအပြည့်အဝနားလည်ဖို့လိုအပ်ပါလိမ့်မယ်။ အချက်အလက်များထပ်မံရရှိရန်အတွက်သင့်ရဲ့ဆရာဝန်သို့မဟုတ် ဆေးဝါးကျွမ်းကျင်သူနဲ့တိုင်ပင်ဆွေးနွေးပါ)

Pseudoephedrine (ဆူဒို အက်ဖီဒရင်း) ကိုဘယ်လိုရရှိနိုင်သလဲ

Pseudoephedrineကို အောက်ဖော်ပြပါ ဆေးဝါးပုံစံများနှင့်အချိုးအစားများဖြင့်ရရှိနိုင်ပါတယ်။

ဆေးတောင့်၁၂၀မီလီဂရမ်

သောက်ဆေးအရည် 30mg/5ml

အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

အရေးပေါ်အခြေအနေသို့မဟုတ် ဆေးပမာဏလွန်သွားတဲ့အခြေအနေတွေမှာအရေးပေါ်ဆေးရုံဆေးခန်းများသို့သွားရောက်ကုသမှုခံယူပါ)

ဆေးသောက်ရမယ့်အချိန်လွတ်သွားခဲ့ရင် ဘာလုပ်ရမလဲ။

Pseudoephedrineကို သောက်သုံးဖို့လွတ်သွားခဲ့ပါက (မေ့ခဲ့ပါက) သတိရတဲ့အချိန်မှာအမြန်ဆုံးသောက်သုံးပါ။ သို့သော်လည်း နောက်တစ်ကြိမ်သောက်သုံးရမယ့်အချိန်နဲ့နီးကပ်နေပြီဆိုရင်တော့လွတ်သွားတဲ့အကြိမ်ကို ကျော်ပြီးပုံမှန်အချိန်မှာပဲ သောက်လိုက်ပါ။ ဆေးပမာဏကိုနှစ်ဆတိုးသောက်တာမျိုးမလုပ်ပါနဲ့။

HelloHealth Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

တည်းဖြတ်သည့်နေ့ ဇွန် 26, 2017 | နောက်ဆုံးတည်းဖြတ်ခြင်း ဩဂုတ် 15, 2017

သင်ဒါလည်း နှစ်သက်နိုင်ပါတယ်။