Madecassol (မတ်ဒီကာဆိုးလ်) ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

Generic Name: Madecassol (မတ်ဒီကာဆိုးလ်) Brand Name(s): Generics only. No brands available.

အသုံးပြုပုံများ

Madecassol (မတ်ဒီကာဆိုးလ်) ကို ဘာအတွက်အသုံးပြုကြသလဲ

Madecassol® ကို အသေးစား ဒဏ်ရာများ၊ သွေးပြန်ကြော ဖောင်းကားခြင်း၊ နာတာရှည် သွေးပြန်ကြော မလုံလောက်ခြင်း၊ အရေပြား လေးဖက်နာ စသည်တို့၏ ကုသမှုအတွက် သုံးသည်။

Madecassol (မတ်ဒီကာဆိုးလ်) ဘယ်လိုသောက်သုံးသင့်သလဲ

သောက်ဆေးပုံစံအတွက် သင်သည် အောက်ပါတို့ လုပ်သင့်သည်။

  • Madecassol® ကို ဆရာဝန် ညွှန်ကြားသည့် ပမာဏ၊ အချိန်ဇယား အတိုင်း ပါးစပ်မှသောက်ပါ။
  • Madecassol® မသောက်မီ တံဆိပ်ကို သေချာ ဖတ်ရှုပါ။
  • တံဆိပ်တွင် သင် သေချာနားမလည်သော အချက်အလက်များ ရှိပါက ဆရာဝန်နှင့် တိုင်ပင်ပါ။

Madecassol (မတ်ဒီကာဆိုးလ်) ဘယ်လိုသိမ်းဆည်းရမလဲ

Madecassol® ကို အခန်းအပူချိန်တွင် တိုက်ရိုက်အလင်း နှင့် စိုထိုင်းမှုတို့မှ ကင်းဝေးအောင် သိမ်းဆည်းရမည်။ ဆေးပျက်စီးခြင်းမှ ကာကွယ်ရန် Madecassol® ကို ရေချိုးခန်း သို့မဟုတ် ရေခဲ သေတ္တာတွင် မသိမ်းဆည်းပါနှင့်။ Madecassol® တွင် မတူညီသော ကုန်တံဆိပ်များစွာရှိသည်။ တံဆိပ်ပေါ် မူတည်ပြီး သိမ်းဆည်းမှုပုံစံ ကွဲပြားနိုင်သည်။ သိမ်းဆည်းမှုနှင့် ပတ်သက်သော ညွှန်ကြားချက်များအတွက် ဆေး၏ ဘူးကို အမြဲစစ်ရန် အရေး ကြီးသည်။ သို့မဟုတ် ဆေးရောင်းသူနှင့် တိုင်ပင်ပါ။ ဆေးများအားလုံးကို ကလေးနှင့် အိမ်မွေး တိရစ္ဆာန်များမှ ဝေးရာနေရာတွင် ထားပါ။

ညွှန်ကြားထားခြင်းမရှိဘဲ Madecassol® ကို အိမ်သာထဲ ထည့်ခြင်း၊ ရေဆင်းပိုက်ထဲ ထည့်ခြင်း မပြုပါနှင့်။ သက်တမ်းကုန်သွားပါက သို့မဟုတ် မလိုအပ်တော့ပါက ထိုထုတ်ကုန်ကို သင့်တော်စွာ စွန့်ပစ်ရန် အရေးကြီးသည်။ ထုတ်ကုန်ကို ဘေးကင်းစွာ စွန့်ပစ်နိုင်ရန် ဆေးဝါး ကျွမ်းကျင်သူနှင့် တိုင်ပင်ပါ။

ကြိုတင်သတိပြုရန်များနှင့် အသိပေးချက်များ

Madecassol (မတ်ဒီကာဆိုးလ်) အသုံးမပြုခင် ဘာတွေသိသင့်သလဲ

Madecassol® ကို အသုံးမပြုမီ သင့်တွင် အောက်ပါတို့ရှိပါက ဆရာဝန်အား ပြောပါ။

  • သင်သည် ကိုယ်ဝန်ရှိပါက သို့မဟုတ် ကလေးနို့တိုက်နေရပါက။ အဘယ်ကြောင့်ဆိုသော် သင်သည် ကိုယ်ဝန်ရှိပါက သို့မဟုတ် ကလေးနို့တိုက်နေရပါက ဆရာဝန် အကြံပြုထောက်ခံ သော ဆေးများကိုသာ သောက်သင့်သည်။
  • သင်သည် အခြားဆေးများ သောက်နေရပါက။ ၎င်းတွင် ဆေးဖက်ဝင်များ၊ အားဆေးများ စသော ဆေးစာမပါဘဲ ဝယ်၍ ရသောဆေးများ ပါဝင်သည်။
  • သင်သည် Madecassol® သို့မဟုတ် အခြားဆေးများ၏ ပါဝင်ပစ္စည်းများနှင့် ဓါတ်မတည့်ပါက။
  • သင့်တွင် အခြား ဖျားနာမှု၊ ရောဂါများ သို့မဟုတ် ကျန်းမာရေး အခြေအနေများ ရှိပါက။

ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ Madecassol (မတ်ဒီကာဆိုးလ်) ကိုသုံးစွဲဖို့ စိတ်ချရပါသလား

ကိုယ်ဝန်ဆောင်စဉ် နှင့် ကလေးနို့တိုက်စဉ်တွင် Madecassol® သုံးခြင်းသည် ဘေးကင်းသလားကို သေချာ မသိရှိပါ။ Madecassol® မသောက်မီ ဖြစ်နိုင်သော အကျိုး ကျေးဇူးနှင့် အန္တရာယ်များကို ချိန်ညှိရန် ဆရာဝန်နှင့် အမြဲတိုင်ပင်ပါ။

ဘေးထွက်ဆိုးကျိုးများ

Madecassol (မတ်ဒီကာဆိုးလ်) ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

အခြားဆေးများ ကဲ့သို့ပင် Madecassol® သောက်ခြင်း သည် အချို့ ဘေးထွက်ဆိုးကျိုးများကို ဖြစ်စေသည်။ အများစု မှာ ဖြစ်ပွားမှု ရှားသည်။ ကုသမှု တစ်စုံတစ်ရာ မလိုအပ်ပါ။ သို့သော်လည်း သင်သည် ဤဆေး သောက်ပြီးနောက် ပြဿနာ တစ်ခုခု ရှိပါက ဆရာဝန်နှင့် တိုင်ပင်ရန် အရေးကြီးသည်။

ဘေးထွက်ဆိုးကျိုး အချို့ကို အောက်တွင် စာရင်းပြုထားသည်။

  • အရေပြား ဓါတ်မတည့်ခြင်း
  • ခေါင်းကိုက်ခြင်း
  • အစာအိမ် အောင့်ခြင်း
  • မအီမသာ ဖြစ်ခြင်း
  • မူးဝေခြင်း
  • ငိုက်မျဉ်းခြင်း

လူတိုင်းတွင် ထိုဘေးထွက်ဆိုးကျိုးများ မဖြစ်ပါ။ အထက်တွင် ဖော်ပြမထားသော ဘေးထွက်ဆိုးကျိုး အချို့ ရှိနိုင်သည်။ ဘေးထွက်ဆိုးကျိုးတစ်ခုကို စိုးရိမ်ပါက ဆရာဝန် သို့မဟုတ် ဆေးဝါးပညာရှင်ဖြင့် တိုင်ပင်ဆွေးနွေးပါ။

ဆေးဓါတ်ပြုမှုများ

ဘယ်ဆေးတွေက Madecassol (မတ်ဒီကာဆိုးလ်) နဲ့ ဓါတ်ပြုနိုင်သလဲ

Madecassol® သည် သင်လက်ရှိသောက်နေသော အခြားဆေးများနှင့် ဓါတ်ပြုနိုင်ပြီး ဆေး၏အလုပ်လုပ်ပုံကို ပြောင်းလဲစေနိုင်သည်။ ပြင်းထန်သော ဘေးထွက်ဆိုးကျိုးများ ဖြစ်နိုင်ချေကို မြင့်စေသည်။ ဖြစ်ပေါ်လာနိုင်သော ဆေး တုံ့ပြန်မှုများ ကို ရှောင်ရန် သင်အသုံးပြုနေသော ဆေးများ အားလုံးကို စာရင်းပြုပြီး ဆရာဝန်၊ ဆေးဝါးပညာရှင်အား ပြပါ။ ဘေးကင်း စေရန် ဆရာဝန် သဘောတူမှုမပါဘဲ ဆေးပမာဏ ကို ပြောင်းခြင်း၊ ရပ်ခြင်း၊ စတင်ခြင်း မပြုပါနှင့်။

ဤဆေးဖြင့် ဓါတ်ပြုနိုင်သော ဆေးများမှာ-

  • စိတ်ငြိမ်ဆေးများ ( CNS depressants), clonazepam (Klonopin), lorazepam (Ativan), phenobarbital (Donnatal), zolpidem (Ambien) တို့ ပါဝင်သည်။
  • Acetaminophen (Tylenol and others)
  • Amiodarone (Cordarone)
  • Carbamazepine (Tegretol)
  • Isoniazid (INH)
  • Methotrexate (Rheumatrex)
  • Methyldopa (Aldomet)
  • Fluconazole (Diflucan)
  • Itraconazole (Sporanox)
  • Erythromycin (Erythrocin, Ilosone, others)
  • Phenytoin (Dilantin)
  • Lovastatin (Mevacor)
  • Pravastatin (Pravachol)
  • Simvastatin (Zocor)

အစားအသောက်တွေနဲ့ အရက်က Madecassol (မတ်ဒီကာဆိုးလ်) နဲ့ ဓါတ်ပြုနိုင်သလား

Madecassol® သည် အစာ သို့မဟုတ် အရက် နှင့် ဓါတ်ပြုနိုင်ပြီး ဆေး၏ အလုပ်လုပ်ပုံကို ပြောင်းလဲစေ သည်။ ပြင်းထန်သော ဘေးထွက်ဆိုးကျိုးများ ဖြစ်နိုင်ချေကို မြင့်စေသည်။ ဆေးမသောက်မီ အစာ သို့မဟုတ် အရက်နှင့် ဓါတ်ပြုခြင်း ဖြစ်နိုင်သလားကို ဆရာဝန်၊ ဆေးဝါးပညာရှင်နှင့် တိုင်ပင်ပါ။

ဘယ်ရောဂါအခြေအနေတွေက Madecassol (မတ်ဒီကာဆိုးလ်) နဲ့ ဓါတ်ပြုနိုင်သလဲ

Madecassol® သည် သင့်ကျန်းမာရေး အခြေအနေများနှင့် အပြန်အလှန်သက်ရောက်မှုရှိသည်။ ထိုသက်ရောက်မှုသည် သင့်ကျန်းမာရေး အခြေအနေကို ပိုဆိုးစေခြင်း သို့မဟုတ် ဆေး၏အလုပ်လုပ်ပုံ ပြောင်းသွားခြင်း ကိုဖြစ်စေနိုင် သည်။ သင့်တွင် လက်ရှိ ရှိနေသော ကျန်းမာရေး အခြေအနေ အားလုံးကို ဆရာဝန်နှင့် ဆေးဝါးပညာရှင်အား အသိပေးထား ရန် အရေးကြီးသည်။

သောက်သုံးရန်အညွှန်း

ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

အရွယ်ရောက်ပြီးသူတွေအတွက် Madecassol (မတ်ဒီကာဆိုးလ်) ရဲ့ အသုံးပြုရမယ့်ပမာဏကဘယ်လောက်လဲ

အရေးတကြီး ကုသမှုများတွင် အရွယ်ရောက်ပြီးသူများ အတွက် ထောက်ခံထားသော ပမာဏမှာ တစ်နေ့လျှင် ဆေးပြား ၆ ပြား ဖြစ်သည်။ အခြား ဖြစ်စဉ်များတွင် တစ်နေ့လျှင် ဆေးပြား ၃ ပြား ဖြစ်သည်။

ကလေးတွေအတွက် Madecassol (မတ်ဒီကာဆိုးလ်) ရဲ့ အသုံးပြုရမယ့်ပမာဏကဘယ်လောက်လဲ

အရေးတကြီး ကုသမှုများတွင် လ ၃၀ အောက် ငယ်သော ကလေးများအတွက် ထောက်ခံထားသော ပမာဏမှာ တစ်နေ့လျှင် ဆေးပြား ၃ ပြား ဖြစ်သည်။ အခြားဖြစ်စဉ်များတွင် တစ်နေ့လျှင် ၁ ပြားနှင့် ၁ ခြမ်း ဖြစ်သည်။

Madecassol (မတ်ဒီကာဆိုးလ်) ကိုဘယ်လိုရရှိနိုင်သလဲ

Madecassol® ကို အောက်ပါပုံစံ၊ ပြင်းအားများဖြင့် ရနိုင်ပါသည်။

  • Hydrocotyle ပါဝင်သော ဆေးပြား ( 70% v/v reconstituted dry hydroalcoholic extract, 40% asiaticoside နှင့် 60% madecassic and Asiatic acids ပါဝင်သည်) : ၁၀.၀၀ မီလီ ဂရမ်

အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

အရေးပေါ်အခြေအနေ သို့မဟုတ် ဆေးအလွန်အကျွံ သောက်မိပါက ဒေသတွင်း အရေးပေါ်ဌာနကို ခေါ်ပါ။ သို့ မဟုတ် အနီးဆုံး အရေးပေါ်အခန်းကို သွားပါ။

ဆေးသောက်ရမယ့်အချိန်လွတ်သွားခဲ့ရင် ဘာလုပ်ရမလဲ။

Madecassol® သောက်ရန် မေ့သွားပါက တတ်နိုင် သလောက် မြန်မြန်ပြန် သောက်ပါ။ သို့သော်လည်း နောက်တစ်ကြိမ် သောက်ရန် အချိန်ရောက်သွားပါက မေ့သွားသော အကြိမ်ကို ကျော်ပြီး ပုံမှန်အတိုင်း ဆက်သောက်ပါ။ နှစ်ကြိမ် ထပ်မသောက်ပါနှင့်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

တည်းဖြတ်သည့်နေ့ နိုဝင်ဘာ 26, 2018 | နောက်ဆုံးတည်းဖြတ်ခြင်း ဇွန် 8, 2019

ရင်းမြစ်များ