Zoledronic Acid ကို Paget’s disease အား ကုသရန် သုံးသည်။ အရိုးပျော့ခြင်း၊ ကြွပ်ခြင်းကို ကုသရန် သုံးသည်။ အခြား အကြောင်းရင်းများအတွက် လည်း သုံးနိုင်သည်။ ဆရာဝန်နှင့် တိုင်ပင်ပါ။
ဤဆေးကို ဆရာဝန် ညွှန်ကြားသည့်အတိုင်း သုံးပါ။ ပေးထားသော အချက်အလက် အားလုံးကို ဖတ်ရှုပါ။ လမ်းညွှန်ချက် အားလုံးကို သေချာလိုက်နာပါ။
၎င်းကို သွေးပြန်ကြောထဲသို့ အချိန်တစ်ခုကြာ ထိုးသွင်း ရသည်။ ဆရာဝန်က အရည် နည်းနည်းသောက်ရန် မပြောပါက caffeine မပါသော အရည်များကို များများသောက်ပါ။
အဖျားတက်ခြင်း၊ ချမ်းတုန်ခြင်း လျော့ကျအောင် acetaminophen ပေးနိုင်သည်။
Zoledronic Acid မထိုးမီ နာရီအနည်းငယ် အလိုတွင် အနည်းဆုံး အရည် နှစ်ဖန်ခွက်လောက် သောက်ပါ။
Zoledronic Acid ကို အိမ်တွင် သိမ်းဆည်းရန် လိုအပ်ပါက ဘယ်လိုသိမ်းဆည်းရမလဲကို ဆရာဝန်၊ သူနာပြု သို့မဟုတ် ဆေးဝါးကျွမ်းကျင်သူ နှင့် တိုင်ပင်ပါ။
ဤဆေးကို အသုံးမပြုမီ သင့်တွင် အောက်ပါတို့ရှိပါက ဆရာဝန်အား ပြောပါ။
သင်သည် Zoledronic Acid သုံးနေကြောင်းကို ကျန်းမာရေး စောင့်ရှောက်မှု ပေးသူအားလုံးကို ပြောပြပါ။ ၎င်းတွင် ဆရာဝန်များ၊ သူနာပြုများ၊ ဆေးဝါးကျွမ်းကျင်သူများနှင့် သွားဆရာဝန်များ ပါဝင်သည်။
ဤဆေးကဲ့သို့ ဆေးများ သုံးနေသူများတွင် ပန်းနာရင်ကြပ် ပိုဆိုးနိုင်သည်။ ဆရာဝန်နှင့် တိုင်ပင်ပါ။
ဤဆေးသည် အရိုးကျိုးနိုင်ချေကို မြင့်စေသည်။ ဆရာဝန်နှင့် တိုင်ပင်ပါ။
ဆရာဝန် ပြောသည့်အတိုင်း သွေးစစ်ဆေးပါ။ ဆရာဝန်နှင့် တိုင်ပင်ပါ။
ဆရာဝန် ပြောသည့်အတိုင်း အရိုး သိပ်သည်းဆကို စစ်ဆေးပါ။ ဆရာဝန်နှင့် တိုင်ပင်ပါ။
ဆရာဝန် ပြောသည့်အတိုင်း ကယ်စီယမ် နှင့် ဗီတာမင် ဒီ သောက်ပါ။
ဤဆေးကို စတင်မသုံးမီ သွားစစ်ဆေးမှု ခံယူပါ။
သွားများကို သေချာ ဂရုစိုက်ပါ။ သွားဆရာဝန်နှင့် မကြာခဏ ပြသပါ။
ဤဆေးကို ကယ်စီယမ်/ ဗီတာမင် ဒီ နှင့် အလေးချိန် သယ်ဆောင်ရသော လေ့ကျင့်ခန်းများ ဥပမာ လမ်းလျှောက်ခြင်း၊ PT ( ခန္ဓါကိုယ် ကုထုံး) နှင့်အတူ သုံးပါက အကောင်းဆုံးဖြစ်သည်။
ဆရာဝန် ပြောသော စားသောက်ပုံနှင့် လေ့ကျင့်ခန်း အစီအစဉ်ကို လိုက်နာပါ။
ကလေးများကို မပေးပါနှင့်။ ဆရာဝန်နှင့် တိုင်ပင်ပါ။
သင်သည် အသက် ၆၅ နှင့်အထက် ဖြစ်ပါက zoledronic acid ကို သတိဖြင့် သုံးပါ။ ဘေးထွက်ဆိုးကျိုးများ ပိုဖြစ်နိုင်သည်။
ဤဆေး သုံးနေစဉ် ကိုယ်ဝန်တားရန် သင်ယုံကြည်သော ကိုယ်ဝန်တားဆေးကို သုံးပါ။
သင်သည် ကိုယ်ဝန်ရှိနေစဉ် ဤဆေးကို သုံးပါက မမွေးသေးသော ကလေးငယ် အပေါ် အန္တရာယ် ဖြစ်စေနိုင်သည်။ zoledronic acid သုံးနေစဉ် ကိုယ်ဝန်ရှိပါက သို့မဟုတ် ကိုယ်ဝန်ရလာပါက ဆရာဝန်အား ချက်ချင်းခေါ်ပါ။
အမျိုးသမီးများ ကိုယ်ဝန်ဆောင်စဉ် သို့မဟုတ် နို့တိုက်စဉ်တွင် Zoledronic Acid သုံးလျှင်ရနိုင်သော အန္တရာယ်များကို ပြည့်စုံစွာ လေ့လာထားခြင်း မရှိပါ။ Zoledronic Acid မသောက်မီ ဖြစ်နိုင်သော အကျိုး ကျေးဇူးနှင့် အန္တရာယ်ကို ချိန်ညှိရန် ဆရာဝန်နှင့် အမြဲတိုင်ပင်ပါ။ Zoledronic Acid သည် အမေရိကန် ပြည်ထောင်စု အစားအသောက် နှင့် ဆေးဝါးကွပ်ကဲရေးအဖွဲ့၏ သတ်မှတ်ချက် အရ ကိုယ်ဝန်ဆောင်များတွင် ထိခိုက်နိုင်ချေအဆင့် D ရှိသည်။
အမေရိကန်ပြည်ထောင်စု အစားအသောက်နှင့် ဆေးဝါး ကွပ်ကဲရေး၏ ကိုယ်ဝန်ဆောင်များတွင် ထိခိုက်နိုင်ချေအဆင့် သတ်မှတ်မှုများမှာ အောက်ပါအတိုင်း ဖြစ်သည်။
သင့်တွင် အောက်ပါ လက္ခဏာများ ဖြစ်ပေါ်လာပါက ဆရာဝန်အား ချက်ချင်းပြောပါ သို့မဟုတ် ကျန်းမာရေး အကူအညီ ချက်ချင်း ရယူပါ။ အောက်ပါ လက္ခဏာများသည် အလွန်ဆိုးရွားသော ဘေးထွက်ဆိုးကျိုးများနှင့် ဆက်စပ် နိုင်သည်။
ဤဆေးသည် မေးရိုး ပြဿနာများကို ဖြစ်စေနိုင်သည်။ ဖြစ်နိုင်ချေသည် ဤဆေးကို ကြာကြာသောက်လေ ပိုမြင့်လေ ဖြစ်သည်။ သင့်တွင် ကင်ဆာ၊ သွား ပြဿနာများ၊ ကောင်းစွာ မကိုက်ညီသော အံကပ်၊ သွေးခဲမှု ပြဿနာများ သို့မဟုတ် ရောဂါပိုး ကူးစက်မှု ရှိပါက ဖြစ်နိုင်ချေသည် ပိုမြင့်သည်။ သင်သည် သွား ကုသမှု ခံယူထားပါက၊ ဓါတု သို့မဟုတ် ဓါတ်ရောင်ခြည် ကုထုံး ခံယူထားပါက၊ မေးရိုး ပြဿနာများ ဖြစ်နိုင်သော အခြားဆေးများ ဥပမာ အချို့ စတီးရွိုက် ဆေးများ သောက်နေပါက ဖြစ်နိုင်ချေသည် ပိုမြင့်သည်။ ၎င်းကို ဖြစ်စေသော ဆေးများစွာ ရှိသည်။ သင်သည် မသေချာပါက ဆရာဝန် သို့မဟုတ် ဆေးဝါးပညာရှင်အား မေးပါ။ သင်သည် မေးရိုး ရောင်ခြင်း၊ နာကျင်ခြင်း ဖြစ်လာပါက ဆရာဝန်အား ချက်ချင်းခေါ်ပါ။
လူတိုင်းတွင် ထိုဘေးထွက်ဆိုးကျိုးများ မဖြစ်ပါ။ အထက်တွင် ဖော်ပြမထားသော ဘေးထွက်ဆိုးကျိုး အချို့ ရှိနိုင်သည်။ ဘေးထွက်ဆိုးကျိုးတစ်ခုကို စိုးရိမ်ပါက ဆရာဝန် သို့မဟုတ် ဆေးဝါးပညာရှင်ဖြင့် တိုင်ပင်ဆွေးနွေးပါ။
Zoledronic Acid သည် သင်လက်ရှိသောက်နေသော အခြားဆေးများနှင့် ဓါတ်ပြုနိုင်ပြီး ဆေး၏အလုပ်လုပ်ပုံကို ပြောင်းလဲစေနိုင်သည်။ ပြင်းထန်သော ဘေးထွက်ဆိုးကျိုးများ ဖြစ်နိုင်ချေကို မြင့်စေသည်။ ဖြစ်ပေါ်လာနိုင်သော ဆေး တုံ့ပြန်မှုများ ကို ရှောင်ရန် သင်အသုံးပြုနေသော ဆေးများ အားလုံးကို စာရင်းပြုပြီး ဆရာဝန်၊ ဆေးဝါးပညာရှင်အား ပြပါ။ ဘေးကင်း စေရန် ဆရာဝန် သဘောတူမှုမပါဘဲ ဆေးပမာဏ ကို ပြောင်းခြင်း၊ ရပ်ခြင်း၊ စတင်ခြင်း မပြုပါနှင့်။
Zoledronic Acid သည် အစာ သို့မဟုတ် အရက် နှင့် ဓါတ်ပြုနိုင်ပြီး ဆေး၏ အလုပ်လုပ်ပုံကို ပြောင်းလဲစေ သည်။ ပြင်းထန်သော ဘေးထွက်ဆိုးကျိုးများ ဖြစ်နိုင်ချေကို မြင့်စေသည်။ ဆေးမသောက်မီ အစာ သို့မဟုတ် အရက်နှင့် ဓါတ်ပြုခြင်း ဖြစ်နိုင်သလားကို ဆရာဝန်၊ ဆေးဝါးပညာရှင်နှင့် တိုင်ပင်ပါ။
Zoledronic Acid သည် သင့်ကျန်းမာရေး အခြေအနေများနှင့် အပြန်အလှန်သက်ရောက်မှုရှိသည်။ ထိုသက်ရောက်မှုသည် သင့်ကျန်းမာရေး အခြေအနေကို ပိုဆိုးစေခြင်း သို့မဟုတ် ဆေး၏အလုပ်လုပ်ပုံ ပြောင်းသွားခြင်း ကိုဖြစ်စေနိုင် သည်။ သင့်တွင် လက်ရှိ ရှိနေသော ကျန်းမာရေး အခြေအနေ အားလုံးကို ဆရာဝန်နှင့် ဆေးဝါးပညာရှင်အား အသိပေးထား ရန် အရေးကြီးသည်။
ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်
Multiple Myeloma ကြောင့် အရိုးပျက်စီးမှု အတွက် ပုံမှန် လူကြီး ပမာဏ
Zometa(R) : 4 mg IV 15 မိနစ်ထက် မပိုစေရ။ 3-4 ပတ် တစ်ခါ ပေးပါ။
အကျိတ်ခဲ၏ အရိုးသို့ ပျံ့နှံ့မှု အတွက် ပုံမှန် လူကြီးပမာဏ
Zometa(R) : 4 mg IV 15 မိနစ်ထက် မပိုစေရ။ 3-4 ပတ် တစ်ခါ ပေးပါ။
ကင်ဆာကြောင့် သွေးတွင်း ကယ်စီယမ် များမှုအတွက် ပုံမှန်လူကြီး ပမာဏ
Zometa(R) : အများဆုံး ပမာဏ။ တစ်ခါထိုး 4 mg IV infusion 15 မိနစ်ထက် မပိုစေရ။
Paget’s Disease အတွက် ပုံမှန်လူကြီးပမာဏ
Reclast (R) : 5 mg IV infusion, ပုံသေ ထိုးသွင်းသော နှုန်း ဖြင့်ပေးပါ။ 15 မိနစ်ထက် မပိုစေရ။
ကယ်စီယမ်နှင့် ဗီတာမင် ဒီ ဖြည့်စွက်စာ
အရိုးပွခြင်းအတွက် ပုံမှန်လူကြီး ပမာဏ
Reclast (R) : 5 mg IV infusion 15 မိနစ်ထက် မပိုစေရ။ တစ်နှစ် တစ်ခါပေးပါ။
အရိုးပွခြင်းကို ကာကွယ်ရန်အတွက် ပုံမှန်လူကြီး ပမာဏ
Reclast (R) : 5 mg IV infusion 15 မိနစ်ထက် မပိုစေရ။ 2 နှစ် တစ်ခါပေးပါ။
ကလေးလူနာ များအတွက် ဆေးညွှန်းမှာ အတိအကျ မရှိသေးပါ။ ကလေးများအတွက် စိတ်မချရပါ။ အသုံးမပြုခင် ဆေး၏ ဘေးကင်းမှုကို အပြည့်နားလည်ရန် အရေးကြီးသည်။ ပိုမိုသော အချက်အလက်များအတွက် ဆရာဝန် သို့မဟုတ် ဆေးဝါးပညာရှင်နှင့် တိုင်ပင်ပါ။
Zoledronic Acid ကို အောက်ပါပုံစံ၊ ပြင်းအားများဖြင့် ရနိုင်ပါသည်။
အရေးပေါ်အခြေအနေ သို့မဟုတ် ဆေးအလွန်အကျွံ သောက်မိပါက ဒေသတွင်း အရေးပေါ်ဌာနကို ခေါ်ပါ။ သို့ မဟုတ် အနီးဆုံး အရေးပေါ်အခန်းကို သွားပါ။
Zoledronic Acid ထိုးရန် မေ့သွားပါက တတ်နိုင် သလောက် မြန်မြန်ပြန် ထိုးပါ။ သို့သော်လည်း နောက်တစ်ကြိမ် ထိုးရန် အချိန်ရောက်သွားပါက မေ့သွားသော အကြိမ်ကို ကျော်ပြီး ပုံမှန်အတိုင်း ဆက်ထိုးပါ။ နှစ်ကြိမ် ထပ်မထိုးပါနှင့်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။