Efferalgan Vitamin C (အဖ်ဖာရာယ်ဂန် ဗစ်တာမင် စီ) ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

Generic Name: Efferalgan Vitamin C (အဖ်ဖာရာယ်ဂန် ဗစ်တာမင် စီ) Brand Name(s): Generics only. No brands available.

အသုံးပြုပုံများ

Efferalgan Vitamin C (အဖ်ဖာရာယ်ဂန် ဗစ်တာမင် စီ) ကို ဘာအတွက်အသုံးပြုကြသလဲ

Efferalgan® Vitamin C ဟာ အကိုက်အခဲပျောက်အဖျားကျဆေးဖြစ်ပြီး ဖျားနာခြင်း နဲ့ ခေါင်းကိုက်ခြင်း၊သွားကိုက်ခြင်း၊အာရုံကြောရောင်ရမ်းနာကျင်ခြင်း၊ကြွက်သားနာကျင်ခြင်း အစရှိတဲ့ အပရိက နာကျင်ကိုက်ခဲမှုလေးတွေကို ယာယီသက်သာပျောက်ကင်းစေပါတယ်။

Efferalgan Vitamin C (အဖ်ဖာရာယ်ဂန် ဗစ်တာမင် စီ) ဘယ်လိုသောက်သုံးသင့်သလဲ

ဝါးစားနိုင်တဲ့ Efferalgan® Vitamin C ဆေးပြားတွေကို မြိုမချခင်မှာ ကြေညက်အောင် ဝါးစားရပါမယ်။ လျှာပေါ်ပျော်ဝင်နိုင်တဲ့ Efferalgan® Vitamin C ဆေးပြားတွေကို ကိုင်တွယ်တဲ့အခါ သင့်လက်တွေဟာ ခြောက်သွေ့နေဖို့ အရေးကြီးပါတယ်။ ဆေးပြားကို သင့်လျှာပေါ်တင်လိုက်တာနဲ့ ၎င်းဟာ ချက်ချင်းဆိုသလို ပျော်ဝင်သွားမှာ ဖြစ်ပါတယ်။

ဆေးပြားကို မြိုမချဘဲ၊ဝါးမစားဘဲ လျှာပေါ်မှာပဲ ပျော်ဝင်သွားစေရမှာပါ။Efferalgan® Vitamin C ရေဆူဆေးမှုန့်လေးတွေကို အသုံးပြုမယ်ဆိုရင်တော့ ဆေးမှုန့်တထုတ်ကို ရေအနည်းဆုံး ၁၁၈ စီစီနဲ့ ရောရမှာဖြစ်ပြီး သမအောင်မွှေကာ ချက်ချင်းသောက်နိုင်ပါတယ်။ ဆေးပမာဏအပြည့်အဝရရှိစေဖို့အတွက် သောက်လို့ကုန်သွားတဲ့ ဖန်ခွက်ထဲကို ရေနည်းနည်းထပ်ထည့်ကျင်းပြီး သောက်ပါ။

Efferalgan Vitamin C (အဖ်ဖာရာယ်ဂန် ဗစ်တာမင် စီ) ဘယ်လိုသိမ်းဆည်းရမလဲ

(ယေဘူယျ အသိပေးချက် – ဆေးအများစုမှာ အခန်းအပူချိန်တွင် သိုလှောင်ထားနိုင်ပါတယ်)

Efferalgan® Vitamin C ကို တိုက်ရိုက်နေရောင်ခြည်မထိုးအောင်နဲ့ စိုစွတ်မှုမရှိအောင်ထားတာက အကောင်းဆုံးသိုလှောင်သိမ်းဆည်းတဲ့နည်းပဲဖြစ်ပါတယ်။ ဆေးအာနိသင်ပျက်ပြယ်တာနဲ့ ဆေးအနေအထားပျက်ယွင်းမှုတွေမဖြစ်အောင်လို့ Efferalgan® Vitamin C ကို ရေချိုးခန်းထဲမှာသိမ်းဆည်းတာနဲ့ ရေခဲအောင် သိမ်းဆည်းတာတွေမပြုလုပ်ပါနဲ့။

Efferalgan® Vitamin C ဆေးအမျိုးအစားနဲ့၊ ဆေးထုတ်လုပ်တဲ့ ကုမ္ပဏီကွဲပြားမှုပေါ်မူတည်ပြီး သိမ်းဆည်းတဲ့ပုံစံကွဲပြားခြားနားမှုရှိနိုင်ပါတယ်။ ဒီအတွက် ဆေးဘူးအခွံမှာပါတဲ့ သိုလှောင်သိမ်းဆည်းမှုညွှန်ကြားချက်ကို ကြည့်ရှုစစ်ဆေးတာမျိုး ဒါမှမဟုတ် ဆေးဝါးကျွမ်းကျင်သူကို မေးမြန်းတာမျိုးကိုအမြဲလုပ်ပါ။ လုံခြုံစိတ်ချရဖို့အတွက် ဆေးဝါးတွေအကုန်လုံးကို ကလေးတွေ၊ အိမ်မွေးတိရိစ္ဆာန်တွေနဲ့ ဝေးရာမှာထားပါ။)

Efferalgan® Vitamin C ကို အိမ်သာထဲကိုပစ်ချတာနဲ့ ရေထွက်ပေါက်တွေထဲကနေ ဆေးချတာမျိုးကို မလုပ်သင့်ပါဘူး။ ဆေးဝါးတွေကိုမလိုအပ်တော့တဲ့အခါ ဒါမှမဟုတ် သက်တမ်းကုန်ဆုံးသွားတဲ့အခါတွေမှာ စနစ်တကျစွန့်ပစ်ဖို့ အရေးကြီးပါတယ်။ ဆေးဝါးများကို စနစ်တကျဘယ်လိုစွန့်ပစ်ရမယ်ဆိုတာနဲ့ပတ်သက်လို့ သင့်ရဲ့ဆေးဝါးကျွမ်းကျင်ပညာရှင်နဲ့တိုင်ပင်ပါ။

Efferalgan® Vitamin C ကိုရေခဲသေတ္တာထဲတွင် သိမ်းဆည်းခြင်းက အကောင်းဆုံးဖြစ်ပါတယ်။ ဆေးအာနိသင်ပျက်ပြယ်နိုင်တဲ့အတွက် ရေခဲအောင်မလုပ်ရပါ။

ကြိုတင်သတိပြုရန်များနှင့် အသိပေးချက်များ

Efferalgan Vitamin C (အဖ်ဖာရာယ်ဂန် ဗစ်တာမင် စီ) အသုံးမပြုခင် ဘာတွေသိသင့်သလဲ

Efferalgan® Vitamin C (paracetamol, vitamin C) ကို အသုံးမပြုခင် အောက်ပါအချက်လေးတွေ ရှိမယ်ဆိုရင် ဆရာဝန်ကို ကြိုပြောပါ။

  • Efferalgan® Vitamin C (paracetamol, vitamin C) ရဲ့ ပါဝင်ပစ္စည်းတွေနဲ့ ဓါတ်မတည့်ရင်။
  • သင့်ကလေးက အသက်၂နှစ်အောက် ဆိုရင်။
  • တနေ့ကို အရက်သုံးခွက်ထက်ပိုသောက်ရင်။
  • အောက်ပါအချက်တွေဖြစ်ပေါ်လာရင် ဆေးသုံးစွဲတာကို ချက်ချင်းရပ်ပြီး ဆရာဝန်ကို အကြောင်းကြားပါ။
  • ဆေးသောက်ပြီး သုံးရက်ကြာတဲ့အထိ အဖျားမကျသေးရင်။
  • ဆေးသောက်ပြီး တပတ်လောက်ကြာတဲ့အထိ နာကျင်ကိုက်ခဲတာ မသက်သာသေးရင် (ကလေးတွေမှာဆိုရင် ငါးရက်)။
  • အရေပြားမှာ အနီစက်တွေထွက်လာရင်၊ကြာရှည်ခေါင်းကိုက်နေရင် ဒါမှမဟုတ် နီရဲရောင်ရမ်းနေရင်။
  • သင့်ရောဂါလက္ခဏာတွေ မသက်သာရင် ဒါမှမဟုတ် လက္ခဏာအသစ်တွေ ထပ်ဖြစ်လာရင်။

Efferalgan® Vitamin C (paracetamol, vitamin C) ဟာ ဆီးတွင်းအချိုဓါတ်စစ်ဆေးတဲ့အခါ မှားယွင်းမှုတွေကို ဖြစ်စေနိုင်တာမို့ သင်ဟာ ဆီးချိုဝေဒနာရှင်တဦးဖြစ်ပြီး Efferalgan® Vitamin C (paracetamol, vitamin C) ဆေးသုံးစွဲနေစဉ်မှာ အချိုဓါတ်ပမာဏအပြောင်းအလဲဖြစ်ပေါ်လာမယ်ဆိုရင် သင့်ဆရာဝန်ကို အသိပေးဆွေးနွေးရပါမယ်။

ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ Efferalgan Vitamin C (အဖ်ဖာရာယ်ဂန် ဗစ်တာမင် စီ) ကိုသုံးစွဲဖို့ စိတ်ချရပါသလား

ယခုဆေးဝါးကို ကိုယ်ဝန်ဆောင်နေချိန်နှင့် ကလေးနို့တိုက်နေချိန်တွင် အသုံးပြုလျှင် ဆိုးကျိုးများရှိမရှိကို ဆုံးဖြတ်နိုင်ရန်အတွက် လုံလောက်သော လေ့လာစမ်းသပ်ချက်များမရှိပါ။ ဆေးမသောက်သုံးမီတွင် ဖြစ်နိုင်ချေကောင်းကျိုးများနှင့် ဆိုးကျိုးများအားလုံးကို ချိန်ဆနိုင်ရန်အတွက် သင့်ရဲ့ဆရာဝန်နဲ့ တိုင်ပင်ဆွေးနွေးမှုပြုလုပ်ပါ။

ယခုဆေးဝါးသည် အမေရိကန်ပြည်ထောင်စု အစားအသောက်နဲ့ ဆေးဝါးကွပ်ကဲရေးအဖွဲ့၏ သတ်မှတ်ချက်အရ ကိုယ်ဝန်ဆောင်များတွင် ထိခိုက်နိုင်ချေအဆင့် C ရှိသည်ဟု သတ်မှတ်ထားသည်။)

အမေရိကန်ပြည်ထောင်စု အစားအသောက်နဲ့ ဆေးဝါးကွပ်ကဲရေးအဖွဲ့၏ ကိုယ်ဝန်ဆောင်များတွင် ထိခိုက်နိုင်ချေအဆင့် သတ်မှတ်ချက်များမှာ အောက်ပါအတိုင်းဖြစ်သည်။

  • A=ဆိုးကျိုးမရှိပါ။
  • B=လေ့လာမှုအချို့အရ ဆိုးကျိုးမရှိပါ။
  • C=ဆိုးကျိုးအချို့ရှိနိုင်ပါသည်။
  • D= ဆိုးကျိုးများရှိသည့် အထောက်အထားများရှိပါသည်။
  • X=သောက်သုံး၍မရပါ (လုံးဝမတည့်ပါ)။
  • N=အခြေအနေကို မသိရသေးပါ။

ကိုယ်ဝန်ဆောင်နေချိန်နှင့် ကလေးနို့တိုက်နေချိန်များတွင် စိတ်ချရမှုရှိမရှိကို မသိရသေးသည့် ဆေးဝါးများနှင့်ပတ်သက်၍ ကောင်းကျိုးနှင့် ဆိုးကျိုးများကို ချိန်ဆနိုင်ရန်အတွက် သင်၏ဆရာဝန်နှင့် တိုင်ပင်ဆွေးနွေးမှုများအမြဲလုပ်ပါ။

ဘေးထွက်ဆိုးကျိုးများ

Efferalgan Vitamin C (အဖ်ဖာရာယ်ဂန် ဗစ်တာမင် စီ) ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

အောက်ပါဘေးထွက်ဆိုးကျိုးတွေကို ခံစားရစေနိုင်ပါတယ်။

  • ယားယံခြင်း။
  • အရေပြားမှာ အနီစက်များ ထွက်ခြင်း။
  • ဖောရောင်ခြင်း။
  • (Stevens-Johnson syndrome အပါအဝင်) အရေပြားမှာ အဖု၊အလုံးများထွက်လာခြင်း။
  • Lyell’s syndrome လို့ခေါ်တဲ့ အရေပြားအပေါ်ယံလွှာ ပျက်ဆီးခြင်း။
  • ထိုင်းမှိုင်းလေးလံခြင်း။
  • ဂဏှာမငြိမ်လှုပ်ရွနေခြင်း။
  • အချိန်၊နေရာ၊မည်သူမည်ဝါစသည်တို့ကို မသိတော့ခြင်း။
  • ပျို့အန်မအီမသာဖြစ်ခြင်း။
  • ဗိုက်နာခြင်း။
  • transaminases ဟုခေါ်သော အသည်းအင်ဇိုင်းမ်တမျိုး ပမာဏများပြားမြင့်တက်ခြင်း။
  • သွေးအားနည်းခြင်း။
  • ကျောက်ကပ်ထိခိုက်ခြင်း။

ယခုဖော်ပြပါ ဘေးထွက်ဆိုးကျိုးများကို ခံစားရမှုမှာ တစ်ဦးနှင့်တစ်ဦးကွဲပြားခြားနားမှုရှိနိုင်ပါတယ်။ အထက်ဖော်ပြပါဘေးထွက်ဆိုးကျိုးများတွင် မပါဝင်သည့် ဘေးထွက်ဆိုးကျိုးများလည်းရှိနိုင်ပါတယ်။ ဘေးထွက်ဆိုးကျိုးနှင့်ပတ်သက်၍ စိုးရိမ်ပူပန်မှုများရှိပါက သင်၏ဆရာဝန် သို့မဟုတ် ဆေးဝါးကျွမ်းကျင်ပညာရှင်နှင့် တိုင်ပင်ဆွေးနွေးမှုများပြုလုပ်ပါ။

ဆေးဓါတ်ပြုမှုများ

ဘယ်ဆေးတွေက Efferalgan Vitamin C (အဖ်ဖာရာယ်ဂန် ဗစ်တာမင် စီ) နဲ့ ဓါတ်ပြုနိုင်သလဲ

Efferalgan® Vitamin C ဟာ သင်အခုလောလောဆယ်သောက်သုံးနေတဲ့တခြားသော ဆေးဝါးတွေနဲ့ ဓါတ်ပြုမှုတွေဖြစ်နိုင်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။

မလိုလားအပ်တဲ့ ဆေးဝါးဓါတ်ပြုမှုတွေ မဖြစ်လာအောင်လို့ သင်လက်ရှိသောက်သုံးနေတဲ့ ဆေးဝါးတွေအားလုံးရဲ့စာရင်းကို လုပ်ထားပြီး (စာရင်းလုပ်တဲ့အခါမှာ ဆရာဝန်ညွှန်ကြားထားတာတွေ၊ မညွှန်ကြားဘဲ သောက်သုံးနေတာတွေ၊ သဘာဝဆေးဘက်ဝင်ပစ္စည်းတွေအားလုံးပါဝင်ပါတယ်)

ဆရာဝန် ဒါမှမဟုတ် ဆေးဝါးကျွမ်းကျင်သူကို အမြဲပြောပြပါ။ ဆေးဝါးတွေကို ဆရာဝန်ခွင့်ပြုချက်မပါဘဲ သောက်သုံးခြင်း၊ ရပ်ဆိုင်းခြင်း၊ ပမာဏကိုပြောင်းလဲခြင်းတွေမပြုလုပ်ပါနဲ့။ အထူးသဖြင့် အောက်ပါဆေးများ ဖြစ်ပါတယ်။

 Amlodipine

 Anusol (pramoxine / zinc oxide topical)

 Atacand (candesartan)

 Budesonide

 Cefixime

 Ceftriaxone

 Cefuroxime

 Ciprofloxacin

 Crestor (rosuvastatin)

 Daflon (multivitamin)

 Diclofenac

 Griseofulvin

 Levofloxacin

 Levofloxacin ophthalmic

 Nebivolol

 Neurobion (multivitamin)

 Neuroforte-R (cyanocobalamin)

 Rosuvastatin

 Silver sulfadiazine topical

 Symbicort (budesonide / formoterol)

အစားအသောက်တွေနဲ့ အရက်က Efferalgan Vitamin C (အဖ်ဖာရာယ်ဂန် ဗစ်တာမင် စီ) နဲ့ ဓါတ်ပြုနိုင်သလား

Efferalgan® Vitamin C က အစားအသောက် ဒါမှမဟုတ် အရက်သေစာနဲ့ ဓါတ်ပြုမှုတွေဖြစ်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ ဓါတ်ပြုမှုတွေမဖြစ်လာအောင်လို့ အစားအသောက်၊ အရက်သေစာတွေနဲ့ ဓါတ်ပြုနိုင်ချေရှိမရှိကို မေးမြန်းတိုင်ပင်ပါ။

ဘယ်ရောဂါအခြေအနေတွေက Efferalgan Vitamin C (အဖ်ဖာရာယ်ဂန် ဗစ်တာမင် စီ) နဲ့ ဓါတ်ပြုနိုင်သလဲ

Efferalgan® Vitamin C ဟာ သင့်ရဲ့ နဂိုကျန်းမာရေးအခြေအနေများနဲ့ သက်ရောက်ဓါတ်ပြုမှုတွေရှိနိုင်ပါတယ်။ သင့်ရဲ့ ကျန်းမာရေးအခြေအနေကို ပိုဆိုးသွားစေတာ ဒါမှမဟုတ် ဆေးသက်ရောက်မှုပုံစံပြောင်းလဲသွားတာတွေဖြစ်နိုင်ပါတယ်။

ဒါ့ကြောင့် သင့်ရဲ့ကျန်းမာရေးအခြေအနေအကုန်လုံးကို သင့်ရဲ့ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်ကို အသိပေးဖို့ အရေးကြီပါတယ်။ အထူးသဖြင့် သင့်မှာ အသည်းရောဂါရှိရင် ဒါမှမဟုတ် အရက်စွဲနေရင်။

သောက်သုံးရန်အညွှန်း

ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

အရွယ်ရောက်ပြီးသူတွေအတွက် Efferalgan Vitamin C (အဖ်ဖာရာယ်ဂန် ဗစ်တာမင် စီ) ရဲ့ အသုံးပြုရမယ့်ပမာဏကဘယ်လောက်လဲ

  • အရွယ်ရောက်ပြီးသူတွေနဲ့ အသက် ၁၅နှစ်အထက် ကလေးတွေအတွက် (ကိုယ်အလေးချိန် ၅၀ ကီလိုနှင့်အထက်)

သတ်မှတ်ထားသောပမာဏ : ဆေးပြား ၂ – ၃ ပြား( တနေ့လျှင် နှစ်ကြိမ် သို့မဟုတ် သုံးကြိမ်)

တခါသောက်လျှင် အများဆုံး သောက်နိုင်သော ပမာဏမှာ ဆေးပြားသုံးပြားဖြစ်ပြီး တနေ့လျှင် အများဆုံးသောက်နိုင်သော ပမာဏမှာ ဆေးပြားဆယ့်နှစ်ပြား ဖြစ်ပါသည်။

အဖျားကျဆေးအဖြစ်သုံးလျှင် သုံးရက်ထက်ပိုမသောက်ရ။ အကိုက်အခဲပျောက်ဆေးအဖြစ်သုံးလျှင် ငါးရက်ထက် ပိုမသောက်ရ။

ကလေးတွေအတွက် Efferalgan Vitamin C (အဖ်ဖာရာယ်ဂန် ဗစ်တာမင် စီ) ရဲ့ အသုံးပြုရမယ့်ပမာဏကဘယ်လောက်လဲ

အသက် ရှစ်နှစ်နဲ့အထက်ကလေးတွေမှာ ကိုယ်အလေးချိန်ပေါ်မူတည်ပြီး ပေးရပါမယ် (ကိုယ်အလေးချိန် တကီလိုကို ပါရာစီတမော ၁၀ – ၁၅ မီလီဂရမ်ပမာဏ အချိုးအဆအတိုင်း ပေးရမှာဖြစ်ပြီး တနေ့ကို တကြိမ်သောက်နိုင်ပါတယ်)

တနေ့ကို အများဆုံးပေးနိုင်တဲ့ ပမာဏကတော့ 60 mg / kg.ဖြစ်ပြီး သုံးရက်ထက်ပို မသောက်ရပါဘူး။

Efferalgan Vitamin C (အဖ်ဖာရာယ်ဂန် ဗစ်တာမင် စီ) ကိုဘယ်လိုရရှိနိုင်သလဲ

Efferalgan® Vitamin C ကို အောက်ဖော်ပြပါ ဆေးဝါးပုံစံများနှင့် အချိုးအစားများဖြင့် ရရှိနိုင်ပါတယ်။

ဆေးပြားတပြားမှာ ပါရာစီတမော ၃၃၀မီလီဂရမ် နဲ့ ဗီတာမင် စီ ၂၀၀ မီလီဂရမ် ပါဝင်ပါတယ်။

အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

အရေးပေါ်အခြေအနေသို့မဟုတ် ဆေးပမာဏလွန်သွားတဲ့အခြေအနေတွေမှာ အရေးပေါ်ဆေးရုံဆေးခန်းများသို့ သွားရောက်ကုသမှုခံယူပါ။Efferalgan® Vitamin C ဆေးပမာဏလွန်ကဲခြင်းကြောင့် ပြင်းထန်ဆိုးရွားတဲ့ နောက်ဆက်တွဲပြဿနာတွေ ဖြစ်ပွားလာနိုင်ပါတယ်။Efferalgan® Vitamin C ကို လိုတာထက်ပိုပြီး အလွန်အကျွံသုံးစွဲမိရင် အသည်းကို ထိခိုက်စေနိုင်ပါတယ်။

ဆေးပမာဏလွန်ကဲသွားခြင်းရဲ့ လက္ခဏာတွေကတော့-

  • ဝမ်းလျှောခြင်း။
  • ချွေးအလွန်ထွက်ခြင်း။
  • အစားအသောက်ပျက်ခြင်း။
  • ပျို့အန်မအီမသာဖြစ်ခြင်း။
  • ဗိုက်အောင့်ဗိုက်နာခြင်း။

ဝမ်းဗိုက်ဖောင်းကား၊နာကျင်ပြီး တင်းနေခြင်း (အစာအိမ်ရှိသော နေရာတွင်)။

ဆေးသောက်ရမယ့်အချိန်လွတ်သွားခဲ့ရင် ဘာလုပ်ရမလဲ။

Efferalgan® Vitamin C ကို သောက်သုံးဖို့ လွတ်သွားခဲ့ပါက (မေ့ခဲ့ပါက) သတိရတဲ့အချိန်မှာ အမြန်ဆုံးသောက်သုံးပါ။ သို့သော်လည်း နောက်တစ်ကြိမ်သောက်သုံးရမယ့်အချိန်နဲ့ နီးကပ်နေပြီဆိုရင်တော့ လွတ်သွားတဲ့အကြိမ်ကို ကျော်ပြီး ပုံမှန်အချိန်မှာပဲ သောက်လိုက်ပါ။ ဆေးပမာဏကို နှစ်ဆတိုးသောက်တာမျိုးမလုပ်ပါနဲ့။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

ရင်းမြစ်များ

တည်းဖြတ်သည့်နေ့ စက်တင်ဘာ 12, 2017 | နောက်ဆုံးတည်းဖြတ်ခြင်း အောက်တိုဘာ 18, 2017