Menthol (မန်သော) လို့ သိကြတဲ့ ပရုပ်အေးလေးအကြောင်း လေ့လာလိုက်ရအောင်နော်။
မှ အချက်အလက် စစ်ဆေးထားပါသည်။ Hello Sayarwon Panel
Menthol (မန်သော) လို့ သိကြတဲ့ ပရုပ်အေးလေးအကြောင်း လေ့လာလိုက်ရအောင်နော်။
Menthol (မန်သော)ကို လိမ်းဆေးတွေနဲ့ သောက်ဆေးတွေမှာ အတွေ့ရများပြီး ပူရှိန်းရှိန်း အရသာရစေဖို့၊ အယားသက်သာစေဖို့၊ ထုံစေဖို့ အသုံးပြုကြပါတယ်။ သိပ်မပြင်းထန်တဲ့ နာကျင်ကိုက်ခဲမှုတွေနဲ့ အအေးမိတာတွေကို သက်သာစေဖို့လည်း အသုံးပြုကြပါတယ်။ Menthol (မန်သော) ဆိုတာက ပူဒီနံလို့ သိကြတဲ့ အပင်ရဲ့ အဆီအနှစ်ပါ။ ဂျင်းစိမ်းတို့၊ မိဿလင်တို့ကနေလည်း ရရှိနိုင်ပါတယ်။
Menthol (မန်သော)ကို တခြားဆေးတွေနဲ့ ပေါင်းစပ်အနေအထားနဲ့ ရရှိနိုင်ပြီး ဆေးဘူးမှာပါတဲ့ အညွှန်းအတိုင်း အသုံးပြုနိုင်ပါတယ်။
အရင်ဆုံး ထိခိုက်နာကျင်တဲ့နေရာကို ခပ်ပါးပါးလေး လိမ်းပေးပါ။ အရေပြားက ဆေးကို စုပ်ယူနိုင်အောင် ဖြည်းဖြည်းချင်း ပွတ်လိမ်းပေးပါ။ ဆေးလိမ်းပြီးရင်တော့ လက်ကို ရေနဲ့ ဆပ်ပြာ အသုံးပြုပြီး သေချာ သန့်စင်အောင် ဆေးကြောပေးပါ။
ဒါ့အပြင် ဆေးလိမ်းထားတဲ့ လက်နဲ့ မျက်လုံး၊ အမြှေးပါးလေးတွေ နဲ့ အနာပေါက်ပွင့်နေတဲ့ အနာတွေကို ကိုင်တွယ်ထိတွေ့တာမျိုး မလုပ်ပါနဲ့။ ဒီနေရာတွေကို ဆေးဝင်သွားတာမျိုး ရှိမယ်ဆိုရင် ရေသန့်သန့်နဲ့ အမြန်ဆုံး သန့်စင်ဆေးကြောလိုက်ပါ။
ခံတွင်းသန့်ဆေး၊ သွားတိုက်ဆေးတွေအတွက် အရည်ဆိုရင် 20 mL ခန့် ဒါမှမဟုတ် ပဲစေ့တစ်စေ့စာ အသုံးပြုပေးပါ။ ခံတွင်းသန့်ဆေးရည်ကို ဖြည်းဖြည်းချင်းနဲ့ နှံ့နှံ့စပ်စပ် စက္ကန့် ၃၀ ကနေ ၆၀ အထိ ပလုပ်ကျင်းပေးပါ။ သွားတိုက်ဆေးဆိုရင် ၂ မိနစ်ကြာ သေချာလေး တိုက်ပေးပါ။ မျိုမချပါနဲ့။
ဆေးကို အခန်းအပူချိန်မှာ သိုလှောင်ထားနိုင်ပါတယ်။ တိုက်ရိုက်နေရောင်ခြည်မထိအောင်နဲ့ စိုစွတ်မှုမရှိအောင်ထားပါ။ ဆေးမပျက်စီးစေဖို့ ရေချိုးခန်းထဲမှာ သိမ်းဆည်းတာနဲ့ ရေခဲပြီး သိမ်းဆည်းတာတွေမပြုလုပ်ပါနဲ့။
ဆေးထုတ်လုပ်တဲ့ ကုမ္ပဏီကွဲပြားမှုပေါ်မူတည်ပြီး သိမ်းဆည်းတဲ့ပုံစံ ကွဲပြားခြားနားမှုရှိနိုင်ပါတယ်။ ဒီအတွက် ဆေးဘူးအခွံမှာပါတဲ့ သိုလှောင်သိမ်းဆည်းမှုညွှန်ကြားချက်ကို ကြည့်ရှုစစ်ဆေးတာမျိုး ဒါမှမဟုတ် ဆေးဝါးကျွမ်းကျင်ပညာရှင်ကို မေးမြန်းတာမျိုး အမြဲလုပ်ပါ။ လုံခြုံစိတ်ချရဖို့အတွက် ဆေးဝါးတွေအကုန်လုံးကို ကလေးတွေ၊ အိမ်မွေးတိရိစ္ဆာန်တွေနဲ့ ဝေးရာမှာထားပါ။
ဆေးမသုံးခင် အောက်ပါအခြေအနေတွေရှိရင် ဆရာဝန်ကို ပြောပြသင့်ပါတယ်။
တခြားဆေးတွေလိုပဲ သူ့မှာလည်း ဘေးထွက်ဆိုးကျိုး အနည်းငယ် ရှိနိုင်ပါတယ်။ ဖြစ်လာခဲ့ရင်တောင် များသောအားဖြင့် လက္ခဏာက ပြင်းထန်လေ့မရှိပါဘူး။ ဆေးရပ်လိုက်ရင် ဒါမှမဟုတ် ဆေးပမာဏလျှော့လိုက်ရင် သက်သာသွားပါတယ်။ တွေ့ရတတ်တဲ့ ဘေးထွက်ဆိုးကျိုးတွေကတော့
ခုပြောတဲ့ ဘေးထွက်ဆိုးကျိုးတွေက လူတိုင်းမှာ ဖြစ်ချင်မှဖြစ်မှာပါ။ တစ်ဦးနဲ့တစ်ဦးလည်း ကွဲပြားခြားနားမှုရှိနိုင်ပါတယ်။ ဘေးထွက်ဆိုးကျိုးနဲ့ ပတ်သက်ပြီး စိုးရိမ်ပူပန်မှုများရှိနေမယ်ဆိုရင် ဆရာဝန် သို့မဟုတ် ဆေးဝါးကျွမ်းကျင်ပညာရှင်နဲ့ တိုင်ပင်ဆွေးနွေးပါ။
Mentholက လောလောဆယ် သောက်သုံးနေတဲ့ တခြားဆေးဝါးတွေနဲ့ ဓာတ်ပြုမှုတွေဖြစ်နိုင်ပြီး ဆေးဝါးတွေရဲ့ အာနိသင်ပြောင်းလဲတာ၊ ဘေးထွက်ဆိုးကျိုးတွေ ပိုခံစားရတာတွေ ဖြစ်နိုင်ပါတယ်။
ဆေးဓာတ်ပြုတဲ့ လက္ခဏာတွေ ခံစားရရင် ဆရာဝန်နဲ့ တိုင်ပင်ပါ။ ဆေးပမာဏပြန်ညှိတာ၊ တခြားဆေးနဲ့ အစားထိုးတာ၊ ဆေးရပ်တာတွေ လုပ်ရနိုင်ပါတယ်။
Menthol (မန်သော)က အစားအသောက် ဒါမှမဟုတ် အရက်သေစာနဲ့ ဓာတ်ပြုမှုတွေဖြစ်ပြီး ဆေးဝါး အာနိသင်ပြောင်းတာနဲ့ ဘေးထွက်ဆိုးကျိုးတွေ ဖြစ်လာနိုင်ပါတယ်။ မလိုလားအပ်တဲ့ ဓာတ်ပြုမှုတွေ မဖြစ်လာအောင်လို့ အစားအသောက်၊ အရက်သေစာတွေနဲ့ ဓာတ်ပြုနိုင်ခြေ ရှိ၊ မရှိကို ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်နဲ့ မေးမြန်းတိုင်ပင်ပါ။
Menthol (မန်သော)က ထိခိုက်လွယ်အသားအရေရှိသူတွေ ဒါမှမဟုတ် ပြတ်ရှဒဏ်ရာရှိသူတွေအတွက် မသင့်တော်ပါဘူး။ သင့်ရဲ့ ကျန်းမာရေးအခြေအနေကို ပိုဆိုးသွားစေတာ ဒါမှမဟုတ် ဆေးအာနိသင် ပြောင်းလဲသွားတာတွေ ဖြစ်နိုင်ပါတယ်။ ဒါ့ကြောင့် သင့်ရဲ့ကျန်းမာရေးအခြေအနေအကုန်လုံးကို သင့်ရဲ့ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်ကို ကြိုတင်အသိပေးဖို့ အရေးကြီးပါတယ်။
အခုအချက်အလက်များမှာ ဆေးပညာအကြံပေးမှုကို အစားထိုးရန်အတွက်မဟုတ်ပါ။ ဆေးဝါးများကို အသုံးမပြုခင် ဆရာဝန် သို့မဟုတ် ဆေးဝါးပညာရှင်နဲ့ အမြဲတမ်းတိုင်ပင်ဆွေးနွေးသင့်ပါတယ်။
ချောင်းဆိုးတာအတွက်
နာကျင်ကိုက်ခဲမှုအတွက်
အရေပြား ယားယံမှုအတွက်
ချောင်းဆိုးတာအတွက်
နာကျင်ကိုက်ခဲမှုအတွက်
အရေပြား ယားယံမှုအတွက်
Menthol ကို အောက်ဖော်ပြပါ ဆေးဝါးပုံစံများနှင့် အချိုးအစားများဖြင့် ရရှိနိုင်ပါတယ်။
အရေးပေါ်အခြေအနေ သို့မဟုတ် ဆေးပမာဏလွန်သွားတဲ့ အခြေအနေတွေမှာ အရေးပေါ်ဆေးရုံဆေးခန်းများမှာ သွားရောက်ကုသမှုခံယူပါ။
Mentholကို သုံးဖို့ လွတ်သွားခဲ့ပါက (မေ့ခဲ့ပါက) သတိရတဲ့အချိန်မှာ အမြန်ဆုံးသုံးပါ။ ဒါပေမယ့် နောက်တစ်ကြိမ်မှ သတိရတယ်ဆိုရင်တော့ လွတ်သွားတဲ့ဆေးကို ထားလိုက်ပါ။ ပုံမှန်အတိုင်းပဲ ဆက်သုံးပါ။ ဆေးနှစ်ကြိမ် သုံးတာမျိုး မလုပ်ပါနဲ့။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Hello Sayarwon Panel
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။