Berodual (ဘီရိုဒူရယ်လ်) ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

Generic Name: Berodual (ဘီရိုဒူရယ်လ်) Brand Name(s): Generics only. No brands available.

အသုံးပြုပုံများ

Berodual (ဘီရိုဒူရယ်လ်) ကို ဘာအတွက်အသုံးပြုကြသလဲ

နာတာရှည်လေလမ်းကြောင်းပိတ်ဆို့မှုနဲ့တွဲအတူ ပန်းနာရင်ကျပ်ရောဂါ၊ အဆုပ်ရောဂါနဲ့တွဲတဲ့ လေပြွန်ရောင်ရောဂါ မတွဲတဲ့လေပြွန်ရောင်ရောဂါစတဲ့လေလမ်းကြောင်းအကန့်အသတ်များရှိခြင်းတွေမှာ သုံးနိုင်ပါတယ်။

Berodual (ဘီရိုဒူရယ်လ်) ဘယ်လိုသောက်သုံးသင့်သလဲ

ဆေးရုံလိုမျိုး ကျန်းမာရေးကြီးကြပ်မှုအောက်မှာ ကုသမှုကိုစတင်လုပ်သင့်ပါတယ်။

ပမာဏနည်းနည်းနဲ့ အကျိုးသက်ရောက်မှုမြန်တဲ့ beta-agonist bronchodilator လေပြွန်ကျယ်ဆေးလိုဆေးမျိုးကိုတော့ အိမ်မှာပဲအသုံးပြုနိုင်ပါတယ်။

အခြားအချက်တွေကြောင့် nebuliser treatmentလေပြွန်ကျယ်ရှူဆေး လိုအပ်နေသူတွေလည်း သုံးနိုင်ပါတယ်။ ဥပမာ စမ်းသပ်စောင့်ကြည့်နေရတဲ့လူနာတွေမှာ ပမာဏအများကြီးလိုပါတယ်။

ရှူဆေးကုသမှုကိုတော့ ပမာဏအနည်းဆုံးကနေစပေးသင့်ပါတယ်။

လူတစ်ဦးချင်းစီရဲ့လိုအပ်ချက်တွေနဲ့အညီ ပမာဏကိုညှိတာတွေ အခြေအနေပြင်းထန်မှုတွေအပေါ်မူတည်ပြီး ပမာဏတဖြည်းဖြည်းလျှော့တာတွေ လုပ်သင့်ပါတယ်။

လက္ခဏာတွေသိသိသာသာသက်သာလာပြီဆိုမှ ရပ်သင့်ပါတယ်။

Berodual (ဘီရိုဒူရယ်လ်) ဘယ်လိုသိမ်းဆည်းရမလဲ

အလင်းရောင်တိုက်ရိုက်ကျရောက်တဲ့နေရာနဲ့

စိုထိုင်းဆရှိတဲ့နေရာတွေနဲ့ဝေးဝေး အခန်းအပူချိန်မှာထားသင့်အပါတယ်။ ဆေးမပျက်စီးအောင် ကာကွယ်ဖို့ ရေချိုးခန်းရေခဲသေတ္တာစတာတွေထဲမှာ မသိမ်းသင့်ပါဘူး။ အမျိုးအစားပေါ်မူတည်ပြီး သိမ်းဆည်းနိုင်တဲ့ပုံစံတွေလည်း ကွဲနိုင်ပါတယ်။ ဆေးညွှန်းမှာပါတဲ့အတိုင်း သေချာသိမ်းဖို့ အရေးကြီးပါတယ်။ ကလေးတွေနဲ့အိမ်မွေးတိရိစ္ဆာန်တွေနဲ့ ဝေးဝေးမှာ ထားသင့်ပါတယ်။ ရေမြောင်းတွေအိမ်သာစတာတွေထဲကို ညွှန်ထားထားခြင်းမရှိဘူးဆိုရင် သွန်ပစ်ခြင်းမျိုးမလုပ်သင့်ပါဘူး။ သတ်မှတ်ထားတဲ့အသုံးပြုနိုင်တဲ့နေ့ရက်ကျော်သွားပြီဆိုရင် သို့ ်မလိုအပ်တော့ဘူးဆိုရင် သေချစွန့်ပစ်သင့်ပါတယ်။ ဘယ်လိုစိတ်ချလက်ချစွန့်ပစ်နိုင်လဲဆိုတာတွေကို ဆေးဝါးကျွမ်းကျင်သူနဲ့ တိုင်ပင်နိုင်ပါတယ်။

ကြိုတင်သတိပြုရန်များနှင့် အသိပေးချက်များ

Berodual (ဘီရိုဒူရယ်လ်) အသုံးမပြုခင် ဘာတွေသိသင့်သလဲ

မသုံးခင်မှာ အောက်ပါအချက်တွေရှိခဲ့မယ်ဆိုရင် ဆရာဝန်ကိုပြောပြသင့်ပါတယ်။

  • ကိုယ်ဝန်ဆောင်မိခင် သို့ နို့တိုက်မိခင်ဖြစ်ခဲ့ရင်
  • ကိုယ်ဝန်ဆောင်ချိန်နဲ့ နို့်တိုက်ကျွေးနေချိန်မှာ ဆရာဝန်ညွှန်ကြားထားတဲ့ဆေးကိုသာ သောက်သင့်တဲ့အတွက်ကြောင့် ဖြစ်ပါတယ်။
  • အခြားဆေးတွေမှီဝဲနေရရင်
  • ဆရာဝန်ညွှန်ကြားခြင်းမရှိဘဲ အလွယ်တကူဝယ်ယူနိုင်တဲ့ ဖြည့်စွက်ဆေးစတဲ့ မည်သို့သောဆေးမျိုးမဆို ပါဝင်ပါတယ်။
  • Berodual® သို့ အခြားသောဆေးများနဲ့ ဓါတ်မတည့်မှုတွေရှိခဲ့မယ်ဆိုရင်
  • အခြားသောမကျန်းမာမှုတွေရှိခဲ့မယ်ဆိုရင်

ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ Berodual (ဘီရိုဒူရယ်လ်) ကိုသုံးစွဲဖို့ စိတ်ချရပါသလား

ကိုယ်ဝန်ဆောင်ချိန်နဲ့ နို့်တိုက်ကျွေးနေချိန်မှာ စိတ်ချလက်ချသုံးနိုင်တယ်လို့တော့ မပြောနိုင်သေးပါဘူး။ မသုံးခင်မှာ ရလာနိုင်တဲ့အကျိုးဆက်တွေကို သင့်ဆရာဝန်နဲ့ ဆွေးနွေးတိုင်ပင်သင့်ပါတယ်။

ဘေးထွက်ဆိုးကျိုးများ

Berodual (ဘီရိုဒူရယ်လ်) ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

ဒီဆေးကိုအသုံးပြုခြင်းကြောင့် အောက်ပါဘေးထွက်ဆိုးကျိုးတွေ တွေ့နိုင်ပါတယ်။

ချောင်းဆိုးခြင်း

အာခြောက်ခြင်း
ခေါင်းကိုက်ခြင်း

တုန်ရီခြင်း

အာခေါင်ရေင်ခြင်း

မအီမသာဖြစ်ခြင်း

မူးဝေခြင်း

စကားပြောရခက်ခြင်း

နှလုံးခုန်မြန်ခြင်း

အပေါ်သွေးတက်ခြင်း

စိတ်လှုပ်ရှားခြင်း

အာရုံခံစားမှုအထူးထက်မြက်ခြင်း

လူတိုင်းတော့ မကြုံရနိုင်ပါဘူး။ အထက်မှာဖော်ပြထားတဲ့အထဲမှာမပါဝင်တဲ့ အခြားသောဘေးထွက်ဆိုးကျိုးတွေလည်းရှိနိုင်ပါသေးတယ်။ ဘေးထွက်ဆိုးကျိုးတွေနဲ့ပတ်သက်ပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။

ဆေးဓါတ်ပြုမှုများ

ဘယ်ဆေးတွေက Berodual (ဘီရိုဒူရယ်လ်) နဲ့ ဓါတ်ပြုနိုင်သလဲ

သင်လတ်တလောမှီဝဲနေတဲ့အခြားဆေးတွေနဲ့ အပြန်အလှန်တုံ့ပြန်မှုတွေကြောင့် ဆေးအာနိသင်ပြောင်းသွားတာတွေ ဘေးထွက်ဆိုးကျိုးတွေ ပိများလာတာမျိုးတွေဖြစ်နိုင်ပါတယ်။

ဒါတွေကို ရှောင်နိုင်ဖို့အတွက်ဆိုရင်တော့ သင်မှီဝဲနေတဲ့ ဆေးစာရင်းတွေကို ဆရာဝန်တွေဆေးဝါးတတ်ကျွမ်းနားလည်သူတွေကိုပြော ပြထားသင့်ပါတယ်။ ဆရာဝန်ခွင့်ပြုချက်မရှိဘဲ ဆေးရပ်လိုက်တာမျိုးတွေဆေးစသောက်တာမျိုးတွေ ဆေးပမာဏပြောင်းတာမျိုးတွေ မလုပ်သင့်ပါဘူး။

အောက်ဖော်ပြပါဆေးတွေနဲ့ အပြန်အလှန်တုံ့ပြန်မှုတွေဖြစ်နိုင်ပါတယ်။

အခြား β-adrenergics

Anticholinergics

Xanthine derivatives

စတီးရွိုက်ဆေးများ

ဆီးဆေးများ

နှလုံးဆေး

MAOI

TCAs

Halogenated hydrocarbon anesthesia

အစားအသောက်တွေနဲ့ အရက်က Berodual (ဘီရိုဒူရယ်လ်) နဲ့ ဓါတ်ပြုနိုင်သလား

အပြန်အလှန်သက်ရာက်မှုတွေကြောင့် ဆေးအာနိသင်ပြောင်းသွားတာတွေ ဘေးထွက်ဆိုးကျိုးပိုများလာတွေ တွေ့နိုင်ပါတယ်။ ဆေးအသုံးမပြုခင်မှာ ဆရာဝန်နဲ့ ရလာနိုင်တဲ့အကျိုးုဆက်တွေကို ဆွေးနွေးတိုင်ပင်သင့်ပါတယ်။

ဘယ်ရောဂါအခြေအနေတွေက Berodual (ဘီရိုဒူရယ်လ်) နဲ့ ဓါတ်ပြုနိုင်သလဲ

သင့်ကျန်းမာရေးအခြေအနေတွေကို သက်ရောက်နိုင်ပါတယ်။ သင့်ကျန်းမာရးအခြေအနေပိုဆိုးသွားတာမျိုး ဆေးအာနိသင်ပြောင်းသွာတာမျိုးတွေ ဖြစ်နိုင်ပါတယ်။ လတ်တလောကျန်းမာရေးအခြေအနေတွေ မှန်သမျှကို သင့်ဆရာဝန်နဲ့ တတ်ကျွမ်းနားလည်သူတွေကို ပြောပြထားသင့်ပါတယ်။

ပြင်းထန်တဲ့နှလုံးသွေးကြောဆိုင်ရာရောဂါများ

ပြင်းထန်တဲ့နှလုံးရောဂါ

ရေတိမ်

လည်ပင်းကြီးရောဂါ(သိုင်းရွိုက်ဟော်မုန်းအထွက်များသောရောဂါ)

အဒရီနယ်ဂလင်းရောဂါ

ဆီးကျိတ်ရောင်ရောဂါ

အဆုတ်ထိခိုက်ပြီး အသက်ရှူရခက်တဲ့ရောဂါ

သွေးတွင်းပိုတက်ဆီယမ်နည်းခြင်း

သောက်သုံးရန်အညွှန်း

ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

အရွယ်ရောက်ပြီးသူတွေအတွက် Berodual (ဘီရိုဒူရယ်လ်) ရဲ့ အသုံးပြုရမယ့်ပမာဏကဘယ်လောက်လဲ

အရွယ်ရောက်ပြီးသူတွေနဲ့ အသက်၁၂နှစ်အောက်ကလေးများအတွက်

ချက်ချင်းသက်သာနိုင်ဖို့ 1 mL (20 drops)

ပြင်းထန်ဆိုးရွးမယ်ဆိုရင် 2.5 mL (50 drops)အများဆုံး 4 mL (80 drops)

ကလေးတွေအတွက် Berodual (ဘီရိုဒူရယ်လ်) ရဲ့ အသုံးပြုရမယ့်ပမာဏကဘယ်လောက်လဲ

အသက်၆နှစ်ကနေ၁၂နှစ်ကလေးတွေအတွက် ချက်ချင်းသက်သာနိုင်ဖို့ 0.5-1 mL (10-20 drops)

ပြင်းထန်တဲ့အခြေအနေအတွက် 2 mL (40 drops)အများဆုံး 3 mL (60 drops).

Berodual (ဘီရိုဒူရယ်လ်) ကိုဘယ်လိုရရှိနိုင်သလဲ

အောက်ပါပုံစံတွေနဲ့ ရနိုင်ပါတယ်။

ရှူဆေး 20 ml

အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

ဒီလိုအခြေအနေမျိုးတွေမှာ ပြည်တွင်းကျန်းမာရေးဝန်ဆောင်မှုတွေ သို့မဟုတ် အနီးဆုံးအရးပေါ်ခန်းတွေကို ဆက်သွယ်သင့်ပါတယ်။

ဆေးသောက်ရမယ့်အချိန်လွတ်သွားခဲ့ရင် ဘာလုပ်ရမလဲ။

တတ်နိုင်သမျှမြန်မြန် မှီဝဲသင့်ပါတယ်။ နောက်တစ်ကြိမ်မှီဝဲရမယ့်အချိန်နဲ့ နီးကပ်နေမယ်ဆိုရင် လွတ်သွားတဲ့ပမာဏကို ကျော်ပြီး အချိန်စာရင်းအတိုင်း ပုံမှန်ဆက်သောက်သင့်ပါတယ်။ နှစ်ကြိမ်အသုံးပြုဖို့မလိုပါဘူး။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

တည်းဖြတ်သည့်နေ့ အောက်တိုဘာ 28, 2017 | နောက်ဆုံးတည်းဖြတ်ခြင်း ဇန်နဝါရီ 10, 2018