မိဘများ( အထူးသဖြင့် မိခင်များ) အနေနဲ့ ကလေးတွေကို အဲဒီအချိန်မှာ မိဘတွေရဲ့ ကိုယ်ပိုင်အတွေ့ အကြုံတွေကို မျှဝေပေးခြင်း၊ အခက်အခဲတွေ စိတ်ရှုပ်စရာ အချိန်တွေကို ဘယ်လို ဖြတ်သန်းခဲ့တယ်ဆိုတာတွေကို မျှဝေပေးခြင်းအားဖြင့် ဒီကာလမှာ ဖြစ်လေ့ ဖြစ်ထရှိတတ်တဲ့ စိတ်ဖိစီးမှုတွေကို အားပေးကူညီရပါမယ်။
သူတို့ တွေပဲ ရုန်းကန်နေရတာ မဟုတ်ဘူးဆိုတာ သိသွားခြင်းက သူတို့ တွေအတွက် ပိုပြီး စိတ်သက်သာရာ ရစေနိုင်ပြီး၊ သူတို့ ကိုယ်သူတို့ အတွက်လည်း ပိုကောင်းတယ်လို့ ခံစားရနိုင်အောင် ကူညီပေးနိုင်ပါတယ်။
ဒီလုပ်ဆောင်ချက်တွေ နဲ့ ပတ်သတ်ပြီးတော့ တော့ သတိထားရပါမယ်။ ဒါပေမယ့် တစ်ချိုက မိန်းကလေးအများစုဟာ ဒီလို မိခင်ရဲ့အတွေ့အကြုံတွေ ကြားသိရတဲ့အခါ မိခင်လိုမျိုး ဖြစ်လာနိုင်ဖို့ အတွက်ဆိုပြီး ဖိအားပေးသလို ခံစားလာမိတတ်ကြပါတယ်။
ပြီးတော့ အမေတွေကလည်း သူတို့ဖြစ်ချင်၊ လုပ်ချင်နေကြတာတွေကို သူတို့ရဲ့ သမီးတွေအပေါ်မှာ တွန်းအားပေးနေသလိုမျိုး ဖြစ်တာကို သတ်မထားမိတာမျိုး ရှိနိုင်ပါတယ်။ မိခင်ရဲ့ အတွေ့အကြုံတွေကို မျှဝေတဲ့ အခါ သင် လုပ်ဆောင်ခဲ့တာနဲ့ မတူဘဲ အခြားနည်းလမ်းနဲ့ ကိုင်တွယ်ဖြေရှင်းဖို့ ရွေးချယ်ခဲ့ရင် သင့်ကလေးရဲ့ ရွေးချယ်မှု အပေါ်လေးစားရပါမယ်။
သင်နဲ့ သင့်သမီး နဲ့ မတူတာက ကောင်းတဲ့ အချက်လည်း ဖြစ်နိုင်ပါတယ်။ သင့်ကလေးမှာ သင့်ထက်သာလွန်ကောင်းမွန်တဲ့ သင့်မှာ မရှိတဲ့ အချက်တွေ ရှိနေနိုင်ပါတယ်။
သင့်မှာ သူ့လိုမျိုး အရည်အချင်းတွေရှိခဲ့ချင်တယ် ဆိုတာ သူမ သိရရင် အဲဒီ အရည်အချင်းတွေနဲ့ ပတ်သတ်ပြီး ရလဒ်ကောင်းကောင်း ဖြစ်လာဖို့ ကြိုးစားချင်လာနိုင်ပါတယ်။
သူမကို ချီးမြှောက်ပေးပါ။
မိဘတစ်ဦး အနေနဲ့ သင့်သမီးအတွက် ဂုဏ်ယူမိတယ်လို့ ခံစားရတဲ့ အရာတွေ အမြောက်အမြားရှိရပါမယ်။
Dr. Ludwig က “ သူမကကောင်းတယ်လို့ ခံစားရတဲ့ အပေါ်ကို ပိုပြီးကောင်းတယ်ဆိုတာ ပြောပြပေးပါ” လို့ပြောခဲ့ပါတယ်။ “ အဲဒါက သင့်ကလေးက ဘယ်လိုလူမျိုးလဲ ဆိုတာကို သိရှိနိုင်ဖို့ အတွက် အချိန်ယူတာပြီးဆိုတာကို ပြနိုင်ပါတယ်။”
ချီးမွမ်းမှုပေးတာကလည်း ကလေးတွေအတွက် မိမိကိုယ်ကို တန်ဖိုးထားတတ်တဲ့ စိတ်ကို တည်ဆောက်နိုင်ဖို့ အရေးပါပါတယ်။ အဲဒါက သင့်ကလေးကို ကိုယ့်ကို ကိုယ် ယုံကြည်မှုတွေ တည်ဆောက်လာနိုင်စေတဲ့အတွက် တီထွင်နိုင်မှုတွေ၊ ကိုယ်ပိုင် အပြုအမူ၊ အနေအထိုင်တွေ ကိုလည်း ပံ့ပိုးပေးနိုင်ပါတယ်။
ချီးမွမ်းတဲ့ စကားတွေကို အပေါ်ယံထက် ပိုပြီးတိတိကျကျပြောဖို့ ကြိုးစားသင့်ပါတယ်။
သင့် သမီးလေးရဲ့ အောင်မြင်မှုတွေကို အသိအမှတ်ပြုပေးပြီး အဲ့ဒီအတွက် သူမကို စကားဖြင့် ချီးမွမ်းထောက်ခံမှုပြုပေး တာကလည်း သူမအတွက် ကိုယ့်ကိုကိုယ်တန်ဖိုးထားတတ်တဲ့စိတ်ကို ပိုဖြစ်စေမှာ ဖြစ်ပါတယ်။
စိတ်ထဲမှာ သတိထားရမှာ တစ်ခုက သင့်ကလေးရဲ့ မိမိကိုယ်ကိုတန်ဖိုးထားတတ်တဲ့စိတ်ကို မြှင့်တင်ပေးနိုင်အောင် အတင်းရည်ရွယ်လုပ်ဆောင်တာကလည်း သင်လုပ်ဆောင် ပြောဆိုတဲ့ အပေါ်မူတည်ပြီး လိုချင်တာနဲ့ ပြောင်းပြန် ပိုဆိုးသွားနိုင်ပါတယ်။
သင့်ကလေးရဲ့ လုပ်ဆောင်ချက်တွေထက် သူ့ရဲ့ရုပ်ရည်ပေါ်မှာ ပိုပြီး ချီးမွမ်းတာတွေ လုပ်မယ်ဆိုရင် သူမအတွက် သူမလုပ်ဆောင်နေတာတွေထက် ရုပ်ရည်က ပိုအရေးကြီးပါလားဆိုတဲ့ အတွေး ဝင်သွားစေ နိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။