Calypsol (ကလစ်ပ်စိုးလ်) ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

Generic Name: Calypsol (ကလစ်ပ်စိုးလ်) Brand Name(s): Generics only. No brands available.

အသုံးပြုပုံများ

Calypsol (ကလစ်ပ်စိုးလ်) ကို ဘာအတွက်အသုံးပြုကြသလဲ

calypsol က ိုခွဲစိတ်မှု နှင့် ကြွက်သားများ ပြေလျော့ရန်မလိုသည့် လုပ်ဆောင်မှုများတွင် အသိအာရုံနှင့် ထိတွေ့မှုကို ပျောက်သွားစေရန်သုံးသော မေ့ဆေး အဖြစ် အသုံးပြုကြပါသည်။

Calypsol (ကလစ်ပ်စိုးလ်) ဘယ်လိုသောက်သုံးသင့်သလဲ

Calypsol သည် ထိုးဆေးဖြစ်ပြီး ၎င်းကို ဆေးခန်းနှင့် ဆေးရုံများတွင်ဆရာဝန်များက အသက်ရှုလမ်းကြောင်းနှင့် လေလမ်းကြောင်းပွင့်နေစေရန် ထားပြီး မေ့ဆေးပေးရာတွင် အသုံးပြုကြပါသည်။

Calypsol (ကလစ်ပ်စိုးလ်) ဘယ်လိုသိမ်းဆည်းရမလဲ

Calypsol ကိုတိုက်ရိုက်နေရောင်ခြည်မထိုးအောင်နဲ့ စိုစွတ်မှုမရှိအောင်ထားတာကအကောင်းဆုံးသိုလှောင်သိမ်းဆည်းတဲ့နည်းပဲဖြစ်ပါတယ်။ ဆေးအာနိသင်ပျက်ပြယ်တာနဲ့ ဆေးအနေအထားပျက်ယွင်းမှုတွေမဖြစ်အောင်လို့ Calypsol ကိုရေချိုးခန်းထဲမှာသိမ်းဆည်းတာနဲ့ ရေခဲအောင် သိမ်းဆည်းတာတွေမပြုလုပ်ပါနဲ့။ Calypsol

ဆေးအမျိုးအစားနဲ့၊ဆေးထုတ်လုပ်တဲ့ ကုမ္ပဏီကွဲပြားမှုပေါ်မူတည်ပြီးသိမ်းဆည်းတဲ့ပုံစံကွဲပြားခြားနားမှုရှိနိုင်ပါတယ်။ ဒီအတွက် ဆေးဘူးအခွံမှာပါတဲ့ သိုလှောင်သိမ်းဆည်းမှုညွှန်ကြားချက်ကို ကြည့်ရှုစစ်ဆေးတာမျိုးဒါမှမဟုတ် ဆေးဝါးကျွမ်းကျင်သူကိုမေးမြန်းတာမျိုးကိုအမြဲလုပ်ပါ။ လုံခြုံစိတ်ချရဖို့အတွက် ဆေးဝါးတွေအကုန်လုံးကို ကလေးတွေ၊ အိမ်မွေးတိရိစ္ဆာန်တွေနဲ့ ဝေးရာမှာထားပါ။)

Calypsol ကိုအိမ်သာထဲကိုပစ်ချတာနဲ့ ရေထွက်ပေါက်တွေထဲကနေဆေးချတာမျိုးကိုမလုပ်သင့်ပါဘူး။ ဆေးဝါးတွေကိုမလိုအပ်တော့တဲ့အခါ ဒါမှမဟုတ် သက်တမ်းကုန်ဆုံးသွားတဲ့အခါတွေမှာစနစ်တကျစွန့်ပစ်ဖို့ အရေးကြီးပါတယ်။ ဆေးဝါးများကို စနစ်တကျဘယ်လိုစွန့်ပစ်ရမယ်ဆိုတာနဲ့ပတ်သက်လို့ သင့်ရဲ့ဆေးဝါးကျွမ်းကျင်ပညာရှင်နဲ့တိုင်ပင်ပါ။

(ယေဘူယျအသိပေးချက်ဆေးဝါးအများစုကို ရေခဲသေတ္တာထဲတွင် သိမ်းဆည်းနိုင်ပါတယ်။ ရေခဲအောင် သိမ်းဆည်းခြင်းတော့ မပြုလုပ်ရပါ)

Calypsol ကိုရေခဲသေတ္တာထဲတွင် သိမ်းဆည်းခြင်းကအကောင်းဆုံးဖြစ်ပါတယ်။ ဆေးအာနိသင်ပျက်ပြယ်နိုင်တဲ့အတွက် ရေခဲအောင်မလုပ်ရပါ။

ကြိုတင်သတိပြုရန်များနှင့် အသိပေးချက်များ

Calypsol (ကလစ်ပ်စိုးလ်) အသုံးမပြုခင် ဘာတွေသိသင့်သလဲ

အောက်ပါအချက်များနှင့် ကိုက်ညီလျှင် ဆေးမသောက်မီ ဆရာဝန်နှင့်တိုင်ပင်ရန် လိုအပ်သည်။

  • ညွှန်ကြားချက်ရှိသော/ မရှိသော ဆေးများ၊ တိုင်းရင်းဆေးများနှင့် ဖြည့်စွက်အာဟာရများ မှီဝဲနေလျှင်
  • အခြားသော ဆေး၊ အစားအစာများ၊ ပစ္စည်းများနှင့် ဓါတ်မတည့်ခြင်းရှိလျှင်
  • သင်သည် အရက်စွဲနေလျှင် သို့မဟုတ် အရက်အလွနါအကျွံသောက်ခြင်းကြောင့် ဆိုးကျိုးများဖြစ်ဖူးလျှင်
  • ဆေးကုသမှု၊ သွားနှင့် ပက်သက်သောကုသမှု၊ အရေးပေါ်ကုသမှုနှင့် ခွဲစိတ်မှုများမလုပ်မီ calypso သောက်ထားလျှင်
  • Calypsol ထဲတွင် ပါဝင်သော ပစ္စည်းများနှင့် ဓါတ်မတည့်ခြင်းရှိလျှင်
  • သွေးပေါင် အလွန်အကျွံတက်ဖူးလျှင်
  • Doxidopa ဆေးသောက်နေလျှင်

Calypsol သည် ၂၄ နာရီ ခန့်အထိ မူးဝေခြင်းဖြစ်နိုင်သည်။ အရက်နှင့် အချို့သောဆေးများသည် Calypsol ၏အာနိသင်ကို ပိုရှည်ကြာစေသည်။ ထို့ကြောင့် ခွဲစိတ်ြင်္ပီး ၂၄ နာရီ အတွင်းတွင် ကားမောင်းခြင်း နှင့် အရေ.ကြီးသော အလုပ်များလုပ်ဆောင်ခြင်းကို မပြုလုပ်ပါနှင့်။

Calypsol သည် ၂၄ နာရီ ခန့်အထိ အမူအရာများပြောင်းလဲခြင်း၊ စိတ်ခံစားမှုများပြောင်းလဲခြင်း၊ မူးဝေခြင်း၊ စိတ်အာရုံရှုတ်ထွေးခြင်း ထင်ယောင်ထင်မှားဖြစ်ခြင်းတို့ ဖြစ်စေနိုင်ပါသည်။ သိလိုသည်များရှိသေးသော် ဆရာဝန်နှင့်ဆွေးနွေးနိုင်ပါသည်။ အသက်ကြီးသူများ တွင် ဆေးအာနိသင်များပို ပြင်းနိုင်သည့် အတွက် သတိနှင့် အသုံးပြုရမည်။

အသက် ၁၆ နှစ်အောက်ကလေးများတွင် Calypsol ၏ စိတ်ချရမှုနှင့် အကျိုးသက်ရောက်မှုကို တိကျစွာဖော်ပြထားခြင်း မရှိသည့်အတွက် ဆေးမသောက်မီ ဆရာဝန်နှင့် တိုင်ပင်ရန်လိုအပ်သည်။

ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ Calypsol (ကလစ်ပ်စိုးလ်) ကိုသုံးစွဲဖို့ စိတ်ချရပါသလား

ယခုဆေးဝါးကို ကိုယ်ဝန်ဆောင်နေချိန်နှင့် ကလေးနို့တိုက်နေချိန်တွင် အသုံးပြုလျှင် ဆိုးကျိုးများရှိမရှိကိုဆုံးဖြတ်နိုင်ရန်အတွက် လုံလောက်သောလေ့လာစမ်းသပ်ချက်များမရှိပါ။ ဆေးမသောက်သုံးမီတွင် ဖြစ်နိုင်ချေကောင်းကျိုးများနှင့် ဆိုးကျိုးများအားလုံးကိုချိန်ဆနိုင်ရန်အတွက် သင့်ရဲ့ဆရာဝန်နဲ့ တိုင်ပင်ဆွေးနွေးမှုပြုလုပ်ပါ။

ဘေးထွက်ဆိုးကျိုးများ

Calypsol (ကလစ်ပ်စိုးလ်) ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

ဆေးတိုင်းသည် ဘေးထွက်ဆိုးကျိုးများ ခံစားရနိုငသော်လည်းလူတဦးနှင့်တဦးအပေါ်မူတည်ပြီး မတူညီပါ။ အောက်ပါတို့သည် ဖြစ်လေ့ရှိသော ဘေးထွက်ဆိုးကျိုးများဖြစ်ပြီး ထိုလက္ခဏာများ ခံစားရပါက ဆရာဝန်နှင့် ပြသပါ။

  • ခံတွင်းပျက်ခြင်း
  • ပျို့ခြင်း
  • အန်ခြင်း

အောက်ပါပြင်းထန်သော ဆိုးကျိုးများခံစားရပါက ဆရာဝန်နှင့် ပြသရမည်ဖြစ်သည်။

  • ပြင်းထန်စွာ ဓါတ်မတည့်ခြင်း (အနီဖုများထွက်ခြင်း၊ အင်ပြင်ထခြင်း၊ယားယံလာခြင်း၊ အသက်ရှုကျပ်လာခြင်း၊ ရင်ကျပ်ခြင်း၊နှုတ်ခမ်း ၊ လျှာနှင့် လည်းချောင်းများရောင်ရမ်းလာခြင်း)
  • အမူအရာများပြောင်းလဲလာခြင်း
  • စိတ်အာရုံ ရှုတ်ထွေးခြင်း
  • ဆီးသွားရခက်ခြင်း၊ ဆီးခဏခဏသွားခြင်း၊ ဆီးသွားလျှင် နာကျင်ခြင်း
  • ပုံရိပ် ၂ ထပ်မြင်ခြင်း
  • မူးဝေခြင်း
  • နှလုံးခုန်စည်းချက်မမှန်ခြင်း
  • ထင်ယောင်ထင်မှား ဖြစ်ခြင်း
  • ကြွက်သားများ မူမမှန် လှုပ်ရှားမှုများ ဖြစ်ခြင်း
  • စိတ်ပိုင်းဆိုင်ရာ ပြောင်းလဲမှုများ ဖြစ်ခြင်း၊ စိတ်ခံစားမှုများ ပြောင်းလဲခြင်း
  • ဆေးထိုးထားသော နေရာတွင် နာကျင်ခြင်း၊ နီရဲခြင်း၊ ယောင်ယမ်းခြင်း
  • အဆက်မပြတ် ခေါင်းမူးခြင်း၊ ခေါင်းကိုက်ခြင်း
  • အသက်ရှုနှေးခြင်း
  • မျက်လုံးအိမ်တွင် မူမမှန်သော လှုပ်ရှားမှုများဖြစ်ခြင်း

(ယေဘူယျအသိပေးချက်ယခုဖော်ပြပါ ဘေးထွက်ဆိုးကျိုးများကိုခံစားရမှုမှာတစ်ဦးနှင့်တစ်ဦးကွဲပြားခြားနားမှုရှိနိုင်ပါတယ်။ အထက်ဖော်ပြပါဘေးထွက်ဆိုးကျိုးများတွင် မပါဝင်သည့် ဘေးထွက်ဆိုးကျိုးများလည်းရှိနိုင်ပါတယ်။ ဘေးထွက်ဆိုးကျိုးနှင့်ပတ်သက်၍ စိုးရိမ်ပူပန်မှုများရှိပါကသင်၏ဆရာဝန် သို့မဟုတ် ဆေးဝါးကျွမ်းကျင်ပညာရှင်နှင့် တိုင်ပင်ဆွေးနွေးမှုများပြုလုပ်ပါ။)

ဆေးဓါတ်ပြုမှုများ

ဘယ်ဆေးတွေက Calypsol (ကလစ်ပ်စိုးလ်) နဲ့ ဓါတ်ပြုနိုင်သလဲ

Calypsol ဟာသင်အခုလောလောဆယ်သောက်သုံးနေတဲ့တခြားသော ဆေးဝါးတွေနဲ့ ဓါတ်ပြုမှုတွေဖြစ်နိုင်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ ဆေးဝါးဓါတ်ပြုမှုတွေ မဖြစ်လာအောင်လို့ သင်လက်ရှိသောက်သုံးနေတဲ့ ဆေးဝါးတွေအားလုံးရဲ့စာရင်းကို လုပ်ထားပြီး (စာရင်းလုပ်တဲ့အခါမှာ ဆရာဝန်ညွှန်ကြားထားတာတွေ၊ မညွှန်ကြားဘဲသောက်သုံးနေတာတွေ၊ သဘာဝဆေးဘက်ဝင်ပစ္စည်းတွေအားလုံးပါဝင်ပါတယ်) ဆရာဝန် ဒါမှမဟုတ် ဆေးဝါးကျွမ်းကျင်သူကိုအမြဲပြောပြပါ။ ဆေးဝါးတွေကို ဆရာဝန်ခွင့်ပြုချက်မပါဘဲသောက်သုံးခြင်း၊ ရပ်ဆိုင်းခြင်း၊ ပမာဏကိုပြောင်းလဲခြင်းတွေမပြုလုပ်ပါနဲ့။ အောက်ပါဆေးများသည် Calypsol နှင့် ဓါတ်ပြုနိုင်သော ဆေးများဖြစ်ပါသည်။

  • Carbinoxamine(Karbinal ER, Arbinoxa, Palgic, and many others)
  • Topical cocaine or cocaine applied to the nose
  • Doxylamine(Unisom)
  • Opioids, such as alfentanil,codeine, hydromorphone (Dilaudid), and oxymorphone (Opana)
  • Tramadol(Conzip, Ultram, Ultram ER, Ultracet)
  • Barbiturateslike butalbital,butabarbital(Butisol), andpentobarbital
  • Benzodiazepines, such as like alprazolam (Xanax),clonazepam(Klonopin), and lorazepam(Ativan)
  • Carbamazepine (Carbatrol, Equetro,Tegretol), oxcarbazepine (Trileptal), phenytoin (Dilantin)
  • Zaleplon(Sonata, Starnoc, Andanta) or zolpidem (Ambien)
  • Rifampin(Rifadin, Rifamate, Rimactane)
  • Dexmedetomidine (Precedex)
  • Suvorexant (Belsomra)

အစားအသောက်တွေနဲ့ အရက်က Calypsol (ကလစ်ပ်စိုးလ်) နဲ့ ဓါတ်ပြုနိုင်သလား

Calypsol က အစားအသောက် ဒါမှမဟုတ် အရက်သေစာနဲ့ ဓါတ်ပြုမှုတွေဖြစ်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ ဓါတ်ပြုမှုတွေမဖြစ်လာအောင်လို့ အစားအသောက်၊ အရက်သေစာတွေနဲ့ ဓါတ်ပြုနိုင်ချေရှိမရှိကိုမေးမြန်းတိုင်ပင်ပါ။

ဘယ်ရောဂါအခြေအနေတွေက Calypsol (ကလစ်ပ်စိုးလ်) နဲ့ ဓါတ်ပြုနိုင်သလဲ

Calypsol ဟာသင့်ရဲ့ နဂိုကျန်းမာရေးအခြေအနေများနဲ့ သက်ရောက်ဓါတ်ပြုမှုတွေရှိနိုင်ပါတယ်။ သင့်ရဲ့ ကျန်းမာရေးအခြေအနေကိုပိုဆိုးသွားစေတာဒါမှမဟုတ် ဆေးသက်ရောက်မှုပုံစံပြောင်းလဲသွားတာတွေဖြစ်နိုင်ပါတယ်။ ဒါ့ကြောင့် သင့်ရဲ့ကျန်းမာရေးအခြေအနေအကုန်လုံးကိုသင့်ရဲ့ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်ကိုအသိပေးဖို့ အရေးကြီပါတယ်။ အောက်ပါတို့ရှိလျှင် အသိပေးရမည်။

  • ဦးနှောက်ကို ထိခိုက်ဒဏ်ရာရဖူးလျှင်၊ သွေးထွက်ဖူးလျှင်
  • လေဖြတ်ခြင်း
  • ခါးရိုးချဉ်ဆီ ဖိအားများခြင်း
  • မျက်စိထဲတွင် ဖိအားများခြင်း
  • ဆီး နှင့် ဆီးအိမ် ရောဂါများ
  • နှလုံးရောဂါ
  • သွေးတိုးရောဂါ
  • စိတ်ရောဂါ၊ စိတ်ခံစားမှုများ မူမမှန်ခြင်း
  • သိုင်းရွိုက်ရောဂါ

သောက်သုံးရန်အညွှန်း

ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

အရွယ်ရောက်ပြီးသူတွေအတွက် Calypsol (ကလစ်ပ်စိုးလ်) ရဲ့ အသုံးပြုရမယ့်ပမာဏကဘယ်လောက်လဲ

အကြောထိုးဆေး

1-4.5 mg/kg သို့မဟုတ် 1-2 mg/kg(0.5mg/kg/min)

(ခွဲစိတ်စဉ် ထုံးဆေးအနေနှင့် ၅-၁၀ မိနစ်ကြာမျှ ထုံနေစေရန် အသုံးပြုရမည့် ပမာဏ မှာ2 mg/ kg ဖြစ်ပြီး ဆေးအာနိသင်ကို မိနစ် ၃၀ အတွင်းရရှိသည်။)

ထို့နောက် လူနာအပေါ်မူတည်ပြီး လိုအပ်သလို ဆေးထပ်ပေးနိုင်သည်။ အထက်ဖော်ပြပါ ပမာဏ ၏ တဝက် သို့မဟုတ် တူညီသော ပမာဏ ကို ထပ်ပေးနိုင်သည်။

အသားထိုးဆေး

6.5-13 mg/kg

(ခွဲစိတ်စဉ် ထုံးဆေးအနေနှင့် ၁၂-၂၅ မိနစ်ကြာမျှ ထုံနေစေရန် အသုံးပြုရမည့် ပမာဏ မှာ9-13mg/ kg ဖြစ်သည်။)

ထို့နောက် လူနာအပေါ်မူတည်ပြီး လိုအပ်သလို ဆေးထပ်ပေးနိုင်သည်။ အထက်ဖော်ပြပါ ပမာဏ ၏ တဝက် သို့မဟုတ် တူညီသော ပမာဏ ကို ထပ်ပေးနိုင်သည်။

ကလေးတွေအတွက် Calypsol (ကလစ်ပ်စိုးလ်) ရဲ့ အသုံးပြုရမယ့်ပမာဏကဘယ်လောက်လဲ

အသက် ၁၆ နှစ် ကလေးများအတွက်

အကြောထိုးဆေး

1-4.5 mg/kg သို့မဟုတ် 1-2 mg/kg(0.5mg/kg/min)

(ခွဲစိတ်စဉ် ထုံးဆေးအနေနှင့် ၅-၁၀ မိနစ်ကြာမျှ ထုံနေစေရန် အသုံးပြုရမည့် ပမာဏ မှာ2 mg/ kg ဖြစ်ပြီး ဆေးအာနိသင်ကို မိနစ် ၃၀ အတွင်းရရှိသည်။)

ထို့နောက် လူနာအပေါ်မူတည်ပြီး လိုအပ်သလို ဆေးထပ်ပေးနိုင်သည်။ အထက်ဖော်ပြပါ ပမာဏ ၏ တဝက် သို့မဟုတ် တူညီသော ပမာဏ ကို ထပ်ပေးနိုင်သည်။

အသားထိုးဆေး

6.5-13 mg/kg

(ခွဲစိတ်စဉ် ထုံးဆေးအနေနှင့် ၁၂-၂၅ မိနစ်ကြာမျှ ထုံနေစေရန် အသုံးပြုရမည့် ပမာဏ မှာ9-13mg/ kg ဖြစ်သည်။)

ထို့နောက် လူနာအပေါ်မူတည်ပြီး လိုအပ်သလို ဆေးထပ်ပေးနိုင်သည်။ အထက်ဖော်ပြပါ ပမာဏ ၏ တဝက် သို့မဟုတ် တူညီသော ပမာဏ ကို ထပ်ပေးနိုင်သည်။

Calypsol (ကလစ်ပ်စိုးလ်) ကိုဘယ်လိုရရှိနိုင်သလဲ

Calypsol ကိုအောက်ဖော်ပြပါ ဆေးဝါးပုံစံများနှင့် အချိုးအစားများဖြင့် ရရှိနိုင်ပါတယ်။

  • ၅၀၀ မီလီဂရမ် ထိုးဆေးရည်

အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

အရေးပေါ်အခြေအနေသို့မဟုတ် ဆေးပမာဏလွန်သွားတဲ့အခြေအနေတွေမှာအရေးပေါ်ဆေးရုံဆေးခန်းများသို့ သွားရောက်ကုသမှုခံယူပါ။

ဆေးသောက်ရမယ့်အချိန်လွတ်သွားခဲ့ရင် ဘာလုပ်ရမလဲ။

Calypsol ကို လွတ်သွားခဲ့ပါက (မေ့ခဲ့ပါက) သတိရတဲ့အချိန်မှာအမြန်ဆုံးသုံးပါ။ သို့သော်လည်းနောက်တစ်ကြိမ်သုံးရမယ့်အချိန်နဲ့ နီးကပ်နေပြီဆိုရင်တော့ လွတ်သွားတဲ့အကြိမ်ကိုကျော်ပြီးပုံမှန်အချိန်မှာပဲသုံးလိုက်ပါ။ ဆေးပမာဏကို နှစ်ဆတိုးတာမျိုးမလုပ်ပါနဲ့။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

တည်းဖြတ်သည့်နေ့ ဩဂုတ် 20, 2017 | နောက်ဆုံးတည်းဖြတ်ခြင်း ဩဂုတ် 30, 2017

ရင်းမြစ်များ