ကျန်းမာရေးနဲ့ ညီညွတ်တဲ့ အဆီ
အဆီကလည်း စားသုံးပေးသင့်တဲ့အရာတစ်ခုပါ။ ကျန်းမာရေးနဲ့ ညီညွတ်တဲ့အဆီဖြစ်ဖို့တော့လိုမှာပါ။ ဆီးချိုသမားတွေအတွက် သင့်တော်တဲ့ ကျန်းမာရေးနဲ့ညီညွတ်တဲ့ အဆီတွေကတော့
- ပင်လယ်ငါးအဆီ
- အခွံမာသီးတွေနဲ့အစေ့အဆန်တွေကနေရတဲ့အဆီဓါတ်
- ထောပတ်သီး
- သံလွင်ဆီစစ်စစ်
- နေကြာဆီ
- စပျစ်သီးစေ့အဆီ တို့စားပေးလို့ရပါတယ်။
အနီရောင်အသား၊ပြုပြင်ထားတဲ့အသားတွေတွေမှာပါတဲ့ အဆီတွေ၊ ထောပတ်၊ ဘီစကစ်၊ ကိတ်မုန့်နဲ့ အခြားအဆီများတဲ့ အစားအစာတွေကို မစားလေကောင်းလေပါနော်။
ဆားတွေအများကြီးစားတာက သွေးတိုးစေနိုင်ပါတယ်။ သွေးတိုးတာရဲ့ နောက်ဆက်တွဲက နှလုံးရောဂါခံစားရနိုင်ခြေကို တိုးစေနိုင်သလို လေဖြတ်နိုင်ခြေကိုလည်း တိုးစေနိုင်ပါတယ်။နွေပူပူမှာ ရေဓာတ်ဆုံးရှုံးမှုများမှာဆိုတော့ ဆားကို စားသင့်ပေမယ့် အများကြီးကတော့ မသင့်တော်ပါဘူး။
တစ်နေ့တာမှာ အများဆုံးအနေနဲ့ ဆားကို လက်ဖက်ရည်ဇွန်းတစ်ဇွန်းစာပဲ စားပေးပါ။ ဟင်းတွေကို အငန်ကဲအောင် မချက်ပါနဲ့။ အငန်ကဲတဲ့ အသင့်စားအစားအစာတွေမစားပါနဲ့။ အသီးခြောက်တွေ၊ ငါးခြောက်၊ ဆားရည်စိမ်ထားတဲ့ အသီးအရွက်တွေ၊ ဆားဘဲဥ၊ အာလူးကြော်လိုမျိုး အငန်ကဲတာတွေ မစားပါနဲ့။ ဘာတွေစားမလဲဆိုတော့
- ကြက်ရင်အုံသား
- လတ်လတ်ဆတ်ဆတ် ဟင်းသီးဟင်းရွက်
- လတ်လတ်ဆတ်ဆတ်အသား
- ပြောင်းဖူးပြုတ်လိုမျိုး အစားအစာတွေ စားပေးလို့ရပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။