နေ့တိုင်း ရုံးကို အချိန်မီအောင် မနည်းသွားနေရတာ မနက်စာစားဖို့ ဘယ်မှာ အချိန်ရှိပါ့မလဲ။ မနက်စာ ပြင်ဖို့ဆို ဝေလာဝေးပဲ။
ဖြေရှင်းနည်း – ဒါဆို ရုံးသွားရင်း ကားပေါ်မှာ စားပါ။ အိမ်မှာ မနက်စာစားဖို့ ပေါင်မုန့်နဲ့ ပဲနို့လိုမျိုး လွယ်လွယ်ကူကူတွေ ဝယ်ထားပြီး ကားပေါ်မှာ စားပါ။ ကားကကြပ်တယ်။ စားဖို့မလွယ်ဘူးဆိုရင်လည်း ရုံးသွားတဲ့ လမ်းမှာ တစ်ခုခု ဝယ်ထားပြီး ရုံးရောက်တာနဲ့ စားပါ။
ဒီလိုခေတ်ကြီးမှာတော့ ၁၀မိနစ်လောက် အိပ်ရာထနောက်ကျလိုက်တာနဲ့ ရုံးကို နာရီဝက်လောက် နောက်ကျမှ ရောက်ဖို့ သေချာသလောက်ပါပဲ။ ကားတွေ၊ လမ်းတွေက ကြပ်တာကိုး။ ဒါကြောင့် အိပ်ရာထနောက်ကျရင်တောင် ရုံးချိန်မီဖို့အတွက် မနက်စာလေးကို စွန့်လွှတ်လိုက်ရတာပေါ့။
ဖြေရှင်းနည်း – တစ်နေ့ကို ၅မိနစ်လောက်ကစ အကျင့်လုပ်ပြီး စောစောအိပ် စောစောထပါ။ နာရီဝက်လောက်ထိ စောစောအိပ် စောစောထနိုင်ပြီဆိုရင် တော်တော်ဟန်ကျနေပါပြီ။ နာရီဝက်လောက် မနက်စောစောနိုးနေမယ်ဆိုရင် မနက်စာပြင်ဖို့ရော စားဖို့ရော အချိန်ကောင်းကောင်းရနေပါပြီ။ အေးအေး ဆေးဆေး ပြင်ဆင်ချိန်လည်း ရတာကြောင့် မိုးလင်းတာနဲ့ ဝရုန်းသုန်းကား ရုံးသွားရတာမျိုး ရှိတော့မှာ မဟုတ်ပါဘူး။
တော်တော်များများထင်ကြတာက မနက်စာကို ဖြတ်လိုက်ရင် ကယ်လိုရီနည်းသွားမယ်လို့ပါ။ တကယ်တော့ ဒါဟာ ပြောင်းပြန်ပါပဲ။ လေ့လာချက်တွေအရ မနက်စာလွတ်ရင် လူက ပိုဆာလာပြီး နောက်အနပ်တွေကျရင် များများစားမိတတ်ပါတယ်။ ဒါကြောင့် မနက်စာ မစားဘဲနေတာက သင့်ရဲ့ ဝိတ်ချတဲ့အစီအစဉ်ကို အထောက်အကူမပြုပါဘူး။ တစ်နေကုန်ဆာလောင်နေပြီး မြင်မြင်သမျှ ပါးစပ်ထဲ ထည့်မိနေမှာပါ။
ဖြေရှင်းနည်း – မနက်စာကို အာဟာရှိရှိစားပါ။ နေ့လယ်စာ မစားခင်အထိ အဆာခံနိုင်အောင် စားထားပါ။ ဒါမှ မလိုအပ်ဘဲ တခြားကယ်လိုရီများတဲ့ မုန့်တွေ မစားမိမှာပါ။
- မနက်ဆို စားချင် သောက်ချင်စိတ်ကို မရှိပါဘူး။ အစာအိမ်က အကျင့်မရှိဘူးနဲ့ တူပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။