ဆေးလိပ်သောက်သုံးခြင်း၊ ဆေးရွက်ကြီး သုံးစွဲခြင်းတို့သည် နှလုံးရောဂါ ဖြစ်နိုင်ခြေကို ပို၍ များပြားစေပါသည်။ ထိုဘေးများမှာ အသက်ငယ်စဉ် အချိန်မှစ၍ သုံးစွဲသူများ၊ အလွန်အကျွံ ဆေးလိပ်သောက်သူများ၊ မိန်းကလေး ဆေးလိပ်သောက်သူများအဖို့ ပို၍ ခံရတတ်ပါသည်။ မိမိ မသောက်သော်လည်း ဘေးပတ်ဝန်းကျင်တွင် ဆေးလိပ်သောက်သူများ ရှိလျှင်လည်း ခံရတတ်ပါသည်။ ထိုသည်များကို ရှောင်ကျဉ်ခြင်းဖြင့် နှလုံးရောဂါဖြစ်ပွားမှုကို ရှောင်ရှားနိုင်ပါသည်။
နေထိုင်မှုပုံစံ ပြောင်းလဲခြင်းသည်လည်း နှလုံးရောဂါ ဖြစ်ပွားခြင်းနှင့် လေဖြတ်ခြင်းကို ၅၀ ရာခိုင်နှုန်းအထိ လျော့ကျစေပါသည်။ အဝလွန်ခြင်းသည်လည်း နှလုံးရောဂါ နှင့် ဆီးချိုရောဂါကို ပိုဆိုးစေသော အချက်တစ်ချက် ဖြစ်ပါသည်။
အထူးသဖြင့် အမျိုးအစား ၂ ဆီးချိုရောဂါသည် နှလုံးရောဂါ ဖြစ်ပွားမှုကို ၂ ဆ မြင့်တက်စေပါသည်။ နှလုံးရောဂါ ဖြစ်နိုင်ခြေ များလာလေလေ သကြားဓါတ် များလာလေလေ ဖြစ်တတ်ပါသည်။ ဆီးချိုကို ကြိုတင် မသိရှိပါက နှလုံးဖောက်နိုင်နှုန်း၊ လေဖြတ်နှုန်း၊ ကျောက်ကပ် ပျက်စီးခြင်း၊ ခြေထောက်ဖြတ်ရခြင်းနှင့် မျက်စိကွယ်ခြင်းများ ဖြစ်လာနိုင်ပါသည်။
စိတ်မကျန်းမာ သူများအဖို့လည်း နှလုံးရောဂါနှင့် လေဖြတ်နှုန်း ပို၍ များပြားစေနိုင်ပါသည်။ ဥပမာ စိတ်ဖိစီးမှုများခြင်း၊ လူအသိုင်းအဝိုင်း မဝင်ဆံ့ခြင်း၊ စိတ်လှုပ်ရှားခြင်း၊ စိတ်ဓါတ်ကျခြင်းများ ဖြစ်ပေါ်နိုင်ပါသည်။
တစ်နေ့ အရက်တစ်ခွက်၊ နှစ်ခွက် သောက်သုံးခြင်းသည်လည်း နှလုံးရောဂါ ဖြစ်ပွားနိုင်ခြေကို ၃၀ ရာခိုင်နှုန်းအထိ လျော့ကျစေနိုင်ပါသည်။ သို့သော် သောက်သုံးမှု များလျှင် နှလုံးကြွက်သားများကို ထိခိုက်စေနိုင်ပါသည်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။