ကလေးမှာ ဖြစ်တဲ့ လေဖြတ်ခြင်းကို ကာကွယ်ဖို့၊ကုသဖို့ ဆောင်ရွက်ရတဲ့ လုပ်ငန်းစဉ်တွေဟာလည်း လူကြီးနဲ့ ကွဲပြားခြားနားလှပါတယ်။
လူကြီးတွေမှာဆိုရင် သွေးခဲတွေကို ဖျော်ပစ်၊ဖျက်စီးပစ်နိုင်တဲ့ ပစ္စည်းတမျိုး (Tissue Plasminogen Activator)ကို အသုံးပြုပြီး သွေးခဲခြင်းကြောင့် လေဖြတ်ခြင်းကို ကုသပေးနိုင်ပါတယ်။ ဒီဆေးဟာ သွေးခဲတွေကို ဖျော်ပစ်နိုင်ပါတယ်။ ဒါပေမယ့် tPA ကို ကလေးသူငယ်တွေ (အထူးသဖြင့် မွေးကင်းစကလေးတွေ)မှာ အသုံးမပြုရပါဘူး။ အဆိုပါ ငယ်ရွယ်တဲ့ ကလေးတွေမှာ tPA ကို စိတ်ချလက်ချအသုံးပြုနိုင်ကြောင်း ထောက်ခံထားတဲ့ သက်သေသာဓကတွေ၊စမ်းသပ်သုတေသန ပြုချက်တွေ ရှိမနေပါဘူး။
လေဖြတ်ခြင်းရဲ့ ရောဂါလက္ခဏာစပြပြီဆိုကတည်းက အနည်းနဲ့အများ ထိခိုက်နေပြီဖြစ်တဲ့အတွက် ကလေးတွေမှာ လေဖြတ်ခြင်းကို ကာကွယ်ဖို့ ခဲယဉ်းပါတယ်။ စောနိုင်သမျှ စောစောသိရှိခြင်းဟာ နောက်ဆက်တွဲဘေးထွက်ဆိုးကျိုးတွေ ဖြစ်ပေါ်မလာအောင် ကာကွယ်ပေးနိုင်သလို လေဖြတ်ဝေဒနာဆီ ဦးတည်နေတဲ့ အချက်အလက်တွေကို ဆင်ခြင်နေထိုင်ခြင်းအားဖြင့် နောက်တခါ လေထပ်ဖြတ်နိုင်ချေကို လျှော့ချပေးနိုင်ပြီး မူလအတိုင်း(နီးပါး) သွားလာလှုပ်ရှားနေထိုင်စားသောက်စေနိုင်ပါမယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။