သွေးတွင်းသကြားဓာတ်ကို အတက်အကျ ထိန်းထားနိုင်ဖို့ ရောဂါအကြောင်းကို တတ်နိုသလောက်လေ့လာပါ၊ ရှာဖတ်ပါ၊ မေးမြန်းပါ။ ဆီးချိုထိန်းဆေးတွေကို ဆရာဝန်ညွှန်ကြားတဲ့အတိုင်းသာ မှန်ကန်အောင် သောက်ရမှာပါ။ ကိုယ်ထင်သလို တိုးသောက်၊ လျှော့သောက်လို့ မဖြစ်ပါဘူး။
အစားမှန်ဖို့ သိပ်အရေးမကြီးပါဘူး
အစာစားချိန်မှန်ဖို့ သိပ်အရေးမကြီးဘူးထင်တာက အတွေးမှားတစ်ခုပေါ့။ အစာစားပြီးရင် အချိန်အတော်ကြာမှ နောက်တစ်ကြိမ်စားတာ(တစ်ခါတလေ အစာစားချိန်နောက်ကျတာ) ဟာသွေးတွင်းသကြားဓာတ် အတက်အကျ မတည်မငြိမ်ဖြစ်လာဖို့ များပါတယ်။ အစာမရှိတဲ့အခါ၊ ဆာလောင်နေတဲ့အခါ သွေးတွင်းသကြားဓာတ်က ကျဆင်းပြီး အစားစားချလိုက်တာနဲ့ ချက်ချင်းကိုသကြားဓာတ် ထိုးတက်သွားနိုင်ပါတယ်။
ထမင်းတစ်နပ် လွတ်တာကို ပေါ့ပေါ့ဆဆနေတာ
အလုပ်ရှုပ်နေတာပဲဖြစ်ဖြစ်၊ ဘာကိစ္စပဲရှိရှိ မနက်စာနဲ့နေ့လယ်စာပေါင်းစားတာမျိုး၊ နေ့လယ်စာလွတ်သွားလို့ ညနေမှပဲစားလိုက်တော့မယ် ဆိုတာမျိုးက လိုအပ်တဲ့ကယ်လိုရီပမာဏကို မဖြည့်နိုင်တော့ဘဲ သွေးတွင်းသကြားဓာတ်ပမာဏကို အတက်အကျဖြစ်စေနိုင်တယ်၊ လူကအားနည်းလာမယ်၊ ပင်ပန်းနုံးချိနေမယ်၊ တကယ်စားတဲ့အခါကျ အများကြီးပိုစားမိမယ် စတဲ့အကျိုးဆက်တွေရှိလာနိုင်ပါတယ်။ ဒါ့ကြောင့် အစားပျက်မခံဘဲ ပမာဏနည်းနည်းနဲ့ မကြာခဏစားတဲ့အကျင့်ကို လုပ်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။