သွေးအားနည်းရင် ဒါတွေစားပါ

ငါး

ပရိုတင်း ကြွယ်ဝပြီး အဆီနည်းတဲ့ သံဓါတ် အရင်းအမြစ် တစ်ခု ဖြစ်ပါတယ်။ မြစ်ချောင်းထဲက ဖမ်းလာတဲ့ သဘာဝ ငါးဖြစ်ဖြစ် မွေးမြူရေးငါးဖြစ်ဖြစ် အချိုးအဆတော့ မတူပေမယ့် အာဟာရဓါတ် ပါဝင်မှုချင်းတော့ အတူတူပါပဲ။ တူနာငါး၊ ငါးသေတ္တာငါးနဲ့ မက်ခရယ်ငါးတို့ဆို ပိုကောင်းပါတယ်။

ပုဇွန်နဲ့ခရု

အသားငါးတွေ မစားချင်လို့ သံဓါတ် မရတော့ဘူး ထင်နေပါသလား။ ပင်လယ်စာတွေစားရင်းနဲ့လည်း သံဓါတ်ရရှိနိုင်ပါတယ်။ ဆန်လုံးညိုလေးစား၊ ပုဇွန်နဲ့ ပင်လယ်စာ ဟင်းလေးနဲ့ဆို သံဓါတ် ပြည့်ဝတဲ့ ထမင်းတစ်နပ်ကို ရနိုင်ပါတယ်။

အစေ့အဆန်တွေနဲ့သစ်သီးခြောက်

သီဟိုဠ်စေ့၊ ပစ်စတာချီရို(စိတ်ပျော်သီး) တို့လိုအစေ့အဆန်တွေနဲ့ ဆီးသီးခြောက်၊စပျစ်ခြောက်၊စွံပလွံသီးခြောက်၊မက်မွန်သီးခြောက်တို့လို သစ်သီးခြောက်တွေက သံဓါတ်ရရှိစေနိုင်ပါတယ်။

ဖရဲသီးတစ်စိတ်ကပဲ သံဓါတ် ဝ.၆၉ မီလီဂရမ် သံဓါတ်ရရှိနိုင်သလို ငှက်ပျောသီးမှာ ဝ.၃၆ မီလီဂရမ်နဲ့ ပန်းသီးမှာ ဝ.၅ မီလီဂရမ် ပါဝင်ပါတယ်။

ချောကလက်

အချိုများတာတော့ မစားနဲ့ပေါ့။ အချိုလျှော့ ချောကလက် ၃အောင်စပမာဏမှာ သံဓါတ် ၇ မီလီဂရမ်ပါဝင်ပါတယ်။