ဟိုဟာစားလည်း အစာမကြေ၊ ဒီဟာစားလည်းအစာမကြေဖြစ်နေတယ်ဆို စိတ်ညစ်စရာပေါ့နော်။ အစားတလိုင်းလေးတွေဆို ပိုခံစားရတာပေါ့။ အစာစားလိုက်၊ မအီမသာဖြစ်လိုက်၊ လေထိုးလေအောင့်ဖြစ်လိုက်နဲ့ ပတ်ချာလည်ကိုရိုက်နေရော။
မှ အချက်အလက် စစ်ဆေးထားပါသည်။ Dr. Thurein Hlaing Win
ဟိုဟာစားလည်း အစာမကြေ၊ ဒီဟာစားလည်းအစာမကြေဖြစ်နေတယ်ဆို စိတ်ညစ်စရာပေါ့နော်။ အစားတလိုင်းလေးတွေဆို ပိုခံစားရတာပေါ့။ အစာစားလိုက်၊ မအီမသာဖြစ်လိုက်၊ လေထိုးလေအောင့်ဖြစ်လိုက်နဲ့ ပတ်ချာလည်ကိုရိုက်နေရော။
အကောင်းဆုံးနည်းလမ်းကတော့ ကိုယ့်ဝေဒနာသက်သာတဲ့အထိ ရှောင်သင့်တာရှောင်နိုင်ဖို့ပဲ။ ဘယ်အစားအစာတွေက အစာမကြေဖြစ်စေနိုင်သလဲ၊ ဘယ်အပြုအမူ၊ ဘယ်အခြေအနေတွေက အစာမကြေခြင်းကိုပိုဆိုးစေနိုင်သလဲဆိုတာ သိထားဖို့တော့လိုမယ်နော်။ အလွယ်ဆုံးနည်းကတော့ စားကြည့်လို့ ဒီတခါဖြစ်ရင် နောက်တခါမစားနဲ့ပေါ့။ နောက်တာပါ။ တကယ်တော့ အစားအစာတစ်ခုကို ကိုယ်စားလိုက်လို့ အစာမကြေဖြစ်ထားဖူးတယ်ဆို မှတ်သာထားလိုက်ပါ။ နောက် ချင့်ချိန်လို့ရတာပေါ့။
ကဲ အစာမကြေဖြစ်တတ်သူတွေ ရှောင်ရမှာတွေပြောပြမယ် –
အလှူမှာကြိတ်တာ၊ အဝစားဘူဖေးမှာ အချိန်မပြည့်မချင်းနင်းကန်စားတာတွေနော်၊ သတိထားပါ။ အစာအိမ်ကို ဝန်မပိစေဖို့ ပမာဏနည်းနည်းချင်း အကြိမ်ရေခွဲစားတာကောင်းပါတယ်။
သိပ်မဝါးဘဲ ကျားလိုက်သလို မျိုချတာက အစာမကြေဖြစ်စေတဲ့အပြင် ဗိုက်ဝမှန်းမသိ၊ မဝမှန်းမသိ တရစပ်စားမိတတ်တာကြောင့် ဝိတ်တောင်ပိုတက်စေလိမ့်မယ် နော်။
အရည်ရွှမ်းတဲ့ အချဉ်သီးတွေ၊ ခရမ်းချဉ်သီးတွေလို အက်စစ်ဓာတ်ပါဝင်မှုများတာတွေ သိပ်မစားနဲ့။ (လုံးဝရှောင်ခိုင်းတာမဟုတ်)
ကော်ဖီ၊ လက်ဖက်ရည် အပြင် ကိုကာကိုလာ၊ အားဖြည့်အချိုရည်၊ ချောကလက် တို့လို ကဖင်းပါတဲ့ စားစရာ၊သောက်စရာတွေ လျှော့ပါ။
ဘယ်လိုနည်းနဲ့ လျော့အောင်လုပ်မလဲ ကိုယ်နဲ့ကိုက်ညီမယ့် နည်းလမ်းရှာပါ။ ဒီတိုင်းတော့ စိတ်ဓာတ်ကျမခံပါနဲ့။ တစ်နည်းနည်းနဲ့ ဖြေလျှော့ဖို့ကြိုးစားပါ။
မဖြတ်နိုင်ရင် လျှော့ပါ။ အစာမစားခင်နဲ့ စားပြီးချိန်မှာ သောက်ရင် အစာခြေဖျက်ခြင်းကို အနှောင့်အယှက်ပေးပါတယ်။
အရက်၊ ဘီယာ၊ ဝိုင် သိပ်မသောက်ပါနဲ့။ ကိုယ်ကအစာမကြေဖြစ်တတ်တယ်ဆို မသောက်တာကောင်းပါတယ်။ နည်းနည်းလေးပါဆိုလည်း ဖြစ်လာတဲ့အကျိုးဆက်ကို အဲပမာဏအလျောက်တော့ ခံစားရပါလိမ့်မယ်။
လှချင်ဇောနဲ့ ပဲများခြင်းက အစာအိမ်ကို ဖိအားဖြစ်စေပြီး စားထားတဲ့အစာတွေ အစာရေမျိုကို ပြန်ဆန်တက်လာစေနိုင်ပါတယ်။ ဥပမာ ဗိုက်ချပ်ဘာညာ ဝတ်ထားရင် ပြန်အန်တတ်ပါတယ်။
အိပ်ခါနီးညစာမစားနဲ့၊ ညစာစားပြီးပြီးချင်း မအိပ်နဲ့။ အိပ်ရာဝင်ချိန်နဲ့ ညစာစားချိန်ကို အနည်းဆုံး ၃ နာရီတော့ခြားပါစေ။
Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။