backup og meta
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
ဆရာဝန်အား မေးမည်။
သိမ်းဆည်းမည်
မာတိကာ

Ensure® (အန်ရှူဝါး)


Dr. Zin Thu Thu Win မှ ရေးသားသည်။ · 12/05/2020 တွင် အသစ်ဖြည့်စွက်ခဲ့သည်။

အသုံးပြုပုံများ

Ensure (အန်ရှူဝါး) ကို ဘာအတွက်အသုံးပြုကြသလဲ

Ensure သည်ကယ်လိုရီဓါတ်ပြည့်ဝစွာပါဝင်သည့်အတွက် လူနာများကိုယ်အလေးချိန်တက်လာစေရန် နဲ့ကျန်းမာသော ကိုယ်အလေးချိန် ထိန်းသိမ်းနိုင်ရန် အသုံးပြုကြသည်။ ထို့ကြောင့် အာဟာရချို့တဲ့သူများ၊ အစားအစာပုံမှန်မစားနိုင်သူများ နှင့် ကိုယ်အလေးချိန်ကျဆင်းသူများအတွက်အထောက်အကူပြုပါသည်။

Ensure (အန်ရှူဝါး) ဘယ်လိုသောက်သုံးသင့်သလဲ

Ensure အမှုန့်ကို ဖျော်ရန် ဦးစွာ ဖန်ခွက်ထဲသို့ ရေလေးပုံသုံးပုံထည့်ပါ။ Ensure အမှုန့်ကို ဇွန်းဝက်ခန့်ထည့်၍ အမှုန့်များပျော်သည်အထိမွှေပါ။ အရသာထည့်၍သောက်သုံးချင်လျှင် ချောကလက်အရည်၊ စတော်ဘယ်ရီအရည်များ စားပွဲတင်ဇွန်း ၃ ဇွန်းခန့်ထည့်၍ သောက်သုံးနိုင်ပါသည်။

Ensure အရည်သည် အေးအေးလေးသောက်လျှင် အကောင်းဆုံးဖြစ်သည်။ အရမ်းချိုသွားလျှင် ဆားအနည်းငယ်ထည့်နိုင်ပါသည်။ ရေခဲတုံး နွားနို့များနှင့်လည်းရော၍ သောက်သုံးနိုင်ပါသည်။

Ensure (အန်ရှူဝါး) ဘယ်လိုသိမ်းဆည်းရမလဲ

Ensure ကို တိုက်ရိုက်နေရောင်ခြည်မထိုးအောင်နဲ့ စိုစွတ်မှုမရှိအောင်ထားတာက အကောင်းဆုံးသိုလှောင်သိမ်းဆည်းတဲ့နည်းပဲဖြစ်ပါတယ်။ ဆေးအာနိသင်ပျက်ပြယ်တာနဲ့ ဆေးအနေအထားပျက်ယွင်းမှုတွေမဖြစ်အောင်လို့ Ensure ကို ရေချိုးခန်းထဲမှာသိမ်းဆည်းတာနဲ့ ရေခဲအောင် သိမ်းဆည်းတာတွေမပြုလုပ်ပါနဲ့။ Ensure ဆေးအမျိုးအစားနဲ့၊ ဆေးထုတ်လုပ်တဲ့ ကုမ္ပဏီကွဲပြားမှုပေါ်မူတည်ပြီး သိမ်းဆည်းတဲ့ပုံစံကွဲပြားခြားနားမှုရှိနိုင်ပါတယ်။ ဒီအတွက် ဆေးဘူးအခွံမှာပါတဲ့ သိုလှောင်သိမ်းဆည်းမှုညွှန်ကြားချက်ကို ကြည့်ရှုစစ်ဆေးတာမျိုး ဒါမှမဟုတ် ဆေးဝါးကျွမ်းကျင်သူကို မေးမြန်းတာမျိုးကိုအမြဲလုပ်ပါ။ လုံခြုံစိတ်ချရဖို့အတွက် ဆေးဝါးတွေအကုန်လုံးကို ကလေးတွေ၊ အိမ်မွေးတိရိစ္ဆာန်တွေနဲ့ ဝေးရာမှာထားပါ။

Ensure ကို အိမ်သာထဲကိုပစ်ချတာနဲ့ ရေထွက်ပေါက်တွေထဲကနေ ဆေးချတာမျိုးကို မလုပ်သင့်ပါဘူး။ ဆေးဝါးတွေကိုမလိုအပ်တော့တဲ့အခါ ဒါမှမဟုတ် သက်တမ်းကုန်ဆုံးသွားတဲ့အခါတွေမှာ စနစ်တကျစွန့်ပစ်ဖို့ အရေးကြီးပါတယ်။ ဆေးဝါးများကို စနစ်တကျဘယ်လိုစွန့်ပစ်ရမယ်ဆိုတာနဲ့ပတ်သက်လို့ သင့်ရဲ့ဆေးဝါးကျွမ်းကျင်ပညာရှင်နဲ့တိုင်ပင်ပါ။

ကြိုတင်သတိပြုရန်များနှင့် အသိပေးချက်များ

Ensure (အန်ရှူဝါး) အသုံးမပြုခင် ဘာတွေသိသင့်သလဲ

သကြားဓါတ်များသောသူများသောက်သုံးရန်မသင့်တော်ပါ။ မိုက်ခရိုဝေ့ နှင့်အပူပြန်မပေးရပါ။

ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ Ensure (အန်ရှူဝါး) ကိုသုံးစွဲဖို့ စိတ်ချရပါသလား

နို့တိုက်ချိန်များတွင် ဘေးကင်းစိတ်ချစွာသုံးစွဲသင့်မသင့် သေချာစွာ ဖော်ပြထားခြင်းမရှိပါ။ ထို့ကြောင့် အသုံးမပြုမီ ဆရာဝန်နှင့်အမြဲ တိုင်ပင်သင့်ပါသည်။

ဘေးထွက်ဆိုးကျိုးများ

Ensure (အန်ရှူဝါး) ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

ဘေးထွက်ဆိုးကျိုးများ

ဆေးအတွက်မည်သည့်ဘေးထွက်ဆိုးကျိုးများ ရရှိနိုင်သနည်း။

မလိုလားအပ်သော ဘေးထွက်ဆိုးကျိုးများအကြောင်းဖော်ပြထားခြင်းမရှိပါ၊ သို့သော် မတည့်သောလက္ခဏာ တစ်ခုခုပေါ်လာလျှင် ဆရာဝန် သို့မဟုတ် ဆေးဝါးကျွမ်းကျင်သူများနှင့် တိုင်ပင်ပါ။

ဆေးဓါတ်ပြုမှုများ

ဘယ်ဆေးတွေက Ensure (အန်ရှူဝါး) နဲ့ ဓါတ်ပြုနိုင်သလဲ

Ensure ဟာ သင်အခုလောလောဆယ်သောက်သုံးနေတဲ့တခြားသော ဆေးဝါးတွေနဲ့ ဓါတ်ပြုမှုတွေဖြစ်နိုင်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ ဆေးဝါးဓါတ်ပြုမှုတွေ မဖြစ်လာအောင်လို့ သင်လက်ရှိသောက်သုံးနေတဲ့ ဆေးဝါးတွေအားလုံးရဲ့စာရင်းကို လုပ်ထားပြီး (စာရင်းလုပ်တဲ့အခါမှာ ဆရာဝန်ညွှန်ကြားထားတာတွေ၊ မညွှန်ကြားဘဲ သောက်သုံးနေတာတွေ၊ သဘာဝဆေးဘက်ဝင်ပစ္စည်းတွေအားလုံးပါဝင်ပါတယ်) ဆရာဝန် ဒါမှမဟုတ ဆေးဝါးကျွမ်းကျင်သူကို အမြဲပြောပြပါ။ ဆေးဝါးတွေကို ဆရာဝန်ခွင့်ပြုချက်မပါဘဲ သောက်သုံးခြင်း၊ ရပ်ဆိုင်းခြင်း၊ ပမာဏကိုပြောင်းလဲခြင်းတွေမပြုလုပ်ပါနဲ့။

အစားအသောက်တွေနဲ့ အရက်က Ensure (အန်ရှူဝါး) နဲ့ ဓါတ်ပြုနိုင်သလား

Ensure က အစားအသောက် ဒါမှမဟုတ် အရက်သေစာနဲ့ ဓါတ်ပြုမှုတွေဖြစ်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ ဓါတ်ပြုမှုတွေမဖြစ်လာအောင်လို့ အစားအသောက်၊ အရက်သေစာတွေနဲ့ ဓါတ်ပြုနိုင်ချေရှိမရှိကို မေးမြန်းတိုင်ပင်ပါ။

ဘယ်ရောဂါအခြေအနေတွေက Ensure (အန်ရှူဝါး) နဲ့ ဓါတ်ပြုနိုင်သလဲ

Ensureဟာ သင့်ရဲ့ နဂိုကျန်းမာရေးအခြေအနေများနဲ့ သက်ရောက်ဓါတ်ပြုမှုတွေရှိနိုင်ပါတယ်။ သင့်ရဲ့ ကျန်းမာရေးအခြေအနေကို ပိုဆိုးသွားစေတာ ဒါမှမဟုတ် ဆေးသက်ရောက်မှုပုံစံပြောင်းလဲသွားတာတွေဖြစ်နိုင်ပါတယ်။ ဒါ့ကြောင့် သင့်ရဲ့ကျန်းမာရေးအခြေအနေအကုန်လုံးကို သင့်ရဲ့ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်ကို အသိပေးဖို့ အရေးကြီပါတယ်။

သောက်သုံးရန်အညွှန်း

ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

အရွယ်ရောက်ပြီးသူတွေအတွက် Ensure (အန်ရှူဝါး) ရဲ့ အသုံးပြုရမယ့်ပမာဏကဘယ်လောက်လဲ

လူတစ်ဦးချင်းဆီ၏ လိုအပ်ချက်များပေါ်မူတည်၍ တစ်နေ့ ၂ ကြိမ်မှ သုံးကြိမ်အထိ (သို့) တစ်နေ့တစ်ဘူးမှ နှစ်ဘူးအထိသောက်သုံးနိုင်ပါသည်။

ကလေးတွေအတွက် Ensure (အန်ရှူဝါး) ရဲ့ အသုံးပြုရမယ့်ပမာဏကဘယ်လောက်လဲ

Ensure သည် လူကြီးများတွင်သာ အသုံးပြုသည်။

Ensure (အန်ရှူဝါး) ကိုဘယ်လိုရရှိနိုင်သလဲ

Ensure ကို အမှုန့် နှင့် အရည် ပုံစံများဖြင့်ရရှိနိုင်ပါသည်။

အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

အရေးပေါ်အခြေအနေတွေ၊ ဆေးပမာဏလွန်သွားတဲ့အခြေအနေတွေမှာ ဘာလုပ်သင့်သလဲ။

အရေးပေါ်အခြေအနေသို့မဟုတ် ဆေးပမာဏလွန်သွားတဲ့အခြေအနေတွေမှာ အရေးပေါ်ဆေးရုံဆေးခန်းများသို့ သွားရောက်ကုသမှုခံယူပါ။

ဆေးသောက်ရမယ့်အချိန်လွတ်သွားခဲ့ရင် ဘာလုပ်ရမလဲ။

Ensure ကို သောက်သုံးဖို့ လွတ်သွားခဲ့ပါက (မေ့ခဲ့ပါက) သတိရတဲ့အချိန်မှာ အမြန်ဆုံးသောက်သုံးပါ။ သို့သော်လည်း နောက်တစ်ကြိမ်သောက်သုံးရမယ့်အချိန်နဲ့ နီးကပ်နေပြီဆိုရင်တော့ လွတ်သွားတဲ့အကြိမ်ကို ကျော်ပြီး ပုံမှန်အချိန်မှာပဲ သောက်လိုက်ပါ။ ဆေးပမာဏကို နှစ်ဆတိုးသောက်တာမျိုးမလုပ်ပါနဲ့။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။


Dr. Zin Thu Thu Win မှ ရေးသားသည်။ · 12/05/2020 တွင် အသစ်ဖြည့်စွက်ခဲ့သည်။

advertisement iconadvertisement

ဤဆောင်းပါးက အကူအညီဖြစ်ပါသလား။

advertisement iconadvertisement
advertisement iconadvertisement