A Hydrocort (အေ ဟိုက်ဒရိုကော်တီစုန်းလိမ်းဆေး) ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

Generic Name: A Hydrocort (အေ ဟိုက်ဒရိုကော်တီစုန်းလိမ်းဆေး) Brand Name(s): Generics only. No brands available.

အသုံးပြုပုံများ

A Hydrocort (အေ ဟိုက်ဒရိုကော်တီစုန်းလိမ်းဆေး) ကို ဘာအတွက်အသုံးပြုကြသလဲ

ကော်တီကွိုက်ဖြစ်ပြီး အောက်ပါအမျိုးမျိုးသောအရေပြားရောင်ရမ်းခြင်းတွေအတွက် သုံးနိုင်ပါတယ်။

  • နှင်းခူရောဂါ- အရေပြားထိပ်များ၊ ကလေးသူငယ်ဆိုင်ရာ၊ ဒင်္ဂါးပုံစံ၊ အခြေနေအတည်ြငိမ်ခြင်း
  • အရေပြားရောင်ခြင်း – တခြားအကြောင်းအရင်းမရှိဘဲရောင်ခြင်း၊ ဓါတ်မတည့်ခြင်း၊ အဆီများခြင်း
  • အင်းဆက်အကိုက်ခံရခြင်းဆိုင်ရာ တုန့်ပြန်မှုများ
  • အာရုံကြောဆိုင်ရာ အရေပြားပြဿနာများ
  • နားအပြင်ပိုင်းရောင်ခြင်း
  • အရေပြားနီရဲရိနေခြင်း
  • အဖိမ့်

A Hydrocort (အေ ဟိုက်ဒရိုကော်တီစုန်းလိမ်းဆေး) ဘယ်လိုသောက်သုံးသင့်သလဲ

ဆရာဝန်ညွှန်ကြားတဲ့အတိုင်း တိတိကျကျအသုံးပြုပါ။ ဆေးညွှန်းစာမှာပါတဲ့လမ်းညွှန်ချက်တွေကို နားမလည်ဘူးဆိုရင် ဆရာဝန်နဲ့ဆွေးနွေးနိုင်ပါတယ်။

မသုံးခင်နဲ့ အသုံးပြုပြီးမှာ သင့်ရဲ့လက်ကိုဆေးကြောသန့်စင်ပါ။

A Hydrocort (အေ ဟိုက်ဒရိုကော်တီစုန်းလိမ်းဆေး) ဘယ်လိုသိမ်းဆည်းရမလဲ

အလင်းရောင်တိုက်ရိုက်ကျရောက်တဲ့နေရာနဲ့စိုထိုင်းဆရှိတဲ့နေရာတွေနဲ့ဝေးဝေး အခန်းအပူချိန်မှာထားသင့်အပါတယ်။

ဆေးမပျက်စီးအောင် ကာကွယ်ဖို့ ရေချိုးခန်းရေခဲသေတ္တာစတာတွေထဲမှာ မသိမ်းသင့်ပါဘူး။ အမျိုးအစားပေါ်မူတည်ပြီး သိမ်းဆည်းနိုင်တဲ့ပုံစံတွေလည်း ကွဲနိုင်ပါတယ်။ ဆေးညွှန်းမှာပါတဲ့အတိုင်း သေချာသိမ်းဖို့ အရေးကြီးပါတယ်။ ကလေးတွေနဲ့အိမ်မွေးတိရိစ္ဆာန်တွေနဲ့ ဝေးဝေးမှာ ထားသင့်ပါတယ်။

ရေမြောင်းတွေအိမ်သာစတာတွေထဲကို ညွှန်ထားထားခြင်းမရှိဘူးဆိုရင် သွန်ပစ်ခြင်းမျိုးမလုပ်သင့်ပါဘူး။ သတ်မှတ်ထားတဲ့အသုံးပြုနိုင်တဲ့နေ့ရက်ကျော်သွားပြီဆိုရင် သို့ ်မလိုအပ်တော့ဘူးဆိုရင် သေချစွန့်ပစ်သင့်ပါတယ်။ ဘယ်လိုစိတ်ချလက်ချစွန့်ပစ်နိုင်လဲဆိုတာတွေကို ဆေးဝါးကျွမ်းကျင်သူနဲ့ တိုင်ပင်နိုင်ပါတယ်။

ကြိုတင်သတိပြုရန်များနှင့် အသိပေးချက်များ

A Hydrocort (အေ ဟိုက်ဒရိုကော်တီစုန်းလိမ်းဆေး) အသုံးမပြုခင် ဘာတွေသိသင့်သလဲ

မသုံးခင်မှာ အောက်ပါအချက်တွေရှိခဲ့မယ်ဆိုရင် ဆရာဝန်ကိုပြောပြသင့်ပါတယ်။

  • အခြားဆေးများ၊ အစားအစာများ၊ ဆိုးဆေးများ၊ တာရှည်ခံအောင်ပြုလုပ်ထားသောပစ္စည်းများ၊ တိရိစ္ဆာန်တွေနဲ့ ဓါတ်မတည့်မှုတွေရှိခဲ့ရင်
  • ကလေးအရွယ်
  • သက်ကြီးရွယ်အိုများ
  • ကူရှင်းရောဂါစု ( အဒရီနယ်ဂလင်းဖောက်ပြန်ခြင်း)
  • ဆီးချိုရောဂါ
  • သွေးတွင်းသကြားဓါတ်မြင့်ခြင်း
  • ဦးနှောက်သွေးယိုခြင်း ( ဦးခေါင်းအတွင်းဖိအားများခြင်း)
  • ဆေးလိမ်းသည့်နေရာနှင့် အနီးတစ်ဝိုက်တွင် ကူးစက်ပိုးဝင်ခြင်း
  • ဆေးလိမ်းသည့်နေရာတွင် အနာများ၊ အရေပြားကွဲခြင်း၊ ပြင်းထန်သောအရေပြားထိခိုက်ဒဏ်ရာရခြင်း

ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ A Hydrocort (အေ ဟိုက်ဒရိုကော်တီစုန်းလိမ်းဆေး) ကိုသုံးစွဲဖို့ စိတ်ချရပါသလား

ကိုယ်ဝန်ဆောင်ချိန်နဲ့ နို့်တိုက်ကျွေးနေချိန်မှာ စိတ်ချလက်ချသုံးနိုင်တယ်လို့တော့ မပြောနိုင်သေးပါဘူး။ မသုံးခင်မှာ ရလာနိုင်တဲ့အကျိုးဆက်တွေကို သင့်ဆရာဝန်နဲ့ ဆွေးနွေးတိုင်ပင်သင့်ပါတယ်။

အမေရိကန် အစားအသောက်နဲ့ဆေးဝါးစီမံခန့်ခွဲရေးအဖွဲ့အစည်းအရ ကိုယ်ဝန်ဆောင်အန္တရာယ်ရှိနိုင်ချေအုပ်စု Cမှာ ပါဝင်ပါတယ်။

FDA ကိုယ်ဝန်ဆောင်အန္တရာယ်ပေးနိုင်ချေအုပ်စုများအဆင့်သတ်မှတ်ချက်များ

  • A=အန္တရာယ်မရှိ
  • B=အချို့သောလေ့လာမှုတွေအရ အန္တရာယ်မရှိ
  • C=အန္တရာယ်ပေးနိုင်ချေအနည်းငယ်ရှိသည်
  • D=အန္တရာယ်ပေးနိုင်ချေရှိသည်။
  • X=မသုံးသင့်
  • N=မသိ

ဘေးထွက်ဆိုးကျိုးများ

A Hydrocort (အေ ဟိုက်ဒရိုကော်တီစုန်းလိမ်းဆေး) ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

ဟိုက်ဒရိုကော်တီစုန်းလိမ်းဆေးကြောင့် အောက်ပါအရေပြားဘေးထွက်ဆိုးကျိုးတွေ ဖြစ်နိုင်ပါတယ်။

  • ပေါက်ပြဲခြင်း၊ စပ်ဖျဉ်းဖျဉ်းဖြစ်ခြင်း၊ မာခြင်း၊ ခြောက်ခြင်း၊ အရေပြားကွာကျခြင်း
  • အထိမခံနိုင်ဖြစ်ခြင်း
  • ယားခြင်း၊ အရေပြားအကြေးခွံထခြင်း၊ ပြင်းပြင်းထန်ထန်ရောင်ခြင်း၊ အနာဖြစ်ခြင်း၊ အရေပြားရောင်ခြင်း
  • ပါးစပ်တစ်ဝိုက်နီခြင်း အကြေးခွံထခြင်း
  • အရေပြားပါးပြိး အလွယ်တကူပေါက်ပြဲခြင်း၊ အထူးသဖြင့်မျက်နှာပေါ်အသုံးပြုသည့်အခါမျိုး၊ အရေပြားအခေါက်နှစ်ခုကြား ( လက်ချောင်းကြားနေရာများ)
  • ပိန်ခြင်း၊ အားနည်းခြင်း၊ အရေပြားကွာကျခြင်း

လူတိုင်းတော့ မကြုံရနိုင်ပါဘူး။ အထက်မှာဖော်ပြထားတဲ့အထဲမှာမပါဝင်တဲ့ အခြားသောဘေးထွက်ဆိုးကျိုးတွေလည်းရှိနိုင်ပါသေးတယ်။ ဘေးထွက်ဆိုးကျိုးတွေနဲ့ပတ်သက်ပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။

ဆေးဓါတ်ပြုမှုများ

ဘယ်ဆေးတွေက A Hydrocort (အေ ဟိုက်ဒရိုကော်တီစုန်းလိမ်းဆေး) နဲ့ ဓါတ်ပြုနိုင်သလဲ

သင်လတ်တလောမှီဝဲနေတဲ့အခြားဆေးတွေနဲ့ အပြန်အလှန်တုံ့ပြန်မှုတွေကြောင့် ဆေးအာနိသင်ပြောင်းသွားတာတွေ ဘေးထွက်ဆိုးကျိုးတွေ ပိများလာတာမျိုးတွေဖြစ်နိုင်ပါတယ်။

ဒါတွေကို ရှောင်နိုင်ဖို့အတွက်ဆိုရင်တော့ သင်မှီဝဲနေတဲ့ ဆေးစာရင်းတွေကို ဆရာဝန်တွေဆေးဝါးတတ်ကျွမ်းနားလည်သူတွေကိုပြော ပြထားသင့်ပါတယ်။ ဆရာဝန်ခွင့်ပြုချက်မရှိဘဲ ဆေးရပ်လိုက်တာမျိုးတွေဆေးစသောက်တာမျိုးတွေ ဆေးပမာဏပြောင်းတာမျိုးတွေ မလုပ်သင့်ပါဘူး။

အစားအသောက်တွေနဲ့ အရက်က A Hydrocort (အေ ဟိုက်ဒရိုကော်တီစုန်းလိမ်းဆေး) နဲ့ ဓါတ်ပြုနိုင်သလား

အပြန်အလှန်သက်ရာက်မှုတွေကြောင့် ဆေးအာနိသင်ပြောင်းသွားတာတွေ ဘေးထွက်ဆိုးကျိုးပိုများလာတွေ တွေ့နိုင်ပါတယ်။ ဆေးအသုံးမပြုခင်မှာ ဆရာဝန်နဲ့ ရလာနိုင်တဲ့အကျိုးုဆက်တွေကို ဆွေးနွေးတိုင်ပင်သင့်ပါတယ်။

ဘယ်ရောဂါအခြေအနေတွေက A Hydrocort (အေ ဟိုက်ဒရိုကော်တီစုန်းလိမ်းဆေး) နဲ့ ဓါတ်ပြုနိုင်သလဲ

သင့်ကျန်းမာရေးအခြေအနေတွေကို သက်ရောက်နိုင်ပါတယ်။ သင့်ကျန်းမာရးအခြေအနေပိုဆိုးသွားတာမျိုး ဆေးအာနိသင်ပြောင်းသွာတာမျိုးတွေ ဖြစ်နိုင်ပါတယ်။ လတ်တလောကျန်းမာရေးအခြေအနေတွေ မှန်သမျှကို

သင့်ဆရာဝန်နဲ့ တတ်ကျွမ်းနားလည်သူတွေကို ပြောပြထားသင့်ပါတယ်။

အထူးသဖြင့်-

ကူရှင်းရောဂါစု

ဆီးချိုရောဂါ

သွေးတွင်းသကြားဓါတ်များခြင်း

ဦးနှောက်အတွင်းသွေးပေါင်ချိန်မြင့်ခြင်း

ဆေးလိမ်းသည့်နေရာနှင့်အနီးတစ်ဝိုက်တွင် ကူးစက်ပိုးဝင်ခြင်း

ဆေးလိမ်းသည့်နေရာတွင် အနာများ၊ အရေပြားကွဲခြင်း၊ ပြင်းပြင်းထန်ထန်ထိခိုက်ဒဏ်ရာရခြင်း

သောက်သုံးရန်အညွှန်း

ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

အရွယ်ရောက်ပြီးသူတွေအတွက် A Hydrocort (အေ ဟိုက်ဒရိုကော်တီစုန်းလိမ်းဆေး) ရဲ့ အသုံးပြုရမယ့်ပမာဏကဘယ်လောက်လဲ

  • ခရင်မ်လိမ်းဆေး- ဖြစ်ပွားသည့်နေရာတွင် တစ်နေ့၂ကြိမ်၃ကြိမ် လိမ်းပေးပါ။
  • လိုရှင်း- ဖြစ်ပွားသည့်နေရာတွင် တစ်နေ့၂ကြိမ်၄ကြိမ် လိမ်းပေးပါ။
  • လိမ်းဆေး – ဖြစ်ပွားသည့်နေရာတွင် တစ်နေ့၂ကြိမ်မှ ၄ကြိမ် လိမ်းပေးပါ။
  • အရည်လိမ်းဆေး- ဖြစ်ပွားသည့်နေရာတွင် တစ်နေ့၃ကြိမ် ၄ကြိမ်လိမ်းပေးပါ။

ကလေးတွေအတွက် A Hydrocort (အေ ဟိုက်ဒရိုကော်တီစုန်းလိမ်းဆေး) ရဲ့ အသုံးပြုရမယ့်ပမာဏကဘယ်လောက်လဲ

  • ခရင်မ်လိမ်းဆေး- ဖြစ်ပွားသည့်နေရာတွင် တစ်နေ့၂ကြိမ်၃ကြိမ် လိမ်းပေးပါ။
  • လိုရှင်း- ဖြစ်ပွားသည့်နေရာတွင် တစ်နေ့၂ကြိမ်၄ကြိမ် လိမ်းပေးပါ။
  • လိမ်းဆေး – ဖြစ်ပွားသည့်နေရာတွင် တစ်နေ့၂ကြိမ်မှ ၄ကြိမ် လိမ်းပေးပါ။
  • အရည်လိမ်းဆေး- ဖြစ်ပွားသည့်နေရာတွင် တစ်နေ့၃ကြိမ် ၄ကြိမ်လိမ်းပေးပါ။

A Hydrocort (အေ ဟိုက်ဒရိုကော်တီစုန်းလိမ်းဆေး) ကိုဘယ်လိုရရှိနိုင်သလဲ

အောက်ပါပုံစံတွေနဲ့ ရနိုင်ပါတယ်။

  • လိမ်းဆေး၊ ခရင်မ်၊ လိုးရှင်း၊ အရည်ပုံစံ – 0.5%, 1%, 2.5%

အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

ဒီလိုအခြေအနေမျိုးတွေမှာ ပြည်တွင်းကျန်းမာရေးဝန်ဆောင်မှုတွေ သို့မဟုတ် အနီးဆုံးအရးပေါ်ခန်းတွေကို ဆက်သွယ်သင့်ပါတယ်။

ဆေးသောက်ရမယ့်အချိန်လွတ်သွားခဲ့ရင် ဘာလုပ်ရမလဲ။

တတ်နိုင်သမျှမြန်မြန် မှီဝဲသင့်ပါတယ်။ နောက်တစ်ကြိမ်မှီဝဲရမယ့်အချိန်နဲ့ နီးကပ်နေမယ်ဆိုရင် လွတ်သွားတဲ့ပမာဏကို ကျော်ပြီး အချိန်စာရင်းအတိုင်း ပုံမှန်ဆက်သောက်သင့်ပါတယ်။ နှစ်ကြိမ်အသုံးပြုဖို့မလိုပါဘူး။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

တည်းဖြတ်သည့်နေ့ အောက်တိုဘာ 28, 2017 | နောက်ဆုံးတည်းဖြတ်ခြင်း ဇန်နဝါရီ 25, 2018