Silver Sulfadiazine (ဆေးလ်ဗား ဆာလဖာဒိုင်ရာဇင်း)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 4 mins read
Share now

အသုံးပြုပုံများ

Silver Sulfadiazine (ဆေးလ်ဗား ဆာလဖာဒိုင်ရာဇင်း) ကို ဘာအတွက်အသုံးပြုကြသလဲ

Silver Sulfadiazine သည် Sulphonamide (ဆာလ်ဖိုနမိုက်) အမျိုးအစားဖြစ်သည်။ ဆဲလ်အပြင်ဘက်အလွှာရှိ ပိုးမွှားများကို သေစေနိုင်ပါသည်။

Silver Sulfadiazime ကို မီးလောင်မှုအဆင့် ၂ နဲ့အဆင့်၃ ဒဏ်ရာများတွင် ပိုးသေစေရန်အသုံးပြုသည်။ အခြား သော အခြေအနေများတွင်လည်း အသုံးပြုမှုရှိနိုင်ပါသည်။ ပိုမိုသိရှိလိုပါက ဆရာဝန်နှင့်တိုင်ပင်ပါ။

Silver Sulfadiazine (ဆေးလ်ဗား ဆာလဖာဒိုင်ရာဇင်း) ဘယ်လိုအသုံးပြုသင့်သလဲ

ဆေးကိုအသုံးမပြုမီ လက်ကိုစင်ကြယ်စွာဆေးပါ။ သန့်ရှင်းသောလက်အိတ်ဖြင့် ထိခိုက်သောနေရာသို့ ၁.၅၈ မီလီမီတာ အထူ ခန့်လိမ်းပါ၊ လိုအပ်လျှင် ထိခိုက်သောနေရာသို့ နောက်တစ်ခေါက်ထပ်၍ အသုံးပြုနိုင်ပါသည်။ Silver Sulfadiazine အသုံးပြုပြီး ပတ်တီးစည်းရန်မလိုပါ။ သို့သော် ဆရာဝန်ညွှန်ကြားချက်ကို လိုက်နာရပါမည်။

ရောဂါပိုးမွှားများ အရှင်းသေစေရန် မိမိရောဂါသက်သာလာသည့် တိုင် Silver Sulfadiazine ကို သတ်မှတ်ထားသည့် ရက်အတိုင်းအပြည့်အဝအသုံးပြုရပါမည်။

Silver Sulfadiazine (ဆေးလ်ဗား ဆာလဖာဒိုင်ရာဇင်း) ဘယ်လိုသိမ်းဆည်းရမလဲ

ဆေးအများစုမှာ အခန်းအပူချိန်တွင် သိုလှောင်ထားနိုင်ပါတယ်

Silver Sulfadiazine ကို တိုက်ရိုက်နေရောင်ခြည်မထိုးအောင်နဲ့ စိုစွတ်မှုမရှိအောင်ထားတာက အကောင်းဆုံးသိုလှောင်သိမ်းဆည်းတဲ့နည်းပဲဖြစ်ပါတယ်။ ဆေးအာနိသင်ပျက်ပြယ်တာနဲ့ ဆေးအနေအထားပျက်ယွင်းမှုတွေမဖြစ်အောင်လို့ Silver Sulfadiazine ကို ရေချိုးခန်းထဲမှာသိမ်းဆည်းတာနဲ့ ရေခဲအောင် သိမ်းဆည်းတာတွေမပြုလုပ်ပါနဲ့။ Silver Sulfadiazine ဆေးအမျိုးအစားနဲ့၊ ဆေးထုတ်လုပ်တဲ့ ကုမ္ပဏီကွဲပြားမှုပေါ်မူတည်ပြီး သိမ်းဆည်းတဲ့ပုံစံကွဲပြားခြားနားမှုရှိနိုင်ပါတယ်။ ဒီအတွက် ဆေးဘူးအခွံမှာပါတဲ့ သိုလှောင်သိမ်းဆည်းမှုညွှန်ကြားချက်ကို ကြည့်ရှုစစ်ဆေးတာမျိုး ဒါမှမဟုတ် ဆေးဝါးကျွမ်းကျင်သူကို မေးမြန်းတာမျိုးကိုအမြဲလုပ်ပါ။ လုံခြုံစိတ်ချရဖို့အတွက် ဆေးဝါးတွေအကုန်လုံးကို ကလေးတွေ၊ အိမ်မွေးတိရိစ္ဆာန်တွေနဲ့ ဝေးရာမှာထားပါ။

ကြိုတင်သတိပြုရန်များနှင့် အသိပေးချက်များ

Silver Sulfadiazine (ဆေးလ်ဗား ဆာလဖာဒိုင်ရာဇင်း) အသုံးမပြုခင် ဘာတွေသိသင့်သလဲ။

ဆေးကိုမသုံးမီ

  • မိမိတွင်ကိုယ်ဝန်ရှိလျှင် ကိုယ်ဝန်ဆောင်ရန်အစီအစဉ်ရှိလျှင် နို့တိုက်မိခင်ဖြစ်လျှင်
  • မိမိသည် ဆရာဝန်ညွှန်ကြားထားသည်ဖြစ်စေ မညွှန်ကြားထားသည်ဖြစ်စေ ဆေးဝါးများသုံးစွဲနေလျှင်-ဆေး အစားအသောက် နှင့်အခြားဓါတ်မတည့်မှုများရှိလျှင်
  • ယခုဆေးဝါးတွင်ပါဝင်သောပစ္စည်းများနှင့်ဓါတ်မတည့်မှုများရှိလျှင် ဆရာဝန်ကို ကြိုတင်ပြောရပါမည်။

ကြိုတင်သတိပြုရမည့်အချက်များမှာ

  • Silver Sulfadiazine သည် လိမ်းဆေးအမျိုးအစားဖြစ်သည်။ မျက်စိ၊ နားနှင့် ပါးစပ်ထဲသို့မဝင်အောင် အထူးဂရုပြုရပါမည်။ ဝင်သွားသည် ရှိသော် ရေနှင့် ခက်ချင်းဆေးရပါမည်။
  • Silver Sulfadiazine သည် မြိုချ၍ မရပါ။ မြိုချခဲ့သည်ရှိသော် ချက်ချင်း အဆိပ်အတောက်ဆိုင်ရာ အရေးပေါ် ဌာနသို့အလျင်အမြန်သွား ရပါမည်။
  • မိမိ၏ရောဂါလက္ခဏာဆိုးရွားလာလျှင် မိမိဆရာဝန်နှင့် အလျင်အမြန်ဆွေးနွေးပါ။
  • Silver Sulfadiazine သည်ဘက်တီးရီးယားပိုးမွှား ကြောင့်ဖြစ်သော ရောဂါများအတွက်သာ ဖြစ်ပါသည်။ ဗိုင်းရပ်စ်ကြောင့်ဖြစ်သော ရောဂါများအတွက် အသုံးမဝင်ပါ။
  • Silver Sulfadiazine ကိုဆေးပတ်လည်အောင် အသုံးပြုရပါမည်။ ထိုသို့အသုံးမပြုပါက ဆေး၏အကျိုးအာနိသင်ကို ထိခိုက်နိုင်သည့်အပြင် နောင်တွင် ထိုဆေးသုံးသော အခါများတွင်လည်းအကျိုးသက်ရောက်မှုလျော့နည်းနိုင်ပါသည်။
  • Silver Sulfadiazine ကိုကြာရှည်စွာ စွဲ၍သုံးလျှင်လည်း ရောဂါထပ်တိုးဖြစ်နိုင်ပါသည်။ ထိုသို့ဖြစ်ပေါ်ပါက ဆရာဝန်နှင့်တိုင်ပင်ပါ။ ထပ်လောင်းရောဂါအတွက်ဆေးဝါးများပေးပါလိမ့်မည်။
  • အသက် ၂လ အောက်ကလေးများတွင် မသုံးသင့်ပါ။

ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ Silver Sulfadiazine (ဆေးလ်ဗား ဆာလဖာဒိုင်ရာဇင်း) ကိုသုံးစွဲဖို့ စိတ်ချရပါသလား

ယခုဆေးဝါးကို ကိုယ်ဝန်ဆောင်နေချိန်နှင့် ကလေးနို့တိုက်နေချိန်တွင် အသုံးပြုလျှင် ဆိုးကျိုးများရှိမရှိကို ဆုံးဖြတ်နိုင်ရန်အတွက် လုံလောက်သော လေ့လာစမ်းသပ်ချက်များမရှိပါ။ ဆေးမသောက်သုံးမီတွင် ဖြစ်နိုင်ချေကောင်းကျိုးများနှင့် ဆိုးကျိုးများအားလုံးကို ချိန်ဆနိုင်ရန်အတွက် သင့်ရဲ့ဆရာဝန်နဲ့ တိုင်ပင်ဆွေးနွေးမှုပြုလုပ်ပါ။ ယခုဆေးဝါးသည် အမေရိကန်ပြည်ထောင်စု အစားအသောက်နဲ့ ဆေးဝါးကွပ်ကဲရေးအဖွဲ့၏ သတ်မှတ်ချက်အရ ကိုယ်ဝန်ဆောင်များတွင် ထိခိုက်နိုင်ချေအဆင့် B ရှိသည်ဟု သတ်မှတ်ထားသည်။

အမေရိကန်ပြည်ထောင်စု အစားအသောက်နဲ့ ဆေးဝါးကွပ်ကဲရေးအဖွဲ့၏ ကိုယ်ဝန်ဆောင်များတွင် ထိခိုက်နိုင်ချေအဆင့် သတ်မှတ်ချက်များမှာ အောက်ပါအတိုင်းဖြစ်သည်။

  • A=ဆိုးကျိုးမရှိပါ။
  • B=လေ့လာမှုအချို့အရ ဆိုးကျိုးမရှိပါ။
  • C=ဆိုးကျိုးအချို့ရှိနိုင်ပါသည်။
  • D= ဆိုးကျိုးများရှိသည့် အထောက်အထားများရှိပါသည်။
  • X=သောက်သုံး၍မရပါ (လုံးဝမတည့်ပါ)။
  • N=အခြေအနေကို မသိရသေးပါ။

ကိုယ်ဝန်ဆောင်နေချိန်နှင့် ကလေးနို့တိုက်နေချိန်များတွင် စိတ်ချရမှုရှိမရှိကို မသိရသေးသည့် ဆေးဝါးများနှင့်ပတ်သက်၍ ကောင်းကျိုးနှင့် ဆိုးကျိုးများကို ချိန်ဆနိုင်ရန်အတွက် သင်၏ဆရာဝန်နှင့် တိုင်ပင်ဆွေးနွေးမှုများအမြဲလုပ်ပါ။

ဘေးထွက်ဆိုးကျိုးများ

Silver Sulfadiazine (ဆေးလ်ဗား ဆာလဖာဒိုင်ရာဇင်း) ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

Silver Sulfadiazine ကိုသုံးနေစဉ်ကာလအတွင်း

  • လိမ်းထားသည့်နေရာတွင် ယားခြင်း ၊ နီခြင်း၊ ပူခြင်း၊ နာခြင်း
  • အသားအရောင်ပြောင်းသွားခြင်း
  • ဓါတ်မတည့်သော လက္ခဏာများ (အနီကွက်ပေါ်ခြင်း၊ ယားခြင်း၊ အသက်ရှူရခက်ခြင်း၊ မျက်နှာ ပါးစပ် နှုတ်ခမ်း နှင့် လျှာ တို့ရောင်လာခြင်း)
  • ဆီးသွားရခက်ခဲခြင်း
  • ဖျားခြင်း၊ ချမ်းတုန်ခြင်း နှင့် ချောင်းဆိုးခြင်း
  • အသားနီခြင်း၊ ယောင်ခြင်း၊ အရည်ကြည်ဖုပေါက်ခြင်း၊ အသားလန်ခြင်း
  • အသည်းရောဂါ၏ လက္ခဏာများဖြစ်သော အသားဝါခြင်း၊ ဆီးရောင်ရင့်ခြင်း၊ ဝမ်းရောင်ဖျော့ခြင်း၊ အစာအိမ်နာခြင်း၊ မူးမောခြင်း၊ အစားအသောက်ပျက်ခြင်း
  • မကြာခဏ သွေးခြေဥခြင်း နှင့် သွေးထွက်ခြင်း
  • နှုံးချိခြင်း နှင့် အားမရှိသလိုဖြစ်ခြင်း တို့ရှိလျှင် ဆရာဝန် နှင့် တိုင်ပင်ပါ။

ယခုဖော်ပြပါ ဘေးထွက်ဆိုးကျိုးများကို ခံစားရမှုမှာ တစ်ဦးနှင့်တစ်ဦးကွဲပြားခြားနားမှုရှိနိုင်ပါတယ်။ အထက်ဖော်ပြပါဘေးထွက်ဆိုးကျိုးများတွင် မပါဝင်သည့် ဘေးထွက်ဆိုးကျိုးများလည်းရှိနိုင်ပါတယ်။ ဘေးထွက်ဆိုးကျိုးနှင့်ပတ်သက်၍ စိုးရိမ်ပူပန်မှုများရှိပါက သင်၏ဆရာဝန် သို့မဟုတ် ဆေးဝါးကျွမ်းကျင်ပညာရှင်နှင့် တိုင်ပင်ဆွေးနွေးမှုများပြုလုပ်ပါ။

ဆေးဓါတ်ပြုမှုများ

ဘယ်ဆေးတွေက Silver Sulfadiazine (ဆေးလ်ဗား ဆာလဖာဒိုင်ရာဇင်း) နဲ့ ဓါတ်ပြုနိုင်သလဲ

Silver Sulfadiazine ဟာ သင်အခုလောလောဆယ်သောက်သုံးနေတဲ့တခြားသော ဆေးဝါးတွေနဲ့ ဓါတ်ပြုမှုတွေဖြစ်နိုင်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ ဆေးဝါးဓါတ်ပြုမှုတွေ မဖြစ်လာအောင်လို့ သင်လက်ရှိသောက်သုံးနေတဲ့ ဆေးဝါးတွေအားလုံးရဲ့စာရင်းကို လုပ်ထားပြီး (စာရင်းလုပ်တဲ့အခါမှာ ဆရာဝန်ညွှန်ကြားထားတာတွေ၊ မညွှန်ကြားဘဲ သောက်သုံးနေတာတွေ၊ သဘာဝဆေးဘက်ဝင်ပစ္စည်းတွေအားလုံးပါဝင်ပါတယ်) ဆရာဝန် ဒါမှမဟုတ် ဆေးဝါးကျွမ်းကျင်သူကို အမြဲပြောပြပါ။ ဆေးဝါးတွေကို ဆရာဝန်ခွင့်ပြုချက်မပါဘဲ သောက်သုံးခြင်း၊ ရပ်ဆိုင်းခြင်း၊ ပမာဏကိုပြောင်းလဲခြင်းတွေမပြုလုပ်ပါနဲ့။

-Methenamine

-Sulfonamides စသောဆေးများနှင့်လည်းဓါတ်ပြုနိုင်ပါသည်။

အစားအသောက်တွေနဲ့ အရက်က Silver Sulfadiazine (ဆေးလ်ဗား ဆာလဖာဒိုင်ရာဇင်း) နဲ့ ဓါတ်ပြုနိုင်သလား

Silver Sulfadiazine က အစားအသောက် ဒါမှမဟုတ် အရက်သေစာနဲ့ ဓါတ်ပြုမှုတွေဖြစ်ပြီး ဆေးဝါးတွေအကျိုးသက်ရောက်မှုပုံစံနဲ့ ဘေးထွက်ဆိုးကျိုးတွေဖြစ်လာနိုင်ချေ ပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ ဓါတ်ပြုမှုတွေမဖြစ်လာအောင်လို့ အစားအသောက်၊ အရက်သေစာတွေနဲ့ ဓါတ်ပြုနိုင်ချေရှိမရှိကို မေးမြန်းတိုင်ပင်ပါ။

ဘယ်ရောဂါအခြေအနေတွေက Silver Sulfadiazine (ဆေးလ်ဗား ဆာလဖာဒိုင်ရာဇင်း) နဲ့ ဓါတ်ပြုနိုင်သလဲ

Silver Sulfadiazine ဟာ သင့်ရဲ့ နဂိုကျန်းမာရေးအခြေအနေများနဲ့ သက်ရောက်ဓါတ်ပြုမှုတွေရှိနိုင်ပါတယ်။ သင့်ရဲ့ ကျန်းမာရေးအခြေအနေကို ပိုဆိုးသွားစေတာ ဒါမှမဟုတ် ဆေးသက်ရောက်မှုပုံစံပြောင်းလဲသွားတာတွေဖြစ်နိုင်ပါတယ်။ ဒါ့ကြောင့် သင့်ရဲ့ကျန်းမာရေးအခြေအနေအကုန်လုံးကို သင့်ရဲ့ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်ကို အသိပေးဖို့ အရေးကြီပါတယ်။

ဓါတ်ပြုနိုင်သောရောဂါများမှာ-

  • ကျာက်ကပ်ရောဂါ
  • အသည်းရောဂါ
  • Glucose-6-phophatase dehydrogenase ဓါတ်ချို့တဲ့သောရောဂါ
  • သွေးနှင့်ပတ်သက်သောရောဂါ (သွေးအားနည်းခြင်း၊ သွေးဖြူဥနည်းခြင်း) ဖြစ်ပါသည်။

သောက်သုံးရန်အညွှန်း

ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

အရွယ်ရောက်ပြီးသူတွေအတွက် Silver Sulfadiazine (ဆေးလ်ဗား ဆာလဖာဒိုင်ရာဇင်း) ရဲ့ အသုံးပြုရမယ့်ပမာဏကဘယ်လောက်လဲ

အပူလောင်ခြင်း

အပူလောင်ပြင်းထန်မှုအဆင့် ၂ နှင့် ၃ အခြေအနေများအတွက် ကာကွယ်ရန် နှင့်ကုသရန် အသုံးပြုကြပါသည်။ ဖြစ်သောနေရာသို့ တစ်နေ့ ၂ကြိမ် မှ ၃ကြိမ် အထိလိမ်းနိုင်ပါသည်။ အထူ ၁.၅၈ မီလီမီတာ လောက်ဆို အနေတော်ဖြစ်ပါသည်။ လိုအပ်လျှင် လိုအပ်သည့်နေရာသို့ထပ်တစ်ကြိမ် လိမ်းနိုင်ပါသည်။ ရေနှင့် အနာကို သန့်စင်ပြီးပြီးချင်းလိမ်းနိုင်ပါသည်။

ကလေးတွေအတွက် Silver Sulfadiazine (ဆေးလ်ဗား ဆာလဖာဒိုင်ရာဇင်း) ရဲ့ အသုံးပြုရမယ့်ပမာဏကဘယ်လောက်လဲ

ကလေးလူနာများမှာ ဘယ်လောက်အချိုးအစားပေးရမလဲဆိုတာ အတည်မပြုရသေးပါ။ သင့်ကလေးငယ်အတွက် သောက်သုံးရန် စိတ်ချရမှုရှိချင်မှရှိနိုင်ပါလိမ့်မယ်။ ဘယ်ဆေးဝါးမဆို အသုံးမပြုရသေးခင်မှာ စိတ်ချရမှုအနေအထားကို အပြည့်အဝနားလည်ဖို့ လိုအပ်ပါလိမ့်မယ်။ အချက်အလက်များ ထပ်မံရရှိရန်အတွက် သင့်ရဲ့ ဆရာဝန် သို့မဟုတ် ဆေးဝါးကျွမ်းကျင်သူနဲ့ တိုင်ပင်ဆွေးနွေးပါ

Silver Sulfadiazine (ဆေးလ်ဗား ဆာလဖာဒိုင်ရာဇင်း) ကိုဘယ်လိုရရှိနိုင်သလဲ

  • ၅ ဂရမ် ၁၀ ဂရမ် လိမ်းဆေးဘူးများ
  • ၁ ရာခိုင်နှုန်း အမှုန့်များ အနေနှင့် တွေ့ရှိနိုင်ပါသည်။

အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

အရေးပေါ်အခြေအနေသို့မဟုတ် ဆေးပမာဏလွန်သွားတဲ့အခြေအနေတွေမှာ အရေးပေါ်ဆေးရုံဆေးခန်းများသို့ သွားရောက်ကုသမှုခံယူပါ။

ဆေးအသုံးပြုဖို့အချိန်လွတ်သွားခဲ့ရင် ဘာလုပ်ရမလဲ။

Silver Sulfadiazine ကို အသုံးပြုဖို့မေ့သွားခဲ့ပါက (မေ့ခဲ့ပါက) သတိရတဲ့အချိန်မှာပြန်အသုံးပြုပေးပါ။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

COVID-19 ကို ရင်ဆိုင်ဖို့ ဒီအချက်တွေကို လိုက်နာပါ

COVID-19၊ Social Distancing၊ ရောဂါကူးစက်ခံ၊ နေမကောင်းတာ၊ ချောင်းဆိုးတာ၊ နှာစေးတာ၊ အသက်ရှူရခက်၊ တုပ်ကွေး၊ စနစ်တကျ သန့်ရှင်း၊ လမ်းဘေးဆေးဆိုင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

ခန္ဓာကိုယ်မှာ ပိုတက်ဆီယမ်နည်းနေပြီလား……….

ပင်ပန်းနွမ်းနယ် သတ္တုဓာတ် ခန္ဓာကိုယ် ကြွက်သား ဆဲလ် အာရုံကြော နှလုံး သွေးပေါင်ချိန် hypokalemia ကျန်းမာရေး ဝမ်းပျက်ဝမ်းလျှော အက်ဒရီနယ်လင် အပြုအမူ အရက် ချွေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

COVID-19 ဗိုင်းရပ်စ်နဲ့ပတ်သက်ပြီး လုံးဝမယုံသင့်တဲ့ ချင်း (ဂျင်း) များ

ဝူဟန်ဗိုင်းရပ်စ် ကိုရိုနာဗိုင်းရပ်စ် Coronavirus တရုတ်နိုင်ငံ လူမှုကွန်ယက် ကပ်ရောဂါ အသက်ရှူလမ်းကြောင်း အဆုတ်ရောင် ချောင်းဆိုး အိမ်မွေးတိရစ္ဆာန် ပဋိဇီဝဆေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ကျန်းမာစွာနေထိုင်ခြင်း, Corona Virus, COVID-19 ဖေ‌ဖော်ဝါရီ 6, 2020 . 2 mins read

ကြောက်စရာကောင်းလာသော ဆေးယဉ်ပါးပြဿနာ

 ဆေးယဉ်ပါးပြဿနာ ပဋိဇီဝဆေး ဘတ်တီးရီးယား ဆေးရဲ့ဘေးထွက်ဆိုးကျိုး ဆေးယဉ်ပါး တီဘီ စပ်ဆေး အသွင်ပြောင်း ဆေးမတိုး သောက်ရမယ့်ပမာဏ၊ အကြိမ်ရေ၊ ရက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ဒူးဆစ်အစားထိုးခွဲစိတ်ကုသခြင်း

ဒူးဆစ်အစားထိုးခွဲစိတ်ကုသခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read

သင်ဘာလို့ ခံတွင်းအနံ့ဆိုးရွားနေတာလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် ဇွန် 11, 2020 . 3 mins read
ကိုရိုနာဗိုင်းရပ်စ် Covid 19 နဲ့ပတ်သက်လို့အမေးများတဲ့ မေးခွန်းတွေနဲ့ WHO ရဲ့အဖြေများ

ကိုရိုနာဗိုင်းရပ်စ် Covid 19 နဲ့ပတ်သက်လို့အမေးများတဲ့ မေးခွန်းတွေနဲ့ WHO ရဲ့အဖြေများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Seinn Moe Satt
ရေးသား ထုတ်ဝေခဲ့သည် ဧပြီ 29, 2020 . 3 mins read
အရက်သေစာနှင့် ပဋိဇီဝဆေးများ ပေါင်းစပ်ခြင်း၏ ဆိုးကျိုးများ

အရက်သေစာနှင့် ပဋိဇီဝဆေးများ ပေါင်းစပ်ခြင်း၏ ဆိုးကျိုးများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin
ရေးသား ထုတ်ဝေခဲ့သည် ဧပြီ 15, 2020 . 2 mins read