မှ အချက်အလက် စစ်ဆေးထားပါသည်။ Dr. Kaung Thar
Labetalol က beta-blocker အမျိုးအစား သွေးကျဆေးဖြစ်ပါတယ်။ နှလုံးနဲ့ သွေးကြောတွေမှာရှိတဲ့ β-adrenergic receptors တွေကို ပေါင်းပြီး အလုပ်လုပ်ပါတယ်။ နှလုံးခုန်နှုန်းကို နှေးစေသလို သွေးဖိအားကိုလည်း ကျစေပါတယ်။
တခြား beta-blockers တွေနဲ့ မတူတာက ဒီဆေးက သွေးကြောတွေပေါ်မှာ ရှိနေတဲ့ α1-adrenergic receptors ကိုပါ ပေါင်းလိုက်တာကြောင့် သွေးဖိအားကို ထိထိရောက်ရောက်ကျစေတာပါ။ အဆုတ်မှာရှိနေတဲ့ β-adrenergic receptors ကိုပါ ပေါင်းလိုက်တဲ့အတွက် ဘေးထွက်ဆိုးကျိုးအနေနဲ့ ချောင်းဆိုးတတ်ပါတယ်။
Labetalol hydrochloride ကို အောက်ပါအခြေအနေတွေမှာ အသုံးပြုနိုင်ပါတယ်။
Labetalol hydrochloride ကို သောက်ဆေး၊ ထိုးဆေးအနေနဲ့ ရနိုင်ပါတယ်။ သောက်ဆေးဆိုရင်တော့ အမှုန့်ကြိတ်ခြင်း၊ ဝါးစားခြင်း မလုပ်ဘဲ သောက်ရပါမယ်။ ထိုးဆေးကိုတော့ ဆေးရုံဆေးခန်းမှာပဲ ကျန်းမာရေးဝန်ထမ်းတွေက ထိုးပေးမှာ ဖြစ်ပါတယ်။
Labetalol hydrochloride ကို အခန်းအပူချိန်မှာ သိုလှောင်ထားနိုင်ပါတယ်။ တိုက်ရိုက်နေရောင်ခြည်မထိအောင်နဲ့ စိုစွတ်မှုမရှိအောင်ထားပါ။ ဆေးမပျက်စီးစေဖို့ ရေချိုးခန်းထဲမှာ သိမ်းဆည်းတာနဲ့ ရေခဲပြီး သိမ်းဆည်းတာတွေမပြုလုပ်ပါနဲ့။
ဆေးထုတ်လုပ်တဲ့ ကုမ္ပဏီကွဲပြားမှုပေါ်မူတည်ပြီး သိမ်းဆည်းတဲ့ပုံစံ ကွဲပြားခြားနားမှုရှိနိုင်ပါတယ်။ ဒီအတွက် ဆေးဘူးအခွံမှာပါတဲ့ သိုလှောင်သိမ်းဆည်းမှုညွှန်ကြားချက်ကို ကြည့်ရှုစစ်ဆေးတာမျိုး ဒါမှမဟုတ် ဆေးဝါးကျွမ်းကျင်ပညာရှင်ကို မေးမြန်းတာမျိုး အမြဲလုပ်ပါ။ လုံခြုံစိတ်ချရဖို့အတွက် ဆေးဝါးတွေအကုန်လုံးကို ကလေးတွေ၊ အိမ်မွေးတိရိစ္ဆာန်တွေနဲ့ ဝေးရာမှာထားပါ။
ဆေးကို အိမ်သာထဲကိုပစ်ချတာနဲ့ ရေထွက်ပေါက်တွေထဲကနေ သွန်ချတာမျိုးကို မလုပ်သင့်ပါဘူး။ ဒါ့ပြင် ဆေးဝါးတွေကို မလိုအပ်တော့တဲ့အခါ ဒါမှမဟုတ် သက်တမ်းကုန်ဆုံးသွားတဲ့အခါတွေမှာ စနစ်တကျစွန့်ပစ်ဖို့ အရေးကြီးပါတယ်။ ဆေးဝါးတွေကို စနစ်တကျဘယ်လိုစွန့်ပစ်ရမယ်ဆိုတာနဲ့ ပတ်သက်ပြီး သင့်ရဲ့ဆေးဝါးကျွမ်းကျင်ပညာရှင်နဲ့ တိုင်ပင်ပါ။
Labetolol အပါအဝင် Beta-blockers တွေက သွေးပေါင်ကျတာ၊ ချောင်းဆိုးတာ ဖြစ်တတ်ပါတယ်။ အထူးသဖြင့် အသက် ၆၀ကျော် လူကြီးတွေ၊ အမြဲတမ်း အရက်သောက်နေတဲ့သူတွေ၊ အသက်ရှူလမ်းကြောင်း ရောဂါရှိသူတွေ ပိုသတိထားသင့်ပါတယ်။
ပန်းနာရင်ကျပ်ရှိသူတချို့မှာ Beta-blockers တွေ သုံးပြီးမှ လက္ခဏာတွေ ပိုဆိုးလာတာကို တွေ့ရပါတယ်။
Labetolol မသောက်သုံးခင် အောက်ပါအခြေအနေတွေရှိရင် ဆရာဝန်ကို ပြောပြသင့်ပါတယ်။
ဒီဆေးဝါးကို ကိုယ်ဝန်ဆောင်နေချိန်မှာ သောက်တဲ့အခါ ဆိုးကျိုးများရှိမရှိအတွက် လုံလောက်တဲ့ လေ့လာစမ်းသပ်ချက်တွေ မရှိသေးပါ။ ဒါကြောင့် ဆေးမသောက်သုံးမီမှာ ဖြစ်နိုင်တဲ့ ကောင်းကျိုး၊ ဆိုးကျိုး ချိန်ဆနိုင်ဖို့ ဆရာဝန်နဲ့ တိုင်ပင်ပါ။ မီးဖွားချိန်မှာ ရုတ်တရက် သွေးတိုးတာနဲ့ သိုင်းရွိုက်ဟော်မုန်းများလွန်းတာကြောင့် သွေးတိုးတဲ့အခါမှာ သုံးနိုင်ပါတယ်။
အမေရိကန်ပြည်ထောင်စု အစားအသောက်နဲ့ ဆေးဝါးကွပ်ကဲရေးအဖွဲ့ရဲ့ကိုယ်ဝန်ဆောင်များတွင် ထိခိုက်နိုင်ခြေအဆင့် သတ်မှတ်ချက်များမှာ အောက်ပါအတိုင်းဖြစ်ပါတယ်။
Labetolol က မိခင်နို့ရည်ထဲမှာ ပါနိုင်ပါတယ်။ ဒါကြောင့် နို့တိုက်ချိန်မှာ ဆေးသောက်ရင်ရမယ့် ကောင်းကျိုးဆိုးကျိုးတွေကို ဆရာဝန်နဲ့ တိုင်ပင်သင့်ပါတယ်။
တခြားဆေးတွေလိုပဲ သူ့မှာလည်း ဘေးထွက်ဆိုးကျိုး အနည်းငယ် ရှိနိုင်ပါတယ်။ ဖြစ်လာခဲ့ရင်တောင် များသောအားဖြင့် လက္ခဏာက ပြင်းထန်လေ့မရှိပါဘူး။ ဆေးရပ်လိုက်ရင် ဒါမှမဟုတ် ဆေးပမာဏလျှော့လိုက်ရင် သက်သာသွားပါတယ်။ တွေ့ရတတ်တဲ့ ဘေးထွက်ဆိုးကျိုးတွေကတော့
အောက်ပါတို့ခံစားရရင်တော့ အရေးကြီးတဲ့အတွက် ဆရာဝန်နဲ့ ချက်ချင်းပြပါ။
ခုပြောတဲ့ ဘေးထွက်ဆိုးကျိုးတွေက လူတိုင်းမှာ ဖြစ်ချင်မှဖြစ်မှာပါ။ တစ်ဦးနဲ့တစ်ဦးလည်း ကွဲပြားခြားနားမှုရှိနိုင်ပါတယ်။ ဘေးထွက်ဆိုးကျိုးနဲ့ ပတ်သက်ပြီး စိုးရိမ်ပူပန်မှုများရှိနေမယ်ဆိုရင် ဆရာဝန် သို့မဟုတ် ဆေးဝါးကျွမ်းကျင်ပညာရှင်နဲ့ တိုင်ပင်ဆွေးနွေးပါ။
Labetalol hydrochlorideက လောလောဆယ် သောက်သုံးနေတဲ့ တခြားဆေးဝါးတွေနဲ့ ဓာတ်ပြုမှုတွေဖြစ်နိုင်ပြီး ဆေးဝါးတွေရဲ့ အာနိသင်ပြောင်းလဲတာ၊ ဘေးထွက်ဆိုးကျိုးတွေ ပိုခံစားရတာတွေ ဖြစ်နိုင်ပါတယ်။
မလိုလားအပ်တဲ့ ဆေးဝါးဓာတ်ပြုမှုတွေ ဖြစ်မလာအောင်လို့ သင်လက်ရှိသောက်သုံးနေတဲ့ ဆေးဝါးတွေ အားလုံးရဲ့ စာရင်းကို လုပ်ထားပြီး (စာရင်းလုပ်တဲ့အခါမှာ ဆရာဝန်ညွှန်ကြားထားတာတွေ၊ မညွှန်ကြားဘဲ သောက်သုံးနေတာတွေ၊ သဘာဝဆေးဘက်ဝင်ပစ္စည်းတွေ အားလုံးပါဝင်ပါတယ်) ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်ကို ပြောပြဖို့ လိုပါတယ်။
ဆေးဓာတ်ပြုတဲ့ လက္ခဏာတွေ ခံစားရရင် ဆရာဝန်နဲ့ ချက်ချင်းတိုင်ပင်ပါ။ ဆေးပမာဏပြန်ညှိတာ၊ တခြားဆေးနဲ့ အစားထိုးတာ၊ ဆေးရပ်တာတွေ လုပ်ရနိုင်ပါတယ်။
Labetalol hydrochlorideက အစားအသောက် ဒါမှမဟုတ် အရက်သေစာနဲ့ ဓာတ်ပြုမှုတွေဖြစ်ပြီး ဆေးဝါး အာနိသင်ပြောင်းတာနဲ့ ဘေးထွက်ဆိုးကျိုးတွေ ဖြစ်လာနိုင်ပါတယ်။ ဆေးကို အစာနဲ့ တွဲပြီး သောက်သင့်ပါတယ်။ အရက်နဲ့ တွဲသောက်တဲ့အခါ သွေးပေါင်ကျနိုင်တာကြောင့် အရက်သောက်တာကို ဆင်ခြင်သင့်ပါတယ်။ မလိုလားအပ်တဲ့ ဓာတ်ပြုမှုတွေ မဖြစ်လာအောင်လို့ အစားအသောက်၊ အရက်သေစာတွေနဲ့ ဓာတ်ပြုနိုင်ခြေ ရှိ၊ မရှိကို ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်နဲ့ မေးမြန်းတိုင်ပင်ပါ။
Labetalol hydrochloridelက သင့်ရဲ့ နဂိုကျန်းမာရေးအခြေအနေတွေအပေါ် သက်ရောက်မှုတွေ ရှိနိုင်ပါတယ်။ သင့်ရဲ့ ကျန်းမာရေးအခြေအနေကို ပိုဆိုးသွားစေတာ ဒါမှမဟုတ် ဆေးအာနိသင် ပြောင်းလဲသွားတာတွေ ဖြစ်နိုင်ပါတယ်။ ဒါ့ကြောင့် သင့်ရဲ့ကျန်းမာရေးအခြေအနေအကုန်လုံးကို သင့်ရဲ့ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်ကို ကြိုတင်အသိပေးဖို့ အရေးကြီးပါတယ်။ အထူးသဖြင့်
အခုအချက်အလက်များမှာ ဆေးပညာအကြံပေးမှုကို အစားထိုးရန်အတွက်မဟုတ်ပါ။ ဆေးဝါးများကို အသုံးမပြုခင် ဆရာဝန် သို့မဟုတ် ဆေးဝါးပညာရှင်နဲ့ အမြဲတမ်းတိုင်ပင်ဆွေးနွေးသင့်ပါတယ်။
သွေးတိုးရောဂါအတွက်
ကိုယ်ဝန်ဆောင် သွေးတိုးအတွက်
သွေးတိုးရောဂါအရေးပေါ် အခြေအနေအတွက်
မေ့ဆေးပေးတဲ့အခါ သွေးဖိအားကျစေရန်အတွက်
စစချင်းမှာ ၁၀-၂၀ မီလီဂရမ်ပေးပြီး ၅မိနစ်ကြာတဲ့အခါ လိုချင်တဲ့ သွေးပေါင်ချိန်ကို မရသေးရင် ၅-၁၀ မီလီဂရမ် ထပ်တိုးပါတယ်။ ဟေလိုသိမ်းကို မေ့ဆေးအနေနဲ့ မသုံးထားဘူးဆိုရင် စစချင်းမှာတည်းက ပမာဏများများပေးပါတယ်။
ကလေးလူနာတွေအတွက် သောက်သုံးရမယ့် အချိုးအစားကို သတ်မှတ်ထားခြင်း မရှိပါ။ ဆက်လက်သိရှိလိုတဲ့ အကြောင်းအရာတွေကို သင့်ရဲ့ ဆရာဝန် (သို့) ဆေးဝါးကျွမ်းကျင်ပညာရှင်နဲ့ တိုင်ပင်ဆွေးနွေးပါ။
Labetalol hydrochloride ကိုအောက်ဖော်ပြပါ ဆေးဝါးပုံစံ၊ ပမာဏများနဲ့ ရရှိနိုင်ပါတယ်။
အရေးပေါ်အခြေအနေ သို့မဟုတ် ဆေးပမာဏလွန်သွားတဲ့ အခြေအနေတွေမှာ အရေးပေါ်ဆေးရုံဆေးခန်းများမှာ သွားရောက်ကုသမှုခံယူပါ။
Labetalol hydrochlorideကို သောက်သုံးဖို့ လွတ်သွားခဲ့ပါက (မေ့ခဲ့ပါက) သတိရတဲ့အချိန်မှာ အမြန်ဆုံးသောက်သုံးပါ။ ဒါပေမယ့် နောက်တစ်ကြိမ်သောက်ရမယ့်အချိန်မှ သတိရတယ်ဆိုရင်တော့ လွတ်သွားတဲ့ဆေးကို ထားလိုက်ပါ။ ပုံမှန်အတိုင်းပဲ ဆက်သောက်ပါ။ ဆေးနှစ်ခါ သောက်တာမျိုး မလုပ်ပါနဲ့။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Kaung Thar
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။